2022-05-13 14:00:17
Onangiz asrangOnangiz yonida bir zum o‘tirib,
Mehrli ko‘zlarga bir to‘yib qarang,
Dunyo ishlarini bir chetga surib,
Onasi hayotlar, onangiz asrang!
Hayotdan ketganda qadri bilinar,
Tomoqqa hattoki suv ham ilinar,
Pushaymon bo‘larsiz, bag‘ir tilinar,
Onasi hayotlar, onangiz asrang!
Qalbini g‘am-alam qamrab olmasin,
Yo‘lingizni kutib ko‘zi tolmasin,
Keksaygan ko‘nglida armon qolmasin,
Onasi hayotlar, onangiz asrang!
Onasin holidan xabarsiz kishi,
Mazmunsizdir umri, bahoru qishi,
Hech qachon tugamas bu dunyo ishi,
Onasi hayotlar, onangiz asrang!
Onalar poyida bo‘lsa gar jannat,
Ne uchun onaga qilmaysiz xizmat,
Onadan ayrilmoq eng og‘ir qismat,
Onasi hayotlar, onangiz asrang!
Biz uchun hadisdur aytgan har so‘zi,
Dunyoda onaday zot bormi o‘zi?
Faqat quvonch bilan yoshlansin ko‘zi,
Onasi hayotlar, onangiz asrang!
Yaqinlarga ulashishni unutmang
https://telegram.me/joinchat/AAAAAEuZhFe7NVQQ9uu8kQ
489 views11:00