2022-05-10 06:50:01
Qaysi oyda tug'ilgansiz ? YANVAR: Kirishimliligingiz sabab atrofdagilar bilan tez til topishasiz. Sizni sevganlarni chin dildan qadrlaysiz. Ichki dunyoyingiz go'zalligi, tashqi qiyofangizda namoyon bo'ladi. Orzularingizning cheki yo'q. Ular ushalishiga ishonib yashaysiz. Kamchiligingiz - doim diqqat markazida bo'lishni istaysiz. Agar biror davrada e'tibordan chetroqda qolsangiz, arazlab to'ningizni teskari kiyib olmang.
FEVRAL: Aqlli va dunyoqarashi keng insonsiz. Ich-ichingizdan romantikaga oshufta bo'lsangizda, hayotga real ko'z bilan qaraysiz. Birovning qo'liga qarab o'tirishga tobingiz yo'q. Barcha ishlarni bir o'zingiz bajarishni yoqtirasiz. Jahlingiz tez chiqsda buni yashira olishingiz tahsinga loyiq.
MART: Istarasi issiq, sirli, yoqimtoy, qo'li va ko'ngli ochiq insonsiz. Ko'p gapirishni yoqtirasiz. Tez jahlingiz chiqadi. Tanbeh berishga ustasiz. Maqtov eshitish esa jonu dilingiz. So'ngi urfdagi kiyimlarni kiyishingiz, doim o'zingizga e'tiborli bo'lishingiz shart. Atrofdagilarga ham shunday munosabatda bo'ling.
APREL: Hazilkash, quvnoq, o'jar, sergap va hotamtoysiz. Atrofdagilar bilan yaxshi munosabatda bo'lasiz. Shuning uchun ishdayam oshig'ingiz olchi. Yangiliklardan doim boxabarsiz. Sport bilan shug'ullanish, musiqa tinglash, dam olish va sayohatga chiqish jonu dilingiz.
MAY: Ushbu oyda tug'ilgan insonlar qaror qabul qilishga usta bo'lishadi. Murosai madoraning ustasi farangi ekanliklari bois ulardan yaxshi rahbar chiqadi. Qo'rqmasdan maqsadlari sari intiladi. Hamisha kulib turgani uchun xafa qilishga botina olmaysiz. Shu sabab do'stlari ko'p. His-hayajonga beriluvchan, dilidagi tilidadir. Salbiy tomoni judayam e'tibortalabdir.
IYUN: Yozning ilk oyida tug'ilgan insonlar «Ichimdagini top» deydiganlardan. Xotirjam, dunyoni suv bossa ham to'pig'iga chiqmaydi. G'ururi baland. Bitta insonni sevadilar va ular uchun sadoqat muhim. Rashk olovini bir yoqsalar, o'chirolmay olam ovvora. Do'stlari uchun bor imkoniyatlarini ishga soladi. Rahbarlik qobiliyati kuchli.
IYUL: Betakror va go'zal inson. Yangi do'stlar bilan tanishishni xush ko'rasiz. Istasangiz zavq-u shavqqa to'la hayot kechirishingiz mumkin. Shu sabab muammolarga duch kelganda o'zingizni yo'qotib qo'yasiz. Biroz vazminroq bo'ling, hayotga jiddiy qarang.
AVGUST: Ko'nglingiz bo'sh. Ammo hamma narsa nazoratingizda bo'lishini xohlaysiz. O'zingizga ishonchingiz baland. Suvni ko'rmaguncha etagingizni yechmaydiganlar toifasiga kirasiz. Tasavvur olamingiz juda boy. Qiziquvchansiz. Kuchliligingiz va irodangiz o'rnak bo'lishga arzigulik.
SENTYABR: Ja'soratli inson. Sizga do'stlaringiz davrasida bo'lish yoqadi. E'tibortalabsiz-u, ammo odamlarning diqqatini o'zingiz tortishni bilmaysiz. Soxtalikni xushlamaydigan, samimiysiz. Hayotda biroz faolroq bo'lsangiz, ko'p narsaga erishasiz.
OKTYABR: Xotirangizga gap yo'q. Voqea-hodisalarga juda e'tiborlisiz. O'zingiz istagan narsalarga erishish uchun chin dildan harakat qilasiz. Olma pishib, og'zingizga tushishini kutmaysiz. Hazilga ustasiz. Doim kulib yurasiz.
NOYABR: Qaysar, ba'zi paytlarda qahri qattiq bu insonlarning irodasi kuchli. Ularni yupatish oson. Hamma joyda tartibni va ma'suliyatni talab qilishadi. Adabiy asarlar o'qishni va san'atni yaxshi ko'radi. Kechirish va unutishni o'rganishsa, yashashlari oson bo'lardi.
DEKABR: Chiroyli, ta'sirchan va faolsiz. Yaqinlaringizdan yordamingizni ayamaysiz. So'z bilan hamma narsani tushuntirib bera olasiz-u, ammo atrofdagilarni tinglashni bilmaysiz. Doim shoshib yurasiz. Sabrliroq bo'ling, shunda muammolar girdobida qolib ketmaysiz.
Yaqinlarga ulashishni unutmang
https://telegram.me/joinchat/AAAAAEuZhFe7NVQQ9uu8kQ
3.3K views03:50
P
