Ozodlik Radiosi

2023-02-06 06:40:55 Туркияда кучли зилзила юз берди

Мамлакатнинг камида тўрт вилоятида, шунингдек, Сурия шимолида биноларнинг қулаши қайд этилган.

Зилзила кучи 7,5 баллни ташкил қилган. Туркияда кучли зилзилалар туфайли энг юқори даражадаги огоҳлантириш эълон қилинди.

Расмийларга кўра, Шанлиурфа шаҳрида 16 уй қулаган, одамлар вайроналар остида қолмоқда.

Кадрларда Қаҳрамонмараш шаҳридаги уйни кўриш мумкин.

Озодлик радиоси
https://t.me/+h9T2X4VmdzQ3OGYy Ochish/sharhlash

2023-01-25 07:36:04 Айтишларича, Сурхондарё вилоятининг 12 туман ҳокимлари алмашиши кутилмоқда экан.

Озодлик радиоси
https://t.me/+h9T2X4VmdzQ3OGYy Ochish/sharhlash

2023-01-23 10:17:01 Лос-Анжелес яқинида номаълум шахс 10 кишини отиб ўлдирди

АҚШнинг Калифорния штатининг Монтерей-Парт шаҳрида якшанбага ўтар кечаси номаълум шахс Хитой тақвими асосида Янги йилни нишонлаётганларга қарата ўқ узди. Полициянинг билдиришича, 10 киши ҳалок бўлди ва яна ўн киши яраланди.

Associated Press агентлигининг ёзишича, ҳодиса рақс клубида содир этилган. Полиция воқеа жойига ўн дақиқада етиб келган. Ҳозирча ўқ отган киши қўлга олингани тўғрисида маълумот мавжуд эмас. Шунингдек, ўқ отилишига сабаб бўлган мотивлар ҳам номаълум.

Монтерей-Парк Лос-Анжелесдан 16 чақирим узоқликда жойлашган 60 минг киши яшайдиган шаҳардир. Аҳолисининг 65 фоизини келиб чиқиши Осиёдан бўлганлар ташкил қилади.

Озодлик радиоси
https://t.me/+h9T2X4VmdzQ3OGYy Ochish/sharhlash

2023-01-23 09:00:38 OzodNazar: Дарсликлар жангими ё дарслик чиқариш бизнеси учун жангми?

Кўрсатув муқовасига чиқарилган сарлавҳани (ALLAMJONOV AYBDOR?) Ўзбекистон президенти маъмурияти бошлиғи ўринбосари Комил Алламжоновнинг ўзи бундан икки йил муқаддам ишлатган: унинг 2021 йили босмадан чиққан китоби айнан шундай аталган эди.

Фақат Алламжоновнинг китоби номида савол аломати (?) йўқ эди.

Китоб номини сарлавҳа сифатида оларканмиз, уни савол аломати билан якунладикки, бунга эътиборингизга ҳавола қилинаётган суҳбат давомида янграган иддаолар асос бўлди.

Бугунги суҳбатдошимиз - Комил Жалилов, ўрта мактабларнинг 6,7,10- синфлари учун Адабиёт дарсликлари ҳаммуаллифи.

Комил Жалилов бир қатор ҳамкасблари билан 2022 йилнинг сентябрида президент Мирзиёевга видеошикоят қилган эди… Сарвар Усмон суҳбатлашди.

Озодлик радиоси
https://t.me/+h9T2X4VmdzQ3OGYy Ochish/sharhlash

2023-01-23 07:58:02 OzodNazar: Тарқатилган парламент; рус-қозоқ газ йўл харитаси; ўзбек гази тақдири

Ижтимоий тармоқларнинг ўзбек сегментида Ўзбекистон-Россия газ муносабатларига оид баҳслар ҳануз давом этаётган бир пайтда -18 январь куни Санкт-Петербургда Қозоғистон ҳукумати расмийлари “Газпром” раҳбарияти билан сўзлашувлар ўтказди ва Остона билан Москва ўртасида газ бўйича ҳамкорликнинг “йўл харитаси” имзоланди.

2022 йилнинг кузида Россия Қозоғистон ва Ўзбекистон билан “газ иттифоқи” тузишга қизиқиш билдираётгани ҳақида маълумотлар пайдо бўлган эди.

Қозоғистонга оид, лекин бир чети билан Ўзбекистонга алоқадор бу ва бошқа янгиликлар пайдо қилган саволларни иқтисодчи олим Сапарбой Жубаевга бердик. Суҳбат якунида берилган савол будир: Ўзбекистон ўз газидан ҳозиргидан унумлироқ фойдаланиши учун нима қилиш керак? Сарвар Усмон суҳбатлашди.

Озодлик радиоси
https://t.me/+h9T2X4VmdzQ3OGYy Ochish/sharhlash

2023-01-23 06:56:02 Украинадаги кўнгилли ўзбекистонлик аскарлар билан суҳбат

Ўзбекистонлик Фаррух Нурматов, ўзининг сўзларига кўра, яна бир ўзбекистонлик билан бирга, сўнгги ҳафталарда Украинанинг қақшатқич жанглар кечаётган Бахмут ва Соледарида бўлишган.

Украинадаги кўнгилли батальон таркибида бўлган 41 яшар Фаррухнинг Озодликка айтишича, бу ҳудудларда қаҳратон қишда ер тош каби музлаган, жанг қилиш оғир, аскарлар орасида қурбонлар кўп.

Фаррух ва яна бир ўзбекистонлик кўнгилли аскарга кўра, ҳозир Бахмут учун жанглар қаттиқ ва шиддатли бўлмоқда.

Озодлик уруш шароитида ўзбек жангчилари гувоҳлигини мустақил манбалар орқали тасдиқлаш имконига эга эмас.

Озодлик радиоси
https://t.me/+h9T2X4VmdzQ3OGYy Ochish/sharhlash

2023-01-21 16:20:10 Мирзиёевнинг “ишонган” бизнесменидан “ноинсоф” ҳокимгача: Ортиқхўжаев нимаси билан ёдда қолади?

Тошкент шаҳрининг 16 январь куни ишдан олинган ҳокими Жаҳонгир Ортиқхўжаевнинг кейинги тақдири номаълум қолмоқда. Президент Шавкат Мирзиёев Ортиқхўжаевни қишга тайёргарлик кўрмагани ва “ёлғон сводка” бергани учун лавозимдан бўшатганини айтган. Ўзбекистоннинг энг бой одамларидан бўлган Ортиқхўжаев Озодликнинг манфаатлар тўқнашувига оид қатор суриштирувлари марказида бўлган. У журналистларга таҳдид ва пойтахтдаги қурилиш ва бузилишлар билан боғлиқ можаролар билан ҳам тилга тушган эди. Озодлик Жаҳонгир Ортиқхўжаевнинг зиддиятли фаолияти ва сиёсий меросига назар ташлайди.

Озодлик радиоси
https://t.me/+h9T2X4VmdzQ3OGYy Ochish/sharhlash

2023-01-21 15:19:02 Магнусни мағлуб этган Абдусатторов нуфузли шахмат турнирида пешқадамга айланди

Нидерландиянинг Вейк-ан-Зи шаҳрида ўтказилаётган Tata Steel Chess 2023 супертурнирининг бешинчи босқичида ўзбекистонлик шахматчи Нодирбек Абдусатторов классик шахмат бўйича амалдаги жаҳон чемпиони Магнус Карлсен устидан ғалабага эришди.

http://bit.ly/3HlRszz Ochish/sharhlash

2023-01-21 14:19:03 Ўзбекистон ва Қозоғистон ўзаро маҳкум алмашиши мумкин

Қозоқ парламентининг қуйи палатаси депутатлари 18 январь куни Қозоғистон билан Ўзбекистон ўртасида маҳкум алмашувига доир битим ратификациясини маъқуллашган. Бу ҳақда Қозоғистондаги маҳаллий нашрлар хабар қилди.

http://bit.ly/3XLcSLO Ochish/sharhlash

2023-01-21 13:19:02 Ўзбекистон Тожикистондан электр энергияси сотиб ола бошлади

Сурхондарё вилоятининг қатор туманларига 18 январдан эътиборан Тожикистон орқали электр энергияси етказиш йўлга қўйилди.

“Ҳудудий электр тармоқлари” АЖ Сурхондарё ҳудудий филиали аномал совуқ даврида аҳоли ва ижтимоий соҳа объектларини узлуксиз электр энергияси билан таъминлаш мақсадида шундай чорага қўл урилганини маълум қилган.

http://bit.ly/3kyiSsL Ochish/sharhlash