Ostonov Minbari

2021-01-29 06:49:10 Самарқанд-Чимён - Амирсой - “Toshkent city” саёҳати 2 кунлик.
Дастур
1-кун (Самарқанд-Чимён)
06:00 - Чимёнгага жўнаб кетиш.
12:00 - 14:00 Чимёнга етиб бориш, меҳмонхонага жойлашиш ва тушлик (дастур ичида).
14:00 Чимён бўйлаб саёҳат.
18:00-21:00 - Кечки овқат (дастур ичида) ва кўнгилочар дастурлар
2-кун (Чимён-Амирсой-Тошкент-Самарқанд)
08:00-09:00 Эрталабки нонушта (дастур ичида).
09:00-12.00 “Амирсой”га саёҳат
12:00 -14:30 Тошкент шаҳрига йўл олиш ва тушлик (дастур ичида).
14: 30 -17:00 “Toshkent city’’ бўйлаб экскурсия
17:00 Самарқандга қайтиш
Хизматлар:
-транспорт ҳизмати;
-меҳмонхона (1 кеча);
-овқатланиш хизмати 4 маҳал
-кўнгилочар дастурлар.

Саёҳат нархи 1 киши учун шанба-якшанба кунлари 520 000 сўм, ҳафтанинг бошқа кунлари – 490 000 сўм.
ЧЕГИРМАЛАР: 10 кишидан иборат жамоани тузинг ва саёҳат учун 50% чегирмага эга бўлинг!
Тел: +998 91 5554899 тур-оператор Азиза Усмонова Ochish/sharhlash

2021-01-25 22:40:03 https://twitter.com/JahongirOston/status/1353789426376339458?s=09 Ochish/sharhlash

2021-01-25 21:31:06 Ushbu maqolada Tarix fanlari bo'yicha falsafa doktori Dilnoza Jamolova Buxoro amirining to'ylarni qisqartirish haqidagi qarorlari haqida hikoya qilgan.

Bizda Olimxon haqida gapirilganda, odatda, noshud bir kishi sifatida tasvirlashadi va tasavvur qilishadi. Aslida esa hammasi boshqacha bo'lgan. Faqat, buning uchun ko'plab arxiv hujjatlari ochilishi kerak, saqlanib qolgan bo'lsa.

Fayzulla Xoʻjayev, Sadriddin Ayniy, Fitratlar yozgan tarix butunlay to'g'ri va haqiqat degan dogmadan chiqib ketish kerak.

https://telegra.ph/BUHORO-AMIRLIGIDA-T%D0%8EJLARNI-TARTIBGA-SOLISH-B%D0%8EJICHA-AMALGA-OSHIRILGAN-ISHLAR-01-25

Buxoro tarixi kanalidan olindi
@ostonovminbari Ochish/sharhlash

2021-01-20 15:21:31 Жамиятга зарарли "қулоқ"лар ҳақида

Бу мавзу ҳақида анчадан бери ёзгим келарди. Бугун вақти экан. Жамиятда шундай тоифа бор - "акалари"га маълумот ташийдиганлар (кўпчилик "казёл" дейди) деб аталади. "Акалар" тушунарли хуллас. Маълумот ташийдиганлар кимлар ва қандай ишлар қилади? Келинглар, бундайлар ҳақида ўз кузатувим натижаларини айтсам. Бундайлар ҳаётда роса қийналган бўлади. Жуда омадсиз тарзда ҳаёт кечиради. Ҳаёти ҳудди СССРнинг қулаши вақтидаги дўконларни эслатади. Пул бор, расталар бўш. Ҳар қанча уринса ҳам ушбу "ботқоқ"ликдан чиқиб кета олмайди. Ўзидаги бор нарсалар унга роҳат бермай қолади. Атрофидагилари обрўсининг ошиши, ютуқларга эришаётгани уни алам оловига отаверади. Гарчи тан олмасада у атрофидагиларнинг ютуқларидан роҳатлана олмайди. "Нега мен эмас?" дея савол бераверади. Бундайлар ҳамма ташкилотларда учраши мумкин. Айниқса бизнинг жамиятда.

Шунда улар ўша ўзи оғайни деганлари ҳақида керакли жойларга исталган маълумотларни йиғиб жўната бошлайди. Гуруҳларда, чойхоналарда гапирилган гапларгача етказиб туради. Чойхоналарда нималарни гапирмаймиз а дўстлар?) Лекин бу "loser" (омадсиз мағлуб) ўша майда гапларгача етказиб туради. У эса бундан, бечора, кўпинча моддий манфаат ҳам олмайди. У ҳеч қачон ўзига савол бермайди. "Тўхта, кеча озроқ пулга зориққанимда шулар менга ёрдам (ёки садақа) берган эдику. Суҳбатда менга ишониб шу гапларни айтдику. Нега мен уларни сотишим керак? Нега мен "ака"ларимнинг гапларига алданишим керак?" демайди. У энди роҳатни етказган маълумоти ва олқишларидан ола бошлайди. Аммоси бор лекин.

Ундан фойдаланаётган "акалари" ундан маълумотни олгач, орқасидан "лох" дегандек кулиб ҳам қўяди. Хорижда маълумот сотиладида. Бу бўлса шунчаки бепул ташийди, ғариб. Ундан оддийгина "биомусур" сифатида фойдаланишаётганини тушунсайди) Айрим ҳолларда атрофидагилари буни шунақалигини билсада (чунки у қачондир хато қилиб, билдириб қўйган бўлади), мийиғида кулиб, гап олмоқчи бўлган илмоқли саволларига эҳтиётлик билан жавоб қайтаришни бошлайди. Нега ундан воз кечишмайди? Чунки, агар давра зиёли бўлса, ўзини ҳурмат қилганлар йиғилган бўлса, ундан воз кечмайди. "Казёл" аниқ бўлгани яхши. Ўрнига бошқа жўнатишганидан кўра, ўша аниқнинг олдида эҳтиёт бўлиб, масовсиратиб, ичда кулиб гапириш қанчалар яхши ва завқ беради)

Аммо вақт ўтиб у ўзини ейишни бошлайди. Вақт қаттиқ жазолайди. Қилган хатолари унга тиним бермайди. "Нега бундай қилдим? Дунёдаги энг қиммат нарса ишонч эмасми? Мен нимага эришдим ўзи, шунча дўстларни сотиб?" деб ўзини саволларга кўма бошлайди. Виждон азоби энг ёмони менимча. Қачондир виждон сени саволга тутади. Шу жараёнга тайёр бўлсанг бўлди. Нега бундай исқирт яшадинг деб. Вақти келиб яқин ва содиқларинг атрофида қолганинг яхшими ёки бир ўзингми? Танлов сенда.

Каналга манзил: @Zafarbek_Solijonov Ochish/sharhlash

2021-01-18 21:34:00 Ushbu xaritada Usmonli imperiyasining qurilishidan qulashigacha davri hududi ko'rsatilgan. Unda e'tibor berilsa 1908-yilgacha, ya'ni Yosh turklarning Ittihot va Taraqqiy hukumati davlatni qo'lgan olgan davrigacha Usmonli davlati katta hududni egallab kelgan. 600 yil davomida yashagan imperiya arzimagan o'n yilda yo'q bo'lib ketdi. Ittihotchilar kimlar edi? Anvar Posho, Tal'at Posho kabilar edi. 1918-yilda qochdi hammasi. Usmonlining halokatiga sabab bo'lgan Birinchi jahon urushiga aynan Yosh turklar hukumati davlatni boshlab kirgan.

@ostonovminbari Ochish/sharhlash

2021-01-18 13:21:35 Kapalak effekti
Bir hududda yuz bergan tartibsizlik boshqa bir hududda ma'lum bir sohalarda rivojlanishga sabab bo'ladi.
XX asrning 20-yillaridagi istiqlolchilik urushi paytida, Sovet Rossiyasi tazyiqidan qochgan yuz minglab O'zbek, turkman, tojiklar Afg'oniston rivojlanishiga hissa qo'shgan. Ular o'zlari bilan katta miqdordagi chorva, ot va qo'ylarni Afg'oniston hududiga olib kirishgan. Ayniqsa, Turkmanlar olib kelgan qorako'l qo'ylari davlatning qorako'l terisi eksportining oshishiga xizmat qilgan. Ilgari oz miqdorda faqat Rossiyaga teri eksport qilingan bo'lsa, endilikda Angliya va Germaniyaga ham eksport qilina boshlangan. Bunday migratsiya gilam sanoatining rivojlanishiga ham turtki bergan.

@ostonovminbari Ochish/sharhlash

2021-01-13 16:33:19 Rossiya imperiyasining Markaziy Osiyoni bosib olishdagi muhim janglardan biri, shubhasiz, Ko‘ktepa qal’asi uchun bo‘lgan. 1881-yilning 12-yanvar kuni uzoq davom etgan janglardan so‘ng general Skobelev Ko‘ktepa qal’asini ishg‘ol qilishga erishdi va shaharni talon-taroj qildirdi. Bu voqea tarixga Ko‘ktepa qirg‘ini nomi bilan kirdi.

https://daryo.uz/2021/01/12/boysunmas-turkmanlarning-boysundirilishi-rus-imperiyasi-koktepa-qalasini-egallashi-tarixi/

@ostonovminbari Ochish/sharhlash

2021-01-12 08:39:29 Hindiston qadimgi davrlardan buyon barchani o‘ziga jalb qilib keladi. Eramizdan avvalgi to‘rtinchi asrda Buyuk Aleksandr Hindiqushdan o‘tib “Hind sori” yuzlandi. Undan keyin kelgan salavkiylar, Baqtriya, Kushon imperiyasi bu diyorda hukmronlik qildi.

https://daryo.uz/2021/01/12/yoqib-yuborilgan-merut-amir-temurning-hindistonga-yurishi-tarixidan/

@ostonovminbari Ochish/sharhlash

2021-01-09 12:08:01 XX asrdagi urushlarni boshlab bergan 1904–1905-yilgi rus-yapon urushi doirasida bo‘lib o‘tgan muhim voqealardan biri, shubhasiz, Port-Artur qamalidir. Qamal 1904-yilning may oyida boshlanib, 1905-yilning 2-yanvar kuni Port-Arturning yaponlar tomonidan egallanishi bilan tugaydi.

https://daryo.uz/2021/01/05/port-artur-qamali-rus-yapon-urushining-eng-shiddatli-toqnashuv-tarixi/ Ochish/sharhlash

2021-01-06 09:10:42 Qo'qon tarixidan qiziq voqea. Odatda qadimgi xonlarni qoʻrqoq yoki jur'atsizlikda ayblashadi. Quyidagi voqeani o'qib bunday emasligini anglab olish mumkin.

Qo'qonda Umarxon hukmronligi yillarida, ya'ni XIX asr boshlarida xon Rossiyaga elchi yuboradi. Elchilikdan maqsad savdo karvonlarini Xo'jandga jalb qilish edi. Bu xuddi, bugungi kundagi chet eldan investor jalb qilishga o'xshab ketadi. Rossiya hukumatiga yuborilgan maktubda Umarxon karvonlar Qo'qon hududida qaroqchilik hujumiga uchrasa barcha xarajatni davlat xazinasidan to'lashga va'da bergan edi. Agar qaroqchilik Rossiya hududida sodir etilsa Rossiya tomoni zararni qoplashi kerak edi. Ikki tomon o'rtasida mazkur shartlarda kelishuvga erishiladi. Elchilik Qiziljarda qabul qilinadi.

Bir kuni Qo'qon elchisi Qiziljarda mast holatdagi rus askari tomonidan o'ldiriladi. Rossiya hukumati darhol askarni ushlab jazolaydi va surgun etadi. Elchilikning qolgan a'zolari o'n nafar rus askari hamrohligida Qo'qonga qaytib keladi. Elchisining o'ldirilganini eshitgan Umarxon qattiq g'azablanadi va ruslarni hibsga olib, imperatorga xat yozadi. Xatda qotilni o'ziga topshirishlarini va elchining xunini talab qiladi. Ruslar bergan jazoni tan olmasligini, qotilni o'z qo'li bilan o'ldirmoqchiligini aytadi. Ruslar esa ming tillo hajmida tovon to'lashga rozi bo'ladi. Rus asirlari esa qo'yib yuboriladi.

@ostonovminbari Ochish/sharhlash