Онлайн мактаб 4/uyda qoling

2022-07-02 07:48:02 O‘ZBEKISTON RESPUBLIKASI DAVLAT GERBI

“O‘zbekiston Respublikasi Davlat gerbi to‘g‘risida”gi qonun 1992-yil 2-iyulda O‘zbekiston Respublikasi Oliy Kengashining X sessiyasida qabul qilingan.
O‘zbekiston Respublikasining Davlat gerbi gullagan vodiy uzra charaqlab turgan quyosh tasviridan hamda so‘l tomonida bug‘doy boshoqlari, o‘ng tomonida ochilgan paxta chanoqlari surati tushirilgan chambardan iborat.
Gerbning yuqori qismida respublika jipsligining ramzi sifatida sakkiz qirrali yulduz tasvirlangan: sakkiz qirra ichida joylashgan yarim oy va yulduz musulmonlarning qutlug‘ ramzidir.
Gerbning markazida himmat, olijanoblik va fidoyilik timsoli bo‘lgan afsonaviy Humo qushi qanotlarini yozib turibdi. Ushbu ramz va timsollar xalqimizning tinchlik, yaxshilik, baxt-saodat, farovonlik yo‘lidagi orzu-umidlarini ifodalaydi.
Gerbning pastki qismida Davlat bayrog‘ini ifodalovchi chambar lentasi bandiga "O‘zbekiston" deb yozib qo‘yilgan. Ochish/sharhlash

2022-06-21 09:03:13 Барча юқори синф ўқувчилари, сизлар учун ёзги таътилда мароқли ҳордиқ дамлари бошланмоқда. 22 июндан бошлаб ҳафтанинг ҳар чоршанба куни соат 10:00 да мусиқий кўнгилочар Заковат ўйинлари ташкил этилади. Ўйин давомида мусиқий танаффуслар ҳамда ўйин сўнгида дискотека ўтказилади. Барча иштирокчилар совғалар билан тақдирланади. Барчангизни ушбу қувноқ ва қайноқ ёзги ўйинларда кутиб қоламиз Ochish/sharhlash

2022-04-30 20:04:01 БОЛАНГИЗГА АЛЛА АЙТИНГ ОНАЛАР

Улғаймасин қахри қаттиқ, бағри тош.
Кексайганда ёлғиз қолманг тўкиб ёш.
Беланчакнинг бир четиига қўйиб бош.
Болангизга алла айтинг Оналар.

Ғамлар кетиб энсиз дунё кенглашар.
Хузури хуш Жаннат тенги тенглашар.
Кўкда Хурлар нафас олмай тинглашар.
Болангизга алла айтинг Оналар.

Туннинг ярми,дунё сокин, тўлин ой.
Тўлин ойга кўзгу тутиб оқар сой.
Бахтингизни бутун этган эркатой.
Болангизга алла айтинг Оналар.

Момолардан мерос қолган бу қўшиқ.
Дил дардини куйга солган бу қўшиқ.
Тинглаб тоғлар ўйга толган бу қўшиқ.
Болангизга алла айтинг Оналар.

Толдим деманг сиз Аёлсиз сабрли.
Жилмайгувчи жон бўлсада жабрли.
Сизнинг учун бор дунёдан қадрли.
Болангизга алла айтинг Оналар.

Билмасангиз билмоқни кўп чораси.
Билганлар кўп ўзбек халқим ораси.
Ўғилми,қиз кўзингизнинг қораси.
Болангизга алла айтинг Оналар.

Алла айтмоқ оналарга қарз билиб.
Беланчакнинг болорига кафт илиб.
Тебранганда ғижирини куй қилиб.
Болангизга алла айтинг Оналар. Ochish/sharhlash

2022-02-15 14:20:52 Китоб ўқиш фойдали

Маълумки, олимларнинг таъкидлашича, жамиятда кўп китоб ўқилса жиноятнинг олдини олинади.Китоб ўқиганлар ичида жиноятчилар кам. Қамоқхоналарда мутолаани бошлаган жиноятчилар эса қайта қинғир йўлга қадам ташламасликлари ҳам ўрганилган.
Бундан ташқари китоб Нутқингизни ривожлантиради.Бировларнинг ҳаёти ҳақида ўқиркансиз, ўз фикрингизни ҳам тиниқ баён этишга ўрганасиз. Кераксиз ахборотларни фильтрлаш, гапингизни бировларга уқтиришингиз осон кечади. Сўз бойлигингиз ошади.
Бугун, 12-февраль куни шаҳар Ахборот-кутубхона марказида шаҳардаги корхона-ташкилот раҳбар-ходимлари китоб мутолаасида бўлдилар.
Азиз юртдошлар сизлар ҳам бизнинг сафимизда бўлинг!

Зарафшон шаҳар Маънавият ва маърифат бўлинмаси

Rasmiy kanal
https://t.me/zarafshon_shahar_axborot_xizmat Ochish/sharhlash

2022-02-14 08:35:51 Нега дуо қилаётганимизда кўзимизни юмиб оламиз?
Нега орзу қилаётганимизда кўзимизни юмиб оламиз?
Нега ҳадя қилаётган вақт кўзимизни юмиб оламиз?
Нега соғинч ҳиссини туйаётганимизда кўзимизни юмиб оламиз?

Чунки гўзал ва беғубор онлар кўз билан кўрилмайди...қалб билан ҳис қилинади.

Шундай қалб эгалари
борки... Сен у жойда
бўлиш учун борингни
беришга тайёр бўласан.

Шундай қалбларга
Аллоҳнинг саломи бўлсин! Ochish/sharhlash

2022-02-14 08:35:20 Бошқа бир манбаага кўра ушбу ноёб тош Ранжит Сингх тарафидан британиялик Ост-Индия компаниясига туҳфа этилган. Компания уни қиролича Викторияга тортиқ қилган. Қиролича ўз кундаликларида шундай ёзади: “Қимматбаҳо тош ажойиб. У Ранжит Сингхга тегишли бўлиб, Лахорда топилган. Эндиликда бу тош Буюк Британия тожига тааллуқли эканлигидан бахтлиман. Мен олмослар тожимизнинг бир қисмига айланиши борасида қайғураман”.
1851 йилда олмос Лондонда бўлиб ўтган кўргазмада намойиш қилинади. Айни дамда “Кўҳинур” қиролича Елизавета иккинчининг тожлари қаторида Тауэр музейида сақланади. 2002 йилда она қироличанинг дафн маросимда олмос билан безатилган тож Лондон кўчаларидан олиб ўтилган тобутда эди.
ХХХ
2015 йилнинг охирида “Инсон ҳуқуқлари ва ижтимоий адолат Умумҳиндистон жабҳаси” фаоллари қимматбаҳо тошни Ҳиндистонга қайтаришни талаб қилиб Олий судга мурожаат этган. Уларнинг фикрича олмос қонунга зид равишда Буюк Британияга олиб кетилган. Худди шу каби талабни покистонлик адвокат Жавад Иқбол Жафрий ҳам илгари сурган.
Ҳиндистон бош прокурори ўринбосари Ранжит Кумар Олий суд жараёнида қилган чиқишида “Кўҳинур” Буюк Британия томонидан ўғирланмагани, куч билан олиб кетилмагани боис Ҳиндистон унга даъвогарлик қилишга ҳаққи йўқлигини айтган. Бироқ орадан кўп ўтмай Маданият вазирлиги баёнот бериб, нима бўлганда ҳам Ҳиндистон ҳукумати олмосни мамлакатга қайтариш мақсадида барча чораларни кўришини маълум қилган. Ochish/sharhlash

2022-02-14 08:35:20 БОБУР ВА КУҲИНУР ОЛМОСИ
Дунёга машҳур “Куҳинур” олмоси ҳақида турли-туман афсоналар юради. Бу олмос узоқ йиллар давомида Малва давлати рожаларининг бош кийимларини безаб келган. Афсоналарда қачонлардир олмос рожалар бош кийимидан тушиб қолса, халқ қуллика тушади, деган фикрлар айтилган. Бошқа бир ривоятга кўра, олмос 5 минг йил аввал Ҳиндистон жанубидан топилган бўлиб, у “Махабҳорат” достонидаги афсонавий қаҳрамон Карнага тегишли бўлган.
ХХХ
1526 йилда Ҳиндистон буюк бобомиз Заҳириддин Муҳаммад Бобур томонидан забт этилади. Панипат жангида ҳинд рожаси Бикерамит ҳалок бўлгач, унинг рафиқаси оиласига тегишли бойликларни Бобурнинг ўғли Ҳумоюнга топширади. Ўлжалар орасида “Кўҳинур” олмоси ҳам бор эди. Ўшандан бошлаб Бобурийлар сулоласининг хукмдорлари “Кўҳинур”ни тожларидан асло туширишмаган ва “Бобурийлар олмоси” дейишган. Одамлар олмос Буюк Бобурийлар сулоласининг тожида турар экан, бу сулола асло завол кўрмаслигига ишонишган.
“Бобурнома”да ёзилишича, олмос 1294 йили Малва рожасига тегишли бўлган. Бобур унинг қиммати “Тамоми оламнинг икки ярим кунлик сарфига баробар” эканини айтади. Ҳумоюннинг ўғли буюк саркарда Акбар умри давомида олмосга бирор марта ҳам қўл теккизмаган. Кейинчалик афсонавий тош Шоҳжаҳон ихтиёрига ўтади. Унинг ўғли Аврангзеб тошни Лоҳурдаги Бадшоши масжидига жойлаштиради. Олмос у ерда 1739 йилгача сақланади.
ХХХ
Эрон шоҳи Нодиршоҳ Ҳиндистонни қўлга киритгач, барча бойликларни ўз тасарруфига олишга интилади. Аммо “Қўхинур”ни тополмай минглаб одамларни олмосни қидиришга жалб этади. Шунда сарой ходимларидан бири олмос Муҳаммад исмли амалдор бош кийимида яширилганини айтади. Базмлардан бирида Нодиршох Муҳаммадга мурожаат қилиб, дўстлик ришталари мустаҳкамланиши йўлида саллаларини алмаштиришни таклиф қилади. Бу таклифни инкор қилишнинг имкони бўлмайди. Бош кийим орасида олмосни кўрган Нодиршох “тоғ нури” деб бақириб юборади. Шу-шу олмос “Кўҳинур” номини олади. Ўз даврида Нодиршоҳ Кўҳинур ҳақида “Агар бир одам бешта тош олиб бирини шарққа, бирини ғарбга, бирини шимолга, бирини жанубга ва бешинчисини осмонга отиб, тошлар етган манзил оралиғини олтин, марваридлар билан тўлдирса, Кўҳинур қимматига тенг бойлик бўлади”, деган эди.
1747 йилда Нодиршоҳ ўлдирилгач олмос кичик ўғли шаҳзода Рох қўлига ўтади. Бироқ у хокимиятни қўлда ушлаб тура олмайди. Шу тариқа “Кўҳинур”га Нодиршоҳнинг энг яқин кишиси, кейинчалик афғон шоҳи бўлган Аҳмадшоҳ Дурроний эгалик қилиб, уни Афғонистонга олиб келади. 1773 йилда Аҳмадшоҳ вафот этиб, давлат тепасига ўғли Темур келади ва пойтахтни Қобулга кўчиради.
Темур вафотидан кейин ҳокимият учун курашаётган ўғиллар давлат тўнтариши қилиб, олмосни қўлга киритишга уринадилар. Замон Мирза уни қамоқхона деворига яширади. Бироқ қамоқхона нозири буни билиб қолиб, олмосни Шужо-ул-мулкка беради. Шужо-ул-мулк “Қўҳинур”ни олиб оиласи билан Лахорга келади. Бу ерда “Панжоб йўлбарси” номини олган Ранжит Сингхнинг паноҳида бўлади. Рожа олмос ҳақида хабар топгач, нима бўлса-да уни қўлга киритишга интилади. Бироқ Шужо-ул-мулкка эмас, балки унинг хотини Вафо Бегимга босим ўтказади. Аёл қийноқларга чидолмай асирларни озод қилиш, хавфсизлик таъминланиши ва нафақа тайинланиши эвазига олмосни рожага беради. Ранжит Сингх бу талабларга рози бўлади. У Шужо-ул-мулкка 125 минг рупий беради ва ҳар йили 60 минг рупий миқдорида умрбод нафақа тайинлайди.
ХХХ
“Кўҳинур”га эга бўлгач рожа Ранжит Сингх Панжобни бирлаштиради. У Ҳиндистонни Буюк Британия хукмронлигидан озод қилишни истайди ва бу иш қўлидан келмасликни билиб олмосни Ориссадаги Жагганатха ибодатхонасига совға қилмоқчи бўлади. Бироқ бу ишни амалга оширолмай вафот этади.
Шундан сўнг олмос Ҳиндистон генерал-губернатори Жон Лоуренс қўлига тушиб қолади. 1850 йилда эса “Кўҳинур” Ҳиндистондан олиб чиқилади ва Буюк Британияга келтирилади. Қимматбахо буюм қиролича Викторияга топширилади. Ochish/sharhlash

2022-02-14 08:35:05 АБДУЛЛА ОРИПОВ
Ўзбекистон Қаҳрамони, Халқ шоири
БОБУР
Мен-ку, оддий одам,
Шундоқ бўлса ҳам
Шукур, бас, деганча ғанимларим бор.
Шарт эмас уларга таъриф чинакам,
Бири жунунсифат, бирови хушёр.

Бировига ёқмас жиндек журъатим,
Бировига ёқмас мен юрган йўлак.
Ногоҳ бирор жойда чиқса сувратим
Бири ухлай олмай қийналса керак.

Биз шундай ўтамиз,
Яъни кун кўриб...
Майдагина кучсиз, майдагина зўр.
Ҳаётнинг мана шу буржидан туриб,
Мен Сизни ўйладим, ҳазрати Бобур.

Сиз – зобит, дастини чўзган дунёга,
Сиз – шоир, мангу бир аланга ёққан.
Наинки бандалар, Сизнинг сиймога
Не-не салтанатлар кек билан боққан.

Баҳодирлик ичра ёр Сизга Ҳумой,
Сиз улуғ зотларнинг изин босган эр.
Назмий саждагоҳда Сизга, ҳойнаҳой,
Имомликка ўтгай фақат Алишер.

Ҳа, ёлғиз шеър қолди, бошқаси, абас,
Етти иқлим аро достон нақлингиз,
Не бахт, парчин бўлиб тож деган қафас,
Бизга етиб келди олмос ақлингиз.

Айтинг, не топдингиз Сиз кезиб дунё,
Ҳануз боқишарлар шўришга тўлиб.
Шоирсиз, яхшиси, қолингиз, Мирзо,
Мушфиқ юртингизда бир шоир бўлиб.

1983 Ochish/sharhlash

2022-01-30 07:24:53 УСТОЗ
Лондон қироллик шифохонасининг юрак касалликлари бўйича маслаҳатчиси Ироқлик доктор Зиё Камолиддин 15 йиллик сафаридан сўнг Ироққа келди. Унинг ташрифи муносабати ила ташкил қилинган кечада қатнашиш учун залга кирмоқчи бўлганида эшик олдида газеталарини йўлакка ёзиб қўйган катта ёшли газета сотувчисига кўзи тушди. Зиё Камолиддин қарияга қараб бир он туриб қолдида ичкарига кириб кетди. Негадир ташқаридаги газета сотувчи қария унинг миясидан чиқмади. Зеҳнини банд қилиб тураверди. Доктор ўриндиққа ўтирди, аммо унинг мияси ҳамон ташқаридаги қария билан банд эди. Анжуманда доктор Зиё Камолиддинга медал топшириш учун уни саҳнага таклиф қилишганда доктор ўрнидан туриб ташқарига чиқиб кетди. У газета сотувчи қарияни қўлидан тортиб ичкарига чорлади. Ҳамма ҳайрон эди. Қария докторга:
- Қўлимни қўйиб юбор болам, нега мени ичкарига тортаяпсан?!- деди.
Доктор:
- Илтимос мен билан юринг!-деди.
Қария докторга қаршилик қилмасдан ичкарига кирди. Докторнинг кўзларидан ёш қуйилар эди. Докторнинг йиғлаётганини кўрган қария ажабланиб сўради:
- Ўғлим сенга нима бўлди? Нега йиғлаяпсан?
Доктор индамасдан қарияни саҳнага тортиб борди. Ҳамма ҳайрон тикилиб турар эди. Шунда доктор қарияни қўлини қўйиб юбориб уни қучоқлади. Унинг боши ва қўлларидан ўпиб деди:
- Устоз Халил! Мени танимадингизми?
- Йўқ, танимадим болам!
- Мен шогирдингиз Зиё Камолиддинман. Менга бошланғич таълимни сиз бергансиз. Сизнинг шижоатлантиришингиз сабабидан мен доимо пешқадам бўлдим.
Устоз шогирдини таниб уни қучоқлади. Зиё Камолиддин ўзига аталган медални олиб устоз Халилнинг кўксига тақиб қўйди ва ўтирганларга деди:
- Аллоҳга қасамки, булар эҳтиромга лойиқ инсонлар. Биз шуларни эътиборсиз қолдириб орқада қолдик, таназзулга юз тутдик. Уларнинг ҳаққини зое қилдик, ҳурматини жойига қўймадик. Уларни муносиб тақдирламадик. Бу киши бизга Бағдодда бошланғич босқичда араб тилидан дарс берган устозим Халил Али бўладилар! Ochish/sharhlash

2022-01-30 07:24:47 Ochish/sharhlash