2022-01-13 14:00:52
Эй аёллар(Мода деб кийимни тиззасидан тепада кийиб юрган айрим аёл-қизларга).Хўп қувасиз европанинг модасини,
Кийсам дейсиз кийимларнинг “дода”сини,
Майли кийинг хар қандайин сарасини,
Фақат узун кўйлак кийинг, эй аёллар.
Шим кийдингиз индамадик, майли дедик,
Кўр кўрона бу замоннинг зайли дедик.
Энди эса минг пушаймон, афсус едик,
Узун кўйлак кийиб юринг, эй аёллар.
Ўтирсангиз хижолатда қолар кўзлар,
Уялмайсиз, қизармайди хатто юзлар.
Хафа бўлманг ботса хамки аччиқ сўзлар,
Тиззангизни ёпиб юринг эй аёллар.
Дунё қойил қолган миллий урфимизга,
Ярашмайди бундай юриш Ўзбек қизга.
Қиёматда рахм қилинг отангизга,
Узун кўйлак кийиб юринг, эй аёллар.
Қани ўшал Зебуниссо, Мохларойим,
Шарқда машхур Ўзбек қизлари гулойим,
Бутун дунё хавас билан боқсин доим,
Узун кўйлак кийиб юринг эй аёллар.
Шухрат ШукурБарча, онасини яхши кўрадиганлар учун канал @Onalar_kanali
https://telegram.me/joinchat/TvtkE6oET_SJ2DTx
18.0K views11:00