ОЛТИАРИҚ ТУМАНИ ҲОКИМЛИГИ

2022-08-28 17:17:01 ЭРТАГА, 29 - АВГУСТ СОАТ 09:00 ДА ОЛТИАРИҚ МАРКАЗИЙ СТАДИОНИДА ЎЗБЕКИСТОН РЕСПУБЛИКАСИ ДАВЛАТ МУСТАҚИЛЛИГИНИНГ 31 ЙИЛЛИГИГА БАҒИШЛАНГАН КАТТА БАЙРАМ КОНЦЕРТИ БОШЛАНАДИ.
БАРЧА ОЛТИАРИҚЛИКЛАР ВА ТУМАНИМИЗ МЕҲМОНЛАРИНИ БАЙРАМ ТАНТАНАЛАРИГА ТАКЛИФ ҚИЛАМИЗ ! Ochish/sharhlash

2022-08-28 15:37:22 БУГУН ЎЗБЕКИСТОН ХАЛҚ ШОИРИ ЭНАХОН СИДДИҚОВАНИНГ ТАВАЛЛУД ТОПГАН КУНИ.

Фахр билан айтиш керакки, Олтиариқ ижодкорлар юрти. Бу маконда туғилган уч забардаст халқ шоири чиқди. Эркин Воҳидов, Анвар Обиджон ва Энахон Сиддиқовалар Олтиариқнинг ифтихорига айландилар. Бугун Эркинака ва Анваракалар гарчи орамизда йўқ бўлсаларда уларнинг этагини тутган замондоши, издоши, бир сўз қудрати ила содиқ шогирди Энахон Сиддиқова уларнинг иккинчи умрига қанотлар.  Юртимизда анъанавий қадриятлардан бири ўтганларни хурматини жойига қўйиб хотирлаш, борларини эъзозлаш ўзбегимнинг эзгу қадриятларидан бири десак хеч муболаға бўлмайди.
 
Бугун ўзбек адабиётининг вакили, давлат арбоби, Ўзбекистон халқ шоири, Олий мажлис Сенатори Энахон Сиддиқова таваллуд топган кун. Энахон Сиддиқова 1954-йилининг 28-август куни Фарғона вилояти, Олтиариқ туманида таваллуд топди. Фарғона давлат институтининг филология факултетида (1972–1976) таҳсил олди. Олтиариқ ва Фарғона туманлари мактабларида ўқитувчи, мактаб директори вазифаларида хизмат қилди (1976–1996). Ўзбекистон ХДП Фарғона тумани иккинчи котиби (1996), “Фарғона ҳақиқати”, “Ферганская правда” газетаси мухбири (1990–1997), Фарғона вилояти ҳокими ўринбосари котибияти ходими (1997–2001) лавозимларида ишлади. Ҳозир Ўзбекистон Ёзувчилар уюшмаси Фарғона вилояти бўлими раҳбари, “Қалб садоси” ҳафталик газетасининг бош муҳаррири вазифасида хизмат қилади. Энахон Сиддиқова 2013-йилдан Халқ депутатлари вилоят Кенгаши депутати, 2015 йилдан Олий Мажлис Сенати аъзосидир.

Энахон Сиддиқова Ўзбекистон Қаҳрамони, Ўзбекистон халқ шоири Эркин Воҳидовнинг “Оқ йўли” (1977) билан адабиётга кириб келди. “Қоракўз турналар”, “Суманбар насим”, “Кўнгил уфқлари”, “Ишқ ифори” шеърий тўпламлари, “Сирли тун фарёди”, «Она ҳақида қўшиқ», “Ватанга баҳшида умр” каби  ҳикоялар ва лиро-епик қиссалар мажмуаси, “Қизойимларга келинлик сабоқлари”, “Тиббиёт фидойилари”, “Халоскорлик”, “Эъзозли аёллар” каби публицистик асарлар нашр эттирди.

У ўз асарларида инсон деб аталган сеҳрли-мўжизакор хилқатнинг маънавий-ахлоқий фазилатларини алқайди, ҳимоя қилади, олқишлайди. Инсонга ишонч руҳи, самимият унинг ижодида бадииятнинг муҳим унсурлари сифатида бўй кўрсатади.

Энахон Сиддиқова “Энг улуғ, энг азиз” танловининг республика босқичи ғолиби. Адабиётимиз ривожи йўлидаги меҳнатлари муносиб тақдирланиб, унга 2004-йили “Дўстлик”, 2009-йили “Эл-юрт ҳурмати” орденлари, 2016-йили эса “Ўзбекистон халқ шоири” унвони берилди.

Энахон Сиддиқованинг шеърларини халқимизнинг таниқли санъаткорлари халқ тилидан тушмайдиган қўшиқлар куйлашган. Шу қатори шахсан камина Энахон Сиддиқованинг дуоларини олиб, унинг ижодидан "Онам тирик юрсин", "Асраб турар" шеърларини куйга солиб қўшиқ қилишлик насиб этди.

  Хурматли юртбоши ва халқи ардоқлаган Энахон Сиддиқова! Бугунги таваллуд айёмингиз муносабати билан сизга узоқ умр, сихат-саломатлик ва  фаолиятингизга улкан муваффақиятлар тилаймиз. Ўхшаши йўқ шижоатингиз, сермаҳсул қаламингиз, улкан қалбингиз билан халқимиз кўнглидан эгаллаган рутбангизга кўз тегмасин.


Муроджон КАМОЛИДДИНОВ
Президент таълим муассасалари агентлиги тасарруфидаги Э.Вохидов номидаги ижод мактаби "Тараннум" мусиқа тўгарак рахбари Ochish/sharhlash

2022-08-28 15:36:54      ТАБРИКНОМА           
     Ҳурматли Энахон Сиддикова!
      Сизни бугунги муборак таваллуд айёмингиз билан Олтиариқ халки, олтиариклик ижод аҳли номидан самимий муборакбод этамиз!
       Гўзал Олтиариқ бағрида камол топиб, айни дамда юрт равнақи йўлида, ижод каби  сермашаққат масъулиятни елкангизга ортиб, бутун Фарғона ижод мактабининг забардаст устози сифатида халққа хизмат қилиб келмоқдасиз. Сиздаги шижоат, жонсараклик, фидойилик таҳсинга лойиқдир.
       Сизга аввало Яратгандан мустаҳкам соғлик, узок умр, осойишта ҳаёт, ижодингизга баркамоллик, эзгу ишларингизда ривожлар тилаймиз.
       Доимо Аллоҳнинг паноҳида, яқинларингиз ардоғида бўлинг!

       Ҳурмат билан
       Олтиариқ туман ҳокимлиги, Маънавият ва маърифат маркази ва туман фаоллари. Ochish/sharhlash

2022-08-28 10:39:17 https://telegra.ph/BAJRAM-TU%D2%B2FASI-08-28 Ochish/sharhlash

2022-08-27 15:51:39 https://telegra.ph/Oltiari%D2%9B-bajram-tantanalari-davom-ehtmo%D2%9Bda-08-27-2 Ochish/sharhlash

2022-08-27 09:30:26 #Биласизми

Тиббиёт соҳасида ногиронлиги бўлган шахслар учун бериладиган айрим имтиёзлар

I ва II гуруҳ ногиронлиги бўлган шахслар:

барча республика ихтисослаштирилган илмий-амалий тиббиёт марказларида бепул даволанади;

Соғлиқни сақлаш вазирлиги тизимининг турғун даволаш-профилактика муассасаларида овқатланиш тўловидан озод қилинади;

вилоят кўп тармоқли тиббиёт марказларида бепул ёрдам олиш ҳуқуқига эга;

Бандлик ва меҳнат муносабатлари вазирлигининг кексалар ва ногиронлиги бўлган шахслар, уруш ва меҳнат фахрийлари учун санаторийларига бепул йўлланмалар олиш ҳуқуқига эга.

Шунингдек, I ва II гуруҳ ногиронлиги бўлган шахслар ва ногиронлиги бўлган болалар хусусий тиббиёт муассасаларида (стоматология ва косметология хизматлари кўрсатувчи муассасалар бундан мустасно) бепул тиббий хизматлардан фойдаланиш ҳуқуқига эга. Ochish/sharhlash

2022-08-26 17:40:06 #Биласизми

Айрим фаолият турлари бўйича лицензиялар 5 йил муддатга берилади

Фаолиятнинг лицензияланадиган турларини (кичик турларини) амалга ошириш учун лицензиялар уларнинг амал қилиш муддати чекланмаган ҳолда берилади, қуйидагиларни амалга ошириш учун лицензиялар бундан мустасно:

тиббий фаолият;
фармацевтика фаолияти;
минерал ўғитларнинг, ўсимликларни ҳимоя қилиш учун фойдаланиладиган кимёвий воситаларнинг улгуржи ва чакана савдоси бўйича фаолият;
гиёҳвандлик воситалари, психотроп моддалар ва прекурсорларнинг муомалада бўлиши билан боғлиқ фаолият;
таркибида тетрагидроканнабинол гиёҳвандлик воситасининг миқдори 0,2 фоизгача бўлган каннабис ўсимлигини гиёҳвандлик воситалари ва психотроп моддаларни ишлаб чиқариш ёки тайёрлаш билан боғлиқ бўлмаган саноат мақсадларида етиштириш, олиб кириш (олиб чиқиш), қайта ишлаш, сақлаш, реализация қилиш (бериш), олиш ва ташиш фаолияти;
кўчма радиотелефон (уяли) алоқадан ва телерадиоэшиттиришларни тарқатиш тармоқларидан фойдаланиш ҳамда уларнинг хизматларини кўрсатиш билан боғлиқ фаолият;
нефтни, газни (шу жумладан сиқилган табиий ва суюлтирилган углеводород газини) ҳамда газ конденсатини қазиб олиш, қайта ишлаш ва реализация қилиш соҳасидаги фаолият;
аффинаж фаолияти.

Ушбу фаолият турларини амалга ошириш учун лицензияларнинг амал қилиш муддатлари фаолиятнинг айрим турларини лицензиялаш тўғрисидаги низомларда ва уларнинг паспортларида белгиланади, лекин бу муддатлар 5 йилдан кам бўлмаслиги керак.

Лицензиянинг амал қилиш муддати тугагач, у лицензиатнинг аризасига кўра узайтирилиши мумкин. Ochish/sharhlash

2022-08-26 17:38:41 Oltiariq tumani xalq ta’limi bo‘limining 2022-yil 26-avgust kuni “USTOZLAR MILLIY FORUMI” tumandagi “Osiyo” to‘yxonasida o‘tkazildi.

Forumga to‘rtta sektor rahbarlari, faxriylar, maktab rahbarlari va ilg‘or, yuqori natijaga erishgan ustozlardan 300 nafari taklif qilindi.

Tadbirni Oltiariq tumani xalq ta’limi bo‘limi mudiri M.M.Teshaboyev kirish so‘zi bilan ochib berdi. Tuman hokimi Sh.A.Turdaliyev yuqori natijaga erishgan maktab jamoasini, pedagoglarni tuman hokimligini qimmatbaho sovg‘alar hamda faxriy yorliqlar bilan taqdirladi. Tadbir ko‘taringi ruhda tashkil qilindi.

Oltiariq tuman hokimligi ahborot hizmati. Ochish/sharhlash

2021-01-30 17:41:39 Туман Кенгашининг сессияси ўтказилди Ochish/sharhlash

2021-01-29 21:14:36 Ochish/sharhlash