2022-01-06 12:01:14
Davlat OTMlarning oʻquv adabiyotlari toʻliq elektronlashtiriladi.
“Davlat oliy taʼlim muassasalarining akademik va tashkiliy-boshqaruv mustaqilligini taʼminlash boʻyicha qoʻshimcha chora-tadbirlar toʻgʻrisida”gi Prezident qarori
(PQ–60-son, 24.12.2021 y.) qabul qilindi.
Qarorga muvofiq,
2022/2023 oʻquv yilidan moliyaviy mustaqil davlat OTMlariga quyidagi vakolatlar berildi:
Akademik mustaqillik sohasida: oʻquv rejalari, dasturlari, malaka talablarini tasdiqlash, taʼlim shaklini belgilash;
oʻqish davomiyligi muddatini belgilash;
doktorantura kontrakti miqdorini belgilash, oʻz hisobidan grant ajratib doktoranturaga kvotaga qoʻshimcha qabul qilish;
doktorant va mustaqil izlanuvchilarga ilmiy rahbarlik qilish tartibini tasdiqlash;
magistratura uchun sirtqi, masofaviy va kechki taʼlimni joriy etish;
akademik mobillikni amalga oshirish;
oʻz grifigi asosida darsliklar hamda boshqa oʻquv va ilmiy adabiyotlarni yaratish va nashr etish;
taʼlim sifatini ichki nazorat qilish.
Tashkiliy-boshqaruvdagi mustaqillik sohasida:
tijorat va notijorat tashkilotlarni tashkil etish;
muassasa tuzilmasini tasdiqlash va shtatini belgilash;
yangi taʼlim yoʻnalishlari va mutaxassisliklarni ochish, amaldagilarini tugatish;
ishga qabul qilish, ozod etish va rotatsiyasiga oid tartibni belgilash;
masofaviy taʼlimni ochish.
Qaror bilan Vazirlar Mahkamasi, vazirlik (idora)larning
quyidagi vakolatlari taʼlim muassasalariga oʻtkaziladi:
chet el fuqarolari oʻqishini xorijdan davlat OTMlariga koʻchirish;
qabul komissiyalari tarkibi, imtihon fanlarini tasdiqlash;
amaliyot oʻtashni tasdiqlash;
kiyim-boshga doir talablarni belgilash.
2022-yil yakunigacha barcha davlat OTMlarning oʻquv adabiyotlari toʻliq elektronlashtiriladi va yagona
“Elektron kutubxona” platformasi ishga tushiriladi.
OTMlarda hisobotlarni tayyorlashning qogʻoz shaklidan voz kechiladi va Oliy taʼlim jarayonlarini boshqarish axborot tizimi:
1-bosqichda – 2022 yil 1 martgacha quyidagilar joriy qilinadi:
“Oʻquv jarayonini boshqarish” qismi (davomat, oʻzlashtirish qaydnomasi va reyting daftarchasi, guruh jurnali, dars va imtihon jadvallari raqamlashtiriladi);
“Ilmiy jarayonni boshqarish” qismi;
“Maʼmuriy jarayonni boshqarish” qismi;
“Moliya-xoʻjalik faoliyatini boshqarish” qismi;
2-bosqichda – 2022 yil 1 maygacha:
“Taʼlim sifatini nazorat qilish” qismi joriy qilinadi.
Oliygoh.uz telegram kanallari O‘zbekcha | Русская | Grantlar
9.4K views09:01