Nasriddinovlive

2023-03-05 08:46:38 Хўп, бирданига ўлиб қолмадим. Бошқаларга ўхшаб, 60-70 га кириб вафот этарман. Лекин унга ҳам 10-20 йил қолди холоску. Яъни, ўртача умрнинг камида 4/3 ини яшаб бўлдим, фақат чорак қисми қолди-ку.

Унинг аксар қисмини қандай ўтказдим? Ибодатларим жойида, Раббимнинг айтганини қилиб, гуноҳлардан узоқда яшадимми? Ғийбат қилмадимми, ёлғон гапирмадимми, мунофиқ бўлмадимми, фақат ҳалол едимми, бировни оғринтирмадимми? Шунга ўхшаш саволларга жавобим қандай?

Намозларимни бирорта қолдирмай ўқидимми, одамлар билмайдиган яхшиликларим борми, ота-онам мендан розими, фарзандларимни Аллоҳни танийдиган қилиб тарбияладимми, бирор ночорга ёрдамчи бўлдимми, мазлумни ёнида тура олдимми?

Энг асосий саволимга келай: кўпи кетиб ози қолган умримнинг давоми олдингисидан (шариат мезонига кўра) яхшироқ ўтяптими? Олдинги гуноҳларимга каффорат бўладиган ишлар қиляпманми? Масалан, намоз ва рўзаларнинг қазосини ўқияпманми, ёмонликларни ювадиган яхшиликларни кўпайтиряпманми?

Аслида ўлим бирданига келади. Бу саволларни ўйлаб кўриишга фурсат бўлмаётган, ғафлат пайтида тўсатдан жонни олишади. Аммо фурсат борлигида ҳам шу ва бошқа кўпгина саволларга жавоб топишга ва ҳаётимизни яхшилик томонга ўзгартиряпмизми?

Бугунги 27 ёшли ўзим танимаган ва ишларини кўрмаган вайнернинг тўсатдан вафот этиши менда ушбу саволларни қайта пайдо қилди. Ҳар бир ўлим бизга ибрат бўлиши керак! У йигитни эса Аллоҳ раҳмат қилсин!

@MubashshirAhmad Ochish/sharhlash

2023-02-15 18:56:57 Noqulay suhbatlar

“Yo’q” degandan ko’ra, telefon ko’tarmaslikni tanlaymiz.

Yuziga aytgandan ko’ra, boshqalarga aytib yuramiz.

Xafaligimizni aytmaymiz, yana xafaligimizni sezmaganiga xafa bo’lamiz.

O’zi bilan gaplashib olgandan ko’ra, miyamizda gaplashib yuramiz.

Noqulay suhbatlardan o’zimiz qochamiz, natijasida yomonlik bo’lsa, boshqalarni ayblaymiz.

Gapirsam xafa bo’ladi deymiz, uyalamiz. Xafa bo’lishi unga foydali bo’lishi mumkinligini bilmaymiz.

Men tanigan eng kuchli odamlar noqulay suhbatlardan qochmaydigan odamlar.

Ichkaridagisi tashqarida. Haqiqatni ayta oladi.

Savollarini ochiq berishadi. Tanqidlarni ochiq olishadi.

Noqulay suhbatlar - hayot haqiqati. Hech qayerga qochib keta olmaysiz. Yoki o’zi bilan bir marta noqulay suhbat qurasiz, yoki butun umr o’zingiz bilan.

@azizrakhimov_blog Ochish/sharhlash

2023-01-30 18:39:52 Biz juda komfort zonadamiz..!

Har kuni 1 soat kitob o'qishga vaqt topa olmaymiz. Lekin soatlab pubg o'ynaymiz yoki soatlab ijtimoiy tarmoqlarda bemalol yuramiz.

Chet tili orqali ko'plab eshiklar ochilishi mumkinligini bilamiz, lekin o'qimaymiz. Sabablar bor masalan kurslar qimmat. Lekin internet ko'plab bepul kurslar bor hatto qidirib ham qo'ymaymiz.

Ha Biz komfort zo'naga tushib qolganmiz. Hayotimiz u qadar zo'r ham yomon ham emas, bir maromda ketyabdi ya'ni qimmat kiyimlar sotib ola olmaymiz yoki chet elga sayohatlarga chiqa olmaymiz, shu bilan birga och ham qolib ketmaymiz.

Bu komfort zonaga tushib qolishni dangasalik orqali deyman va bu dagasalik jismoniy mehnat bilan bo'g'liq emas bu aqliy dangasalik. Har kuni Har yerda bizni miyyamizni keraksiz, zararli malumotlar bilan boyitib boramiz. Bular asosan telefon va ijtimoiy tarmoqlar orqali yuz beradi. Bu malumotlar miyyani o'ziga jalb qila oladi va vaqt o'tishi sezilmaydi. Bu narsa miyyaga ham yoqadi va Sekin astalik bilan bu narsalarga narkotikdek o'rganib qoladi.

Qo'lingizga telefon oldizmi, birinchi bo'lib tiktok, Instagram yoki pubg ga kiradigan bo'lib qolasiz. Endi miyya kerakli narsalarni qabul qilgisi kelmay qoladi. Kitob o'qishni boshladimi uyqusi keladi. Qanaqadir kurs boshladi 1 hafta 10 kunda zerikadi. Borgisi kelmay qoladi. Biror baxona bilan shunchaki tashab ketadi.

Biz shunaqa oson hayotga o'rganib qolamiz. Kunimiz o'tsa bo'ldi. O'zgarishlarni hohlamaymiz. O'zgartishish uchun esa kuchli xohish bo'lishi kerak. Va bu xohish barcha kattami kichikmi barcha muvaffaqiyatli insonlarda bo'ladi.

Interviewlarda ko'rib qolamiz. Qasidir inson biror muvaffaqiyatga erishishdan oldin qiynalganliklari haqida, qayerdadir ofitsiant bo'lgani, arzimagan haq evaziga kimnidir qo'lida ishlagani yoki bolaligida Ota-onasi qanday qiynalib pul topib oilasini boqayotganini his qilganini va kelajakda bunday bo'lmasigini niyat qilganliklarini ko'p gapirishadi. Bu haqiqat.

O'ylab qolaman biz komfort zonadan chiqib harakat qilishimiz uchun albatta qiyinchilik ko'rishimiz, bo'sh hamyonimiz bo'lishi shartmi? Harakat qilishga motivatsiya topishimiz kerakmi? Bozorga borib sovuqda bir kun arava torib ko'ring, qurilishga borib bir kun ishlang, hech bo'lmasa bir kun mardikor bozoriga borib ko'ring yoki oilasini qiynalib boqayotgan inson bilan 1 soat gaplashing va bu narsalar butun hayotingiz davomida yuz berishi tassavur qiling.

Yoqadimi shunday hayot? Shunday yashashga rozimisiz? Yo'g'aa..! mana sizga haqiqiy motivatsiya bu hech qachon so'nmaydi. O'sha yerda ishlayotgan insonlarga ham vaqtida harakat qilish imkoniyati bo'lgan va ozgina qatiyatli bo'lganda hozir bunday holatga tushmasdi. Bu bilan ularni yomonlamoqchi emasman. Shunchaki harakat qilmasangiz siz ham shunday holatga tushishingiz mumkinligini ko'rsatmoqchiman.

P/s: Yuqoridagi yozilgan gaplarni aksariyati o'zim uchun aytigan gaplar. Men ham bu hayotda hali hech narsaga erisha olganimcha yo'q. Lekin harakat qilsa erisha olishimni bilaman.

@Nasriddinov_N Ochish/sharhlash

2022-12-31 13:26:49 Boshqalarga yordam berish uchun oldin o’zingni qorning to’q bo’lishi kerak.

Kambag’allikdan yomon narsa yo’q. Na o’zingga yordam bera olasan, na boshqalarga.

Eng yomoni, kambag’allikni yenggishni iloji borligini bila turib, kambag’al bo’lib o’tib ketish.

Ohirgi marta qachon boshqalarga yordam qildingiz? Bilaman, ertaga gazga to’lash kerak, shunga hali “vaqtingiz bo’lmagan”. Ochish/sharhlash

2022-12-22 20:06:30 Qadriyatlar gapirilmaydi, yashaladi

“Men aldamayman, bilasan-ku”

“Qachon yolg’on gapirganimni ko’rgansan?”

Yolg’on gapirmasligini ko’p aytadiganlar — eng ko’p aldaydiganlar bo’ladi

Doim to’g’risini gapiradigan odamlar, aldamasligi haqida hammaga gapirib yurmaydi

Nega?

Chunki ular buni fazilat deb bilmaydi

Halol odam uchun halollik oddiy holat. Har kuni qiladigan ishi

Tog’riso’z odam uchun aldamaslik oddiy holat, boshqachasini bilmaydi

Oddiy ishlar bilan hech kim maqtanmaydi

Men har kuni uxlayman

Yoki

Tishimni yuvaman deb maqtanmaysan-ku?

Alohida ta’kidlab gapiryaptimi, rost gapirish bu odam uchun oddiy holat emas

Buning misoli

Bir marta Pradoga o’tirib, rasmga tushib, hammaga ko’rsatib yurgan bolaga o’xshaydi

Hayotida bunday voqea kam bo’lgani uchun alohida ko’rsatadi, maqtanadi.

Huddi shunday mantiqda:

Allohdan qo’rqishini ko’p aytadiganlar, kam qo’rqadiganlar

Qanchalar ko’p va zo’r ishlashini gapiradiganlar, kam ish qiladiganlar

Halolligini hadeb gapiraveradiganlar, halollikka kam e’tibor beradiganlar

Do’stim, jigarim deb ko’p takrorlaydiganlar, qiyinchilikda birinchi bo’lib tashlab ketadiganlar bo’ladi

@azizrakhimov_blog Ochish/sharhlash

2022-11-19 19:09:15 Кулсанг ё йиғласанг-да ҳаёт давом этаверади. Фойдаси йўқ ташвишларни елкангга ортмагин.

Дунё озорлари чарчатса-да ундан маҳзун бўлмагин. Мумкин Аллоҳ Унга илтижо қилишдаги сасингни эшитмоқ истагандир.

Кулиб қоларман дея саодат онин кутмагин. Балки саодатманд бўлиш учун ҳам кулгин.

Тадбир эгаси Аллоҳ бўла туриб нега ўйга чўмасан?
Аллоҳ ҳузурида хамма нарса маълум бўла туриб, нега сени мажҳуллик қийнайди?
Хотиржам бўл, сен Асровчи Аллоҳ кўз ўнгидасан!
Тилингдан олдин дилинг билан: "Ишимни Аллоҳга топширдим", дегин.

Умримизнинг ҳар лаҳзаси қайтмас нафаслардир. Шундай экан, нафасларимиз истиғфор билан ҳаловат олсин:

استغفرالله العظيم الذى لا اله الا هو الحي القيوم و اتوب اليه

"Буюк Аллохдан мағфират сўрайманки, Ундан ўзга илоҳ йўқ. У тирик ва тадбирлидир ва Унга тавба қиламан!".

@MubashshirAhmad Ochish/sharhlash

2022-11-16 15:08:44 Stress haqida

Mashinani tez haydasang mazza qilasan

Lekin tez haydalayotgan mashinada o’tirsang stressga tushasan

Stressga sabab tezlik emas

Tormozga oyog’ing yetmasligi

Yomon vaziyatni o’zi stress qilmaydi

Vaziyatda hech narsa qila olmasliging stress qiladi

Siqilasan, chunki boshqa narsa qila olmaysan

Imtihondan oldin talabalar siqiladi

Lekin, rektor kelib — sen aniq kirasan — desa siqilish qolmaydi.

Hech narsa qila olmasang ham

Yordam bera oladigan tanishing bo’lsa siqilmaysan

Tanishing Alloh bo’lsachi?

Va senga, siqilma (9:40) deb aytgan bo’lsachi?

Shunda ham stressga tushasanmi?

@azizrakhimov_blog Ochish/sharhlash

2022-11-15 10:53:48 Vaqtni qayerdan olsam bo’ladi?

Ingliz tili, arab tili, dasturlash o’rganmoqchiman

Zo’r odamlar bilan tanishmoqchiman

Kitob o’qimoqchiman

Quron yodlashim kerak

Vaqtni qayerdan olsam bo’ladi?

Time-management sirlari bormi?

Bir kosa ovqat bilan 4ta och kishini to’ydirsa bo’ladimi?

Iloji yo’q. Kosa hajmi o’zgarmaydi. Ozgina ovqatga odam to’ymaydi.

Yoki bir kishi to’yadi, yoki 4ta chala to’ygan odam bo’ladi.

Vaqt o’zgarmas. Cho’zilmaydi, qo’shilmaydi. Yoki bitta ishni yaxshi qilasan, yoki 4ta ishni chala.

Biror narsani qilishni boshlash uchun boshqa narsani qilishni to’xtatish kerak.

Fokus — nima qilishni emas, nima qilmaslikni tanlash.

Keyingi safar maqsad qo’yganda

Ingliz tilini o’rganaman deb qo’yma.

Vaqt topa olmaysan baribir

Kuniga 2 soat instagram o’rniga 2 soat ingliz tili o’rganaman deb qo’y.

@azizrakhimov_blog Ochish/sharhlash

2022-11-04 19:13:11 Yomon deb aytgan davrlarim meni kechirsin. Ulardan ham battarlari kelishini o’ylab ko’rmagan edim. Ochish/sharhlash

2022-11-04 18:16:50 Дунёга арзон ишчи кучи етиштириб бераётган давлат сифатида танилганимиз рост. Бунинг сабаби, омиллари ва айбдорларини қидирмоқчи эмасман.

Балки чет элларда ҳалол меҳнат қилаётган юртдошларимга айрим тилак ва истакларимни айтмоқчиман:

1. Диёнат, урф-одат (буларнинг аксари динимизга мувофиқ) ва анъаналаримизни сақлаб қолинг!

Уларни фарзандларингизга ҳам ўргатинг, уқтиринг. Динини йўқотган одамчалик бахтсиз бўлмайди. Яхши яшайман деб, иймон неъматидан мосуво бўлиб қолманг.

2. Аксарингиз аҳолиси мусулмон бўлмаган давлатларда яшайсиз.

Биргина ножўя ҳаракат ё ёмон хулқингиз умуман мусулмонларга, хусусан ўзбекларга доғ туширади. Балки гўзал ахлоқингиз билан ғайридинлар қалбини юмшатинг.

Салафларимиз гўзал исломий ахлоқлари билан қанчалаб қалбларни ром этишган.

Малайзия ва Индонезияни мусулмон аскарлар эмас, мусулмон тужжорлар фатҳ этишгани кўп нарсани англатади.

3. Ишингиз, меҳнатингиз пешона тери билан ва ҳалол.

Лекин шу меҳнат асносида ўқинг, ўрганинг, малакангизни оширинг.

Олган таълимингиз, ўрганган хунарингиз ва топган маблағингизни ишга солиб, жуда бўлмаганда ватанда икки кишининг қозони қайнашига сабаб бўладиган корхона очинг. Турк ва ҳиндлар шу йўл билан ҳам анча ривожланишган.

4. Топган-тутганингизни юртимизда сарфланг.

Сарфлаганда ҳам иморат, улов каби орзу ҳаваслар учун эмас, келажагингиз ва наслингиз бўлган фарзандларингиз тарбияси ва таълими учун сарф этинг.

Бу билан маблангизни энг ўринли жойга инвестиция (ётирим, сармоя) қилган бўласиз. Қолаверса ортингиздан дуо қилувчи фарзанд қолдирасиз.

08.11.2020

@MubashshirAhmad Ochish/sharhlash