2022-09-24 08:11:38
DOKTOR ALI SALLOBIY TAVSIYALARIKim farzandlarini ruhiy xastaliklardan saqlashni va buyuk shaxsiyat egasi boʻlishini istasa, quyidagi tavsiyalarga rioya qilsin, inshaalloh, yaxshi natijaga erishadi.
Farzandlar bilan aloqani mustahkamlash dasturi:
Farzand bilan har kuni 20 daqiqa doʻstona suhbat (maktabi, oʻqishi haqida gapirmay va pand nasihatsiz).
Har kuni 5-10 marta ota-ona oʻz farzandlariga mehr-muhabbat hislarini izhor qilishi.
Har kuni 5 marta farzandning yaxshi axloqi, chiroyli amaliga maqtov aytish.
Har kuni farzandning oʻzini tutishi va koʻrinishiga maqtov aytish (tabassumi, chiroyli, sogʻlom qadam tashlashi…)
Haftada bir marta farzand bilan uydan tashqaridagi mashgʻulotni birga bajarish (piyoda yurish, sport bilan shugʻullanish, avtoulovda sayr qilish…), besh daqiqa boʻlsa ham.
Hayot asoslarini bolada paydo qilish uchun uyqudan oldin har kuni “falon yaxshi ishni bajarganingda oʻzimni juda baxtiyor his qildim”, “ukangga qaraganing juda katta ish”, “falonchi kelishuvimizga amal qilganing men uchun faxr” kabilar orqali oʻz rizoligingizni bildirib turing.
Haftada bir yoki ikki marta oilaviy maslahat va suhbat uchun kechki taomni oila davrasida tanavvul qilish.
Har kuni 1-3 daqiqa bolaga toʻliq quloq solish, quyidagi holatda: xoli, tinch joyda farzandga xohlagan gapini, chegara va qaydlarsiz gapirishiga ruxsat berib, quloq tutish.
Tasarruflar bilan farzandga boʻlgan muhabbatni izhor qilish: boshning orqa tarafini silash – mehribonlik va shafqatni ifodalaydi, boshiga qoʻlni qoʻyish – faxrlanishni ifoda qiladi, qoʻlni peshonasiga qoʻyish – tinchlantiradi, qoʻlini tutish – ota-bola oʻrtasidagi aloqani kuchaytiradi, agar asabiy boʻlsa, koʻksini silash bilan tinchlantiring…
Quchoqlash. Nabiy sollallohu alayhi vasallam farzand tarbiyasida bizga oʻrnak zotlar. U zot Fotima roziyallohu anhoni masjidda yoki sahobalar huzurida peshonalari, qoʻllaridan oʻpar va bagʻirlariga bosar edilar.
Shu dasturga amal qilib, farzandingizga oʻz mehringizni izhor qilish, uning naqadar ulugʻ neʼmat ekanini his qildirish orqali oʻrtangizda kuchli bir aloqa vujudga kelsinki, u sizning huzuringizda chiroyli xulq egasi, itoatli, kattalarga hurmat va kichiklarga izzatli va ota-onasini rozi qiladigan haqiqiy muslim boʻlib ulgʻaysin, axloqini ruhan va jisman buzuvchi omillardan uzoqlashib, ularga duch kelganda oʻzini toʻgʻri tuta oladigan inson boʻlib yetishsin.
GiyosiddinYusuf
@
Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@love_ifor
1.0K viewsedited 05:11