Musayev blogi

2022-08-30 10:46:19 O'qishni qanday boshlash bo'yicha birinchi kurslar uchun eng yaxshi qo'llanma — ultimate guide )

Birinchi kursni, ayniqsa, birinchi semestrni qanday o'tkazish 4 yil davomidagi katta narsani hal qiladi. Bugun shu narsa haqida yozishga qaror qildim.

1. Universitet haqida (ko'p gapirilgan) haqiqatlar
— Universitet sen orzu qilgan joy emas
— Talabalik ham sen tasavvur qilgan "oltin davr emas"
— Universitet payti uchun o'ylab qo'ygan rejalaringni yarimini ham qila olsang katta gap
— "Universitet o'qishing uchun maksimal halaqit beradi"

Sening yutug'ing — sen bularni bilasan. Bularga tayyor bo'la olasan. Universitet esa senga kerak, aniqrog'i u yerdagi 4 yil vaqtdan unumli foydalanishing kerak.

2. Birinchi semestrni qanday o'tkazish kerak

— Abiturientlik payti "Talaba bo'lvolay qilib tashlayman" degan orzularingni (ingliz tili, IELTS, zalga chiqish, bir oy cho'zilib yotish..) bir muddat chetga surib tur

— Birinchi ikki oy muddatni o'qishga moslashib olish va ustozlarda ilk taassurotni yaxshi qoldirish uchun sarfla

— Niyati faqat o'qish bo'lganlar orasidan do'st top, ular bilan birga vaqt o'tkaz, xonadosh bo'l. Bu juda muhim!

— Iloji boricha kutubxonadan yoki internetdan kerakli adabiyotlarni tezroq topib, olib qo'y

— Mayda vazifalarni ortga surib yurma, chunki imtihon payti katta vazifalar bilan yig'ilib seni dovdiratib tashlaydi

— Keyingi ikki oyda keyingi semestrdan boshlab qilmoqchi bo'lgan ishlaringni rejalashtir va ularga zamin yaratib bor. O'zingga mos kurslar, zallar, sport maydoni va hokazolarni ko'rib chiq.

— Birinchi semestrni imkon boricha balandroq bahoga yop. Ammo baho olish eng qiyin bo'ladigan semestr shu bo'lishiga ham tayyor tur.

— Keyinchalik chetda o'qish niyating bo'lsa, "Bahoning ahamiyati yo'q" degan cho'pchak va bahonalarni yig'ishtir

— Guruhdoshlaring bilan raqobat emas, hamkorlik qil.

— Barcha narsani qilishga o'zing ulgurmaysan. Imkon borida kimgadir qildir yoki eng yaqin do'stlaring bilan kelishgan holda vazifalarni taqsimla

3. Qo'shimcha tavsiyalar

— Ishlama! Bilaman, katta bo'lib qolgansan. Bilaman, uydan pul olishga uyalasan. Bilaman, ular shundoq ham kontraktingni to'layapti. Lekin talabalik sohangda mutaxassis bo'lish uchun oxirgi davr. Vaqtni shunga sarfla. Undan keyin xohlamasang ham ishlaysan.

— Uydagilardan pul olayotganda uyalsang, ularga va'da ber. Ertaga shu pullarini ortig'i bilan qaytarishga, zo'r mutaxassis bo'lishga va'da ber. Keyin esa vadangni bajar!

— Abiturientlik paytingdagi rejimingni o'chirib qo'yma! Oylab vaqtingni shunchaki divanda kino ko'rish bilan yoki kechasi bilan PUBG o'ynash bilan o'tkazib yuborma. Uydagilardan pulni buning uchun olmayapsan.

— Har bir haftangni, kuningni oldindan rejalashtirishga odatlan! Unutma, aslida hammasiga ulgurish mumkin. Eng kamida sen o'ylaganingdan ko'ra ancha ko'prog'iga. Bunga o'rganish uchun esa #time_management tegi bilan yozgan postlarimni o'qishni boshla.

— Postni hech bo'lmaganda bitta talaba bo'lgan do'stingga yoki uka/singlingga ulashib qo'y ))

P.S: "Senlab" yozganimga hafa bo'lmaysizlar. O'zimning ukam bo'lganda, u bilan kamida shunaqa gaplashardim...

#studentlife

Blog | Kutubxona | YouTube | Instagram Ochish/sharhlash

2022-08-29 20:30:26 Uchinchi yo'l...

Hayotda har doim negadir ikkita yo'ldan bittasini tanlashga to'g'ri keladi (deb hisoblaymiz):
- a'lo baholarga o'qish yoki soha mutaxassisi bo'lish
- oilangiz xohishi yoki sizning xohishingiz
- dunyoviy yoki diniy olim bo'lish
- karyera yoki oila

Biz odatda shu kabi tanlovlardan birini tanlaymiz va eng muhimi ikkinchi tomonni qurbon qilamiz.

Menga esa negadir (deyarli) har doim hech nima qurbon bo'lmaydigan, ikki tanlov balans bo'la oladigan uchinchi yo'l bordek tuyulaveradi. Lekin u yo'l qattiq mehnat va qa'tiyat talab qilganligi sababli uning borligini yoki ko'pchilik bilmaydi yoki bilsa ham undan yurishga harakat qilmaydi va hamma qatori yashayveradi.

Men bir narsani his qilaman. Alloh doim bizni baxtli bo'lishimizni xohlaydi. U bizni xafa qiluvchi qurbonliklarga muhtoj emas.

Uchinchi yo'lni albatta qidirib ko'ring...

P.S: Post bugungi aynan shu kabi fikrlovchi odam gaplaridan ilhomlanib yozildi

#justthoughts

@musayev_blogi Ochish/sharhlash

2022-08-28 18:38:50 if you know, you know
@yuldoshevg Ochish/sharhlash

2022-08-28 07:42:10 Hurmatli Grandga o'qishga kirganlar! Grand so'zi T bilan yoziladi. Grant! Ochish/sharhlash

2022-08-28 07:34:44 Hurmatli Grandga o'qishga kirganlar!
Grand so'zi T bilan yoziladi. Grant! Ochish/sharhlash

2022-08-25 18:26:13 Fulbrightda ikkinchi marta suhbat bosqichiga o'tibman.

"Nima uchun Fulbrightni tanlashim kerak?" degan savolga tayyorlanib
turishlari kerak intervyu oluvchilar )

P.S: Fulbright - Amerikada magistratura bosqichini to'liq moliyalashtirgan holda o'qish imkonini beruvchi grant dasturi

#fulbright #joke

@musayev_blogi Ochish/sharhlash

2022-08-23 17:32:53 Pocket Vocabulary barcha qismlari sotuvda! Kitob A1 va A2 qismlari e'lon qilingandan keyin ko'pchilik bizdan B va C qismlar haqida so'rashgan edi. Sizni uzoq kuttirganimiz hisobiga Pocket Vocabulary kitobining barcha qismlari chop etilib sotuvga chiqqanini… Ochish/sharhlash

2022-08-23 16:03:27 Pocket Vocabulary barcha qismlari sotuvda!

Kitob A1 va A2 qismlari e'lon qilingandan keyin ko'pchilik bizdan B va C qismlar haqida so'rashgan edi.

Sizni uzoq kuttirganimiz hisobiga Pocket Vocabulary kitobining barcha qismlari chop etilib sotuvga chiqqanini e'lon qilmoqchimiz.

Oxford tomonidan taqdim etilgan, ingliz tilida eng ko'p ishlatiluvchi 3000 ta so'zga asoslangan
— So'zlarning tarjimasi
— Turkumi va darajasi
— Sinonim va antonimlari
— So'z birikmalari (Collocations)
— Misol gaplarni o'z ichiga olgan
— Cho'ntakka sig'uvchi kartochkalar
o'lchamiga keluvchi kitobimiz siz uchun foydali bo'ladi degan umiddamiz.

Pocket Vocabulary 5 ta A1, A2, B1, B2 va C (C1 va C2 birgalikda) qismdan iborat bo'lib. Ularning barchasini Asaxiy Internet do'konidan xarid qilishingiz mumkin.

A1 qism — Sotib olish | Demo variant

A2 qism — Sotib olish | Demo variant

B1 qism — Sotib olish | Demo variant

B2 qism — Sotib olish | Demo variant

C1, C2 qismlar — Sotib olish | Demo variant

Telefon orqali buyurtma:
+998712000105

Batafsil ma'lumot:
@pocketvocabulary Ochish/sharhlash

2022-08-22 22:27:01 Nima uchun Germaniya (DAAD) emas Irlandiya?

GrantGO loyihasi va o'zim o'tishni boshlagan kurslardan bildimki bizda Germaniyada o'qishga bo'lgan qiziqish juda baland. Men esa tayyor to'liq qoplanuvchi grantni bekor qilib o'tiribman. Qanaqadir Irlandiya degan davlatni deb )

Nima uchun bu qarorga keldim degan savolga javob ko'pchilik uchun qiziq bo'lsa kerak. Bugun va nihoyat shu haqida aytib o'tmoqchiman.

1. Irlandiyadagi magistr dasturi Germaniyadagiga qaraganda menga ko'proq yoqdi
Irlandiyada ham Germaniyada ham deyarli o'xshash soha IT va Biznes kesishgan magistratura dasturlariga topshirgan edim. Lekin Germaniyadagi dastur ko'proq texnik, Irlandiyadagi esa ko'proq biznes tomonga urg'u bergandi. Menga aynan hozir 2-si ko'proq qiziq bo'lgani uchun Irlandiya qiziqroq tuyuldi. Bundan tashqari Germaniyada o'qish qay darajada qiyin ekanini ko'pchilikdan eshitdim. Dangasaroqligim sabab bunday yuklama bilan o'qigim kelmadi.

2. Nemis tilini bilmayman va o'rganishdan foyda ko'rmadim (hozircha)
Ko'zingizga qanchalik yomon ko'rinmay men DAADni nemis tilini bilmasdan turib yutdim. Nemis tilini o'rganish esa menga kelajakda faqat Germaniyada yashab qolsamgina kerak bo'lar ekan. Bu narsa rejamda yo'q bo'lganligi sababli uni o'rganishga unchalik qiziqmadim. Yangi tilni o'rganishga qo'shimcha vaqt ham ketar edi. Irlandiya esa 99% ingliz tilida so'zlashuvchi davlat. Shu sabab u yerda ingliz tilimni mustahkamlab olish imkonim bo'ladi.

3. Ayni damda 2 yil magistr uchun ko'pdek tuyuldi
Ikki yil umrimni magistr uchun sarflagim kelmadi. Baribir aniq bilaman magistraturada ham menga hamma narsani miyamga quyib qo'yishmaydi. U ko'proq networking va dunyoqarashni kengaytirish uchun kerak. Shu sababli menga 1 yil ham yetadi deb o'yladim. Irlandiyada esa ko'p magistr dasturlari Britaniyadagi kabi bir yil.

4. Irlandiya ko'proq mustaqillik berardi
Moliyaviy jihatdan olib qaraganda DAAD Irlandiya Hukumati grantidan ancha yaxshiroq bo'lishi mumkin. DAAD o'zim oldimdan katta xarajat qilmasligim aniq edi. Lekin Irlandiya Hukumati grantining menga hozirgacha eng yoqqan tomoni uni yutgandan keyin g'olibni "o'z holiga tashlab qo'yishi" bo'ldi. Albatta bu kimgadir g'alati eshitilar. Lekin men kabi erkinlikni yaxshi ko'ruvchi odamga bu to'liq jarayonni qiyinchiliklari bilan his qilish uchun ayni muddao bo'ldi.

5. Tabiat
Negadir chet elda o'qish haqida o'ylasam doim chekkaroq shaharda tabiat qo'ynida o'qishni orzu qilardim. Men o'qishni boshlaydigan Cork shahri esa ayni shu orzum uchun yaratilgandek. Germaniya shaharlaridan ko'ra menga shu tabiat qiziqroq tuyuldi.

#masters #ireland #goi_ies #daad

@musayev_blogi Ochish/sharhlash

2022-08-19 15:00:58 The only thing I know for sure right now that I must keep on working on becoming the best version of myself which seems far away yet...

#notetoself Ochish/sharhlash