1. Қозоғистонда ижтимоий тармоқ фаолларининг норозиликларидан | Муҳрим

1. Қозоғистонда ижтимоий тармоқ фаолларининг норозиликларидан сўнг, россиялик хонанда, Россиянинг Украинадаги ҳаракатларини қўллаб-қувватлаётган Полина Гагаринанинг Олмаотадаги концерти бекор қилинибди. Концерт 14 февралга режалаштирилган экан, унинг анонси чиқиши билан ижтимоий тармоқларда "Қозоғистонга машҳур Z-санъаткорни таклиф қилган" ташкилотчилар танқидга учраган. Қозоқларга қойил.

2. Украинадаги жангларда замбиялик 23 ёшли Лемехани Натан Ньиренда ҳалок бўлибди. У аслида талаба экан, аммо 2020 йилда 9,5 йилга қамалган, Москвадаги қамоқда ўтирган экан. 22 сентябрь куни ҳалок бўлган, ҳозир жасади Ростовда. Унинг Украинага қандай қилиб бориб қолгани номаълум. Шу сабабли Замбия ҳукумати Россиядан унинг фуқароси қандай қилиб Украинага бориб қолгани ҳақида зудлик билан маълумот беришни талаб қилибди. Замбияга ҳам қойил.