Muhammad Odil Hamid | Rasmiy kanali

2022-09-22 16:11:43 Joylarimiz oz qoldi In Shaa Alloh! Shoshiling!
Admin

https://t.me/muhammadodiluzofficial Ochish/sharhlash

2022-09-22 12:47:48 Assalomu alaykum.

Misrda Qohirada ikki mehmonimiz bor.

Ta’lim tizimimiz, Dorululum Istanbul haqida ma’lumot olishni istasangiz, Turkiyada o’qish haqida bilmoqchi bo’lsangiz aloqaga chiqing:

http://t.me/misrziyorat_bot Ochish/sharhlash

2022-09-22 11:30:19 #мутолаадан_фойдалар

Бир улуғ зотнинг илҳоми бошқалар
ҳақида қатъий ҳужжат ҳисобланмайди

Бирор улуғ кишига берилган илҳом бошқа бирор киши ҳақида қатъий ҳужжат ҳисобланмайди. Ҳаттоки илҳом бўлган кишининг ўзи ҳам унга эргашиши ва амал қилиши шаръий вожиб ҳисобланмайди, яъни бунга хилоф қилса, гуноҳкор бўлмайди. Лекин ўзига келган илҳомга мухолафат қилса (амал қилмаса) баъзан дунёда қандайдир азиятлар етиши мумкин.
Бир улуғ одам бир шаҳарга ташриф буюрди. Уша шаҳарда яшайдиган бошқа бир улуғ киши келган улуғ меҳмоннинг зиёратига бормоқчи бўлди. Шунда унга «Борма», деган илҳом бўлди. Шу билан бормади. Бироздан кейин яна бормоқчи бўлган эди, яна «Борма», деган илҳом бўлди. У яна боришдан тўхтади. Учинчи маротаба яна боришга истак пайдо бўлди. Туриб, уч-тўрт қадам юрган эди ҳамки, йиқилиб, оёғи синди. Кейинчалик ўша келган одам
бидъатларга мубтало шайх экани маълум бўлди. Шахарлик улуғ одам унинг олдига борса, оммага зарар бўлар эди (чунки мусулмонлар бу киши боргани учун нариги бидъатчи шайхга ихлос қилиб қолиши мумкин эди). Илҳомга мухолафат қилиш билан шунга ўхшаш азият етади холос, лекин охиратда ҳеч қандай азоб бўлмайди. Ижтиҳодий хатонинг аҳволи ҳам шу - унга итоб бўлмайди, лекин дунёда баъзи вақтда кулфат етиши мумкин.

"Мажолиси ҳакимул умма" ЁРҚИНЖОН ФОЗИЛОВ таржимаси

Илм ва ирфон маскани  - @muhammadodiluzofficial Ochish/sharhlash

2022-09-22 04:45:04 #мутолаадан_фойдалар

Боланинг ақли ҳақида бир ҳикоя

Мавлоно Муҳаммад Яъқуб Нонутвий раҳматуллоҳи алайҳ бир ҳикоя айтиб берган эдилар.
Бир вилоятда ҳинду ража (ҳоким) оламдан ўтди. Унинг фарзандлари орасида ўринбосар бўлиши керак бўлган, балоғатга етмаган бир гўдак бола бор эди. Ўлганнинг укаси «Ёш бола ҳокимиятни юргиза олмайди, шунинг учун мен ҳоким бўлишим керак», дея ҳокимликка тама қилди. Вилоят вазирлари эса отасининг ҳукуматига мазкур гўдак бола ворис бўлишини хоҳлар эдилар. Бу масала ўша вақтдаги подшоҳ Оламгирнинг олдига олиб борилиши керак бўлди. Вазирлар болани олиб, Деҳлига жўнашди. Йўл бўйи болага «Подшоҳ мана буни сўраса, сиз мана бундай дейсиз», деб сўралиш эҳтимоли бўлган саволларга жавобларни ўргатиб кетишди.Улар савол-жавобларни ўргатиб, Деҳлига етиб келишгач, бола вазирларга: «Менга ўргатган савол-жавобларингизни
олдим, лекин подшоҳ булардан бошқа савол сўраса нима бўлади?» деб сўради. Шунда вазирлар: «Сизнинг бу қадар
ақилли эканингизни билмаган эканмиз, билганимизда, йўлда ага хеч нарса демас эдик. Биз энди ҳеч ташвиш қилмаймиз. Ақлига шундай савол келган бола подшоҳнинг бошқа саволларига ҳам жавоб бера олади», дейишди.
Саройга етиб боришса, қабул тугаб, Оламгир раҳматуллоҳи алайҳ аёллари турадиган ҳарамга кириб кетган экан. Боланинг келгани тўғрисида хабар берилгач, Оламгир уни ичкари ҳовлига чақиртирди. Ўша пайтда подшоҳ уйидаги бир ҳовузнинг қирғоғида лунги боғлаб, чўмилиш учун тайёрланиб турган экан. Бу болача келгач, Оламгир ҳазиллашиб, унинг икки билагидан кўтариб, ҳовуз тепасига олиб келди ва: «Ташлаб юборайми?» деди. Бола бу гапни эшитиб, кулиб юборди. Подшоҳ унга одоб бериш назари билан қараган эди, бола шундай деди: «Сиз кимнингдир бармоғидан ушлаб қолсангиз, уни ҳеч бир дарё ғарқ қила олмайди. Менинг икки билагим сизнинг қўлингизда турган бўлса, мен қандай қилиб чўкай? Мен шунинг учун кулдим».
Оламгир болани қучоқлаб олди ва уни вилоят ҳокимлигига тайинлади.

"Мажолиси ҳакимул умма" ЁРҚИНЖОН ФОЗИЛОВ таржимаси

Илм ва ирфон маскани  - @muhammadodiluzofficial Ochish/sharhlash

2022-09-21 17:15:04 #мутолаадан_фойдалар

Вақтдаги барака

«Аллох дўстларининг вақтлари баракали бўлади», деган гап жуда машҳур бўлиб, мушоҳад, яъни кўз билан ҳам кўрилгандир. Улар қисқагина вақтда жуда катта-катта ишларни қилиб юборадилар. Имом Ғаззолий роҳимаҳуллоҳнинг мукаммал умрлари у киши ёзган асарларнинг ҳисоби билан тақсимланса, бир кунга ўн олти жуз китоб тўғри келган. Буни ҳеч қанақасига тушуниб бўлмайди.

Имом Абдулваҳҳоб Шаъроний «Ал-явоқийт вал жавоҳир» китобида: «Бу китобнинг уч юзта боби бўлиб, унинг ҳар бир бобини ёзишда Шайх Муҳиддин Ибн Арабийнинг <<Ал-футуҳот» китобини мукаммал ўкиб чикдим», деб ёзадилар. «Ал-футуҳот» эса бир неча минг саҳифалик китобдир. Демак, у киши «Ал-явоқийт вал жавоҳир» китобини ёзишда «Ал-футуҳот» китобини уч юз маротаба ўқиб чикқан бўляптилар. Шу билан бирга у киши: «Ал-явоқийт вал жавоҳир» китобини ўттиз кунда ёздим», дейдилар. Бинобарин, имом Шаъроний икки минг саҳифадан кам бўлмаган «Ал-футуҳот» китобини бир кунда ўн мартадан ўқиган эканлар. Солиҳ олимлар ҳамда улуғларнинг бундай воқеалари жуда ҳам маъруф ва машҳурдир.

Шу ўринда «Вақтда бу қадар кенглик қандай қилиб ҳосил бўлиши мумкин?» деган савол пайдо бўлади. Ҳолбуки, бирор кишининг соати олтмиш дақиқадан, бир кечакундузи эса йигирма тўрт соатдан ошмайди.

Ҳужжатул Ислом, ҳазрат мавлоно Муҳаммад Қосим Нонутвий роҳимаҳуллоҳнинг бу тўғридаги тадқиқлари шуки, вақтнинг бир «тувл»и, яъни бўйи, узунлиги бўлади. Буни ҳамма билади. Соат ва дақиқалар мана шу тувлнинг номидир. Худди шунингдек, вақтнинг «арз», яъни эни ва кенглиги ҳам бўладики, бу омманинг назарига кўринмайди. Аллоҳнинг дўстлари вақтнинг мана шу эни ва кенглигида улкан ишларни амалга оширадилар.

"Мажолиси ҳакимул умма" ЁРҚИНЖОН ФОЗИЛОВ таржимаси

Илм ва ирфон маскани  - @muhammadodiluzofficial Ochish/sharhlash

2022-09-21 17:01:22 #мутолаадан_фойдалар’ni o’qib ushbu kitobni sotib oldingizmi? Ochish/sharhlash

2022-09-21 11:30:57 #мутолаадан_фойдалар

Ҳазрат Шайхул Ҳинд яна айтадилар: «Бир улуғ одам бир муриди билан йўлда кетаётиб, одамлар сув тўлдираётган бир қудуқ олдидан ўтдилар. Уларнинг орасида бир жодугар кампир бор экан. Кампир бу улуғларни кўриб, баъзи ярамас гапларни айтди. Шайх муридига: «Кампирни ур», деди. Мурид ҳайратда қолди, чунки бу зот бировдан ўч олмас эди, ҳозир эса кекса аёл кишини уришга буюрмоқда эди. Мурид «Мен бу кишининг гапини тушунмадим шекилли» деб, ўйланиб, тўхтаб турган эди, кампир ўша ерда йиқилиб ўлди. Шунда шайх муридига деди: «Эй золим,
уни сен ўлдирдинг. Ёмон гапларни айтаётганида бу капирга Аллоҳ таолонинг қаҳри юзланиб турганини кўрдим. Уни ўша қаҳрдан сақлаш учун ўч олишдан бошқа йўл йўқ эди. Шунинг учун уни уришга буюрган эдим. Сен эса уришни кечиктирдинг, шу сабабли унга азоб етди».

"Мажолиси ҳакимул умма" ЁРҚИНЖОН ФОЗИЛОВ таржимаси

Илм ва ирфон маскани  - @muhammadodiluzofficial Ochish/sharhlash

2022-09-21 04:30:58 #мутолаадан_фойдалар

Муҳим бир таълим

Ҳазрат Ашраф Али Таҳонавий айтадилар: «Иш қилиш билан йўл очилади. «Олдин йўл очилсин, кейин олға кадам ташлайман», деб кутиб турманг. Бунинг мисоли икки четига дарахтлар экилган катта йўлга ўхшайди. Йўл бошида туриб қарасангиз, озгина масофадан кейин дарахтлар бир-бирига ёпишиб, йўл беркилиб колгандек кўринади. Лекин юрган сарингиз сизга йўл очилиб кетаверади. Мавлоно Жалолиддин Румий роҳимаҳуллох яхши гап айтганлар:

Гарчи рахна нест оламро падид,
Хира Юсуф вор мебояд давид.



Маъноси: Бутун оламда бирор туйнук кўринмаса ҳам, Юсуф алайҳиссаломдек журъат билан югуриш керак. Миср азизининг аёли барча эшикларни маҳкам ёпиб, Юсуф алайҳиссаломни ёмон ишга даъват қилганида у зот: «Бўлар иш бўлди. Эшиклар ҳаммаси берк бўлса, қаерга ҳам қочардим?» деб турмадилар. Балки кўлларидан келганича кочдилар. У зотнинг имконлари борича гуноҳдан сақланишга қилган ҳаракатлари Аллоҳ таолога макбул бўлди ва У Зот Ўз фазли билан у кишини ёмон ишдан сақлаб колди».

"Мажолиси ҳакимул умма" ЁРҚИНЖОН ФОЗИЛОВ таржимаси

Илм ва ирфон маскани  - @muhammadodiluzofficial Ochish/sharhlash

2022-09-21 04:07:59 Ochish/sharhlash

2022-09-21 04:01:59 Islom mukammal hayot tarzidir.
Islom va Hayot hamohangdir.
Alloh taolo Islomga mukammal kirishimizga buyurgandir. Ochish/sharhlash