MUHAMMADLOIQ QORI

2024-01-29 08:59:05 Ўқиш-ёзишни чиндан ҳам хоҳлаган киши, қулай имкониятни кутиб, умрини зое қилиб ўтказиб юбормайди. Аксинча, бор имкониятдан фойдаланиб ўқийверади.

«Ҳикматлар чашмаси»дан

Бизни ижтимоий тармоқларда кузатинг!
Telegram | Facebook | Instagram |Youtube | Tiktok Ochish/sharhlash

2024-01-26 21:39:43 Аллоҳ йўқотаман деб ўйламаган нарсангизни олиб қўйса, билингки, яқинда топаман деб ўйламаган нарсангизни беради.

Муҳаммад Мутаваллий Шаъровий роҳимаҳуллоҳ

Бизни ижтимоий тармоқларда кузатинг!
Telegram | Facebook | Instagram |YouTube | TikTok Ochish/sharhlash

2024-01-25 16:03:45 Дуонинг кучини енгил санаманг. Чунки Ер юзида дуоингиздан кўра қувватлироқ нарса йўқдир. Ҳатто ижобати кечикканини кўрсангиз ҳам дуода маҳкам бўлаверинг, ишонинг, содиқ қалбдан чиққан дуо ҳаёт тарозуларини ҳам ўзгартириб, айлантириб юборажак. Доим ёдингизда тутинг, Нуҳ алайҳиссаломнинг: “Албатта, мен мағлуб бўлдим, ёрдам бер”, дуолари сабабидан дунёни сув босди. Сулаймон алайҳиссалом: «Роббим, мени мағфират қилгин ва менга ўзимдан кейин ҳеч ким етиша олмайдиган подшоҳликни ҳадя этгин...”, дуоси ила ер юзининг мулки эгаси подшоҳи бўлган. Сўровинг қанча улкан бўлсада, Аллоҳнинг қудрати нақадар улканлигини унутма.
arabic.uz

Бизни ижтимоий тармоқларда кузатинг!
Telegram | Facebook | Instagram |Youtube | Tiktok Ochish/sharhlash

2024-01-22 18:19:04 Мард инсонларни лозим тутинг, гарчи улар сизни танқид остига олиб, кўп танбеҳ берсалар ҳам! Пасткаш ва хоин инсонларни асло лозим тутманг, гарчи улар сизни бошларида кўтариб юришса ҳам!

«Ҳикматлар чашмаси»дан

Бизни ижтимоий тармоқларда кузатинг!
Telegram | Facebook | Instagram |YouTube | TikTok Ochish/sharhlash

2024-01-20 13:05:01 Сиқилма! Хафалик ибодатдан заифлаштириб, илмдан қолдиради,
тушкунликка олиб боради, ёмон гумонга чорлайди ва умидсизликка
йўлиқтиради.
Сиқилма! Хафалик ва безовталик руҳий дардларнинг асоси, асаб орқали
келадиган касалликларнинг манбаи ҳамда парокандалик, васваса ва
изтиробнинг моддасидир.
Сиқилма! Ахир сенда Қуръон, зикр, дуо, намоз, садақа, яхшилик,
келгусида самара берувчи манфаатли ишлар бор-ку?
Сиқилма! Бекорчиликдан диққинафас бўлма! Намоз ўқи, тасбеҳ айт, китоб
ўқи, ёз, ишла, меҳмон кут, зиёрат қил ва фикр юрит!

"Унванул байан" китобидан.

Бизни ижтимоий тармоқларда кузатинг!
Telegram | Facebook | Instagram |YouTube | TikTok Ochish/sharhlash

2024-01-18 08:16:11 ~DOKTOR AYMAN RUSHDIY SUVAYD~

Бизни ижтимоий тармоқларда кузатинг!
Telegram | Facebook | Instagram |Youtube | Tiktok Ochish/sharhlash

2024-01-17 13:48:47 ЯХШИ ИШГА ЎН КАРРА САВОБ

Абдуллоҳ ибн Масъуд розияллоҳу анҳу: «Бирликлари ўнликларидан оғир келган кишининг ҳолига вой бўлсин!», дедилар.

У зот розияллоҳу анҳу бу сўзлари билан ушбу оятга ишора қилганлар: «Ким бир яхшилик қилса, унга ўн баробар (кўпайтириб ёзилур). Ким бир ёмонлик қилса, унга фақат қилганига яраша жазо бўладур. Ва уларга зулм қилинмас»¹.

* Дарҳақиқат, Роббимиз бир савоб ишни ўн баробар кўпайтириб ёзиши ҳамда бир гуноҳ ишни эса фақат ўзинигина ёзишига қарамай Қиёмат куни тарозуда банданинг гуноҳи савобидан кўра оғирроқ келса, бу қандаям бахтсизлик!.

Аллоҳим, Ўзинг бизларга яхши амалларни кўпроқ қилишга тавфиқ бер!

«Ҳикматлар чашмаси»дан

¹ Анъом сураси, 160-оят.

Бизни ижтимоий тармоқларда кузатинг!
Telegram | Facebook | Instagram |Youtube | Tiktok Ochish/sharhlash

2024-01-16 07:31:35 Йиғилган ва қўлга киритилган мол-дунё ризқ ҳисобланмайди, балки ундан фойдаланилган нарсагина ризқ ҳисобланади. Чунки, гоҳида сен катта молни қўлга киритасан, лекин уни сарфламайсан ва ундан фойдаланмайсан. Демак, бу сенинг ризқинг эмас, аксинча у бошқанинг ризқидир. Сен эса уни то соҳибига етиб боргунича бир тийинини ҳам сарфламасдан, қўриқлаб борувчи қоровул бўласан халос.

Муҳаммад Мутаваллий Шаъровий роҳимаҳуллоҳ

Бизни ижтимоий тармоқларда кузатинг!
Telegram | Facebook | Instagram |YouTube | TikTok Ochish/sharhlash

2024-01-13 06:58:28 Ҳасан Басрий роҳимаҳуллоҳ айтади:
“Ризқимни мендан ўзга ҳеч ким олмаслигини билганимдан сўнг хотиржам бўлдим!”.

Имом Шофиъий роҳимаҳуллоҳ айтади:
“Ким агар ризқ куч билан келади деб ўйласа билсинки, чумчуқ бургут бор жойда ҳеч нарса ея олмас эди”.

Шайх Шаъровий роҳимаҳуллоҳ айтади:
“Сеники бўлган нарса заиф бўлсангда сенга келади. Сеники бўлмаган нарсага кучли бўлсангда эриша олмайсан!”.

Биз ризқнинг маъносини тор олганмиз. Уни фақат молда деб ўйлаймиз. Бу хатодир ва ризқ мазмунига юзаки қарашдир. Кўп ризқлар борки, биз уларни ризқ санамаймиз. Чунки биз фақатгина чўнтакка кирган нарсани ризқ деб ўйлаб қолганмиз. Гўёки бошқа нарса ризқ эмас.

Оламда қалби тош хотинлар кўп. Аммо сени уйда кутиб ўтирадиган меҳрибон умр йўлдошинг ризқингдир.

Дунёда қалби қаттиқ эркаклар кўп. Агар сени ҳимоя қиладиган суюкли эринг бўлса бу сенинг ризқингдир.

Ота-онасига оқ фарзандлар тиқилиб ётибди. Агар сенинг солиҳ фарзандларинг бўлса бу сенинг ризқингдир.

Бузуқ қизлар кўп оламда. Агар сени жаннатга олиб кирадиган солиҳа қизинг бўлса бу сенинг ризқингдир.

Қанча-қанча кўзлар ухлай олмайди. Агар сен кечаси яхши ухлаётган бўлсанг бу сенинг ризқингдир.

Атрофинг тўла бемор. Агар сен соғ ва саломат бўлсанг бу сенинг ризқинг.

Дунёда оёғи кесилганлар кўп. Сенинг оёғинг бутун бўлса бу сенинг ризқинг.

Атрофингда кўрлар кўп. Сенинг кўзларинг очиқ бўлса бу сенинг ризқингдир.

Сенинг меҳрибон онанг бор. Қанча-қанча болаларнинг онаси йўқ. Бу сенинг ризқингдир.

Етимлар дунёни тўлдириб турганида сенинг отанг бор. Бу сенинг ризқингдир.

Сен мусулмонсан. Атрофингда беш миллиард инсон дўзахга тушмоқда. Бу сенинг ризқингдир.

Ер юзидаги кўп аёллар дўзахга кирмоқда. Сен эса Роббингга итоат қилмоқдасан. Бу сенинг ризқингдир.

Сайёранинг кўп жойларида кишилар очликдан ўлмоқда. Сенинг эса ейишга бир неча хил таоминг бор. Бу сенинг ризқингдир.

Қанча-қанча аёллар кўчаларда тунашаяпти. Сенинг эса тунайдиган уйинг бор. Синглим, бу сенинг ризқингдир.

Атрофингда биродарларинг бор. Оламда эса ёлғиз инсонлар қанча! Бу сенинг ризқингдир.

Фарзандларингни кўксингга босаяпсан. Қанча-қанча оналар гулдек фарзандларини қабрга қўйишган. Бу сенинг ризқингдир.

Башариятнинг ярми ўқишни билмайди. Сен эса ўқишни биласан. Бу сенинг ризқингдир.

Сенда овқат пиширишни ўргатадиган китобинг бор. Қанча –қанча аёллар овқат қилишга масаллиқ топа олишмайди. Бу сенинг ризқингдир.

Фарзандинг мактабга борганида қайтмаслигидан хавотир олиб қўлингни қалбинг устига қўйишинг ризқдир.

Қанча-қанча беморлар овқат ейишдан маҳрум бўлишганда сенинг иштаҳа билан овқат ейишинг ризқдир.

Қанча-қанча аёллар болаларига нонушта топиб бера олишмаётган пайтда сен эрталаб қаҳва ичиб ўтиришинг ризқдир.

Оламда кўп ризқлар борки, уларнинг қийматини мол билан ўлчаб бўлмайди. Аллоҳ сенга тақсим қилиб берган ризққа рози бўл, ана шунда энг бой инсон бўласан.

Бошқалар қўлидаги нарсаларга боқма, саодатли бўласан!

Бизни ижтимоий тармоқларда кузатинг!
Telegram | Facebook | Instagram |YouTube | TikTok Ochish/sharhlash

2024-01-09 15:24:25 Агар солиҳларни яхши кўрсангиз, билингки, сизда яхшилик бор. Агар солиҳлар сизни яхши кўришса, билингки, сизда бир сир бор.

* Сирдан мурод гўзал қалб.

«Ҳикматлар чашмаси»дан

Бизни ижтимоий тармоқларда кузатинг!
Telegram | Facebook | Instagram |YouTube | TikTok Ochish/sharhlash