Мирзо Кенжабек ижоди

2021-02-01 08:47:28 ​​ #сотувда

Янги адабиёт - янгича дунёқараш!

Жавлон Жовлиев: Қўрқма. Ўзбек адабиётида янги қадам! Asaxiy Books лойиҳасининг ўзбек адабиётида илк иши.

Роман ўтган асрнинг йигирманчи йилларида Германияда таҳсил олган ва собиқ Совет Иттифоқи томонидан шафқатсизларча қатл этилган миллат йигит-қизларининг хотирасига бағишланади.

Роман воқеаларини қисқача сўзлар билан ифода этиб бўлмайди. Барчаси шу қадар тиғизки, шошириб қўяди. Мажоз, образ, ифода, ўт, ҳеч кимникига ўхшамаган лиризмни ҳис қиласиз. Миллият, соф муҳаббат, кўринмас ва ошкор фожиалар, тарих, бугун ва эртанинг бир-бирига кавшарланган ҳалқаси, ростлик даъвосидаги ёлғонлар, руҳ ва қондаги парадокслар сизни ўтмиш ва келажак куйига асир қилади, ўйлатади, йиғлатади ва аччиқ-аччиқ кулдиради. Ўтган аср бошида Германияда ўқиган талабалар, улар маслаги ва фожиали қисмати бугунги ёшлар мақсади билан бир тарозига тортилади.

Муқова: Қаттиқ
Нархи: 39 000 сўм

Буюртма http://bit.ly/39YmGec

Тел: +998 71 200 01 05
Телеграм: @asaxiybook Ochish/sharhlash

2021-02-01 07:46:04 * * *
Ҳаёт бор адолат қонунларида,
Ўлим бор жаҳолат қонунларида.
Пучдир салтанатлар, кучлар, қудратлар,
Тангрининг ҳалокат қонунларида.

Мирзо КЕНЖАБЕК


https://t.me/joinchat/AAAAAETzHEzluSXPTKd2EA
Ochish/sharhlash

2021-02-01 06:03:53 БУГУН:
Ҳижрий 1442 йил
Жумодус-соний ойининг 19-куни,
Душанба –
милодий 2021 йил 1 февраль.

* * *
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА!..

* * *

ҲАР КУН ЎҚИЛАДИГАН ДУО...

اَلْحَمْدُ لِلَّهِ الَّذي أَحْيانَا بَعدَ مَا أَمَاتَنَا وَ الَيْهِ النُّشُورُ *

Алҳамду-лиллоҳиллазий аҳйонаа баъда мо амотанаа ва илайҳин-нушур.

Таржимаси:

Бизни ўлдирганидан кейин яна тирилтирган ва (ўлгандан сўнг) қайта тирилиб бориш Ўзи томонга бўлган Аллоҳга ҳамд бўлсин.
(Ҳазрати Имом Бухорий, “Ал-Жомиъ ас-саҳиҳ”. Дуолар китоби, 7-боб, 6312-ҳадис.)
* * *
اَصْبَحْنَا وَ أَصْبَحَ الْمُلْكُ لِلَّهِ رَبِّالْعَالَمِينَ *
اَللَّهُمَّ اءِنِّى أَسْأَلُكَ خَيْرَ هَذَا الْيَوْمِ فَتْحَهُ
وَ نَصْرَهُ وَنُرَهُ وَ بَرَكَـتَهُ وَ هُداهُ *
وَ أَعُوذُ بِكَ مِنْ شَرِّ ماَ فِيهِ وَ شَرِّ ماَ بَعْدَهُ *

Асбаҳнаа ва асбаҳал-мулку лиллоҳи Раббил-ъоламийн. Аллоҳумма, инний ас’алука хойро ҳазал-йавми, фатҳаҳу ва насроҳу ва нуроҳу ва барокатуҳу ва ҳудоҳу. Ва аъуузу бика мин шарри мо фиҳи ва шарри мо баъдаҳ.

Таржимаси:
Биз тонгга етишдик, оламлар Рабби – Аллоҳники бўлган бутун мулк-борлиқ ҳам тонгга етишди. Аллоҳим! Сендан ушбу куннинг хайри-яхшилигини, фатҳини, ёрдами-нусратини, нурини, баракотини ва ҳидоятини тилайман. Ушбу куннинг ва ундан кейинги кунларнинг шарри-ёмонлигидан Ўзингдан паноҳ тилайман!

(“Сунани Абу Довуд”, “Адаб” мавзулари,
111-боб, 5084-ҳадис.)

"Дуо" (“Авроди шариф”) китобидан.
Мирзо Кенжабек таржимаси.
* * ***


https://t.me/joinchat/AAAAAETzHEzluSXPTKd2EA
Ochish/sharhlash

2021-01-31 08:20:21 * * *
Сирлар очилажак кундир оғир Кун,
Дўстдан қочилажак кундир оғир Кун.
Шоҳлар чумолидек оёқ остида,
Қасос кечилажак кундир оғир Кун.

Мирзо КЕНЖАБЕК


https://t.me/joinchat/AAAAAETzHEzluSXPTKd2EA
Ochish/sharhlash

2021-01-31 07:33:42 БУГУН:
Ҳижрий 1442 йил
Жумодус-соний ойининг 18-куни,
Якшанба –
милодий 2021 йил 31 январь.

* * *
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА!..

* * *

ҲАР КУН ЎҚИЛАДИГАН ДУО...

اَلْحَمْدُ لِلَّهِ الَّذي أَحْيانَا بَعدَ مَا أَمَاتَنَا وَ الَيْهِ النُّشُورُ *

Алҳамду-лиллоҳиллазий аҳйонаа баъда мо амотанаа ва илайҳин-нушур.

Таржимаси:

Бизни ўлдирганидан кейин яна тирилтирган ва (ўлгандан сўнг) қайта тирилиб бориш Ўзи томонга бўлган Аллоҳга ҳамд бўлсин.
(Ҳазрати Имом Бухорий, “Ал-Жомиъ ас-саҳиҳ”. Дуолар китоби, 7-боб, 6312-ҳадис.)
* * *
اَصْبَحْنَا وَ أَصْبَحَ الْمُلْكُ لِلَّهِ رَبِّالْعَالَمِينَ *
اَللَّهُمَّ اءِنِّى أَسْأَلُكَ خَيْرَ هَذَا الْيَوْمِ فَتْحَهُ
وَ نَصْرَهُ وَنُرَهُ وَ بَرَكَـتَهُ وَ هُداهُ *
وَ أَعُوذُ بِكَ مِنْ شَرِّ ماَ فِيهِ وَ شَرِّ ماَ بَعْدَهُ *

Асбаҳнаа ва асбаҳал-мулку лиллоҳи Раббил-ъоламийн. Аллоҳумма, инний ас’алука хойро ҳазал-йавми, фатҳаҳу ва насроҳу ва нуроҳу ва барокатуҳу ва ҳудоҳу. Ва аъуузу бика мин шарри мо фиҳи ва шарри мо баъдаҳ.

Таржимаси:
Биз тонгга етишдик, оламлар Рабби – Аллоҳники бўлган бутун мулк-борлиқ ҳам тонгга етишди. Аллоҳим! Сендан ушбу куннинг хайри-яхшилигини, фатҳини, ёрдами-нусратини, нурини, баракотини ва ҳидоятини тилайман. Ушбу куннинг ва ундан кейинги кунларнинг шарри-ёмонлигидан Ўзингдан паноҳ тилайман!

(“Сунани Абу Довуд”, “Адаб” мавзулари,
111-боб, 5084-ҳадис.)

"Дуо" (“Авроди шариф”) китобидан.
Мирзо Кенжабек таржимаси.
* * ***


https://t.me/joinchat/AAAAAETzHEzluSXPTKd2EA
Ochish/sharhlash

2021-01-30 16:50:44 Нияти холис бўлса, бир мусулмоннинг бутун ҳаёти ибодатдир, ҳатто уйқуси ҳам ибодатдир!.. Уйқуси суннати саниййага уйғун бўлса, уйқуси ризои Борий таолога мувофиқ бўлса, уйқуси яхши бир ниятга таянса, уйқуси ҳам ибодатдир... Емоғи, ичмоғи ҳам ибодатдир, зиёрати ҳам ибодатдир, биродарлиги ҳам ибодатдир. Ўша мумтоз ибодатлар билан бирга булардан ҳам улкан савоблар олади. Ҳар он савоб олади... Нияти билан бир мусулмон ҳар он савоб олади. Бу Исломнинг гўзалликларидан биридир...

Шайх Маҳмуд Асъад Жўшон (раҳматуллоҳи алайҳ)

@mirzo_kenjabek Ochish/sharhlash

2021-01-30 10:32:04 Ахборот 24 | Президент Шавкат Мирзиёев Ислом цивилизацияси марказига ташриф буюрди
#uzbekiston24

religions.uz | Telegram | Youtube | instagram | twitter Ochish/sharhlash

2021-01-30 10:18:36 ​​Нақлдирки, қирқ йил Басрада хурмо емаган Молик нафсининг истагидан безор бўлди. Қирқ йил тўлиқ ўтгач, унинг нафсида хурмо ейиш орзуси пайдо бўлди. У эса нафсига манъ этар эди. Бир кеча ҳотифдан бир овоз эшитди: «Хурмо егил ва нафсингни тутқунликдан қутқар». Шунда нафсига хитоб қилиб айтди! «Агар бир ҳафта рўза тутиб, кечаю кундуз ҳеч нарса емасанг, сени орзуйингга етказаман!» деди. Нафси бунга рози бўлиб, рўза тутди. Молик хурмо сотиб олиб, уни ейиш учун масжидга борди. Бир гўдак овоз бериб: «Битта жуҳуд масжидга келибдир ва хурмо ейди» деди. Боланинг отаси айтди: «Масжидда жуҳуд нетгайдир?» Шундай деб, Моликни уриш учун бир чўп кўтариб келди. Келган Молик эканини кўргач, оёғига йиқилди ва узр сўради. Сўнг айтди: «Эй хожа! Бизни кечир. Чунки бизнинг маҳалламизда кундузлари жуҳудлардан бошқаси нарса емайди!» Сен келиб, нарса егач, бу ёш бола жуҳуд деб ўйлабдир. Болани афв эт, чунки бу гўдак «сени танимабдир!». Молик айтди: «Сен кўнглимни тинч қил, чунки бу тил ғайб тили эди!» сўнг деди! «Илоҳий! Мен хурмо емасдан туриб, мени жуҳуд деб номладинг. Агар есам номим куфрга тақалармиди! Иззатингга қасамки, ҳаргиз хурмо емайман!»

(Яна бир нақлда Молик нафсига хитоб қилиб деди: «Эй нафс, янги хурмо есанг, оёқ бўлурсен; сабр қилсанг, бош бўлурсен!» – деди).

Ҳазрати Молик ибн Динор (раҳматуллоҳи алайҳ) зикри.
"Тазкират ул-авлиё"дан.

Форс тилидан Мирзо Кенжабек таржимаси.

@mirzo_kenjabek Ochish/sharhlash

2021-01-30 09:52:09 «Китоб – илму маърифат, панду насиҳат, ҳикмат хазинаси, инсоннинг дўсти, сирдош ва суҳбатдошидир.

Ҳусайн Воиз Кошифий “Аҳлоқи Муҳсиний” китобида айтади:

“Энг яхши суҳбатдош ва энг мақбул дўсту улфат улуғларнинг китобидир...Ўқувчига ундан малол келмас ва эшитувчи кўнглига чарчоқ етмас”.

Маснавий:
Излама китобдан яхшироқ ҳамдам,
Чунки суҳбатдошдир ҳар қачон, ҳар дам.
У дилга роҳату жонга ородир,
Сен неки истасанг, унда пайдодир.
Бундоқ латиф ҳамдам ким кўрмиш, эй ёр,
Ундан ранж ҳам етмас, ранжимас зинҳор...»

Устоз Мирзо Кенжабекнинг “Китобга эҳтиром” мақоласидан.

“Ислом нури”, 2005 й.


https://t.me/joinchat/AAAAAETzHEzluSXPTKd2EA
Ochish/sharhlash