Мирзо Кенжабек ижоди

2021-02-02 10:30:01 Ochish/sharhlash

2021-02-02 05:41:03 * * *
Бир зоҳид, барака бўлсин деб халққа,
Ёмғир ёғдир! – дея ёлворар Ҳаққа.
Бир йўқсил, томидан ўтгувчи чакка,
Ёмғир ёғдирма! – деб ёлворар Ҳаққа.

Мирзо КЕНЖАБЕК


https://t.me/joinchat/AAAAAETzHEzluSXPTKd2EA
Ochish/sharhlash

2021-02-02 05:36:19 БУГУН:
Ҳижрий 1442 йил
Жумодус-соний ойининг 20-куни,
Сешанба –
милодий 2021 йил 2 февраль.

* * *
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА!..

* * *

ҲАР КУН ЎҚИЛАДИГАН ДУО...

اَلْحَمْدُ لِلَّهِ الَّذي أَحْيانَا بَعدَ مَا أَمَاتَنَا وَ الَيْهِ النُّشُورُ *

Алҳамду-лиллоҳиллазий аҳйонаа баъда мо амотанаа ва илайҳин-нушур.

Таржимаси:

Бизни ўлдирганидан кейин яна тирилтирган ва (ўлгандан сўнг) қайта тирилиб бориш Ўзи томонга бўлган Аллоҳга ҳамд бўлсин.
(Ҳазрати Имом Бухорий, “Ал-Жомиъ ас-саҳиҳ”. Дуолар китоби, 7-боб, 6312-ҳадис.)
* * *
اَصْبَحْنَا وَ أَصْبَحَ الْمُلْكُ لِلَّهِ رَبِّالْعَالَمِينَ *
اَللَّهُمَّ اءِنِّى أَسْأَلُكَ خَيْرَ هَذَا الْيَوْمِ فَتْحَهُ
وَ نَصْرَهُ وَنُرَهُ وَ بَرَكَـتَهُ وَ هُداهُ *
وَ أَعُوذُ بِكَ مِنْ شَرِّ ماَ فِيهِ وَ شَرِّ ماَ بَعْدَهُ *

Асбаҳнаа ва асбаҳал-мулку лиллоҳи Раббил-ъоламийн. Аллоҳумма, инний ас’алука хойро ҳазал-йавми, фатҳаҳу ва насроҳу ва нуроҳу ва барокатуҳу ва ҳудоҳу. Ва аъуузу бика мин шарри мо фиҳи ва шарри мо баъдаҳ.

Таржимаси:
Биз тонгга етишдик, оламлар Рабби – Аллоҳники бўлган бутун мулк-борлиқ ҳам тонгга етишди. Аллоҳим! Сендан ушбу куннинг хайри-яхшилигини, фатҳини, ёрдами-нусратини, нурини, баракотини ва ҳидоятини тилайман. Ушбу куннинг ва ундан кейинги кунларнинг шарри-ёмонлигидан Ўзингдан паноҳ тилайман!

(“Сунани Абу Довуд”, “Адаб” мавзулари,
111-боб, 5084-ҳадис.)

"Дуо" (“Авроди шариф”) китобидан.
Мирзо Кенжабек таржимаси.
* * ***


https://t.me/joinchat/AAAAAETzHEzluSXPTKd2EA
Ochish/sharhlash

2021-02-01 22:38:27 Дин ишлари бўйича қўмита ахборот хизмати томонидан бош имом-хатиблар иштирокида тайёрланган "Ёшлар тарбиясига беэътибор бўлманг!" номли тарғибот ролиги.

Ушбу тарғибот ролиги "Ўзбекистон 24", "Маданият ва маърифат", "Маҳалла", "Ўзбекистон", "Ўзбекистон тарихи", "Оилавий", "Севимли", "Му5", "Узрепорт" телеканаллари орқали мунтазам намойиш этилмоқда.

Дин ишлари бўйича қўмита
Ахборот хизмати

religions.uz | Telegram | Youtube | instagram | twitter Ochish/sharhlash

2021-02-01 15:02:49 АБДУВАЛИ ҚУТБИДДИН ҲАҚИДА

Шайх Қутбуддинхон ибн Муҳйиддинхон (марҳум шоир Абдували Қутбиддиннинг боболари) нақшбандия сулукининг муршиди бўлиш билан бирга, буюк луғатшунос олим ҳам бўлганлар, шўро истибдоди даврида илмий ишни ёқлаб, фан номзоди бўлиб, тўрт жилдлик “Алишер Навоий асарлари тилининг изоҳли луғати”ни тузишда фидойилик кўрсатганлар... Форсий, арабий, туркий сўз, ибора ва байтларнинг изоҳи ва талқинини берганлар. Ҳолбуки, муҳташам ва беназир “Хамса” асари луғатини тузиш учун тил билишнинг ўзи кифоя қилмайди, балки Қуръон маърифати ва ҳадис оламидан ҳам хабардор бўлиш шартдир.

***
Абдували Қутбиддинга тақлид қиладиган кишининг ўзини расво қилишдан бошқа чораси йўқ. Абдували шеърияти руҳ жилваларидир. Улуғ Нақшбандийлар маърифатининг нурларидир. Абдувалининг шеърлари “Бир шеърий санъат қилайин” деб ёки “Бировни қойил қолдирайин” деб ёки “шуҳрат топайин” деб битилган мисралар эмас.
Соя нурдан пайдо бўлади. Соя бўлмайлик, нур бўлайлик.

Мирзо Кенжабек, “ЁШЛАРГА ДИЛ СЎЗЛАРИМ” китобидан. Ochish/sharhlash

2021-02-01 14:13:33 Чарх, ўткир қилиб қўй болтангни,
Чуғурчуқ, йигиргин сим, арқон,
Юзини ўгирди
Ахир ёр —
Чиқсанг — чиқ,
Кетсанг — кет, энди, жон.

Хазонинг тўпла, кўм мени, боғ,
Терингни кафан эт, эй илон,
Юзини ўгирди
Ахир ёр —
Чиқсанг — чиқ,
Кетсанг — кет, энди, жон.

Дарё, сен мурувват қил бир бор,
Йўлингга қўшиб ол лахта қон.
Юзини ўгирди
Ахир ёр —
Чиқсанг — чиқ,
Кетсанг — кет, энди, жон.

Кеча, ўғирликка чиққил, кел,
Бошимни синдиргин, уз, армон.
Юзини ўгирди
Ахир ёр —
Чиқсанг — чиқ,
Кетсанг — кет, энди, жон.

Лахча сеп, тонггинам, тўяйин.
Юракда қолмасин пушаймон.
Юзини ўгирди
Ахир ёр —
Чиқсанг — чиқ,
Кетсанг — кет, энди, жон.

Абдували Қутбиддин

@shomuz - Yo‘limiz bir! Ochish/sharhlash

2021-02-01 12:31:53 Дилим ишқ ичра овора, яна оворароқ бўлсин,
Таним бедил ва бечора, тағин бечорароқ бўлсин.

Азизларни этиб торож, сочинг айёрлиғи бордур,
Ғарибларнинг тўкиб қонин, кўзинг айёрароқ бўлсин.

Юзинг покдур, ўзим ўлмоқ учун бўлсин яна покроқ,
Дилинг хийра, мени ўлдирмоқ истаб хийрароқ бўлсин.

Гар, эй зоҳид, мени яхши дуо қилсанг, дегил мундоқ:
“Бутон йўлида овора, ўзи оворароқ бўлсин!”

Дилим ғамдан эрур пора, тобора бўлмагай яхши,
Ва бундан шод эса жонон, у , ё Раб, порароқ бўлсин.

Ҳама айтар: анинг хунхорлиғидин халқ келур жонга,
Мен айтурман: менинг жоним учун хунхорароқ бўлсин!

Ики сувлиғ кўзи бирлан бу Хусрав этаги ҳўлдир,
Ва поклар кўз суви бирлан тўни ҳамворароқ бўлсин!

Амир Хусрав ДЕҲЛАВИЙ

Ғазални форс тилидан устоз Мирзо КЕНЖАБЕК таржима қилган.


https://t.me/joinchat/AAAAAETzHEzluSXPTKd2EA
Ochish/sharhlash

2021-02-01 11:48:43 Қўмита раиси мактаб ўқувчилари билан учрашди

Жорий йил 29 январь куни Дин ишлари бўйича қўмита раиси Абдуғофур Ахмедов Тошкент шаҳри Олмазор туманидаги 298-умумтаълим мактабида бўлиб, ўқувчилар билан дилдан суҳбат қурди, мулоқот давомида А.Ахмедов ўзининг билим ва кўникмалари, ҳаётий тажрибалари билан ўртоқлашди.

Батафсил: https://telegra.ph/Қўmita-raisi-maktab-ўқuvchilari-bilan-uchrashdi-01-29 Ochish/sharhlash

2021-02-01 09:36:17 Ҳурматли ўзанимиз муҳиблари!
Биласиз, Мирзо Кенжабек устозимизнинг ижодига бағишланган ушбу ўзанда мусиқий материаллар кўпда улашилмайди. Аммо бугун, 1-февраль – Халқаро ҳижоб куни муносабати билан ҳофиз Бахтиёр Раҳмоновнинг шоир Зафарёр шеъри билан айтилган "Алла" таронасини улашмоқдамиз.

Ўзан маъмурияти.


https://t.me/joinchat/AAAAAETzHEzluSXPTKd2EA
Ochish/sharhlash

2021-02-01 08:59:16 Бахтсизлик нишонаси беш нарсадир: бир – кўнгил қаттиқлиги; иккинчиси – кўз ёшланмаслик; учинчиси – ҳаёсизлик, тўртинчиси – дунёни севмоқлик; бешинчиси – дунё учун жондан андиша айламоқликдир. Мўмин кишининг кўнгли Ҳақдан қўрқувли бўлур ва беҳуда сўздан тилини тияр ва шул қўрқув муносибати билан шаҳват (шиддатли истаклар) оловини сўндирар, дунё севгисини ичидан чиқариб ташлар. Ҳақдан қўрққан кишидан ҳар кимса қўрқар. Қулнинг Аллоҳдан қўрқуви Аллоҳни билгани қадарликдир (Яъни Аллоҳни қанча билса, ундан шунча қўрқар).

Охират маҳрумлиғига рози бўлган зот дунёлиғини (бойлигини) тўплайверсин.

Дунёда гўзал либосларга ва тотли емакларга нисбатан олий завқ бўла олмагайдир.

Юмшоқ (содда) кўнгилли бўлайлик.

Ҳақ Таъоло юмшоқ кўнгилли бўлганларни севар.

Уч нарса кўнгилни ўлдирар: кўп емоқ, кўп ухламоқ, кўп гапирмоқ.

Қуръон ва ҳадис мустасно, икки нарса ҳам аҳмоқликдир: қизиқ нарсани кўрмасдан кулиш, сўрамасдан хабар бериш.

Ҳазрати Молик ибн Динор (раҳматуллоҳи алайҳ) зикри.
"Тазкират ул-авлиё"дан.

Форс тилидан Мирзо Кенжабек таржимаси.

@mirzo_kenjabek

https://t.me/joinchat/AAAAAETzHEzluSXPTKd2EA
Ochish/sharhlash