2022-08-10 21:00:45
Men uchun eng noodatiy kunlardan biri bu tug'ilgan kundir. Chunki tug'ilgan kunda bildirilgan tilaklar bir jihatdan insonni xursand qilsa, yana bir jihatdan o'yga toldiradi. Aslida bu kun o'nlab, yuzlab tabriklarga javob qaytarish hamda inson o'zini xuddiki hammaning diqqat markazidadek his qilishi bilan o'tishi kerakmi yoki berilgan umrning yana bir yili ortda qolgani va qolgan qismidan unumliroq foydalana olish haqida fikr yuritish bilanmi? Axir "Tug'ilgan kuning esdan chiqsa chiqsin-u, nima uchun tug'ilganing esdan chiqmasin" deb bekorga aytilmagan.
Shu o'rinda yana bir savol, agar tug'ilgan kun sharofati bilan kimdir tabriklanishi zarur bo'lsa, bu inson ushbu kunda biror narsani qoyillatmagan farzand bo'lishi kerakmi yoki ne mashaqqatlar bilan uni dunyoga keltirgan ona?
Albatta, bu bilan samimiy tabrik egalarini ayblashdan yiroqmiz, biroq aslida ezgu niyatlarga eng munosib inson kimligi eslatib o'tildi xolos. Alohida e'tibor bilan nishonlash uchun esa tug'ilgan kundan boshqa sabablar ham talaygina, bu kim uchundir hayotdagi asl maqsadini anglagan kun bo'lsa, boshqasi uchun o'zi istagan kasbni egallagan yoki biror yaxshi odatni yo'lga qo'ygan kuni bo'lishi mumkin. Muhimi jamiyatda shakllangan biror odatga shunchaki ergashmasdan, uni nima uchun amalga oshirayotganingizni anglashdir.
@Mirsaid_Mirsoliyev
49 views18:00