Matonat_uz

2022-10-01 08:00:56 #умр_саҳифаларидан

Икки эшкак

Бир қайиқчининг кичик қайиғи бор экан. Қайиқнинг икки эшкаги бўлиб, уларнинг бирида “ният”, иккинчи эшкакда эса “ҳаракат” деб ёзилган. Қайиққа минган одамлар бу ёзувлар сабабини сўраса, қайиқчи шундай жавоб берар экан: “Агар мен фақат “ният” деб ёзилган эшкакни ҳаракатлантирсам, у ҳолда қайиқ бир жойда айланиб қолаверади. Агар фақат “ҳаракат” деб ёзилган эшкакни ҳаракатлантирсам ҳам, қайиқ бир жойда айланаверади. Агар иккаласини баравар айлантирсам, шундагина қайиқ манзилга етади. Инсон ҳам фақат ният қилса-ю, ҳаракат қилмаса, бир жойда айланган қайиқ каби манзилга етмайди. Мақсадга етиш учун аввал “ният” ва “ҳаракат” бўлиши керак”.

Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-10-01 07:27:27 #табрик

Оддий муаллим !


Аяган ҳаётнинг санчиқларидан,
Йиқилса кўтарган тўсиқларидан,
Отадек эзилган ғуссага ботса,
Боладек қувонган ютуқларидан.
Уйқуда шогирдин ўйлаб ётган ким?
Оддий муаллим-да, оддий муаллим!

Йўқдан Берунийни бинолар қилган,
Ҳусайнни ибн Синолар қилган,
Машрабни машҳур-у дунёлар қилган.
Абдуллонинг тилин бурролар қилган,
Илон ўйнатгандек сўз ўйнатган ким?
Оддий муаллим-да, оддий муаллим!

Улфат кўп-у аммо бир дўсти ҳамроҳ —
Ҳалим тополмадим ундан ҳалимроқ.
Қанча устоз кўрдим, қанча олийгоҳ,
Олим тополмадим ундан олимроқ.
Бола юрагимда бебаҳо тилсим —
Оддий муаллим-да, оддий муаллим!

Юзга кираман мен Худо хоҳласа,
Эҳтимол юздан ҳам ўтарман бир кун.
Қайноқ қучоғида ҳурлар чорласа,
Ҳеч кимдан қарзим йўқ кетарман бир кун.
Бўлса ҳам, бир зотда бўлади қарзим,
Оддий муаллим-да, оддий муаллим!

Муҳаммад ЮСУФ,
Ўзбекистон халқ шоири

Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-30 14:00:00 Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-30 03:01:55 Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-29 08:10:42 #фикр_услуб_ечим

Жаннатдаги дўст

Кўнгиллар ўзаро муносабатлар ила яшайди. Бироқ баъзи ҳолларда бир-бириларидан ғазабланадилар.
Бунинг ўзига яраша сабаблари бор:

Бир инсон сизни ҳурмат қиладигандек кўриниб, ўзининг мақсадига эришишга ҳаракат қилади. Аммо, ичидан ёмонлик истайди. Аллоҳ ўта меҳрибон Зот қалбларга шундай туйғу солaдики, у кимнидир ҳушлайди, кимларнидир йўқ!

Баъзан ҳулқимиз, дунёқарашимиз доирасидан ташқари мардумнинг фикри, суҳбати ва ноўрин сўзлари ғазабга сабаб бўлади.

Айрим ҳолларда дўстлик, биродарлик муносабатларини қадрини билмасдан, нотўғри ўйларга бориб муносабатлар тўхтатилади.

Абу Ҳурайра (р.а.)дан ривоят қилинади: "Набий соллаллоҳу алайҳи ваcсаллам "Ўз ҳабибингга бир оз юмшоқ муҳаббат қил. Эҳтимол, бирор куни ёмон кўрганингга айланиб қолар. Ёмон кўрганингни бир оз юмшоқ ёмон кўр. Эҳтимол, бирор куни маҳбубингга айланиб қолар", - дедилар".
Шайх Муҳаммад Содиқ Муҳаммад Юсуф: "Ҳадис ва ҳаёт" 34-жуз.

Қарор қабул қилишдан олдин ўйлаб кўринг! Сиз бу инсон билан нега кўришасиз? Муносабатлар сизга нега керак? Ҳар бир инсондан фақат фойда кўзланадими? Балким барчасига оддийроқ қараш керакдир? Ғазабга ўрин йўқдир?

Дўстлик, биродарлик ришталари фақатгина фойда кўзлаб қилинса, у ичи бўш ётган қасрга ўхшайди. Сизни Аллоҳ учун севувчи инсонларни ардоқланг!

Ҳар бир инсоннни ўз ўрни бўлади. Ҳеч бир инсон бир-бирини ўрнини тўлдира олмайди. Тақдир бежиз инсонларни учраштирмаган.
Не ажаб, айнан шу инсон ин шаа Аллоҳ жаннатдаги дўстингиз бўлса!


Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-28 14:00:42 Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-28 08:11:18
#эътибор

Отам ҳам, онам ҳам бирдек қарибди...

Ёнимга келишган эди туну кун,
Қарасам иккиси анча хорибди.
Маҳзун кўзларидан сезиб қолдим мен,
Отам ҳам, онам ҳам бирдек қарибди.

Қарилик дардини беркитолмас зеб,
Атрофдан сержило ёшлик арибди.
Тавба! Бир-биридан қолишмайлик деб,
Отам ҳам, онам ҳам бирдек қарибди.

Йилларни ямлайди биттагина ғам,
Битта дард сочларига қорлар қорибди.
Беш кунлик эканда дунё ростан ҳам,
Отам ҳам, онам ҳам бирдек қарибди.

Ҳайрулла Ҳамидов

Сиз бугун уларни зиёрат қилдингизми?
Зиёратга шошилинг, вақт кутмас...

Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-27 08:02:04
#фикр_услуб_ечим

Қалбнинг фазилати!

Ўқитувчи дарсда ўқувчиларидан сўради:
- Нега инсонлар тортиша бошлаганларида овозларини баландлатиб гапирадилар?
Улар ёнма-ён бўлсалар нега баланд овозда гаплашиш керак?

Ўқувчилар елка қисди.

Ўқитувчи:
- Инсон жаҳли чиқганда юраги қулоқ солишдан тўхтайди. Бир вақтнинг ўзида қалб ва юрак узоқлашади.
Шунда эшитиш қийинлашиб боради, ҳамда улар овозларини баландлатадилар. Хафагарчилик, қаҳр кучайган сари инсонлар бир-бирларини эшитолмай қоладилар.
Хўш, агар уларнинг қалблари меҳр ва севгига тўла бўлса-чи?

Қалблар бир-бирига яқин бўлади ва паст овозда гапирсалар-да эшита олишади.
Зеро, Лев Толстой айтганидек, "Инсоннинг ҳақиқий кучи унинг шиддати, ғазабида эмас, балки метиндай осойишталигидадир".

Жаҳл чиқганда сиз қандай йўл тутар эдингиз, изоҳларда фикрингизни қолдиринг!

Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-26 14:02:04 Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash

2022-09-26 08:33:01 #тафаккур

Неъмат шукри!

Аллоҳ таоло бизларга ақл, идрок, кўриш, эшитиш, юриш неъматларини берди.

Бу бизга илм олиш, тадаббур қилиш имконини беради.
Фурсат борида илм ўрганинг, зеро илм олишни истаган вақтингизда фурсат бўлмай қолиши мумкин!


Яқинларингизга ҳам улашинг!

Telegram | Instagram | Facebook | YouTube

Matonat_uz Ochish/sharhlash