SHIMBAY JASLARI

Шымбайшылар ушын байрам қоса келди

Бүгин Шымбай районында жаңарыў ҳәм жасарыў байрамы болған Наўрыз қарсаңында жаңа Амфитеатрдың ашылыў мәресими болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, жыйналғанларды Наўрыз байрамы қарсаңында жаңа Амфитеатрдың пайдаланыўға тапсырылғаны мүнәсибети менен қутлықлады.

Қурып питкерилип, пайдаланыўға тапсырылған Амфитеатр узақ жыллар даўамында халқымыздың руўхый дүньясын байытыўға, жаслардың бос ўақытларын мазмунлы өткериўге, мәдениятымыз ҳәм көркем өнеримизди еледе раўажландырыўға хызмет етери анық.

Амфитеатрдың ашылыў мәресими район турғынлары, көркем өнер шеберлери менен биргеликте Наўрыз байрамына жалғасып, көтериңки рухта даўам етти.

Жаңа Амфитеатр Наўрыз байрамына өз қушағын ашып байрам кешеси даўам етти.

Толық мағлыўмат


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

Telegram Website Instagram Facebook Twitter

Sektor hám jaslar ushırasıwı

Jaslardı kishi biznes hám jeke isbilermenlikke qızıqtırıw, zamanagóy kásip-ónerler, sanlı ekonomika kónlikpelerin puxta iyelewleri ushın qosımsha shárt-sharayatlar jaratıw, olardı jumıs penen támiyinlewge kómeklesiw maqsetinde rayon aymaǵındaǵı sektorlar tárepinen bir qatar unamlı jumıslar alıp barılmaqta.

Usı jıldıń 14-mart kúni rayon Prokuraturası hám Jaslar isleri agentligi rayonlıq bólimi menen birgelikte rayon aymaǵındaǵı 44-sanlı mektepte “Qara-kól” mákán puqaralar jıyını aymaǵındaǵı belsendi hám jámlespegen jaslar menen ushırasıw shólkemlestirildi.

Ushırasıw dawamında jaslardıń mashqala, usınıs hám pikirleri tıńlandı.

Ushırasıw sońında búgingi jámiyetimizde jaslardı hár tárepleme qollap quwatlawda, jaslarımız aldında turǵan mashqalalardı sheshiwde tek ǵana jaslar shólkemleri emes, bálkim barlıq mámleket hám jámiyetlik shólkemlerde birgelikte islesiwdi támiyinlew kerekligi aytıp ótildi.

“Jas kitapqumar” tańlawına dizimnen ótiw baslandı

Millionlap jaslardı birlestirip, kitapqumarlardı jaratıp atırǵan “Jas kitapqumar” ushın @yoshkitobxon_bot telegram botı arqalı arzalar 1-sentyabrge shekem qabıl etiledi.

Kitapqumarlardıń usınısları tiykarında ádebiyatlar dizimi 10-14 jas kategoriyasında 50 den 40 qa shekem, 15-19 jas kategoriyasında 60 tan 50 ge shekem, 20-30 jas kategoriyasında 70 ten 50 ge kemeytildi hám mazmunı boyınsha qayta kórip shıǵıldı. 10-14 jas kategoriyasında gazeta hám jurnallar dizimnen alıp taslandı.

Barlıq kitapqumar jaslarǵa áwmet tileymiz!

Dizimnen ótiń: @yoshkitobxon_bot

| Telegram | Instagram | You Tube | Facebook

#Bas prokuror kubogi
#Kurash


Shımbay rayonı prokuraturası tárepinen "Biz prezident palwanlarımız" uranı astında sporttıń "Kurash" túri boyınsha ‘’Bas prokuror kubogi’’ jarısı bolıp ótti.

Jarısta ulıwma bilim beriw mekteplerindegi 4-7 hám 8-11 klass oqıwshılar arasında, ulıwma 12 salmaq kategoriyasında sonıń 10 salmaq kategoriyası er balalar hám 2 salmaq kategoriyası qızlar arasında bolıp ótti.

Jarısta jámi 55 er balalar hám 8 qızlar óz-ara kúsh sınastı.

Jarıs jeńimpazları Shımbay rayonı prokurorı tárepinen qımbat bahalı sawǵalar hám diplomlar menen sıylıqlandı.
Jarıs jeńimpazları 17-18 mart kúnleri bolıp ótetuǵın Respublikalıq basqıshına jollanba aldı.

#Online

"Birgelikte tut egemiz" akciyası

Rayon aymaģın abadanlastırıw hám kóklemzarlastırıw maqsetinde búgin jaslar shembilikke óz úlesin qospaqta.

Rayon aymaģındaģı bárshe jaslardı akciyaģa belsene qatnasıwģa shaqırıp qalamız.

https://t.me/krshimbay

“Vatanparvarlar” áskeriy sport jarısı

Usı jıldıń 9-mart kúni rayon aymaǵındaǵı 10-sanlı ulıwma bilim beriw mektebinde Shımbay rayonı Qorǵanıw isleri bólimi, Xalıq bilimlendiriw bólimi hám Jaslar isleri agentligi menen birgelikte "Vatanparvarlar" áskeriy sport jarısları shólkemlestirildi.

Jarısda rayon aymaǵındaǵı ulıwma bilim beriw mektep oqıwshıları ózleriniń bilimlerin hám áskeriy shaqqanlıqların sınaqtan ótkerdi.

Jarıs juwmaǵına kóre 16-sanlı mektep oqıwshıları 1-orındı iyeledi hám Qaraqalpaqstan Respublikası basqıshına jollamanı qolǵa kirgizdi.

https://t.me/krshimbay