SHIMBAY JASLARI

“Jas kitapqumar” tańlawına dizimnen ótiw baslandı

Millionlap jaslardı birlestirip, kitapqumarlardı jaratıp atırǵan “Jas kitapqumar” ushın @yoshkitobxon_bot telegram botı arqalı arzalar 1-sentyabrge shekem qabıl etiledi.

Kitapqumarlardıń usınısları tiykarında ádebiyatlar dizimi 10-14 jas kategoriyasında 50 den 40 qa shekem, 15-19 jas kategoriyasında 60 tan 50 ge shekem, 20-30 jas kategoriyasında 70 ten 50 ge kemeytildi hám mazmunı boyınsha qayta kórip shıǵıldı. 10-14 jas kategoriyasında gazeta hám jurnallar dizimnen alıp taslandı.

Barlıq kitapqumar jaslarǵa áwmet tileymiz!

Dizimnen ótiń: @yoshkitobxon_bot

Bizge aģza bolıń Telegram | Instagram | Facebook

#Bes baslama olimpiadası
#Mini futbol

Búgin “Bes baslama olimpiadası” sheńberinde ulıwma orta bilim beriw mektepleri oqıtıwshıları arasında “Saw denede - sapalı bilim” uranı astında “Kásiplik awqamı kubogi”na start berildi.

Rayon aymaǵındaǵı 3-sektor hám 4-sektor aymaǵındaǵı oqıtıwshı er jigitler arasında sporttıń Mini futbol túri boyınsha bellesiwler bolıp ótti.

Jarıs juwmaǵına kóre sporttıń mini futbol túri boyınsha 3-sektor aymaǵınan 22-sanlı mektep, 4-sektor aymaǵınan 36-sanlı mektep oqıtıwshıları 1-orınlardı qolǵa kirgizdi hám rayonlıq basqıshqa jollama aldı.

#Bes baslama olimpiadası
#Voleybol

Búgin “Bes baslama olimpiadası” sheńberinde ulıwma orta bilim beriw mektepleri oqıtıwshıları arasında “Saw denede - sapalı bilim” uranı astında “Kásiplik awqamı kubogi”na start berildi.

Rayon aymaǵındaǵı 39-sanlı mektepde 1-sektor hám 14-sanlı mektepde 2-sektor aymaǵındaǵı oqıtıwshı hayal-qızlar arasında sporttıń Voleybol túri boyınsha bellesiwler bolıp ótti.

Jarıs juwmaǵına kóre sporttıń Voleybol túri boyınsha 1-sektor aymaǵınan 35-sanlı mektep, 2-sektor aymaǵınan 5-sanlı mektep oqıtıwshıları 1-orınlardı qolǵa kirgizdi hám rayonlıq basqıshqa jollama aldı.

“Jas qutqarıwshı” tańlawı

Búgin rayon aymaǵındaǵı 36-sanlı ulıwma bilim beriw mektebinde Shımbay rayonı Ayrıqsha jaǵdaylar bólimi, Xalıq bilimlendiriw bólimi hám Jaslar isleri agentligi menen birgelikte "Jas qutqarıwshı" tańlawı shólkemlestirildi.
Tańlawda rayon aymaǵındaǵı ulıwma bilim beriw mektebi oqıwshıları ózleriniń bilimlerin hám áskeriy shaqqanlıqların sınaqtan ótkerdi.


https://t.me/krshimbay

Deputat hám jaslar ushırasıwı

Shımbay rayonı 49-sanlı mektepte Deputat hám jaslar ushırasıwı ótkerildi.

Ózbekstan Respublikası Oliy Majlis Nızamshılıq palatası deputatı Aldamuratov Baxıtbay Umirzaqovich Shımbay rayonı jasları menen ushırasdı.
Ushırasıwda deputatlar tárepinen búgingi kúnde ámelge asırıp atırǵan jumıslar, turmısqa engizilip atırǵan reformalardıń ámeliy nátiyjeleri, mámleketlik siyasat hám jaslar menen islesiwi máseleleri keń túrde sóz etildi.

Ushırasıw sońında jaslar ózlerin qızıqtırǵan sorawlarǵa juwaplar aldı.

#Sport jańalıqları
#Boks

Usı jıldıń 21-26 fevral kúnleri Qazaqstan Respublikası Aqtóbe qalasında sporttın' Boks túri boyınsha Xalıq aralıq túrnir bolıp o'tti.

Usı jarısta Ózbekstan saylandı komandası 4 altın hám 2 bronza medalların jeńip alıwǵa erisken. Ózbekstan saylandı komandası atınan Shımbay rayonı Sport mektebinen Oralbaev Quralbay (40-mektep) qatnasıp sıylı 3-orındı iyeledi.

Sportshı jaslarımızdı jetiskenligi menen qutlıqlaymız hám aldaǵı jarısta áwmetler tileymiz.