✍️ Pedagog kopirayter | Sirojbek Maqsud oʻgʻli

2023-02-17 07:51:52 Kompaniyangiz uchun oʻziga xos logotiplar

Tadbirkorlar oʻz bizneslarini koʻproq inson bilishini va taniqli boʻlishini xohlashadi. Buning uchun koʻplab vositalar bor. Biznes brendini tanitishdagi eng muhim vosita bu – logotiplar hisoblanadi.

Logotip – mahsulot, brend va kompaniya yuzi boʻlgani uchun uni taniymiz va eslab qolamiz. Shuning uchun koʻpchilik ajralib turadigan sifatli logotip egasi boʻlishni xohlaydi.

Biz sizga chiroyli va oʻziga xos logotiplar tayyorlab beramiz. Logotiplar shunchaki internetdan koʻchirilmaydi. Biz yangi gʻoyalar asosida chizib, logotiplar yasab beramiz. Kompaniyangiz uchun logotiplar yasashni oʻz ishining professionallariga topshiring.

Murojaat uchun:
@anvar_zakirovich
+998916404434 Ochish/sharhlash

2023-02-10 18:09:37 Insonlarda yaxshi taassurot qoldirishning 6 ta yoʻli (2-qism)

4. Ajoyib tinglovchi boʻling. Suhbatlashish jarayonida kimdir bizni eshitsa, u odam bilan koʻproq muloqot qilishga harakat qilamiz. Koʻp gapiradigan odam boʻlsa, uning yonidan tezroq ketishga harakat qilamiz. Siz yaxshi tinglovchi boʻling. Insonlarni eshiting. Oʻzlarida haqida koʻproq gapirishlariga imkon bering. Bu ularning sizga boʻlgan hurmatini oshiradi.

5. Suhbatdoshingiz qiziqadigan mavzuda gapirishga harakat qiling. Har birimiz oʻzimizga yoqqan mavzu boʻlsa, koʻproq gaplashib oʻtiramiz. Yoqmaydigan mavzu boʻlsa, tezroq ketishga harakat qilamiz. Yoningizdagi suhbatdoshingiz qaysi mavzuda gaplashishni istasa, oʻsha mavzuda koʻproq gaplashing.

6. Suhbatdoshingizni oʻz qadr-qimmatini anglashga yordam bering. Bu ishni chin koʻngildan bajaring. Hamma oʻzini qadrlashlarini xohlaydi. Suhbatdoshingizga u insonlar nazdida qadrli va hurmatga loyiq ekanligini uqtiring. Oʻzingiz ham uni qanchalik qadrlashingizni koʻrsating. Insonlar oʻzlarini qadrlaganlar bilan yaqinroq boʻlishga harakat qilishadi.

Post sizga yoqqan boʻlsa, reaksiya va izohlar qoldirishni unutmang.

Obuna boʻling: @Modul_five Ochish/sharhlash

2023-02-09 18:06:09 Insonlarda yaxshi taassurot qoldirishning 6 ta yoʻli (1-qism)

1. Oʻzgalar bilan samimiy, chin dildan qiziqib, gaplashib koʻring. Muloqot qilayotgan odamlaringiz bilan qiziqing. Oʻzlari haqida gapirib berishlariga imkon bering. Qanchalik ular bilan yaqin boʻlishga harakat qilganingiz sari, shunchalik ularning nazdida hurmatga loyiq boʻla olasiz.

2. Muomala paytida tabassum qiling. Tabassum qilish sunnat hisoblanadi. Muloqot qilish jarayonida tabassum qilsangiz, atrofingizdagilar ham sizdan ijobiy energiya olishadi. Xursand holda muomala qilgan odam bilan hamma muloqot qilishni xohlaydi. Har doim ijobiy kayfiyatda boʻling.

3. Yodingizda boʻlsin, kishining oʻz ismi har qanday tilda ham eng jarangdor eshitiladigan soʻzdir. Murojaat qilmoqchi boʻlsangiz, ismlari orqali chaqirishga harakat qiling. Har qanday inson uchun oʻzining ismini eshitish oʻzgacha zavq bagʻishlaydi. Bu sizga ularda yaxshi taassurot qoldirishga sababchi boʻladi.

Bu postning 2-qismini kutayotgan boʻlsangiz, reaksiyalar va izohlar orqali fikringizni qoldiring.

Obuna boʻling: @Modul_five Ochish/sharhlash

2023-02-07 18:26:00 Muvaffaqiyatli inson boʻlish uchun 3 ta tavsiya

1. Har doim olgʻa intiling. Qaysiki sohani egallashingizdan qatʼi nazar oʻsha sohaning eng zoʻri, chempioni boʻlish uchun harakat qiling. Bu yoʻldagi toʻsiqlarni esa oʻzingizga pillapoyalar sifatida foydalaning.

2. Muvaffaqiyat yoʻlida negativ fikrlar bilan ishlashni oʻrganing. Rivojlanib borganingiz sari oʻngdan, chapdan, orqadan sizga nisbatan ishonchsizliklar paydo boʻlishni boshlaydi. Siz bunday fikrlarga eʼtibor bermang. «Mevali daraxtga ham toshlar otiladi». Ularni aylanib oʻtishga harakat qiling. Siz qancha tepaga koʻtarilganingiz sari ularning «ovozi» eshitilmay qoladi yoki olqishlarga aylanadi.

3. Muammolardan toʻgʻri xulosalar chiqaring. Har bir odam hayotida xatoga yoʻl qoʻyadi. Faqat kuchli odamlargina bu xatolardan oʻziga kerakli xulosalar chiqara oladi. Siz ham kuchli insonlar qatorida boʻling. Muammoni rivojlanishingizga olib boradigan yordam sifatida qarang. Uni muammo emas, imkoniyat deb biling.

Obuna boʻling: @Modul_five Ochish/sharhlash

2023-02-07 14:39:28 Har qanday bahsda gʻolib boʻlishning 12 yoʻli (yakuniy qism)

9-qoida. Boshqalarning fikrlariga xayrixoh munosabatda boʻling. Suhbat jarayonida atrofingizdagilarga ularga hamfikr ekanligingizni koʻrsating. Har bir inson oʻziga yaqin fikrlaydigan insonlarga yaqinroq boʻlgisi keladi. Bahsingizda ustun kelmoqchimisiz, demak, yoningizdagi inson bilan dunyoqarashingiz oʻxshash ekanligini koʻrsatishga harakat qiling.

10-qoida. Ularni yuksak his-tuygʻular va motivlarga ishontiring. Koʻpchilik insonlar pessimist boʻlishadi. Har doim nimanidir yoʻqotgan insonlardek xafa koʻrinishadi. Siz esa optimist boʻling. Optimist insonlar samolyotni ixtiro qilishgan. Ularni ham optimist boʻlishlariga yordam bering. Ezgu motivlaringizga ularni ham ergashtiring.

11-qoida. Oʻz gʻoyalaringizni jiddiylashtirib, ularning samarali boʻlishiga erishing. Har doim samarali gʻoyalar qilishga harakat qiling. Gʻoyangizni puxta va tugal qiling. Jiddiyroq ishlar bilan shugʻullaning. Atrofingizdagilarga oʻzingizning ulkan maqsadlar va gʻoyalar tomon ildamlayotganingizni bildirib qoʻying. Kichkina gʻoyalar orasida qolib ketmang.

12-qoida. Boshqalarni jonli harakat qilishga undang. Agar uzoq yurmoqchi boʻlsang, bir oʻzing yur. Uzoqroqqa bormoqchi boʻlsang, jamoa bilan yur deyishgan. Kuch birlikda ekanligini unutmang. Boshqalarni ham gʻoyalaringizga ishontirib, ularni ham ulkan maqsadlarga erishishlariga ishontiring. Doimo yetakchilikni oʻz qoʻlingizga olishni uddalashingiz lozim. Yetakchiligingizni koʻrsatib, ularni jonliroq harakat qilishlariga undang. Oʻzingiz namuna boʻling.

Obuna boʻling: @Modul_five Ochish/sharhlash

2023-02-06 18:54:48 Foydali manbalar jamlangan botga marhamat

Bilamizki, hozirgi kunda juda koʻplab elektron kitoblar va dasturlar bor. Ularni topishda esa qiyinchiliklarga duch kelamiz. «Shularning hammasini bitta joydan topsak edi» – degan fikr xayolimizga keladi.

Endi buning yechimi bor. Siz oʻzingiz istagan elektron kitoblarni va turli xil dasturlarni bitta platformadan topishingiz mumkin. Shunchaki botga kirib, qidirish tugmasini bosish kifoya. Eng muhimi, bularga bepul ega boʻlasiz!

Hoziroq botga obuna boʻling
@Dasturlash_dunyosi_bot Ochish/sharhlash

2023-02-06 17:39:14 Har qanday bahsda gʻolib boʻlishning 12 yoʻli (2-qism)

5-qoida. Suhbatdoshingizni darrov «ha» deb javob berishga majbur eting. Yaʼni suhbatdoshingiz sizning fikrlaringizga tasdiq maʼnosida gapirishiga erishing. Bahs jarayonida unga yoqadigan mavzularda gapirishga harakat qiling. Chunki inson qachonki oʻziga yoqadigan mavzu boʻlsa, keyinchalik sizga biron bir ish boʻyicha ham rozilik berishi mumkin.

6-qoida. Koʻproq vaqt suhbatdoshingiz gapirsin. Chunki qanchalik qarshingizdagi insonni gapirishga qoʻyib bersangiz, uni yengishingiz oson boʻladi. Unga gapirishga qoʻyib bering. Istaganicha gapira qolsin. Shundan keyin sizda yutib chiqish imkoni yuqori boʻladi. Buni asosan sotuv jarayonlarida qoʻllashadi. Mijoz qanchalik koʻp gapirsa, uning sotib olish ehtimoli shuncha yuqori boʻladi. Uni eshitadigan odam boʻlsa, hamma gapirishni xohlaydi.

7-qoida. Suhbatdoshingiz fikrlarni «oʻziga tegishli» deb oʻylashiga qarshi chiqmang. Aksincha, uni qoʻllab-quvvatlang. Siz buni rad etmasdan turib, bu fikr sizga tegishli ekanligini chiroyli holatda keltirib bering. Six ham kuymasin, kabob ham. Chiroyli muomalangizdan keyin uning oʻzi bu fikrning sizniki ekanligini tasdiqlab beradi.

8-qoida. Suhbat mavzusiga hamsuhbatingiz tomonidan qaray oling. Inson har doim voqealarga atroflicha baho bera olishi kerak. Qarshingizdagi insonning fikrlarini «oʻqishga» harakat qiling. Suhbatni u tomonida turib olib boring. Va u sizning fikringizga oʻz moyilligini bildirganini sezmay qoladi. Insonlarga har doim ikkinchi tomondan qarashni oʻrganing.

Bu postning 3-qismini kutayotgan boʻlsangiz, reaksiyalar va izohlar orqali fikringizni qoldiring.

Obuna boʻling: @Modul_five Ochish/sharhlash

2023-02-06 13:13:35 Har qanday bahsda gʻolib boʻlishning 12 yoʻli (1-qism)

1-qoida. Bahs-tortishuvda ustun kelishning yagona usuli undan voz kechishdir. Siz bahslashayotgan paytingizda suhbatdoshingizga oʻzining fikrini bildirishi uchun imkon bering. Agar uning fikri notoʻgʻri boʻlsa ham, gapini oxirigacha tinglang.

2-qoida. Suhbatdoshingiz fikrini hurmat qiling. Hech kimga hech qachon «sen nohaqsan» demang. Siz shunday fikr bildiringki, suhbatdoshingiz sizdan xafa boʻlmagan holda sizga hamfikr boʻlib qolsin. Suhbatdoshingiz nohaq boʻlsa-da, unga nohaqligi haqida aytishingiz, unga yoqmasligi mumkin.

3-qoida. Agar nohaq boʻlsangiz, bunga tez va qatʼiy ravishda iqror boʻling. Suhbat davomida qaysidir jihatdan fikringiz xato boʻlsa, buni albatta tan oling. Xatosini tan olish ham hammaning qoʻlidan kelavermaydi. Xatoyingizni tan olishingiz insonlarda sizga nisbatan hurmatning oshishiga va ishonch paydo boʻlishiga olib keladi.

4-qoida. Unga oʻz doʻstidek gapirishga harakat qiling. Hamsuhbatingizni oʻzingizga doʻst sifatida koʻrib gapirayotganingizni bildiring. Siz undan kattadirsiz, lekin unga doʻstona ohangda murojaat qilsangiz, sizga nisbatan ikki karra hurmati oshishiga va siz tomonda boʻlishiga erishasiz.

Bu postning 2-qismini kutayotgan boʻlsangiz, reaksiya va ulashishlar orqali fikringizni qoldiring.

Obuna boʻling: @Modul_five Ochish/sharhlash

2023-02-05 19:37:26 Notiqlikning 6 ta oltin qoidasi

1. Sahnaga chiqish. Avvalo, sahnaga chiqishdan oldin siz nimani nutq qilmoqchi ekanligingizni bilib olishingiz kerak. Nutqingizni albatta salom bilan boshlang. Salomdan oldin qisqa sitata (iqtibos), aforizm boʻlsa, nur ustiga aʼlo nur boʻladi. Tinglovchilar notiqqa 50 soniya diqqatini qarata oladi. Agar 1 daqiqa ichida ularni oʻziga qarata olmasa, ularning qiziqishi yoʻqoladi.

2. Sitata va aforizmlar qoʻllash. Maʼruzani qisqagina aforizm bilan boshlagan yaxshi. Aytayotgan aforizmingiz oʻzingizga maʼqul kelishi kerak. Agar sitatadan mamnun boʻlmasangiz, sizda samimiylik yoʻqoladi va auditoriya sizga ishonmay qoʻyadi. Maʼruza mavzusiga mos sitata tanlay bilish lozim.

3. Pauza. Nutq qilishdagi eng muhim omillardan biri hisoblanadi. Siz kerakli joyda pauza qila olishingiz kerak. Agar pauzalar qila olmasangiz, auditoriya sizni tinglamaydi. Sahnaga chiqqandan maʼruzani boshlab ketmang.

4. Yumor. Yumor va hazillarni qoʻllashda juda ehtiyot boʻlish kerak. Din, shaxsiyat va millat haqidagi hazillarni umuman qilmaslik kerak. Har qanday hazilga ehtiyotkorona yondashish zarur. Sizning hazilingiz 90% insonga maʼqul boʻla olsin.

5. Toʻgʻri nutq. Qilmoqchi boʻlgan maʼruzangizni toʻgʻridan toʻgʻri qogʻozga qarab oʻqib bermang. Agarda qaysidir joyi esingizdan chiqib qolsa, chiroyli usulda koʻrib olishimiz lozim. Maʼlumotlar esingizdan chiqqanini oʻzingizdan boshqa hech kim bilmasligi kerak.

6. Yakun chiroyli boʻlishi lozim. Har qanday maʼruzada yakun, albatta, goʻzal boʻlmogʻi darkor. Nutqingizning oxirida yumor yoki pozitiv niyat yoki fikr bilan tugatish kerak. Shu qoidaga amal qilsangiz, muvaffaqiyatsiz nutq ham muvaffaqiyatli boʻlib qolishi mumkin. Eng asosiysi, har qanday maʼruzaning oxirida optimizm boʻlishi shart.

Amerikalik yozuvchi E. Xeminguey aytganidek, optimistlar samolyotni ixtiro qilishgan, pessimistlar esa parashyutni.

Hayotda har doim optimist boʻlib yashang. Salomat boʻling.

Obuna boʻling: @Modul_five Ochish/sharhlash

2023-02-02 20:25:36 Nega kitob oʻqimaymiz?

1. Dangasalik. Hamma insonning tabiatida dangasalik degan kasallik mavjud. Dangasa insonlar hech bir ishni qilishni xohlashmaydi. Dangasa inson kitob oʻqish u yoqda tursin, uni ushlashga ham erinadi. Oʻqimaslik uchun oʻziga turli xil bahonalar toʻqib chiqaradi. Oʻzini shu bahonalar bilan oqlaydi.

2. Umidsizlik. Kitob oʻqimoqchi boʻlgan insonlarda boʻladigan holat. «Bu kitobni oʻqiganimdan keyin foyda bermasa-chi?» – degan hayol oʻtadi insonda. «Kitob oʻqish menga nima bera oladi?» – degan tushunchalar paydo boʻlishni boshlaydi. Umidsizlikka tushmaslik va kitob oʻqishni boshlash kerak.

3. Muhit. Atrof-muhit insonga taʼsir qiladigan eng katta omillardan bittasidir. Yon-atrofda kitobxon insonlar boʻlmasa, bizning kitob oʻqishni boshlashimiz qiyin kechadi. Avvalo, ota-onamiz va oilamizdagilar kitobga mehr qoʻygan insonlar boʻlishlari kerak. Kitobxon insonlar davrasidagi insonlarga kitob oʻqish qiyinchilik tugʻdirmaydi.

Obuna boʻling: @Modul_Five Ochish/sharhlash