Marketing bo'limi

2022-08-26 09:37:25 Gurjistonda yana O’zbekistonliklar. Temur Sa’di Design & Print jyurisi

Ad Black Sea festivali hay’at a’zolariga yana bir vatandoshimiz, Temur Sa’di qo’shildi. Ma’no Branding agentligi asoschilaridan biri tanlovning Design & Print yo’nalishida ishlarga baho beradi.

Marketing o’zbek tilida — @marketingbolimi Ochish/sharhlash

2022-08-25 17:34:01 Yandex Go avtomobillar tezligini nazorat qilishni boshladi. Endi tezlikni oshirgan haydovchilarning buyurtma qabul qilishi cheklanadi

Yandex Go mashina tezligini monitoring qilish xizmatini ishga tushirdi. Texnologiya haydovchilarning harakat tezligini aniqlash uchun GPS‘dan foydalanadi. Bu haqda Gazeta.uz‘ga tayanib, “Kommers.uz” xabar berdi.

Tizim mashina tezligi oshib ketsa, ilova orqali haydovchini bu haqda ogohlantiradi. Bir nechta ogohlantirishdan keyin esa, haydovchining buyurtmalarni qabul qilish imkoniyati vaqtincha cheklanadi.

Bu kompaniyaning o‘z ishlanmasi bo‘lib, monitoring servis mavjud bo‘lgan barcha yetti shaharda ishlaydi. Texnologiya haydovchining harakat tezligini aniqlash uchun GPS‘dan foydalanadi. Mazkur tezlik marshrutlarni qurish uchun ishlatiladigan navigator bo‘yicha shu yo‘l kesimida ruxsat etilgan maksimal tezlik bilan taqqoslanadi.

“Biz O‘zbekiston shaharlarida xavfsizlikni taʼminlashga katta eʼtibor qaratamiz. Yangi texnologiya haydovchilarga belgilangan tezlikni nazorat qilish va yo‘l-transport hodisalari xavfini kamaytirishga yordam beradi. Boshqa mamlakatlarda avval tezlikni oshirib yurgan haydovchilarning 70 foizdan ortig‘i tizimdagi ikkinchi xabarnomadan so‘ng uni pasaytirganini ko‘rdik”, — degan Yandex Go kompaniyasining Markaziy Osiyo bozorini rivojlantirish bo‘yicha ijrochi direktori Tamirlan Shapiyev.

Marketing o‘zbek tilida — @marketingbolimi Ochish/sharhlash

2022-08-25 13:27:14 Shut up and take my money, Lay’s!

Lay’s kompaniyasi barmoqlarni tozalash uchun maxsus kichkina gadjet ishlab chiqardi. U bilan chip yegandan keyin barmoqlarda qoladigan yog‘ va chips ushoqlarini yuvib tashlash mumkin. Ichida maxsus spirt bor, xuddi dezinfeksiya vositasidek.

Bu gadjet, afsuski, sotuvga chiqarilmaydi. Kompaniya buni cheklangan adadda chiqarib, tayvanlik chipsxo‘rlar orasida yutuqli o‘yin sifatida o‘ynamoqchi.

Keyingi qiladigan ishingiz AliExpress’ga kirib, shu matoxni qidirish bo‘lmasin, baribir topilmaydi :)

Marketing o‘zbek tilida — @marketingbolimi Ochish/sharhlash

2022-08-25 11:36:31 Redjolbors o‘z jyurilari ro‘yxatini e’lon qildi

O‘rta Osiyoning kreativlik tanlovi — Redjolbors hay’at a’zolari ro‘yxatini e’lon qildi. Ularning orasida dunyoning eng mashhur agentliklar kreativ direktorlari va boshqa top menejerlari bor.

Tashkilotchilarning so‘zlariga ko‘ra, hay’at a’zolarida jami 100 ga yaqin Kann Qoplonlari bor. Har bir jyuri biosi bilan ushbu havolada tanishish mumkin.

Marketing o‘zbek tilida — @marketingbolimi Ochish/sharhlash

2022-08-25 09:43:52 Reklama xodimlarining kasbiy bayrami bilan tabriklaymiz!

“Reklama – savdo dvigateli” – bu iborani hamma bilishi bejiz emas.
Reklama xodimlari!
Sizlar tovarlar va isteʼmolchilarni bir-birlari bilan tanishtirasiz, afzalliklari haqida soʻzlaysiz va isteʼmolchilar hayotini qulayroq va samaraliroq qilasiz!

Sizlarni kreativ yondashuv va chiqishuvchanlik, mijozga yoʻnalganlik va faollik, qayishuvchanlik va qarorlarni tez qabul qilish xususiyati ajratib turadi.

Oʻzbekiston marketing uyushmasi ushbu barakali kasbga aloqador boʻlgan barchaga kelajakda ijodiy muvafaqiyatlar va kamolot tilaydi!

@makonmarketing Ochish/sharhlash

2022-08-24 10:49:09 Korzinka marketologi Twitterʼga qaytdi. Uni esa Korzinka supermarketda kutyapti :)

#smm

Marketing oʻzbek tilida — @marketingbolimi Ochish/sharhlash

2022-08-23 20:41:22 O’zbekistonlik Anastasiya Li Ad Black Sea jyurisi

DBLA agentligi asoschilaridan biri, Anastasiya Li - Gurjistonda o’tkaziladigan xalqaro reklama tanlovida ishlarga baho beradi.

Ad Black Sea - mintaqadagi eng yirik reklama tanlovlaridan biri. Hay’at a’zolari xalqaro darajadagi, katta sovrinlar egalaridir.

Ushbu festival doirasida o’tkaziladigan ta’lim tadbirida esa dunyodagi eng mashxur reklamachi va marketologlar leksiya o’qiydilar.

Masalan, bu yilgi festivalga o’z leksiyasi bilan Ser Jon Hegarti keladi. U BBH agentligi asoschisi bo’lib, Ramazon oyiga bag’ishlangan “smart iftor dasturxoni” va boshqa ko’plab mashxur keyslar mualliflaridir.

Marketing o’zbek tilida — @marketingbolimi Ochish/sharhlash

2022-08-18 13:00:56 McDonald’s aeroportda Burger King’ni nozik trolling qilgani haqida

Savdo yo‘nalishi bo‘yicha mutaxassis Akmal Nasriddinov o'zining Facebook sahifasida yozyapti:

“Frankfurt aeroportidagi marketing urushlari

Burger King’ning shishali oynasiga McDonald’s ‘Ertami-kechimi, hamma bizga keladi’ yozuvli reklama banneri yopishtirgan.

Bu yer aeroport ekanini hisobga olsak [nemischada] ”qo‘nadi‘ so‘zi ishlatilgan”.

Marketing o‘zbek tilida — @marketingbolimi Ochish/sharhlash

2022-08-17 14:46:42 Pink Island va ayollarga nisbatan zo‘ravonlik. Mahalliy brend yangi kolleksiyasini shu mavzuni ko‘targan holda taqdim etdi

Pink Island ayollar kiyimi brendi yangi kolleksiyasi taqdimotida ayollarga nisbatan zo‘ravonlik mavzusini ko‘tardi. Kampaniya Rocket Digital kreativ agentligi bilan birgalikda ishlangan, deb xabar beradi PR.uz

Pink Island hafta davomida foto va videolar e’lon qilib bordi, ularda jismoniy zo‘ravonlik alomatlari (ko‘kargan, izlar qolgan) bo‘lgan modellar kolleksiyani taqdim etdi.

Maxsus loyiha zo‘ravonlik qurbonlariga bag‘ishlangan bo‘lib, “atrofdagilarni befarq bo‘lmaslikka va ularga yordam berishga undaydi”, deyiladi brend sahifasida.

Shuningdek, Pink Island marketing direktori va Rocket Digital asoschisi PR’ga ushbu loyiha haqida gapirib bergan. Ularning fikrlarini bu yerda o‘qishingiz mumkin.

UPD. Videoning sifati uchun uzr so‘raymiz. Original tasvirlarni Pink Island Instagram sahifasida yoki PR.uz’ning ushbu xabarida ko‘rishingiz mumkin.

Marketing o‘zbek tilida — @marketingbolimi Ochish/sharhlash

2022-08-16 17:28:01 Marvel Tinder’da

Marvel kinokompaniyasi o‘zining yangi femenistik kinosi — ayol Halkni Tinder platformasi orqali reklama qilishni boshladi. Marvel platformaga ayol Halkning anketasini joylab, u haqida qisqacha ma’lumot bergan.

Anketa egasiga yozib bo‘lmaydi, unga reklama belgisi ham yopishtirilgan. Shunday bo‘lsa ham, ajoyib, shunday emasmi?

Marketing o‘zbek tilida — @marketingbolimi Ochish/sharhlash