kommentolog

2023-03-12 16:14:48 ​Biz yoʻqotilgan avlodmiz!

Hozir bir avlodni yoʻqotish uchun hech qanday urushning keragi yoʻq, hamma oʻzini oʻzi barbod qilyapti. Aybdor ham yoʻq, qizigʻi. Ayb texnologiyalar juda tez rivojlanganligi va biz undan ortda qolib ketganligimizda.
Yoshlar telefonni bemalol ishlata oladi, chunki ularning qarovchisi aksariyat hollarda yanglikni qabul qila olmaganlardan boʻlib chiqadi. Tushunmaganidan keyin nima ham deya olardi? Bunday imkoniyatlardan biznikilar "samarali" foydalnishda davom etmoqda. "Instagram", "YouTube", "TikTok" va boshqa shunga oʻxshagan tarmoqlarni axlat bilan toʻldirib, saviyamizga ulkan hissa qoʻshishmoqda. Bunday "foydali" ish qilmaydiganlar esa umrini axlat titkilab oʻtkazib yubormoqda.
Bu juda ayanchli holat. Qachonki, ota-onalar ham turli gadjetlardan farzandlaridek foydalana olishni boshlashsa va yangiliklarga eshikni yopmasa, bu holatlar kamayadi(shunga umid qilaman).

Domiy kuzatuv va tergab turish – bizga juda kerak narsalar, agar biz uchun qaygʻuruvchi insonlar tomonidan boʻlsa. Hech narsani tushunmagan paytimizda kimdir bizga anavi chelakdagi narsani foydali meva, deganini qanchalik rost qabul qilgan boʻlsak, hozir ham shundaymiz. Uning axlat ekanligini tushuntirish uchun esa, albatta, bizni doimo oʻylaydigan ota-onamiz kerak boʻladi.

Qachongacha olmani qizarishiga ishonasiz, hayronman. Baxtli boʻlishingizga sabab deb turli illatlarga toʻla postlarni hammaga tarqatish ekanligini oʻylashingizga, qoʻyaverasiz.
Siz Begzod akani, Tursunxonni mashxur qilish uchun yashayotganingiz hech xayolingizga kelmaydi. Nega "uzbek sila", oʻzbek tilini bilmaysizmi? Ha, siz birinchisiz! "W", "4", "6"... bularni adashib bosasiz-a?

Hozir shunday davrki, biz oʻzimizni toʻgʻirlab olmasak, boshqa hech kim bizga yordam bera olmaydi. Bizdan yuqorida bu davrdan oʻtgan, bizga maslahat bera oladigan, bizni toʻgʻri yoʻlga soladigan insonlar juda kam.
Borlarini ham deyarli eshitmaymiz.
Qisqasi, hamma gap oʻzimizda. Siz oʻzingizni hech boʻlmasa farzandini toʻgʻri yoʻlga sola oladigan darajadagi ota(ona) qilib tarbiyalang. Nimadir kerak boʻlsa Google, YouTube doim xizmatingizda. Ulardan tortinmay soʻrayvering, hech kim urshmaydi. Bu tarmoqlarning algoritmi shundayki, nimani koʻp qidirgan boʻlsangiz, shuni sizga tavsiya qiladi. Ilmga qiziqing!

Kelishdikmi? Texnologiyalar bilan birga rivojlanamiz. Farzandlarimiz qarovsiz qolmasligi uchun!

P/s: Bu hammaga taalluqli emas, albatta.
P/s²: Qaysi yilda tugʻilganlar bu avlodga kirishini aniq bila olmadim. Agar oʻqib atrofingizdagilarni eslasangiz, siz ham oʻsha avlodning bir boʻlagisiz. Sogʻ boʻlasiz)

@kommentolog Ochish/sharhlash

2023-03-11 18:05:34 #marafon 2-hafta

"Qorakoʻz majnun", "Oftob oyim" (Said Ahmad)

Ikki mushtipar ona haqida soʻzlovchi ikki hikoya.

Qorakoʻz majnun:
Telegramda oʻqish: havola 1
Audio tinglash: havola 2

Oftob oyim:
Telegramda oʻqish: havola 3
Audio tinglash: havola 4

Boshlangan kun: 11.03.2023 (shanba)
Muhokama kuni: 15.03.2023 (chorshanba)
Vaqti: 21:00

Muhokama boʻlib oʻtadigan guruh: https://t.me/+Osc4VwezEgdiZjQy

Ilm yoʻlida, yaxshilik yoʻlida birlashamiz!

@kommentolog Ochish/sharhlash

2023-03-09 17:17:43 ​Hayot, Susambil, urush

1984. Allaqachon koʻpchiligingizga tanish boʻlgan, hatto baʼzilarning eng sevimli asari boʻlishga ham ulgurgan asar. Kitobni yozuvchining kelajak haqidagi tasavvurlari jamlanmasi, desak ham boʻladi, agar uni niqobning ortiga olmoqchi boʻlsak. Kitob oʻsha davrda ham boʻlgan hozir ham davom etib kelayotgan davlatlarning baʼzi tushunarsiz qarorlarini boʻrttirib koʻrsatib bergan. Sotsialistik tuzumning kelajagini taʼriflab bergan desak ham adashmasak kerak. Oʻqiysiz, oʻzingizni boshqa olamga tushib qolgandek his qilasiz, keyin esa...
Asardagi bir voqea mening eʼtiborimni oʻziga jalb etdi, oʻylantirib qoʻydi. Uni "Nafas" bilan birga aytib beraman.

Molxona. Kuchli oʻxshatishlarga boy, odamlarning xarakterlarini hayvonlar orqali tasvirlovchi "achchiq" asar. Bu menga umuman boshqacha taʼsir qildi. Negaligini aytmaganim maʼqul, oʻqisangiz (oʻqib boʻlgandirsiz ham) bilib olarsiz. "Molxona" Sovet Ittifoqi davrida taqiqlangan asarlar qatorida turgan. Chunki ularning sirlari mana shu yuz betning ichida yashiringan edi-da. Hatto bu yuqoridagi ikki asarni hozir ham Amerika jamoat kutubxonalaridan topa olmaysiz. Kutubxonalarda ularning turishi mumkin emas ekan. Bularga koʻp toʻxtalib oʻtmayman, koʻpchilik gapirgani yetar.

Nafas. Urushning yana bir aks-sadosi. Birinchi jahon urushi qatnashchisining keyingi urush arafasidagi hayoti davomida bolaligidan to kelajak 2-3 yilgacha boʻladigan davr haqidagi oʻy fikrlari jamlangan asar. Oʻqish davomida yozuvchining umuman boshqa qirralarini kashf etdim. Avvalgi antiutopiyalardan keyin buni ham ularning biri deb oʻylagan ekanman. Shuning uchun boshida gʻalatiroq tuyuldi.
Asar qahramoninig fikrlari biroz tarqoq, tezda boshqa gaplar boshlanib ketishi mumkin. Buni urushning asorati deb qabul qilamiz. Aytgancha, u ham sizga oʻxshab kitob oʻqishni yaxshi koʻradi, shuning uchun ustiga chizib qoʻyadigan satrlar anchagina.
"Nafas" bilan Remarkning "Qora haykal"ini birgalikda yoki ketma-ket oʻqisangiz bormi... I jahon urushidan keyingi ikki dushman davlatlardagi yashash tarzi, ularning urush haqidagi tasavvurlari, umuman barchasini (hayratlanarlisi bu ikki davlat aholisining koʻp ehtiyojlari bir xil) taqqoslab koʻrasiz. Faqat "Nafas"da urushdan oldingi davr haqida maʼlumot koʻproq.
Yana bir qiziq jihati, shu paytgacha hech semiz odam tomonidan hikoya qilingan asarni oʻqimagandim. Bu birinchisi boʻldi. Boshqacha boʻlar ekan. Koʻpincha odamlarga qarab u hozir nimani oʻylayotganiga qiziqib qolamiz, bu qiziqish vaznga ham bogʻliq boʻlishi mumkin, albatta. "Nafas" orqali esa ozroq maʼlumotga ega boʻlasiz.
Boya aytmoqchi boʻlgan gapimga kelsak. Qiziq holatga duch keldim. Jorj amaki inson muhabbat qoʻygan odamiga nisbatan hissiyotlar chegarasi qayergacha boʻlishini baʼzi misollar bilan koʻrsatib qoʻyibdi. Boshida hamma narsaga tayyor boʻlgan oxirida... Xullas, oʻsha gap: bunaqa narsalarga berilmaslik kerak.

Shaxsiy bahoyim:
"Molxona" = "Nafas" > "1984"

P/s: Mening ham fikrlarim biroz tarqoq tuyulyapti. Hali kitobning ichidan chiqmaganga oʻxshayapman. Buning uchun maʼzur tutasiz.

@kommentolog Ochish/sharhlash

2023-03-05 17:30:40 #marafon 1-hikoya

Baxtiyor Shahzoda (Oskar Uayld)

Insonlarni doimo ezgulikka chaqiruvchi, yaxshilik orqali kamolotga erishishni isbotlovchi ertak-hikoya.

Telegramda oʻqish: havola 1
Audio tinglash: havola 2

Boshlangan kun: 05.03.2023 (yakshanba)
Muhokama kuni: 09.03.2023 (payshanba)
Vaqti: 21:00

Muhokama boʻlib oʻtadigan guruh: https://t.me/+Osc4VwezEgdiZjQy

Ilm yoʻlida, yaxshilik yoʻlida birlashamiz!

@kommentolog Ochish/sharhlash

2023-03-05 11:28:03 Haqqoniy oʻtgan soʻrovnoma natijalariga koʻra marafon oʻtkaziladigan boʻldi. ))
Oʻqishni hikoyalardan boshlaymiz.

Agar siz oʻqishni boshlay olmayotgan boʻlsangiz bu marafon bilan maqsadingizga erishishingiz mumkin. Bitta hikoyani oʻqishga uzogʻi 15 daqiqangiz ketadi. Bir haftada 10080 daqiqa bor ekan. Buning ichida 15 daqiqa nima boʻlibdi. Toʻgʻri, boshida qiyin boʻlishi mumkin, lekin keyinchalik kitobsiz yashay olmay qolasiz. Muhimi –boshlab olish.

Agar sizda bunday muammo boʻlmasa, kitobxonlar bilan suhbatlashish orqali oʻqish mahoratingizni oshirish, eʼtibor qaratmagan joylaringizni bilib olish, fikrni erkin bayon eta olish, boshqalarni kitobga qiziqishini oshirish va boshqa turli natijalarga erishishingiz mumkin.

Yana bir narsa: kitobga qiziqtirolmayotgan doʻstlaringizni ham taklif eting. Biroz majburlang, avrang, bir qiziqtirob oling. Sizdan oʻtib ketsin. Jaa oʻxshamasa, unga shu postni yuborib qoʻyarsiz)

Zoʻr hikoya topib qoʻydim. Nasib etsa manfaatli boʻladi.

Ilm yoʻlida, yaxshilik yoʻlida birlashamiz!

@kommentolog Ochish/sharhlash

2023-03-03 16:34:27 Oʻqituvchim topshiriqni yaxshi bajarmaganligim uchun menga tanbeh berdi. Hech boʻlmasa ikkita kitob oʻqiganimda bunday boʻlmas ekan.
Oʻsha paytda vazifani yaxshi bajarmaganimning sababi shu kitob ekanligini bilganda qanday holatda boʻlgan boʻlar eknlar-a? Qiziq) Ochish/sharhlash

2023-03-02 22:13:21 Afsuski, Oʻtkir Hoshimov va Tohir Malik hayot boʻlgan paytlarda shunday yozuvchilar bilan bir davrda yashaganimni his qila olmaydigan darajada yosh boʻlganman. Ammo umidsizlikka berilmayman. Mana, ular bilan bir oyda hech boʻlmasa bir marta suhbatlashaman(asarlari orqali, albatta).

Agar kitob oʻqimoqchi boʻlsangiz-u, hech uddalay olmasangiz, yoki nimadan boshlashni bilmasangiz shu insonlar bilan bir suhbatlashib koʻring.
Qalbingiz bahor kayfiyatiga burkanadi, biroz siqilasiz, uzoq tafakkur qilasiz, hammani ayblashni bas qilasiz, qisqasi, ancha narsa olsangiz boʻladi.

@kommentolog Ochish/sharhlash

2023-03-01 09:45:46 #sarhisob

Fevral oyi tugatilgan kitoblar:

1. Qizil limuzin (Anor)
2. Kecha va kunduz (Choʻlpon)
3. Eljernonga atalgan gullar (Daniel Kiz)
4. Asharai mubashshara (Ahmad Muhammad)
5. Shaytonvachchaning nayranglari 3, 4 (Erkin Malik)
6. Moʻminning meʼroji (Shayx Muhammad Sodiq Muhammad Yusuf)


Sizda nima gaplar?

@kommentolog Ochish/sharhlash

2023-02-28 18:51:44 Sen ularga oʻxshama. Boshqacha boʻl. Xatolarsiz yoz.) Ular bilsin, oʻrgansin, uyalsin.
Keyin.... Ochish/sharhlash

2023-02-27 08:06:45 Vaqt

Gʻuncha ochilguncha oʻtgan fursatni
Kapalak umriga qiyos etgulik,
Baʼzida bir nafas olgʻulik muddat –
Ming yulduz soʻnishi uchun yetgulik.

Yashash soatining oltin kapgiri
Har borib kelishi – bir olam zamon.
Koinot shu damda oʻz kurrasidan
Yasab chiqa olur yangidan jahon.

Yarim soat ichida tugʻilib, oʻsib,
Yashab, umr koʻrib oʻtguvchilar bor;
Koʻz ochib yumguncha oʻtgan dam – qimmat,
Bir lahza mazmuni – bir butun bahor.

Bir onning bahosin oʻlchamoq uchun
Oltindan tarozu, olmosdan tosh oz.
Nurlar qadami-la chopgan sekundning
Barini tutolmas ay(yu)hannos ovoz.

Yigit termiladi qizning koʻziga,
Kiprik suzilishi, mayin tabassum…
Qoʻsha qarimoqqa muhr boʻladi
Hayotda ikki lab qovushgan bir zum.

Yashash darbozasi ostonasidan
Zarhal kitob kabi ochilur olam,
Tiriklik koʻrkidir mehnat, muhabbat,
Fursatdir qilguvchi aziz, mukarram.

Bebaho damlarning tirik joni biz,
Har oni oʻtmishning yuz yiliga teng.
Oʻzbekning barhayot avlodlarimiz,
Har nafas mazmuni fazolardan keng.

Qatrada osmon aks etganidek,
Jahonday maʼnodor qorachigʻimiz.
Gʻolib asrimizga quyoshdan mashʼal,
Zamon koʻrasining soʻnmas choʻgʻimiz.

Zamona soati zang urar mudom,
Minglab hodisalar minutlarga qayd,
Qahramon tugʻildi, shahar olindi,
Bir gigant qurildi sharafli bu payt.

Reyxstag ustiga gʻalaba tugʻin
Qadashda otilgan adolat oʻqi –
Yalt etgan umri-la barqaror qildi
Basharning muqaddas, oliy huquqin.

Gʻalaba amri-la, magʻlub nemisning
Generali qoʻl qoʻydi. Uch sekund faqat…
Shu malʼun imzoda odamlar oʻqir
Million yil fashistning umriga laʼnat.

Aziz asrimizning aziz onlari
Aziz odamlardan soʻraydi qadrin.
Fursat gʻanimatdir, shoh satrlar-la
Bezamoq chogʻidir umr daftarin.

Shuhrat qoldirmoqqa Gerostratdek
Diana maʼbadin yoqmoq shart emas.
Koʻplarning baxtiga oʻzlikni jamlab,
Shu ulugʻ binoga bir gʻisht qoʻysak bas.

Har lahza zamonlar umridek uzun,
Asrlar taqdiri lahzalarda hal,
Umrdan oʻtajak har lahza uchun
Qudratli qoʻl bilan qoʻyaylik haykal.

Hayot sharobidan bir qultum yutay,
Damlar gʻanimatdir, umrzoq soqiy.
Quyosh-ku falakda kezib yuribdi,
Umrimiz boqiydir, umrimiz boqiy.

Gʻafur Gʻulom

@kommentolog Ochish/sharhlash