O‘zbek-Hind AT markazi

2021-04-11 10:24:44 Ramazon muborak boʻlsin!

Oʻzbek-Hind AT markazi barchani Ramazon oyi kirib kelishi bilan samimiy qutlaydi. Ramazon hayotingizga tinchlik va hotirjamlik, quvonch va baxt olib kelsin. Oilangiz totuv, yaqinlaringiz sogʻ-salomat boʻlsin. Barcha oʻylagan egzu niyatlaringiz, oldingizga qoʻygan maqsadlaringiz amalga oshishini tilab qolamiz.

Muborak Ramazon oyi bilan tabriklaymiz! Ochish/sharhlash

2021-04-09 14:18:22 ​ Forbes Pavel Durovni BAAning eng boy odami deya eʼtirof etdi

Forbes jurnalida milliarderlarning yangi roʻyxati eʼlon qilindi, unda Telegram messenjeri asoschisi Pavel Durov Birlashgan Arab Amirliklarining eng boy odami sifatida tan olingan. Durov asli rossiyalikku, degan savol tugʻilishi mumkin. Eslatib oʻtamiz, ayni damda milliarder BAA (Dubay)da yashaydi va Rossiyaga qaytib borish niyati yoʻqligini bildirgan.

Agar u jurnalda rossiyalik millarderlar roʻyxatiga kiritilganda, u roʻyxatdan toʻqqizinchi oʻrinni olgan boʻlardi.

Durovning mol-mulki 17,2 milliard AQSH dollari miqdorida baholanmoqda, bu esa oʻtgan yilgi koʻrsatkichdan 13,8 milliardga koʻproq. Maʼlum boʻlishicha, u BAAning eng boy odami Yusuff Alidan 12,4 milliard dollarga boyroq.

Pavel aka singari dasturlashga qiziquvchilar uchun markazimiz eshiklari hamisha ochiq.

Markazimizda onlayn kurslar ham yo'lga qo'yilgan.

Kurslar haqida batafsil ma'lumot uchun link uicit.uz/courses

+998 (71) 238 65 24

Telegram | TikTok | Instagram | Facebook | Sayt Ochish/sharhlash

2021-04-08 15:07:50 Bugungi kunda zamonaviy kasblarni egallash uchun barcha bilimlarni onlayn tarzda ham olish mumkin!

Agar siz eʼtiborli, quntli bo‘lsangiz va mantiqiy fikrlash qobiliyatiga ega bo‘lsangiz, markazimiz sizga quyidagi kurslarni taklif qiladi:
• Frontend dasturlash
• Backend dasturlash
• Grafik dizayn
• Python'da dasturlash

Eʼtiborli jihati, kurslar onlayn tarzda bo‘lib o‘tadi, bu sizga dunyoning qaysi burchagida bo‘lsangiz ham, kerakli bilimlar olish imkonini beradi.

Shoshiling, qabul muddati chegaralangan!

Kurslar haqida batafsil ma'lumot uchun link uicit.uz/courses

+998 (71) 238 65 24

Telegram | TikTok | Instagram | Facebook | Sayt Ochish/sharhlash

2021-04-05 16:32:53 ​ IBM'ning rivojlanish tarixi

IBM — dunyodagi kompyuter qismlari va dasturiy taʼminot yaratuvchi eng birinchi va yirik kompaniyalardan biri bo'lib, 1911-yilda 3 ta kichkina kompaniyaning birlashishi natijasida paydo bo‘lgan. Bu kompaniya 100 yildan ziyod davr mobaynida faoliyat yuritib kelmoqda va bu davr mobaynida texnologik evolyutsiya jarayonlarining yetakchilaridan bo‘lib kelgan.

Aynan uning faoliyati bizga magnit katakli bank kartalari, disketlar, qattiq disklar, kompyuter va superkompyuterlarni taqdim etgan. Hozirgi kundagi kompyuterlarning aksariyati IBM tufayli vujudga kelgan.

Ilk kompyuterlar tarixiga nazar soladigan bo'lsak, IBM 1941-yilda 765 000 qismdan iborat uzunligi 17 metr va balandligi 2,5 metrga teng kompyuter, to‘g‘rirog‘i, elektron hisoblash mashinasini (EHM) yaratadi. Bu mashina 4,5 tonna bo‘lib, muhandislar uni yaratish uchun 800 kilometr uzunlikdagi simlardan foydalangan.

2002-yilda kompaniya kompyuter qismlari va dasturiy ta'minot bozoridan konsalting sohasiga o‘tishga qaror qiladi va PricewaterhouseCoopers auditorlik kompaniyasining konsalting bo‘limini 3,5 mlrd AQSH dollarga xarid qiladi. Bugungi kunda unga daromadning yarmidan ko‘pini konsalting biznesi olib keladi.

Telegram | TikTok | Instagram | Facebook | Sayt Ochish/sharhlash

2021-04-02 16:04:45 ​ Karantin davrida mashhur bo‘lgan kalit so‘zlar

• 2020-yil natijalariga ko‘ra, oddiy raqamlar ketma-ketligi asosida tuzilgan kalit so‘zlar (123456, 123456789, 000000) Top 10 talikka kirdi. Bundan tashqari, lotin alifbosida yozilgan “asdasd” va “asdfghjkl”, shuningdek, kirill alifbosidagi “марина” so‘zi ilk bor topdan o‘rin oldi. Bu haqda DLBI maʼlumotlar tarqalishi bo‘yicha razvedka xizmatining tadqiqotlarida aytilgan.

Birinchi o‘rinni “123456” egalladi. O‘tgan yillarda topda bo‘lgan “qwerty” asosidagi kalit so‘zlar karantin davridagi topga kirmagan, ammo ular faqat harflardan tashkil topgan kalit so‘zlar orasida birinchilikda turibdi.

Tadqiqotda ingliz tilidagi “password”, “iloveyou”, “dragon” va “monkey” kabi so‘zlar ham mashhur bo‘lgani aytilgan. Qizig‘i, 2020-yilda koronavirusga oid kalit so‘zlar paydo bo‘ldi: “covid19”, “корона”, “epidemic”, “COVID19_Access”, “pandemic”, “coronavirus” va boshqalar.

Agar siz kalit so‘zlardan foydalansangiz va maʼlumotlaringiz, akkauntlaringiz o‘zingiz uchun muhim bo‘lsa, ularni imkon qadar murakkabrog‘iga almashtirishni tavsiya qilamiz.

Telegram | TikTok | Instagram | Facebook | Sayt Ochish/sharhlash

2021-03-29 18:23:43 Xitoyda qiziq bir hodisa yuzaga keldi

Yanvar oyida mashhur Adobe Flash plagini oʻchirildi. Kompaniya bu haqda 2017-yildan buyon ogohlantirib kelishiga qaramay, koʻpchilikni bu voqea dovdiratib qoʻydi.

Shimoliy Xitoydagi Dalyan shahrida mahalliy temiryoʻl boshqaruv tizimidagi keng koʻlamli buzilish tufayli 20 soatga toʻxtab qoldi. Bu buzilish esa aynan Adobe Flashʻning oʻchirilishi bilan bogʻliq.

Maʼlum boʻlishicha, mahalliy tizim koʻp yillar avval ochiq dasturiy taʼminot asosida ishlab chiqilgan va undan keyin yangilanmagan.

Koʻrib turganingizdek, dasturlarning hayotimizdagi oʻrni biz oʻylaganimizdan-da ulkanroq.

Telegram | TikTok | Instagram | Facebook | Sayt Ochish/sharhlash

2021-03-26 17:16:26 ​ Instagram haqida nimalarni bilasiz?

Bugun Instagram'ni butun dunyo biladi. Albatta, axir rasmlarni tezkorlik bilan tahrirlash va joylash imkonini beruvchi bu ilovada turli davlatlardan millionlab odamlar oʻz rasmlarini joylaydilar, bir-birlari bilan muloqot qiladilar, mashhurlikka erishadilar, oʻz bizneslarini yaratadilar va rivojlantiradilar.

Ilovaning asoschilari Kevin Sistrom va Mayk Krigerlardir. Ular dastlab yirik IT firmalarda ishlashadi, tajriba yigʻishadi. Kevin Google'da ishlaydi, Mayk esa Microsoft'da. Ularning maqsadi rasmlarni tahrirlovchi dastur yaratish boʻlgan.

2010-yilning oktyabrida ilova App Store'da paydo boʻlgan. Bir kundayoq uni 25 000 foydalanuvchi yuklab oladi va obuna boʻladi, bir haftaning ichida esa ularning soni 100 mingga yetadi. Mualliflar yangi 2012-yilni katta xursandchilik bilan kutib olishadi, negaki u paytda foydalanuvchilar soni 1 millionga yetadi. Oʻsish surʼati nihoyatda yuqori boʻladi.

2012-yilning bahorida Sistromni Facebook asoschisi Mark Sukerberg chaqiradi va unga 1 milliard dollar taklif qiladi. Tabiiyki, bunday taklifni rad etib boʻlmaydi. Mark Instagramni sotib oladi.

Siz ham shu kabi dasturlar yaratishga qiziqasizmi?
Markazimiz eshiklari siz uchun hamisha ochiq. Keling, o‘rganing va orzuingizdagi loyihani amalga oshiring!

Kurslarimiz haqida batafsil maʼlumot: uicit.uz/courses

+998 (71) 238 65 24

Telegram | TikTok | Instagram | Facebook | Sayt Ochish/sharhlash

2021-03-25 14:57:25 ​ UX va UI dizayn o‘zi nima?

IT sohasidagi TOP yo‘nalishlardan bo‘lmish ushbu sohalar haqida nimalarni bilasiz?

UX dizayn — ingliz tilida User Experienсe, ya’ni foydalanuvchi tajribasi degan ma’noni anglatadi. IT-mahsulotlar (veb-saytlar, mobil ilovalar, dashboard'lar)ning suyagi, asosi hisoblanadi. UX dizayner foydalanuvchilarning xohish-istaklarini tahlil qiladi va ularga qulay bo‘lgan dizayn asosini chizadi.

UI dizayn — ingliz tilida User Interfaсe, ya’ni foydalanuvchi interfeysi degan ma’noni anglatadi. IT mahsulotlarning ko‘rinishini yaratadi, uning chiroyliligini ta’minlaydi. Bu did bilan tanlangan ranglar, shriftlar (fonts), ikonkalar va boshqa dizayn elementlaridan foydalangan holda mahsulotni bezatishni anglatadi.

UX/UI dizaynerlariga bo‘lgan talablar O‘zbekistonda ham, jahonda ham yuqori hisoblanadi. IT-mahsulotlarning soni oshgani sayin, bu sohaga bo‘lgan talab oshsa oshadiki, aslo kamaymaydi!

+998 (71) 238 65 24

Telegram | TikTok | Instagram | Facebook | Sayt Ochish/sharhlash

2021-03-24 15:09:04 ​ Mark Sukerberg

Facebook asoschisi, amerikalik dasturchi, internet texnologiyalari olamidagi tadbirkor va milliarder Mark Sukerberg haqida eshitmagan odam boʻlmasa kerak.

U yoshligini kompyuter oldida oʻtkazishni xush koʻrgan, lekin boshqa bolalardan farqli oʻlaroq, u nafaqat foydali maʼlumotlar bilan qiziqqan, balki dasturlash tilini ham oʻrganib borgan. Natijada u 10-sinfda oʻqiyotganida stol oʻyinining kompyuterdagi dasturiy koʻrinishini yaratadi. Keyinroq u doʻsti bilan hammaga maʼlum «Winamp» mediapleyeriga qoʻshimcha ishlab chiqaradi, u foydalanuvchiga avval eshitgan musiqalari asosida yangi musiqalar tanlashda yordam berardi.

Xuddi shu yili Microsoft kompaniyasi Sukerbergga u yaratgan ilova uchun 2 million dollar taklif qiladi. Ammo dasturchi shunday javob beradi: “Ilhom sotilmaydi”.

Bugungi kunga kelib dasturchining boyligi qariyb 102 mlrd AQSH dollarini tashkil qiladi va bu uni dunyodagi eng boy insonlar reytingida uchinchi oʻringa olib chiqdi.

Koʻrib turganingizdek, dasturlash sizga cheksiz imkoniyatlar eshiklarini ochadi, sizdan esa shunchaki kuchli ishtiyoq va matonat talab etiladi.

Markazimizda Frontend va Backend dasturlash kurslarida taʼlim olib, oʻzingiz uchun imkoniyatlar eshiklarini oching!

+998 (71) 238 65 24

Telegram | TikTok | Instagram | Facebook | Sayt Ochish/sharhlash

2021-03-23 17:22:56 Frontend dasturlash kursiga start berilmoqda!

Esingizda boʻlsa, Oʻzbek-Hind axborot texnologiyalari markazi zamonaviy “Frontend dasturchi” kursiga qabul eʼlon qilgandi.

Endi sizni 30-mart soat 16:00 da boʻlib oʻtadigan birinchi ochiq darsga taklif qilib qolamiz!

Ochiq darsda qatnashish bepul. Birinchi darsga yoziling va Frontend dasturlash sohasi haqida maʼlumotga ega boʻling!

Kursga yozilish uchun link bit.ly/2Z3e4xK

+998 (71) 238 65 24 Ochish/sharhlash