🍃«Жалолиддин Румий»🍃

2022-01-06 04:15:14 Ассаламу алайкум
азизларим Хайрли тонг
Ёдингизда тутинг:

Розилик билан ҳаёт зийнатланади!

Табассум билан муаммолар енгиллашади!

Истиғфор билан эҳтиёжлар қондирилади!

Дуо билан мушкуллар осон бўлади!

Яна бир тонг учун Роббимизга ҳамдлар бўлсин!!!

Кун давомида аъло кайфият хамрохингиз бўлсин!

@Jaloliddinrumiyy Ochish/sharhlash

2022-01-05 18:34:36 СОҒЛИК энг буюк ҳадядир.
ҚАНОАТ энг буюк бойлик.
ИШОНЧ энг буюк қардошлик.
МУҲАББАТ энг буюк бахт.

Ҳамма нарсада ҳамиша гўзаллик кўринг...
Гўзал кумуш Қишнинг совуқ тушаётган оқшомида яқинларингизнинг иссиқ мехрли оғушуда, оила даврасида иссиққина чой ичиб, уларни қадрлаб, шукрона айтишлик барчангизга насиб бўлсин....
Ҳар нафасингиз бахт, меҳр-муҳаббат, ҳузур-ҳаловатга тўлсин!

Қорлар гўзаллиги,оқлиги каби поклик тилайман

Хайрли тун...

@Jaloliddinrumiyy Ochish/sharhlash

2022-01-05 16:40:17 САОДАТ АСРИ ҚИССАЛАРИ

3-Аудиокитоб 156-қисм

"Умму Гулсум ва Умму Ҳабиба (р.а)"

Сухандон-Бахтиёр Мўминов: Ассалому алайкум каналим тингловчилари. Ўқиб тайёрлаган аудио китобларим ёқаётган бўлса дуоларингизда эслаб қўйинг. Аллоҳ рози бўлсин.
https://t.me/audio_kitoblar_sifatli

@Jaloliddinrumiyy Ochish/sharhlash

2022-01-05 15:26:01 ФАРИШТА

-Салом..! Илтимос, гўшакни қўйманг..!
_ Сенга нима керак..? Мени вақтим йўқ тезроқ гапир..!
- Мен бугун докторга бордим...
_ Хўш.. Нима деди улар сенга..?
- Тўрт ойлик ҳомилам борлиги тасдиқланди
_ Мендан нима хоҳлайсан.. Менга бош оғриқ керак эмас, Унут, мени рақамимни..!
- Қандай унутаман..? Алло, алло..!
_ Абонент находится вне......
Орадан уч ой ўтди...
_ Салом чақалоқ..!
~ Салом, сиз кимсиз..?
_ Мен сени ҳимоя қиладиган фариштангман
~ Мени кимдан ҳимоя қиласиз..? Мен бу ердаман, ҳеч қаёққа кетолмайман.
_ Сен жуда кулгулисан. Бу ерда қийланмаяпсанми..?
~ Мен яхшиман..! Лекин онам нимагадир ҳар куни йиғлайдилар.
_ Сен ҳавотир олма, катталарни хар доим нимадандир кўнгли тўлмайди. Сен ухла, куч йиғишинг керак, у сенга ҳали керак бўлади
~ Сиз онамни кўрдингизми..? У қанақа..?
_ Албатта кўрдим, ахир мен доим сен биланман..! У жуда чиройли ва ёш..!
Яна уч ой ўтди...
~ Фаришта шу ердамисиз...?
_ Албатта
~ Негадир бугун онам қийланяпти, куни билан йиғлади, ўзи билан ўзи гаплашиб чиқди...
_ Эътибор берма. Ёруғ оламни кўришга тайёрмисан..?
~ Тайёрман, аммо жуда қўрқяпман. Онам мени кўриб хафа бўлсачи...?
_ У хурсанд бўлади.. Сендай чақалоқни ёмон кўриб бўларканми..?
~Фаришта у ер қанақа, қоронғуми..?
_ Хозир бу ерда қиш. Атроф оппооок. Якинда ўзинг кўрасан.
~ Фаришта мен кўришга тайёрман...
_ Бўлақол, миттивой.. Мен кутяпман…
... Чақалоқ дунёга келди...
... Орадан бир кун ўтиб, уни тунда шаҳар чеккасига олиб борди..
_ Ўғлим сен мендан ҳафа бўлма... Хозир замон оғир. Мен эса ёлғизман... Сен билан қаерга ҳам борардим..?! Мени бутун ҳаётим олдинда...
Сенга эса барибир, ухлайсан бўлди....
~ Фаришта онам қаерга кетди...?
_ Билмиман, ҳавотир олма, у хозир келади...
~ Фаришта нимага овозинг бунақа..? Йиғлаяпсанми..? Фаришта онамни чақир, совқотиб кетяпман...
_ Йўқ мен йиғламаяпман. Ҳозир уни чақириб келаман.. Сен эса уҳлаб қолма.. Овозинг борича йиғла.. Йиғлаа..!
~Йўқ мен йиғламайман, онам менга ухлашинг керак деди...
... Бу орада, яқинрокдаги бир уйда эр хотин тортишишарди....
_ Мен сени тушунмаяпман, қаёққа кетяпсан..? Кўча қоронғу бўлса.. Азизам тирноққа зор фақат биз эмасмиз, минглаб инсонлар шундай... Улар ҳам яшашяпти.
~ Мен сиздан ўтинаман, юринг ташқарига чиқайлик...
_ Қаёққа..?
~ Билмадим, лекин қаергадир боришим кераклигини ҳис қиляпман... Илтимос юринг, борайлик
_ Хўп..фақат охирги марта.. Эшитяпсанми, бошқа бунча кеч кўчага чиқмаймиз...
... Жуфтлик уйдан чиқишди.. Олдинда аёл тез тез юриб борарди...
_ Азизам қаерга бунчалик шошяпсан..?
~ Сиз ишонмайсиз, мени кимдир чақиряпти, шу томонга қўлимдан тортгандай бўляпти...
_ Сен мени қўрқитяпсан. Эртага сени докторинг билан гаплашаман...
~ Жим... Эшитяпсизми, кимдир йиғлаяпти..?
_ Ха, бу томондан, бола овози эшитиляпти..!
_ Болажон қаттиқрок йиғла..! Онанг адашиб қолди, лекин сени топади..!
~ Фаришта, қаерга кетиб қолдинг..? Мен сени чақирдим... Мен қаттиқ совқотяпман...
_ Мен онангни ёнига бордим.. У яқинлашиб қолди...
~ Эй Худойим... Бу чақалоқку... У музлаб қолибди.. Азизим тезроқ уйга борайлик.. Аллоҳ бизга фарзанд берди...
~ Фариштам мени, онамни овози ўзгарибди..
___ Болажон, кўниккин, бу ҲАҚИҚИЙ ОНАНГ.

@Jaloliddinrumiyy Ochish/sharhlash

2022-01-05 12:48:16 Банда айтади: Ишларимни бажариб, кейин Аллоҳга юзланаман.

Аллоҳ айтади: Менга юзланинг ишларингизни ҳал қиламан.

«Сирлар хазинаси» рисоласи

@Jaloliddinrumiyy Ochish/sharhlash

2022-01-05 08:01:31 САФАР ДУОСИ

Киши сафар қилишга отланар экан, унинг ушбу сафардан бир қанча орзу-умидлари бўлади. Бундай лаҳзаларда қалбга таскин берувчи бирдан-бир нарса мусофирнинг ҳар бир ҳолати мулоҳазасини қилиб айтилган мураббий Пайғамбар соллаллоҳу алайҳи васалламнинг покиза дуоларидир. 

Усмон ибн Аффон розияллоҳу анҳудан ривоят қилинади:
“Расулуллоҳ соллоллоҳу алайҳи васаллам:
“Кимки сафарни ирода қилиб уйидан чиқса ва чиқаётган пайтида: “Бисмиллаҳи ваътасомту биллаҳи таваккалту алаллоҳи ла ҳавла вала қуввата илла биллаҳ” деса, ўша чиқишлигида яхшилик билан ризқланиб, ўша чиқишлигининг ёмонлиги ундан дафъ қилинади”, дедилар”.
Дуонинг маъноси:
“Аллоҳнинг номи билан сафар қилишни бошлайман. Аллоҳнинг ёрдамига боғландим, Аллоҳга таваккул қилдим ва тоатга қувват ҳам, гуноҳдан сақланишга бўлган қувват ҳам ёлғиз Аллоҳдандир”

@Jaloliddinrumiyy Ochish/sharhlash

2022-01-05 04:31:50 Фақатгина гўзал, яхши ният қилинг ва йўлингизда давом этинг. Қазо-қадар, ниятга ошиқдир. Чеккан заҳматингиз, кун келиб раҳмат бўлади...
Ҳазрати Шамс Табризий

Ассалому Алайкум азизлар .
Сиз яхшилар билан яна бир ажойиб тонгни бирга қарши олдик . Ҳар мўжизани яратгувчиси бўлган ул Қодир Оллоҳга ҳамду -санолар бўлсин.

Беназир Аллоҳимнинг ер юзига қут-баракани бирга тушираётган гўзал ёмғирли кунларида ,шу ёмғир томчиларидек ҳамиша меҳримизнинг адоғи бўлмасин ! ИншаАллаҳ ҳар дамингиз эзгу амаллар ичра хуш ўтсин!

Хайрли тонг !!!

@Jaloliddinrumiyy Ochish/sharhlash

2022-01-04 18:04:15 Хайрли тун! Эртага Кунни самарали бошлаш учун фойдали одатлар

Кун давомидаги кайфият ва самарадорлик даражаси тонгни қандай кутиб олишга кўп жиҳатдан боғлиқ. Қуйидаги одатлар билан тонгни қаршилаш кун давомида тетикликни ҳис қилиш, яхши кайфиятда бўлишни таъминлайди.

Эмбрион позаси

Уйқудан уйғонгач, ўриндан ҳали турмай “эмбрион позаси” номли йога машқини бажариш тун бўйи ҳаракатсиз қотиб қолган умуртқа ва тос суюклари учун фойдали.

Лимонли сув

Уйқуга ётишдан аввал бир стакан сувга бир бўлак лимонни солиб қўйинг. Эрталаб уйқудан сўнг бу сувни ичиш тун бўйи сувсизланган тана учун фойдали – токсинларни ҳайдайди, тетиклаштиради.

Нафас машқлари

3-10 дақиқа бутун диққатни жамлаб, чуқур нафас олиш ва чиқариш янги кунга мослашишга ёрдам беради.

Соғлом нонушта

Кунни нонуштасиз, йўл-йўлакай ичилган қаҳва билан бошламанг. Ёнғоқ, сут маҳсулотлари, мевалар нонушта дастурхони учун айни муддао.

Зангсоат (будильник) биринчи марта чалганда уйғонишга одатланинг.

@Jaloliddinrumiyy Ochish/sharhlash

2022-01-04 15:27:55 Шуни яхши билки, кучли, ҳаммани енгган арслон билан жанг қилмоқ осондир.
Ҳақиқий қаҳрамон эса аввало ўзининг нафсини енгган кишидир.

Мавлоно Румий

@Jaloliddinrumiyy Ochish/sharhlash

2022-01-04 11:17:05 Шифо сўраш дуоси

Аллоҳумма роббан наси азҳибил баъса ишфи анташ шафий ла шифа’а илла шифа’ука шифаан ла юғодиру сақоман.
Маноси:
“Ё Аллоҳ! Эй инсониятнинг Робби! Оғриқни кетказ. Шифо берадиган фақат Сенсан. Сендан ўзга шифо берувчи йўқдир. Бунда ҳеч касаллик қолмайдиган даражада шифо ато қил”.
Шарҳ:
Имом Бухорий ва Имом Муслимнинг саҳиҳ ривоятларига кўра, Расулуллоҳ (соллаллоҳу алайҳи васаллам) оилаларидан бирор киши касалланганида муборак ўнг қўлларини ҳастанинг оғриган жойига қўяр ва “Аллоҳумма роббан наси азҳибил баъса ишфи анташ шафий ла шифа’а илла шифа’ука шифаан ла юғодиру сақоман”, деб дуо қилардилар.
Шундан кейин ўша хаста тузалиб, шифо топарди. Шубҳасиз, асл шифо берувчи бандани ҳам, касалликни ҳам яратувчи Зотдир. Табиб фақат Аллоҳ берган шифонигина касалга тадбиқ қилади. Шунинг учун Расулуллоҳ (соллаллоҳу алайҳи васаллам) бу ҳадиси шарифларида шифони яратган Аллоҳга мурожаат қилиб, шифони берган вақт Ўзи, деб айтганлар. Барча шифолар Аллоҳнинг яратиши билан бўлмоқда. Табиблар ҳам уни топиб, хасталарни даволайдилар.

"Пайғамбаримиз (алайҳиссалом)нинг муборак 101 дуолари" китобидан.

@Jaloliddinrumiyy Ochish/sharhlash