Илм ва ҳикмат

2021-02-13 12:37:41 Бахтли яшашнинг сабабларидан:

Гўзалликни кўрадиган кўз,

Ёмонликни ўзгартирадиган қалб,

Яхшиликни ўйлайдиган ақл ҳамда

Яхши ниятга тўлган руҳ. @ilmvaxikmat Ochish/sharhlash

2021-02-11 10:27:58 Ҳаётга муҳаббат ва ишонч билан боқ. Чунки ҳаёт Оллоҳ таоло томонидан инсонга берилган ҳадядир. Бас, сен Бир ва Ёлғиз Зотнинг ҳадясини қабул эт, уни ҳурсандчилик ва шодлик билан ол. Тонгни табассум билан қаршила. Кечани ўз салобати ва сукунати билан, кундузни ўз шуъласи ва зиёси билан қабул қил. Сувни ҳамд ва шукр айтиб ич. Масрур ҳолда ҳаводан нафас ол. Тасбеҳ айтганча гулни ҳидла. Коинот ҳақида фикр қилиб ибратлан. Оддий Ерда, гулнинг япроғида, насимнинг эсишида, қуёшнинг ҳароратида, ойнинг шуъласида буларнинг барчасида сен учун катта атойи неъмат бордир. Бас, бу неъматлардан Оллоҳга ибодат қилишда, Унинг неъматига шукр қилишда фойдалан. Бу неъматларни кўришдан қайғу даҳшати, ғам қўшини сени тўсиб қўймасин, у ҳолда сен жонсиз, нонкўрга айланасан. Балки билгинки, Холиқ ва Раззоқ бўлган Зот бу неъматларни фақатгина Ўзига тоат қилишда ёрдам бўлсин учун яратгандир. @ilmvaxikmat Ochish/sharhlash

2021-02-11 09:49:51 Эй фарзанд!
Ҳар нарсани ўз ўрнига қўйиш оқилликдир!
Пулнинг ери - чўнтакдир!
Қалбда пулга жой қолмасин!
ҚАЛБ - илоҳий маърифатнинг еридир!@ilmvaxikmat Ochish/sharhlash

2021-02-09 08:29:07 Замонавий тадқиқотлар таъкидлашича, Америка қўшма штатларида 30 миллион Америкалик тушкунлик кайфиятида яшайди. Бунинг асосий сабаби ноумидликдир. Биз баралла айта оламизки, мусулмонлар тушкунлик, ғамгинлик ва ноумидликдан йироқ кишилардир. Агар биз Қуръон оятлари устида фикр юритсак, келажакка умид, Аллох рахмати билан шод бўлиш холатларини топамиз. Қуръони карим кўпгина оятларида мўминларни ғамгинлик, ноумидликдан ман қилади. Хатто, Яъқуб пайғамбар фарзандлари билан узоқ айрилиқда қолганларида хам Аллохдан умидни узмадилар. Балки, умидни йўқотган кишини Аллохга кофир бўлиб қолади, деб эътиборга олдилар. Шунинг учун Аллох таоло: "Аллохнинг рахматидан ноумид бўлманглар. Хақиқатда Аллохнинг рахматидан фақат кофир қавмларгина ноумид бўлурлар" (Юсуф сураси, 87 оят), деб айтган. @ilmvaxikmat Ochish/sharhlash

2021-02-07 11:57:00 Ochish/sharhlash

2021-02-06 07:38:28 Кимдир муваффақиятни орзу қилади..
Кимдир уни пайдо рўёбга чиқариш учун эрта уйғонади...
@ilmvaxikmat Ochish/sharhlash

2021-02-06 07:37:34 Яҳё ибн Абу Касир айтади:

"Тавозенинг боши уч ишдир:

1. Йиғинларда пойгакроқдан жой тегса ҳам рози бўлиб ўтираверишинг.

2. Кимга рўбарў келсанг ҳам биринчи бўлиб салом беришинг.

3. Қилган яхшилигинг учун мақтов эшитишни ёқтирмаслигинг, хўжакўрсинга иш қилмаслигинг".

Арабчадан Муқим Маҳмуд таржимаси
2021-02-05
@ilmvaxikmat Ochish/sharhlash

2021-02-04 13:05:38 "99" қоидаси.

Кунларнинг бирида подшоҳ вазиридан - "Мени салтанатим бўлса, тожу-тахтга эга бўлсам, шунга қарамай хотиржам эмасман ва жуда кам қувонаман. Нима учун хўў анави хизматчи ҳечвақоси бўлмаса ҳам доим қувониб хотиржам юради?!", дея сўрабди. Вазир - "Шоҳим! У билан <99> қоидасини синаб кўринг", дебди. Шоҳ:
- Қандай қоида экан-у? Вазир:
- Шоҳим, бугун тунда ўша хизматчининг эшиги олдига 99 тилло қўйиб, бир соҳчига пойлаб туришини буюрасиз ва тилла солинган халтага "Сенга мендан 100 тилло ҳадя" деб ёзилган мактуб қолдирасиз! Шоҳ:
- Яхши, шундай қиламан.

Шоҳ соҳчидан хизматчи ҳадяни олгач нима қилганини сўрапти. Соҳчи:
- Аввалига росса хурсанд бўлди, кейин тонгача оиласи билан остонага чиқиб йўқолган бир тиллони излашди. Топиша олмади. Кейин болларини ношудликда айблаб сўкди. Натижада улкан муожаро чиқди, деб жавоб берипти.

Эртаси куни бояги хизматкор саройга яхши ухламаганидан мудроқ тутиб, кайфиятисиз, халовати қочган ҳолда келипти. Шоҳ <99> қоидани англаб етипти шунда.

Биз, ўзимизга етишмаётгандек туюлган биргина неъматни ўйлаб, Аллоҳ берган 99 (аслида саноқсиз) неъматларни унутиб қўямиз.
@ilmvaxikmat Ochish/sharhlash

2021-02-02 07:27:33 Абу Дардо разияллоҳу анҳу айтадилар: «Уч нарса бўлмаганда мен Ернинг бетида эмас Ернинг остида бўлишни истар эдим: менинг ҳузуримга келиб ҳудди яхши хурмоларни танлагани каби фойдали гапларни гапирадиган биродарларим, Аллоҳга сажда қилиб юзимни тупроққа белашим, Аллоҳ йўлида чиқиш ва қайтиш».@ilmvaxikmat Ochish/sharhlash

2021-02-02 07:13:08 Хеч кимни камситишга ҳаққимиз йўқ.
Илмли бўлсак жоҳилни, Бой бўлсак камбағални, Кучли бўлсак ожизларни.

Аслида сизга фахр ва устунлик берган сабабни берган хам, камситаётган кишингиздан уни дариғ тутган ҳам Аллоҳдир. Муносиб бўлганим учун берилди деб ўйламанг. Балки, эртага унга бериб, сизга тўхтатар. Эҳтимол, сизга бергани мусибат бўлиб, унга бермагани хайр бўлар.

Ўзингизни ҳокисор тутинг. Хатто, уни кўрганда кўнглингиздан ўтган мен ундан яхшироқман деган фикр хам сизни жарликка етаклайди.

Ориф Таскиннинг Ҳаёт менга шуни ўргатди китобидан.@ilmvaxikmat Ochish/sharhlash