2022-05-16 18:45:51
#bilasizmi
Kitob o‘qish vaqtingizni maroqli o‘tkazibgina qolmay, miya va tanaga ham bir qancha foyda keltiradi. Mutolaa sizga zavq berishidan tashqari, o‘qishni quyidagilar uchun odat qilishingiz mumkin:
1. Kitob o‘qish miyadagi mavjud nerv yo‘llarini harakatga keltiradi. Biz buni kitob o‘qiyotganda miyamizda miltillovchi uchqunlar sifatida ifodalashimiz mumkin. Hozir bu postni o‘qiyotganingizda ham bu jarayon sodir bo‘lmoqda.
2. She’r o‘qish miyaning faolligini oshirgani kabi elastikligini ham oshiradi.
3. Tez-tez kitob o‘qiydigan kishilarning miyasida yoshga bog‘liq muammolar ro‘yxati 32% ga kamroq bo‘ladi.
4. Masalan, biror badiiy asar o‘qiyotganda, siz yangi obrazlar, belgilar, voqealar, vaziyatlar kabi yodda tutishingiz kerak bo‘lgan ko‘p narsalarni uchratasiz. Bu sizning miyangizda yangi xotira, ya’ni yangi nerv bog‘lamlar hosil bo‘ladi yoki mavjud nerv bog‘lamlari kuchayadi.
5. Ovoz chiqarib o‘qish depressiyadan aziyat chekayotganlar uchun ancha foydali.
6. Depressiyadan qiynalayotgan kishilar uchun eng yaxshi kitoblar "self-help" kitoblar ekanini aytib o‘tish kerak. Self-help (oʻz-oʻziga yordam beruvchi) kitoblar ayniqsa kuchli depressiyadagilar uchun foydalidir. Bunda nafaqat kitobni o‘qish, balki sarlavhaning o‘zi ham odamlar ko‘pgina foyda olishlari mumkin.
7. Ko‘rinib turibdiki, o‘qish nafaqat miyaning burmalariga, balki stressga ham juda kuchli ta’sir ko‘rsatadi. Tadqiqotlarga ko‘ra, kitob o‘qish stressni 68 foizga kamaytiradi.
8. Tez-tez kitob o‘qiydigan keksa odamlarda Altsgeymer kasalligi 2,5 barobar kam uchraydi.
9. Uxlashdan oldin kitob o‘qish, tanangizga uxlash vaqti kelgani haqida signal beradi. Bu tanangizni asta-sekin uyquga tayyorlashga imkon beradi va natijada yanada qulayroq uxlay olasiz.
10. O‘qish odati bo‘lgan bolalar, o‘qish odati bo‘lmagan bolalarga qaraganda, murakkab mavzularni yaxshiroq tushunadi
11. Maktab boshlanishidan oldin kitoblar bilan tanishtirilgan bolalar maktab hayoti bilan osonroq moslashib olishadi.
12. Farzandingiz bolalar kitobini o‘qiyotganda o‘rganadigan yangi so‘zlarning o‘rtacha soni, xuddi shu vaqt mobaynida, televizor ko‘rganda o‘rganganidan 50% ko‘proq.
13. Maqsadli harakat qilayotgan qahramonlarni o‘qish odamlarning o‘z maqsadlariga erishish uchun motivasiyasini oshiradi.
14. Kitoblardagi murakkab munosabatlarni o‘qish va tahlil qilish, odamlarning o‘z hayotidagi munosabatlarni tushunish va boshqarish ko‘nikmalariga ijobiy hissa qo‘shadi.
Shunday ekan, kitob oʻqishdan charchamang, aziz kitobxon!
Telegram | Instagram | Facebook | TikTok
4.6K views15:45
I
