Huquqiy Hujjat

2023-04-27 14:42:57 Судьяга нисбатан интизомий жазо қўлланилиши мумкин.

Агар мурожаатда муайян ишни кўришда суд (судья) томонидан процессуал қонун нормалари бузилганлиги ҳақидаги важлар келтирилган бўлса ва шикоятни кўриш жараёнида ушбу важлар ўз тасдиғини топса, апелляция, кассация инстанцияси судлари ишни кўриш натижаси бўйича хусусий ажрим чиқариши ва унинг нусхаси тегишли судьялар малака ҳайъатига юборилиши лозим.

Олий суд Пленумининг "Жисмоний ва юридик шахслар ҳуқуқлари ва қонуний манфаатларини суд орқали ҳимоя қилиш тўғрисида"ги 03.07.2020 йилдаги 11-сонли қарори 10-банди.

@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-27 14:40:20 Одил судлов: Ҳудудий прокурорлар жиноят ишлари кўрилишида шахсан қатнашиб туришларига нима тўсқинлик қилади?

Қарийб 20 йиллик амалиётим давомида бармоқ билан санарли жиноий суд ишларидагина ҳудуд прокурорларининг шахсан иштирокининг гувоҳи бўлдим ёки эшитдим. Ва аслида ҳам инкор эта олмаймизки, деярли барча жиноят ишларини судларда кўрилиши жараёнида ҳудуд прокурорларини шахсан ўзи давлат айбловини қувватлаши амалиётидан узилиб қолинган.

Хўп, бу одил судловни таъминланишида қандай рол ўйнайди?

Биринчидан, дастлабки тергов устидан назоратни таъминлашда прокурорнинг шахсан масъуллиги ҳиссини оширади. Чунки, суд процессларида ҳудуд прокурори ўзи қатнашар экан, дастлабки тергов жараёнида йўл қўйилган қонунбузилиш ҳолатларига шахсан гувоҳ бўлади.

Иккинчидан, давлат айбловининг суд саҳнасида табиий тортишувчаликни реал жонланишига хизмат қилиб беради. Бу эса адолат тантанаси учун муҳим.

Учинчидан, иш бўйича суд томонидан қонуний, асосли ва адолатли қарорлар чиқарилишига кўмаклашади.

Тўртинчидан, суд қарорларига нисбатан келтирилаётган протестлар сонининг сунъий оширилиши ва бунинг оқибатида суднинг, шунингдек процесс бошқа иштирокчиларининг беҳуда оворагарчиликларининг олди олинишига эришилади.

Ўз навбатида амалда ҳудуд прокурорларининг ушбу йўналишдаги фаолиятига баҳо берилишида суд қарорларига нисбатан келтирилган ва қаноатлантирилган протестлар сони эмас, балки нечта суд ишларида шахсан қатнашиб, қонуний, асосли ва адолатли суд қарорлари чиқарилишига фаол кўмаклашганлиги, кейинчалик ушбу ҳудуд суди томонидан чиқарилган қарорлар юқори инстанция судлари томонидан ўзгартирилмаганлиги ёки бекор қилинмаганлиги кўрсаткичлари асосий мезон сифатида эътиборга олиниши лозим.

Бунинг учун эса ҳудуд прокурорлари Конституция ва “Прокуратура тўғрисида”ги Қонунда уларга тўғридан-тўғри вазифа сифатида юклатилган иш ва хизматлардан ташқари бошқа ташкилий ва сиёсий ишларга жалб қилинишидан том маънода воз кечиладиган пайт аллақачон келган, назаримда.


@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-27 13:28:41 #Қонунчиликдаги_янгиликлар

Давлат ижрочиси фаолияти юзасидан шикоятлар фақат маъмурий судлар томонидан кўриб чиқилади

Давлат органлари билан муносабатларда фуқаролар ва тадбиркорлар ҳуқуқларининг самарали ҳимоясини таъминлаш мақсадида Президент томонидан имзоланган Қонун (ЎРҚ–833-сон, 26.04.2023 й.) билан айрим қонун ҳужжатларига ўзгартиш ва қўшимчалар киритилди

Жумладан, Жиноят-процессуал кодексига киритилган қўшимчага кўра, кассация инстанцияси суди мансабдор шахсларнинг эътиборини суриштирув, дастлабки тергов ва суд муҳокамаси жараёнида йўл қўйилган камчиликларга қаратиш зарур бўлганда хусусий ажрим чиқаради.

“Суд ҳужжатлари ва бошқа органлар ҳужжатларини ижро этиш тўғрисида”ги Қонунга киритилган ўзгартишга кўра:

Барча суд ҳужжатлари асосида бериладиган ижро варақалари 3 йил ичида ижрога топширилиши мумкин. Илгари иқтисодий судларники 6 ой ичида эди;

Давлат ижрочисининг ҳар қандай қарорлари ёки ҳаракатлари устидан шикоят фақат маъмурий судга ёхуд бўйсунув тартибида юқори турувчи органга, мансабдор шахсга берилади.

Илгари Иқтисодий суд билан боғлиқ ижро юзасидан иқтисодий судларга шикоят берилган.

Шунингдек, Фуқаролик процессуал кодексига киритилган қўшимчага мувофиқ, эндиликда ўзаро боғлиқ бўлган, баъзилари фуқаролик судига, баъзилари эса маъмурий судга тааллуқли бир нечта талабни бирлаштиришга йўл қўйилмайди.

Илгари мазкур ишлар бирлаштирилиб барча талаблар фуқаролик судида кўрилган.

Талаб фуқаролик ишлари бўйича судга тааллуқлилик қоидалари бузилган ҳолда тақдим этилган тақдирда, даъво аризаси (ариза) тааллуқлилигига кўра иқтисодий судга ёки маъмурий судга кўриб чиқиш учун ўтказилади.

Иқтисодий ёки маъмурий суддан ариза ёки иш материаллари судга тааллуқлилигига кўра келиб тушганда судья ариза тегишли талабларга мувофиқ эмаслигини аниқлагач, ариза судга келиб тушган кундан эътиборан 10 кундан кечиктирмай даъвогарни (аризачини) камчиликларни бартараф этиш зарурлиги тўғрисида хабардор қилади ва унга бунинг учун 10 кундан ошмайдиган муддат беради.

Бундан ташқари, мазкур Кодексга кассация шикоятини (протестини) кўрмасдан қолдириш ҳамда кассация шикояти (протести) бўйича иш юритишни тугатиш билан боғлиқ асослар киритилди.

Қонун расмий эълон қилинган кундан эътиборан кучга киради.



@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-27 13:27:30 #Қонунчиликдаги_янгиликлар

Тарафларнинг келишув битими тузиш ҳуқуқи белгиланди

Қонун билан Маъмурий суд ишларини юритиш тўғрисидаги кодексга қўшимчалар киритилди.

Жумладан, тарафларнинг келишув битими тузиш ҳуқуқи белгиланди. Унга кўра:

тарафлар маъмурий суд ишларини юритишнинг барча босқичларида ва суд ҳужжатини ижро этиш жараёнида низони келишув битимини тузган ҳолда тўлиқ ҳажмда ёки қисман ҳал этиши мумкин;

тарафларнинг келишуви фақат уларнинг низоли оммавий ҳуқуқий муносабатлар субъекти сифатидаги ҳуқуқ ва мажбуриятларига тааллуқли бўлиши ҳамда тарафларнинг ўзаро ён беришига йўл қўйилган тақдирда амалга оширилиши мумкин;

келишув битими ёзма шаклда тузилади ва уни тузган шахслар томонидан имзоланади;

келишув битими суд томонидан тасдиқланганидан кейин тузилган деб ҳисобланади.

Шунингдек, киритилган ўзгартиришга мувофиқ, маъмурий суд ишларини юритиш суднинг фаол иштироки асосида амалга оширилади.

Суд ишда иштирок этувчи шахсларнинг тушунтиришлари, аризалари, илтимосномалари, улар томонидан тақдим этилган далиллар ва ишнинг бошқа материаллари билан чекланмасдан маъмурий ишнинг тўғри ҳал қилиниши учун аҳамиятга эга бўлган барча ҳақиқий ҳолатларни ҳар томонлама, тўлиқ ва холисона текширади.

Суд ўз ташаббуси ёки ишда иштирок этувчи шахсларнинг илтимосномаси бўйича қўшимча далиллар тўплайди, шунингдек маъмурий суд ишларини юритиш вазифаларини ҳал қилишга қаратилган бошқа ҳаракатларни бажаради.

Шунингдек, судга аризачи ариза (шикоят) билан бир қаторда аризада кўрсатилган талабларга сабабий боғланишда бўлган зарарларнинг ўрнини қоплаш тўғрисидаги талабни ҳам тақдим этишга ҳақли.

“Давлат божи тўғрисида”ги Қонунга киритилган қўшимчага кўра, зарарларнинг ўрнини қоплаш ҳақидаги аризалар (шикоятлар) бўйича талаб суммасининг 2 фоизи миқдорида, бироқ БҲМнинг 1 бараваридан кам бўлмаган миқдорда давлат божи ундирилади.



@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-22 18:48:49 Тиббиёт ходими фаолиятига тўсқинлик қилганлик учун маъмурий жавобгарлик белгиланди

Тиббиёт ходимининг қонуний тиббий фаолиятига тўсқинлик қилганлик учун жавобгарлик белгиланиши муносабати билан Президент томонидан имзоланган Қонунга (ЎРҚ–827, 27.03.2023 й.) асосан Маъмурий жавобгарлик тўғрисидаги кодексга қўшимча киритилди.

Унга кўра, мазкур Кодекс қуйидаги мазмундаги норма билан тўлдирилди:

Тиббиёт ходимининг қонуний тиббий фаолиятига тўсқинлик қилиш ёки шу мақсадда тиббиёт ходимига қонунга хилоф равишда ҳар қандай шаклда таъсир ўтказиш:

фуқароларга БҲМнинг 5 бараваридан 7 бараваригача (1,5 млн сўмдан 2,1 млн сўмгача), мансабдор шахсларга эса 7 бараваридан 10 бараваригача (2,1 млн сўмдан 3 млн сўмгача) миқдорда жарима солишга ёки 15 суткагача муддатга маъмурий қамоққа олишга сабаб бўлади.

Ҳужжатнинг расмий тўлиқ матни:
https://lex.uz/docs/6416383

@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-22 13:01:09 Ish haqi, pensiyalar va nafaqalar miqdori oshadi

“Ish haqi, pensiyalar va nafaqalar miqdorini oshirish toʻgʻrisida”gi Prezident Farmoni qabul qilindi

Farmonga koʻra:

2023-yil 1-apreldan pensiyalar va nafaqalar miqdori 7 foizga oshiriladi.

2023-yil 1-apreldan Oʻzbekiston hududida:

pensiyani hisoblashning bazaviy miqdori – oyiga 347 000 soʻm;

yoshga doir eng kam pensiya miqdori – oyiga 677 000 soʻm;

nogironlik pensiyalari, jumladan ish staji toʻliq boʻlmagan chogʻdagi nogironlik pensiyasining eng kam miqdori – oyiga 747 000 soʻm;

mehnatga layoqatsiz fuqarolarga beriladigan nogironlik nafaqasi va bolalikdan nogironligi boʻlgan shaxslarga beriladigan nafaqa miqdori – oyiga 747 000 soʻm;

1941–1945-yillardagi urush oqibatida nogiron boʻlgan shaxslar va uning qatnashchilari, shuningdek, fashistlar konslagerlarining voyaga yetmagan sobiq mahbuslari va Leningrad shahri qamal qilingan davrda ishlagan shaxslarning eng kam pensiya miqdori ustamalarni inobatga olgan holda – oyiga 3 296 000 soʻm;

belgilangan yoshga doir eng kam pensiya miqdoridan (677 000 soʻmdan) 747 000 soʻmgacha pensiya oluvchilarning yoshga doir pensiyalari miqdori – oyiga 747 000 soʻm;

zarur ish stajiga ega boʻlmagan keksa yoshdagi fuqarolarga beriladigan nafaqa miqdori – oyiga 535 000 soʻm;

ish staji toʻliq boʻlmagan chogʻdagi yoshga doir pensiyaning eng kam miqdori qoʻshimcha toʻlovni hisobga olgan holda – oyiga 535 000 soʻm;

oʻzgalar parvarishiga muhtoj nogironligi boʻlgan 18 yoshgacha bolalarning parvarishi bilan band boʻlgan bolaning qonuniy vakiliga beriladigan nafaqa miqdori – oyiga 535 000 soʻm;

boquvchisini yoʻqotganlik nafaqasi oluvchilarning bir nafar mehnatga qobiliyatsiz oila aʼzosi uchun nafaqa miqdori – oyiga 535 000 soʻm etib belgilandi va keyingi har bir mehnatga qobiliyatsiz oila aʼzosi uchun – 198 000 soʻmdan qoʻshiladi;

boquvchisini yoʻqotganlik pensiyasi oluvchilarning bir nafar mehnatga qobiliyatsiz oila aʼzosi uchun pensiyaning eng kam miqdori – oyiga 535 000 soʻm etib belgilandi va keyingi har bir mehnatga qobiliyatsiz oila aʼzosi uchun amaldagi tartibga muvofiq pensiya toʻlanadi.

Shuningdek, 2023-yil 1-maydan byudjet tashkilotlari xodimlarining ish haqi miqdori 7 foizga oshiriladi.

2023-yil 1-maydan Oʻzbekiston hududida:

mehnatga haq toʻlashning eng kam miqdori – oyiga 980 000 soʻm;

bazaviy hisoblash miqdori – oyiga 330 000 soʻm etib belgilandi.

@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-21 18:31:37 #Bilasizmi

Ichki ishlar organlari xodimlari tashkilotlarning yoki fuqarolarning transport vositalaridan:
tabiiy ofat yuz bergan joyga borish;

shoshilinch tibbiy yordamga muhtoj fuqarolarni tibbiy muassasalarga olib borish;

jinoyat sodir etgan shaxslarni ta’qib qilish va ichki ishlar organlariga olib kelish;

hodisa joyiga yoki ichki ishlar organlarining shaxsiy tarkibini jangovar trevoga bo‘yicha to‘plash joyiga borish uchun majburiy tartibda foydalanishi mumkin.

Chet davlatlarning diplomatik, konsullik vakolatxonalariga va boshqa vakolatxonalariga, xalqaro tashkilotlarga tegishli bo‘lgan transport vositalari hamda maxsus mo‘ljallangan transport vositalaridan foydalanishga ruxsat berilmaydi.

O'zbekiston Respublikasining "Ichki ishlar organlari to'g'risida"gi Qonuni 20-moddasidan

@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-20 07:03:22 Korrupsiya - halokatga yo‘l! Tanlov o‘z qo‘lingda!
———
Коррупция - ҳалокатга йўл! Танлов ўз қўлингда!

@huquqiy_hujjat

  Каналга уланиш  

Дўстларингизга улашинг Ochish/sharhlash

2023-04-20 06:43:06 Каналга обуна бўлинг

Ўзбекистон Республикасининг
МАЬМУРИЙ ЖАВОБГАРЛИК тўғрисидаги кодекси
____
Ўзбекистон Республикасининг
ЖИНОЯТ кодекси
__
Ўзбекистон Республикасининг ЖИНОЯТ ПРОЦЕССУАЛ кодекси
__
  @huquqiy_hujjat

  Каналга уланиш

Дўстларингизга улашинг Ochish/sharhlash

2023-04-18 07:49:17 Янги таҳрирдаги Конституция: айрим соҳалардаги ўзгаришларга шарҳ

Ижтимоий соҳа
Инсон ҳуқуқлари
Олий таълим
Суд-тергов
Таълим
Тиббиёт
Экология

«Тараққиёт стратегияси» маркази томонидан тайёрланган инфографикалар эътиборингизга ҳавола этилмоқда.

@huquqiy_hujjat

  Каналга уланиш  

Дўстларингизга улашинг Ochish/sharhlash