✍️📑 Ҳоким қарори

2022-06-15 17:53:14 Иштихон туманининг собиқ ҳокими янги лавозимга тайинланди

Негматов Шуҳрат Худойбердиевич Самарқанд вилояти Маҳалла ва нуронийларни қўллаб-қувватлаш бошқармаси бошлиғининг нуронийлар масалалари бўйича ўринбосари лавозимига тайинланди.

Канал @HokimQarori Ochish/sharhlash

2022-06-15 09:02:53 Иштихон туманига янги ҳоким тайинланди

Рўзиев Фазлиддин Куранович Иштихон тумани ҳокими этиб тайинланди.

Тайинловга қадар у Вазирлар Маҳкамасининг Маҳаллий саноат ва кооперация алоқаларини ривожлантириш масалалари котибияти мудирининг ўринбосари лавозимида фаолият юритган.

УзА

Канал @HokimQarori Ochish/sharhlash

2022-06-15 07:39:33 Шакарбоев Дилшод Давронович – Қўшработ тумани ҳокими лавозимига тайинланди.

Д.Шакарбоев мазкур тайинловга қадар Самарқанд вилояти Иқтисодий тараққиёт ва камбағалликни қисқартириш бош бошқармаси бошлиғининг биринчи ўринбосари лавозимида фаолият юритган.

Канал @HokimQarori Ochish/sharhlash

2022-06-14 17:00:26 Китоб туманининг собиқ ҳокими вилоят ҳокими ўринбосари бўлди

Закиров Алишер Исамиддинович - Қашқадарё вилояти ҳокимининг туризм, маданият, маданий мерос ва оммавий коммуникациялар масалалари бўйича ўринбосари - вилоят туризм ва маданий мерос бош бошқармаси бошлиғи этиб тайинланди.

Канал @HokimQarori Ochish/sharhlash

2022-06-14 16:33:18 Андижон шаҳрига ҳоким тайинланди

Андижон шаҳар ҳокими этиб Абдураҳмонов Гофуржон Гуламжанович тайинланди.

Канал @HokimQarori Ochish/sharhlash

2022-06-14 15:36:35 Ибадуллаев Вохид Азизович – Сирдарё вилояти ҳокимининг капитал қурилиш, коммуникациялар ва коммунал хўжалик масалалари бўйича ўринбосари лавозимига тайинланди.

У мазкур тайинловга қадар Қурилиш вазирлиги Ички аудит ва комплаенс-назорат бошқармаси бошлиғи вазифасида фаолият юритган.

Канал @HokimQarori Ochish/sharhlash

2022-06-14 15:15:36 Пардаев Уктам Бердимуродович Китоб тумани ҳокими лавозимига тайинланди.

Бунга қадар У.Пардаев Савдо-саноат палатаси Қашқадарё вилояти ҳудудий бошқармаси бошлиғи лавозимида фаолият юритган.

Канал @HokimQarori Ochish/sharhlash

2022-06-13 13:20:30 Жиззах вилояти ҳокими ўринбосарига хайфсан берилди

Жиззах вилояти ҳокимининг Ёшлар сиёсати, ижтимоий ривожлантириш ва маънавий-маърифий ишлар бўйича ўринбосари (в.б.) Дарханов Азамат Қобилович томонидан, вилоятда 2-табақа меҳнат жамоалари, футбол клублари, вилоят ҳудудидаги корхона, ташкилот ва муассасалар ўртасида спортнинг мини-футбол (футзал) тури бўйича вилоят 2-лига чемпионатини ўтказиш тўғрисида тасдиқланган Низомга асосан ташкил этилаётган ўйинларга эътиборсизлик қилиниб, ўз ҳолига ташлаб қўйилган.

Натижада жорий йилнинг 9 июнь куни Жиззах шаҳар ҳокимлиги ва вилоят Давлат солиқ бошқармаси жамоалари ўртасида ўтказилиши лозим бўлган навбатдаги тур учрашуви ўтказилмаган.

Мазкур ҳолат жамоаларнинг вилоят Футбол ассоциациясига бўлган ишончсизлиги ва ҳақли эътирозларига сабаб бўлган.

Шу боис, вилоят ҳокимининг тегишли фармойиши билан Дарханов Азамат Қобиловичга нисбатан “ҳайфсан” интизомий жазо чораси қўлланилди.

Канал @HokimQarori Ochish/sharhlash

2022-06-13 11:30:33 Туғруқ комплекси балансидаги ер майдони ва бино-иншоотлар вазирлик розилигисиз сотиб юборилди

Марғилон шаҳар ҳокимлиги томонидан Ўзбекистон Республикаси соғлиқни сақлаш вазирининг розилигини олмаган ҳолда, шаҳар ҳокимининг 17.06.2019 йилдаги “Узоқ муддатдан буён бўш турган ва мақсадсиз фойдаланилмаётган бино-иншоотларни шаҳар ҳокимлиги балансига олиш хақида”ги 1516-сонли қарорига асосан, Марғилон шаҳар тиббиёт бирлашмасига қарашли туғруқ комплексининг (Қашқар МФЙ, Ташаббус кўчаси 34-уйда жойлашган) 6612,0 м2 ер майдони, собиқ хирургия бўлими ва автогараж бино-иншоотлари билан бирга шаҳар ҳокимлиги заҳира фондига олинган.

Шаҳар ҳокимининг тегишли қарорларига асосан юқоридаги ер майдони ва бино-иншоотлар тадбиркорлик субъектига етказилган зарарни қоплаш учун аукцион савдолари орқали юридик ва жисмоний шахсларга сотиб юборилган.

Фарғона вилояти ҳокимининг қарори билан Марғилон шаҳар ҳокимининг 17.06.2019 йилдаги 1516-сонли қарори бекор қилиниб, ер майдони ва бино-иншоотлар шаҳар ҳокимлиги заҳирасидан туғруқ комплекси балансига қайтарилди.

Канал @HokimQarori Ochish/sharhlash

2022-06-13 10:25:24 Автотранспорт ҳаражатлари учун 237 миллион 100 минг сўм маблағ ажратилди

Сурхондарё вилоят ҳокимининг қарори билан вилоят ҳокимлиги балансидаги 2 дона «Каптива» хизмат автомашиналарини таъмирлаш ва 1 дона «Ласетти» (Жентра) хизмат автомашинасини сотиб олиш ва расмийлаштириш билан бўлиқ харажатлар учун 237 100 000 (икки юз ўттиз етти миллион бир юз минг) сўм маблағ ажратилди.

Канал @HokimQarori Ochish/sharhlash