✍️📑 Ҳоким қарори

2022-05-17 06:02:15 Халқ депутатлари Булунғур тумани Кенгашининг тегишли қарори билан:

Туман ҳокимининг ўринбосари Бурибоев Азизбек Бахрановичнинг “Фозил Йўлдош ўғли таваллудининг 150 йиллик юбилейини кенг нишонлашга тайёргарлик кўриш бойича олиб борилаётган ишлар доирасида юқоридаги мурожаатларга асосан шоир ва бахши Фозил Йўлдош ўғлини қабрини кўчириш тўғрисида”ги билдиргиси маълумот учун қабул қилиниб — шоир ва бахши Фозил Йўлдош ўғлининг қариндошлари, бир гуруҳ нуронийлар, Ўзбекистон мусулмонлари идорасининг Самарқанд вилояти вакиллиги, туман санитария эпидемиология осойишталик ва жамоат саломатлиги бўлими, давлат кадастрлар палатаси туман филиали, экология ва атроф-муҳитни муҳофаза қилиш соҳасидаги назорат бўйича туман бўлими томонидан билдирилган Фозил Йўлдош ўғлининг қабрини "Бўдана" маҳалласида жойлашган қариндошлари дафн қилинган “Ғиштли ота” қабристонига кўчириш тўғрисидаги таклифлари маъқулланди.

@HokimQarori Ochish/sharhlash

2022-05-17 06:02:10 Халқ депутатлари Қашқадарё вилояти Кенгашига бўшаб қолган ўринлар учун сайлов бўлиб ўтди

2022 йил 15-май куни бўлиб ўтган сайловда 53-Қутчи сайлов округидан номзод Азимов Муротжон Бердиалиевич Халқ депутатлари Қашқадарё вилояти Кенгашига депутат этиб сайланди. Бу ҳақида Қашқадарё вилоят сайлов комиссиясининг жорий йил 16-май куни қабул қилинган "Халқ депутатлари Қашқадарё вилояти Кенгашига депутатларни рўйхатга олиш тўғрисида"ги қарорида маълум қилинди.

Азимов Муротжон Бердиалиевич 1976-йил Китоб туманида туғилган. Ўзбекистон Либерал демократик партияси аъзоси. Айни пайтда Қашқадарё вилояти ҳокими лавозимида фаолият юритмоқда.

@HokimQarori Ochish/sharhlash

2022-05-16 14:03:43 Халқ депутатлари Бахмал тумани Кенгашининг тегишли қарори билан:

Жиззах вилояти Халқ таълими бошқармаси ишчи гуруҳининг тумандаги 32-умумий ўрта таълим мактаби жамоаси томонидан тушган аризани ўрганиш натижаси тўғрисидаги Халқ таълими бошқармасининг 2022 йил 29 апрелдаги хати ҳамда Халқ депутатлари туман Кенгаши доимий комиссиясининг 2022 йил 10 майдаги қарори маълумот учун қабул қилиниб, 32-умумий ўрта таълим мактаби директори С.Холмирзаевага нисбатан белгиланган тартибда қонуний чора кўриш учун розилик берилди.

Шунингдек, мактаб ўқув тарбия ва маънавий маърифий ишлар бўйича директор ўринбосарлари, мактаб хўжалик ишлар бўйича директор ўринбосари, мактаб психологига нисбатан белгиланган тартибда қонуний чоралар кўрилиши белгиланди.

@HokimQarori Ochish/sharhlash

2022-05-16 12:00:38 Мингбулоқ тумани ҳокимининг тегишли қарорлари билан:

Туман ҳокимининг ўринбосари-инвестиция ва ташқи савдо бўлими бошлиғи лавозимига — Шухрат Тошкинбаевич Умаралиев тайинланди. Аввалроқ, унинг ўрнида ишлаган Каримов Зиёдулла Данабаевич бошқа ишга ўтиши муносабати билан, ўз аризасига асосан туман ҳокимининг ўринбосари лавозимидан озод этилганди.

Шунингдек, “Толлиқ” маҳалласида Сарвар Аскаралиевич Рахимов ва “Ўзгариш” маҳалласида Абдувахоб Абдуллаевич Примқулов ҳоким ёрдамчиси лавозимларига тайинланди.

@HokimQarori Ochish/sharhlash

2022-05-16 10:00:24 Ғузор тумани ҳокимининг тегишли қарори билан:

Туман ҳокимининг молия-иқтисод ва камбағалликни қисқартириш масалалари бўйича биринчи ўринбосари – Иқтисодий тараққиёт ва камбағалликни қисқартириш бўлими бошлиғи Худайқулов Лазиз Эшқуватовичга нисбатан — иш фаолияти давомида ўз вазифасига масъулиятсизлик билан ёндошганлиги, ўз зиммасига юклатилган вазифаларни талаб даражасида ижро этилишини таъминламаганлиги ҳамда соҳага тегишли ташкилот раҳбарлари устидан назоратни сусайтириб юборганлиги сабабли — “ўртача ойлик иш ҳақининг ўттиз фоизи миқдорида жарима” интизомий жазо чораси қўлланилди.

@HokimQarori Ochish/sharhlash

2022-05-16 09:08:09 Қорақалпоғистон Республикаси Вазирлар Кенгашининг тегишли қарори билан:

Вазирлар Кенгаши Раисининг ўринбосари - Инвестициялар ва ташқи савдо вазири Хабибуллаев Бахытжан Сагидуллаевич Ўзбекистон Республикаси Президенти Ш.М.Мирзиёевнинг 2022 йил 23-24 февраль кунлари Қорақалпоғистон Республикасига ташрифи давомида берилган топшириқлар ва 25 февраль куни ўтказилган йиғилиш баёнида белгиланган топшириқлар ижросини таъминлашда камчиликларга йўл қўйганлиги учун қатъий огоҳлантирилди.

Қорақалпоғистон Республикаси Вазирлар Кенгашининг Инвестициялар ва ташқи савдо, инновациялар, хусусийлаштирилган корхоналарга кўмаклашиш масалалари бўйича котибияти бошлиғи А.Сейтжановга ва Қорақалпоғистон Республикаси транспорт вазири С.Сапаровга нисбатан — Ўзбекистон Республикаси Президенти ҳужжатлари ҳамда топшириқларининг бажарилишини ташкил қилиш, ҳужжатлар билан ишлаш, ижро интизомини назорат қилиш, топшириқлар ижросини таъминлашда юзага келган муаммоли масалаларни ҳал этиш юзасидан ўз вақтида зарур чоралар кўрмаганлиги учун — “Ҳайфсан” эълон қилинди, ҳамда шахсий иш жилдларига қўшилди.

@HokimQarori Ochish/sharhlash

2022-05-16 07:07:32 Сурхондарё вилояти ҳокимининг тегишли қарори билан:

Вилоят ҳокимининг жамоат ва диний ташкилотлар билан алоқалар бўйича ўринбосари лавозимига — Абдурахманов Абдурасул Носиржон ўғли тайинланди.

Абдурасул Абдурахманов 1990 йил Наманган вилояти Чортоқ туманида туғилган. 2012 йилда Давлат хавфсизлик хизмати институтини тамомлаган. Маълумоти бўйича мутахассислиги – юриспруденция, ҳуқуқшунос. У меҳнат фаолияти давомида Ўзбекистон Республикаси Давлат хавфсизлик хизмати идоралари офицерлари таркибида ҳарбий хизматда меҳнат қилган.

Мазкур лавозимга тайинлангунга қадар 2019 йилдан Давлат хавфсизлик хизмати Сурхондарё вилояти бўйича бошқармаси Тезкор бўлинма бошлиғи вазифасида фаолият юритаётган эди.

Аввалроқ, унинг ўрнида ишлаган Қодиров Баходир Рахимович — Самарқанд вилояти ҳокимининг ўринбосари лавозимига тайинланганди.

@HokimQarori Ochish/sharhlash

2022-05-16 06:15:21 Хоразм вилояти ҳокимининг тегишли фармойиши билан:

Янгибозор тумани “Минг боғолон” маҳалласи ҳоким ёрдамчиси Рузметов Ғайрат Тулибаевич — туман ҳокими ўринбосари-инвестициялар ва ташқи савдо бўлими бошлиғи лавозимига тавсия қилингани сабабли эгаллаб турган лавозимидан озод этилди. Хива тумани “Сапча” маҳалласи ҳоким ёрдамчиси Сабиров Жамшидбек Улуғбек ўғли — “Бўстон” маҳалласи ҳоким ёрдамчиси лавозимига ўтказилди.

Шунингдек, туман-шаҳар ҳокимлари томонидан тақдим этилган илтимосномалари маълумот учун қабул қилиниб, бугунги кунда ўз лавозимида ишлаш истаги йўқ бўлган 16 нафар ҳоким ёрдамчиси эгаллаб турган лавозимидан озод этилди.

@HokimQarori Ochish/sharhlash