GINEKOLOGIYA (AYOLLAR SALOMATLIGI)

2022-08-31 17:18:02 Ota-ona qon rezus-faktorining musbat va manfiy bo‘lishi homilaga ta’siri bormi?

Rezus-faktor (Rh) – musbat (+) va manfiy (-) bo‘lib, qon tarkibidagi qizil qon tanachalari yuzasida joylashgan D antigenining borligiga ko‘ra farqlanadi.

Rezus-konflikt homiladorlik davrida ona va homila o‘rtasida qon guruhi sababli yuzaga keladigan muammolar bo‘lib, ushbu muammolar asosan onaning qon guruhi salbiy bo‘lganda kuzatiladi. Bunda homiladorlik yoki tug‘uruqning qiyin kechishi, bolada sariqlik holatlari kuzatiladi.

Shu sababli homilador ayollarning barchasi homiladorlikning ilk bosqichlarida qon topshiradi. Qon natijalariga qarab, homilador ayol uchun maxsus inyeksiyalar tavsiya etiladi, homiladorlik davrida va tug‘uruqdan keyin shifokor tomonidan maxsus davo choralari amalga oshiriladi. Bundan tashqari rezus-manfiy qon guruhiga ega bo‘lsa-da,tug‘uruqdan oldin shifokor tavsiyalariga amal qilish yuzaga kelishi mumkin bo‘lgan muammolarni oldini olishga yordam beradi.

Kanalimiz: @gynecology_uz Ochish/sharhlash

2022-08-31 16:03:02 #ayol #klimaks

AYOLLARDA KLIMAKS

Klimaks - inson hayotidagi fiziologik davr boʻlib, ayollarda reproduktiv vazifaning tugashi, erkaklarda esa jinsiy bezlar ishidagi o'zgarishlar bilan kechadi. Klimaks 40 yoshdan keyin yuzaga keladi va ayollarda oʻrtacha 10 yil, erkaklarda 5 yil davom etadi.

SABABLARI

Ayol reproduktiv sistemasidagi oʻzgarishlar.

Bu holat quyidagilardan keyin yuzaga keladi:

• Organizmning qarishi;
• Jinsiy a'zolarning yalligʻlanish kasalliklari;
• Kichik chanoq a'zolarIdagi operatsiyalar;
• Tuxumdonlar funksional faolligining pasayishi;

Ortiqcha vazn, surunkali alkogolizm, notoʻgʻri hayot tarzi erta klimaksga olib keladi.

BELGILARI

- "ko'tarilishlar" (toʻsatdan to'lqinsimon qizib ketish);
- Hayzning toʻxtashi (menopauza);
- Bosh ogʻrishlari;
- Ter ajralishining kuchayishi;
- Asabiy ta'sirchanlik;
- Libido (jinsiy mayl) ning pasayishi;
- Tushkunlikka moyil boʻlish;
- Siydik tutolmaslik;
- Siydik chiqarishga tez-tez signal boʻlishi;
- Qin shilliq qavatining qurishi;
- Teri quruqligi;
- Soch toʻkilishi.

DIAGNOSTIKA

Klimaksni va unga ko'riladigan choralarni aniqlash maqsadida vrach-ginekolog quyidagi analizlarni buyuradi:

1. Qonning umumiy va biokimyoviy analizi;
2. Kichik chanoq organlarining ultratovush tekshiruvi;
3. Bachadon ichki qavati (endometriy) dan namuna olib tekshirish;
4. Qindan surtma olib tekshirish;
5. Mammografiya;
6. Suyak-mushak tizimining rentgenologik tekshiruvi.

DAVOLASH

• Antidepressantlar;
• Nogormonal preparatlar - biofosfonatlar;
• Tabletka va krem ko'rinishidagi estrogenlar;
• Gormonal preparatlar.

XAVF

Agar klimaksning davosi oʻz vaqtida boshlanmasa, u quyidagi asoratlarga olib kelishi mumkin:

- Infarkt, insult xavfining oshishi;
- Yurak ishemik kasalligi;
- Bachadondan qon ketishlar;
- Osteoporoz;
- Ateroskleroz.

PROFILAKTIKASI

Hozir yoshroq boʻlishingiz mumkin. Ammo kelajakda klimaksingiz yengil o'tishi uchun quyidagi tavsiyalarga amal qiling:

° Siydik yo'llari va jinsiy aʼzolar kasalliklarini oʻz vaqtida davolash;
° Zararli odatlardan voz kechish;
° Toʻgʻri ovqatlanish.

Kanalga ulanish:
https://t.me/joinchat/AAAAAFOElP2FGe8H-9_Y5w Ochish/sharhlash

2022-08-31 14:59:44 Istalmagan homiladorlikdan saqlovchi dori vositalarining zarari yo‘qmi? Menda hayz sikli buzilishi, ko‘p terlash va quvvatsizlik kuzatilyapti. Qaysi mutaxassisga murojaat qilishim kerak?

Shifokor Hilola Jumayeva:

Oral kontraseptiv vositalarining homiladorlikdan saqlash xususiyati ayol tuxum hujayrasining yetilmasligini ta’minlashga asoslanadi. Ularni har kuni, aynan bir vaqtda foydalanish tavsiya etiladi. Oral kontraseptiv vositalari zararsiz hisoblanadi va endometriy hamda tuxumdonlar saratonining oldini oladi.

Agar ularni qabul qilganda hayz siklining buzilishi kuzatilsa, ginekolog-reproduktolog, ko‘p terlash va quvvatsizlik sababini aniqlash uchun esa endokrinolog ko‘rigidan o‘tish zarur.

Kanalga ulanish:
https://t.me/joinchat/AAAAAFOElP2FGe8H-9_Y5w Ochish/sharhlash

2022-08-31 09:33:04 ​Jinsiy faollikni oshiruvchi Kegel mashqlari haqiqatdan foydalimi?

Kegel mashqlari jinsiy a’zo mushaklarini rivojlantirishga yo‘naltirilgan mashqlar yig‘indisi hisoblanadi. Mashqlar XX asrning o‘rtalarida ginekolog Arnold Kegel tomonidan ayollar uchun ishlab chiqilgan bo‘lib, keyinchalik nafaqat ayollar, balki erkaklar salomatligi uchun ham muhim mashqlar ekanligi o‘z tasdig‘ini topdi va ommalashib bordi.

Hozirgi vaqtda qadar ko‘pgina ginekolog, androlog, seksopatologlar o‘z bemorlariga ushbu mashqlarni tavsiya qilib kelishmoqda hamda kerakli va ko‘zlangan natijalarga erishilmoqda. Kegel mashqlari jinsiy yo‘llardagi ba’zi kasalliklarni davolash va oldini olish uchun qo‘llaniladi, masalan:
-enurez (siydik tutolmaslik)
-prostatit
-to‘g‘ri ichak kasalliklaridan bavosir (gemorroy)
-enkoprez (axlatni muntazam tutolmaslik) kasalliklari profilaktikasida va davolashda tavsiya etiladi. Bundan tashqari, jinsiy faoliyatni tartibga solishda (erta bo‘shalish, anorgazmiya va boshqalar) qo‘llaniladi. Mashqlarni bajarishning eng muhim jihati shundaki, mashqlarni muntazam bajarib borish chanoq bo‘shlig‘ida qon aylanishini yaxshilaydi, natijada ushbu sohadagi eng muhim a’zolarning normal ish faoliyati rag‘batlantiriladi.

Quyida qanday holatlarni bartaraf qilish yoki oldini olish uchun Kegel mashqlari qo‘llanilishi haqida qisqacha to‘xtalib o‘tsak. ♀️Kegel mashqlari qanday holatlarda ayollarga tavsiya etiladi? -Siydik tuta olmaslik (enurez) ni davolash va oldini olish uchun;
-Gemorroy kasalligini oldini olish va bartaraf qilish;
-Kichik chanoq a’zolarida kuzatiladigan yallig‘lanish jarayonlarini davolash va oldini olish uchun;
-Organizmni bo‘lajak homiladorlikga -tug‘ruq jarayoniga tayyorlash, ularning ortiqcha bezovtaliklarsiz va oson o‘tishi uchun;
-Tug‘ruqdan so‘ng tug‘ruq yo‘llaridagi to‘qimalarning tiklanishi, asoratlarning tezda yo‘qolishi uchun;
-Mijoz sustligi yoki sog‘lom jinsiy maylning yo‘qolishini holatini bartaraf qilish uchun;
-Anorgazmiya holati yuzaga kelmasligining profilaktikasi uchun tavsiya etiladi.

Bu mashqlarni bajarish faqatgina yuqorida sanab o‘tilgan holatlarni bartaraf qilish yoki oldini olish uchun qo‘llanilibgina qolmay, balki organizmning umumiy holatini yaxshilash uchun ham muhim ahamiyatga egaligi Arnold Kegel tomonidan ham ta’kidlab o‘tilgan.

Umuman olganda Kegel mashqlarini bajarish ayol hayoti davomida uchrashi mumkin bo‘lgan homiladorlik, tug‘ruq kabi tabiiy jarayonlarni oson kechishiga, jinsiy muammolarning umuman kuzatilmasligiga yoki juda kam kuzatilishiga yordam beradi. Va bu mashq erkaklarda ham ayollarda ham jinsiy hayot sifatini yaxshilashda qo‘llaniladiga eng zararsiz va foydali usullardan biridir.

♂️Kegel mashqlari qanday holatlarda erkaklarga tavsiya etiladi?

-Prostatit kasalligini davolash va oldini olish uchun
-Bavosil (gemorroy) kasalligini oldini olish va bartaraf qilish uchun;
-Qovuq nazoratini yaxshilash uchun;
-Tomchilab peshob ajratishni bartaraf qilish uchun;
-Enurez va enkoprez holatini oldini olish va bartaraf qilish uchun;
-Jinsiy zaiflikni oldini olish va bartaraf qilish uchun va juda ko‘plab muammoli holatlarda tavsiya etiladi.

Biz maqolada Kegel mashqlarining foydali jihatlarida qisqagina to‘xtalib o‘tdik, lekin bu mashqlarning reproduktiv a’zolarning normal ish faoliyati uchun juda muhim tomonlar juda ko‘p.
https://t.me/joinchat/AAAAAFOElP2FGe8H-9_Y5w Ochish/sharhlash

2022-08-29 10:38:37 Nima uchun homiladorlik vaqtida toksikoz kuzatiladi?

Shifokor Hilola Jumayeva:

Homiladorlik toksikozi - organizmning homiladorlikka bo‘lgan moslashuvining buzilishi bo‘lib, sabablari embrion rivojlanayotgan vaqtida hosil bo‘lgan turli moddalarning ta’siri, ona organizmidagi gormonal o‘zgarishlar, oshqozon-ichak kasalliklari, irsiy moyillik.

Homiladorlik toksikozi bola uchun bezarar hisoblanib, homila jinsiga bog‘liq emas. Homilaning qiz yoki o‘g‘il bo‘lishidan qat’i nazar ko‘ngil aynishi kuzatilishi mumkin.

Toksikozning yengil o‘tishi uchun homilador ayol ko‘p dam olishi, yoqimsiz hid va ta’mlardan uzoq bo‘lishi, xonalarni tez-tez shamollatib turish, toza havoda sayr qilishi, kun davomida oz-ozdan meva va sabzavotlar iste’mol qilishi va limonli yoki mineral suvlar ichishi kerak.

Kanalga ulanish:
https://t.me/joinchat/AAAAAFOElP2FGe8H-9_Y5w Ochish/sharhlash

2022-08-29 09:35:48 Farzandingizni ichki organlaridagi bezovtalanishlar, og’riqlar, gijja hamda parazitlar bezovta qilyaptimi? Endi bunday muammolar bolajoningizning sog’lom o’sishiga ortiq to’sqinlik qila olmaydi!

«Rikki» mahsuloti tarkibidagi antiparazitar kolosid moddasi nuridiydangizning ichki organlaridagi gijja va parazitlarga qarshi samarali kurashadi, bu esa o’z navbatida, bolajoningizning og’riqlarsiz sog’om rivojlanishiga yordam beradi.

«Rikki» biologik faol qo’shimchasi dori vositalari sirasiga kirmaydi

Biologik faol qo‘shimchalar minerallar, vitaminlar, ozuqaviy tolalar, o‘simlik ekstraktlari, to‘yinmagan yog‘li kislotalar, aminokislotalar va boshqalarni o‘z ichiga olgan tabiiy komplekslardir.

Hoziroq bizga murojaat eting va farzandingiz salomatligini tabiiy «Rikki» mahsuloti bilan yanada mustahkamlang!

Buyurtma berish uchun:
71 203 22 27
@rikkiuz_bot
@rikkiuz

O’zbekiston bo’ylab bepul yetkazib berish xizmati mavjud! Ochish/sharhlash

2022-08-22 19:30:44 Bo‘r, kesak yeyish me’yoriy holatmi?

Bo‘r va kesak yeyish me’yoriy holat hisoblanmaydi. Aslida inson organizmidagi vitamin va mikroelementlar yetishmovchiligida organizm ushbu vitaminga boy bo‘lgan yoki ta’mi o‘xshash bo‘lgan mahsulotni iste’mol qilishni xohlab qoladi.

Kesak, bo‘r iste’mol qilish istagi yosh bolalar va homilador ayollarda ko‘proq kuzatiladi. Bu holat KALSIY yetishmovchiligining alomatidir.

Ushbu holatlar kuzatilganda organizmdagi kalsiy miqdorini aniqlash va kalsiyga boy mahsulotlar (tvorog, pishloq, brinza, qatiq, yashil ko‘katlar) iste’mol qilish zarur. Kalsiy preparatlarini ham ichish mumkin. Faqat shifokor bilan maslahatlashish va yoshga mos dozalarda preparatlarni ichish lozim.

Shifokor Hilola Jumayeva

Kanalga ulanish:
https://t.me/joinchat/AAAAAFOElP2FGe8H-9_Y5w Ochish/sharhlash

2022-08-15 09:04:23 Sistit muolajasi homila uchun zararli emasmi?

Shifokor Laylo Baxtiyorova:

Bu vaziyatda, avvalo, mustaqil tarzda davolanishga kirishmang. Har qanday muolaja faqat shifokor tomonidan bajariladi.

Sistit kasalligini o‘z vaqtida davolashning muhimligi shundaki, uning asoratlari jinsiy a’zolarni zararlantirib, tug‘uruqqa oz muddat qolgan bo‘lsa, turli muammolarga sabab bo‘lishi mumkin.

Jumladan, sistitning oddiy ko‘rinishidan surunkali turga o‘tishi homilaning muddatdan avval tug‘ilishiga olib kelishi mumkin. Boisi, kasallik infeksiyasi siydik yo‘li orqali tarqalib, bachadon naylari faoliyatiga ham ta’sir etadi.

Kasallikni davolashda siydik tahlili topshirilgach, undagi infeksiyalar miqdoriga ko‘ra antibakterial antibiotiklar buyuriladi.

Shu sabab ham oylik tekshiruv ko‘rigida ayolning peshob tahlili olinib, tarkibi o‘rganiladi.

Kanalga ulanish:
https://t.me/joinchat/AAAAAFOElP2FGe8H-9_Y5w Ochish/sharhlash

2022-08-13 09:21:40 Kasallik oqibati va profilaktikasi

Oʻz vaqtida aniqlangan sistit kasalligi va adekvat davo muolajalari homilador ayol va tugʻilajak farzand uchun oqibati ijobiy hisoblanadi.

Kasallik oldini olishda homiladorlikni rejalashtirayotgan ayollar surunkali sistitni davolashlari, bundan tashqari jinsiy yoʻllarda uchraydigan infeksion kasalliklarni ham bartaraf etishlari kerak boʻladi.

Sistitga olib keluvchi omillar, yaʼni sovuq qotish, kun davomida yetarlicha suyuqlik qabul qilish, yetarlicha peshob ajratish, spirtli ichimliklar, oʻtkir, achchiq, juda shoʻr, qovurilgan va dudlangan mahsulotlardan cheklanish talab etiladi.

Yana bir muhim tadbir – shaxsiy gigiyena qoidalariga rioya etishdir.


https://t.me/joinchat/AAAAAFOElP2FGe8H-9_Y5w Ochish/sharhlash

2022-08-08 15:02:02 Qizlardagi fiziologik ajralmalar

Burun shillig'iga o'xshaydigan, hidsiz, tiniq ajralmalar - ayol organizmida kechuvchi fiziologik jarayonlar natijasi.

Qizlarda birinchi menstruatsiya kelishidan 1 yil oldindan shunaqa ajralmalar kuzatilishi mumkin. Chunki organizmda gormonal qayta qurilish bo'ladi.

Ajralmalar uchun xos:
suyuq, ba'zan shilliq holatda bo'lishi,
oq yoki kuchsiz ifodalangan sariq rang,
hidi umuman yo'q yoki nordon hidli bo'lishi mumkin.

Qizlardagi shaffof rangli ajralma - bu normal hodisa. U qin devorini namlaydi va jinsiy a'zolarga infeksiya tushishining oldini oladi. Ajralma tarkibidagi laktobakteriyalar qinda kuchsiz kislotali muhitni paydo qiladi. Ana shu kislotali muhit qinga tushadigan infeksiyalarni o'ldiradi hamda homilador bo'lish va homilani rivojlantirish uchun qulay sharoit yaratadi.

Aziz onalar va qizlar, bunday ajralmalardan xavotir olmang. Agar ajralma rangi rasmdagidek bo'lmasa yoki o'tkir hidli boʻlsa albatta o'smirlar ginekologiga murojaat qiling!!!

@GYNECOLOGY_UZ Ochish/sharhlash