"Guliston" jurnali

2021-01-13 07:04:27 Ochish/sharhlash

2021-01-13 07:04:20 “Гулистон” журналининг 2020 йилдаги 6-сони нашрдан чиқди. Ушбу сонда ҳам муштарийлар ўзлари учун қизиқарли материаллар билан танишиши мумкин.
2021 йилда жонажон Ватанимиз давлат мустақиллигига 30 йил тўлади.
Ўзбекистон Республикаси маданият вазири ўринбосари Камола Оқилова тарихий-моддий ва маданий меросимизни асраш йўлида олиб борилаётган ишлар хусусида сўзлайди.
Ўзбекистон халқ артисти Ёдгор Саъдиев Миллий театримиз ўз мухлисларига янги йилда қандай спектакллар тақдим этиши ҳақида гапиради.
Алишер Навоий таваллудининг 580 йиллиги олдидан.
Ўзбекистон халқ ёзувчиси Асқад Мухтор таваллудининг 100 йиллиги. Шогирдлар устозни хотирлайди.
Ёзувчи Хайриддин Султон ҳикояси.
Шоир Ғайрат Мажид шеърларидан бир даста.
Ўзбекистон халқ рассоми Баҳодир Жалолов билан суҳбат.
Анна Германнинг ашулаларини тинглаганмисиз? Унга нима армон бўлиб қолган эди?
“Ниҳол” мукофоти совриндори Илёс Арабов билан мақом санъати хусусида суҳбат.
Ўзбекистон музейлари бўйлаб саёҳат давом этади. Бу гал Темурийлар тарихи давлат музейи ҳақида билиб оламиз.
Бу ҳали ҳаммаси эмас. Журнални ўқинг ва ўзингиз баҳо беринг. Ochish/sharhlash

2020-12-27 08:49:30 Ochish/sharhlash

2020-12-27 08:49:14 Ochish/sharhlash

2020-12-27 08:48:57 «Гулистон» журнали бош муҳаррири Маматқул Ҳазратқулов Ўзбекистон Республикаси Маданият вазирлигининг "Маданият ва санъат фидокори" кўкрак нишони билан тақдирланди. Барча муштарийлар, шогирдлар номидан устозни муборакбод этамиз. Ochish/sharhlash

2020-12-22 16:59:21 Асқад Мухтор таваллудининг 100 йиллигига

ТАЛАБЧАН МУҲАРРИР, МЕҲРИБОН УСТОЗ

«Халқ сўзи» газетасининг 2020 йил 22 декабрь кунги сонидан.

Kanalga ulanish
https://t.me/gazetalar_sharhi

Karantin qoidalariga amal qiling! Ochish/sharhlash

2020-11-12 10:42:10 “Гулистон” журнали таҳририяти муштарийлари ва муаллифлари диққатига. Журналимизнинг манзили ўзгарди. Буюк Турон кўчасидан Навоий кўчаси 30-уй манзилига кўчдик. Таҳририят телефонлари маълум муддат ишламаслиги мумкин. Биз билан боғланиш учун 97 411 65 67 рақамига мурожаат қилишингиз мумкин. Телеграмда алоқага чиқиш учун 90 978 12 81 рақами мавжуд. Ochish/sharhlash

2020-11-09 18:28:54 “Гулистон” журналининг янги, 2020 йил 5-сони нашрдан чиқди.
Бу гал ҳам муштарийларимиз худди китоб ўқиганчалик таассуротга эга бўлишига ҳаракат қилдик.
Ўзбек тилининг софлигини, бойлигини сақлаш йўлидаги ҳаракатлар кўпчиликни қизиқтирган мавзу бўлса, ажабмас.
“Биз Алишер Навоийга ҳамиша интиламиз, унга муштоқмиз. Адабиётшунос Каромат Муллахўжаева фикр юритади.
Маҳмудхўжа Беҳбудий тўйлар ҳақида нима деган эди? Бу гаплар бугунги кунимизга қанчалик мос?
Шоир Усмон Азим режиссёр Баҳодир Йўлдош ҳақида. Ўқинг, “Тоғлар учрашадилар...”
Атоқли актёрлар Олим Хўжаев ва Шукур Бурҳонов таваллудининг 110 йиллигига бағишланган мақолалар. Саҳна санъати фидойилари ҳаёти ва ижодига оид қизиқарли фактлар.
“Лазги” рақси ҳақида кўп асарлар ёритилган. Бу гал рақс жаҳон эътирофида.
“Бир кўнгил қолади, қолса ҳам мендан...” Шоир Шавкат Раҳмон таваллудининг 70 йиллиги.
“Мен нега ёзаман?” Шоира Ойдиннисонинг адабий қарашлари.
Шоира Беназирдан назири йўқ шеърлар.
“Ўзбекнинг илҳақ онаси” Ўзбекистон халқ артисти Дилором Каримова ижодига чизгилар.
Мутолаа завқи... Китобхон Севара Алижонова талқини ва таассуротлари.
Нукус шаҳридаги машҳур Савицкий музейи ҳақида ва Игор Савицкий шахси ҳақида маълумотлар.
Қўҳна Ахсикат харобалари олис мозийдан дарак беради.
Гулжаҳон Мардонова “Кураш” дейди. Қани ким курашаркан?
Ёднома саҳифасида Ўзбекистонда хизмат кўрсатган маданият ходими Саъдулла Ҳаким ва Ўзбекистонда хизмат кўрсатган артист Фатхулла Маъсудов хотирланади.
Шунингдек, бир қатор қизиқарли ва ўқишли материалларга бой журнал қўлингизда. Уни фақат ўқиш керак.
Ўқишга қизиқдингизу, журнални топа олмаяпсизми? Таҳририят билан боғланинг.
Яна бир яхши янгилик: 2021 йил учун обуна давом этмоқда. Ochish/sharhlash

2020-11-09 18:28:36 Ochish/sharhlash

2020-10-24 04:59:43 “ИНСОН” ҚАСИДАСИ БУТУН ИНСОНИЯТГА ДАХЛДОР
Аввало, Эркин Воҳидовнинг “Инсон” қасидасининг қўшиқ бўлиб яратилиш ғояси ҳақида бироз тўхталиб ўтсак. Ўзбекистон Республикаси Президентининг 2018 йил 12—13 июнь кунлари Фарғона вилоятига ташрифи амалга оширилган эди. Президентимиз сафар чоғида Марғилон шаҳри ҳудудидаги Э.Вохидов номидаги маданият ва истироҳат боғида ҳам бўлгандилар. Боққа кираверишда деворига шоирнинг “Инсон” қасидасидан мисралар битилган. Президентимиз уни ўқиб, “Қандай гўзал ва маъноли сатрлар, буни бутун дунё эшитиши лозим. Бу қасидани бутун дунёга тараннум этишни сенга топширсам нима дейсан?” деганларида юрагим жунбушга келганди. Боиси, ўзбекдек буюк миллатнинг фарзанди битган битикларни бутун дунёга танитишдек шарафли вазифа зиммамга юклатилганди.
Шундан сўнг Давлатимиз раҳбари томонидан илгари сурилган бу ғояни қай тартибда амалга ошириш устида бош қотира бошладик. Дастлаб шеърни бир нечта тилларга таржима қилиш учун таржимонлар, ёзувчилар ва Тошкент давлат шарқшунослик институти профессор-ўқитувчилари жалб қилдик. Бу жараён осон кечмади, мисраларнинг мазмун моҳиятини ўзгартирмасдан дунёга тақдим этиш лозим эди.
Кейин эса мазкур сатрларга мусиқа басталаш ишлари бошланди, бир қанча усулдаги мусиқаларни яратдик. Нодир Умаров, Азиз Холмуродов, Дилмурод Маткаримовлар шеърнинг мусиқасини тайёрлашда катта ёрдам кўрсатишди. Охирги вариантда тўхталганимиздан сўнг олдимизда бу қўшиқни кимлар ижро этиш масаласи турарди. Дунёга машҳур санъаткорларни жалб қилишда элчихоналар вакиллари бизга ёрдам беришди. Қўшиқ яратилиш ғоясидан то клип ҳолига келгунича бўлган жараён икки йиллик вақт ва меҳнатни талаб қилди. Биз кўзлаган мақсадимизга эришдик.
Ушбу қасида бутун инсониятга дахлдор. Шоир барчамизни ўз мисраларида инсон бўлиб келдикми, инсон бўлиб яшашга ундаган. Бирлашган Миллатлар Ташкилоти фаолиятини қамраб олганлиги сабабли ҳам БМТ томонидан илиқ кутиб олинди ва биз қўшиқни ташкилотнинг 75 йиллик юбилейига совға сифатида Ўзбекистон номидан тақдим қилмоқдамиз. Шу сабабли биринчи презентацияси БМТ тузилганлигининг 75 йиллигига бағишланган “UN75” онлайн тадбири орқали 8 тилда янграши кутилмоқда. Бу эса Ўзбекистон номини яна бир бор бутун дунёга танилишида хизмат қилади.
Озодбек НАЗАРБЕКОВ, Маданият вазири Ochish/sharhlash