Global Halal

2022-07-08 15:41:03 Австралияда фоизсиз ва шариатга тўлиқ мос келадиган хизматларга асосланган биринчи ислом банки лицензияга эга бўлди ҳамда 2023 йилдан оз сонли мижозлари билан бета-синовни бошлайди.

Австралия Ислом Банки (Islamic Bank Australia, IBA) Австралия пруденциал тартибга солиш бошқармасидан (APRA) чекланган ваколатли депозит қабул қилиш институти (Restricted ADI) рухсатини олди.

IBA Group БААда жойлашган Abreco Group компаниясига тегишли ҳисобланади ва жамоа 13 нафар мусулмондан ташкил топган. Хизматларнинг шариатга мувофиқлиги таниқли ислом уламолари томонидан тўлиқ назорат қилиб борилади.

“IBA ҳали бизнес хизматларини олиб бораётгани йўқ. Ҳозирча кундалик банк ҳисоби ва жамғарма фаолиятлари йўлга қўйилган. Бизга омонат қўйсангиз, уларни фоизларсиз керакли жойларга сарфлаб, фойдани сиз билан бўлишамиз. Биз тўлиқ ADI лицензиясига эришиш ҳамда хизматларимизни ислом ҳамжамиятига ва барча австралияликларга етказиш учун имкон қадар ҳаракат қилмоқдамиз", - дейди IBA бош директори Дин Гиллеспи.

Қўшимча қилишича, Ислом банкига чекланган депозит олиш лицензияси берилгани сабабли фақат 2 млн Австралия доллари (1,35 млн АҚШ доллари) миқдоригача бўлган омонат (депозит) қабул қила олади.

Маълумот ўрнида, Австралиянинг мусулмон аҳолиси 2016 йилдаги 2,6 фоиздан 2021 йилда 3,2 фоизигача ўсди. Бир миллионга яқин австралияликлар ислом динига эътиқод қиладилар.

@globalhalal_uz Ochish/sharhlash

2022-07-08 13:30:04 Жанубий Корея савдони ривожлантириш корпорация (КОТРА) маълумотларига кўра, озиқ-овқат, ичимликлар, мода, дори-дармон ва косметика маҳсулотларини ўз ичига олган жаҳон ҳалол бозори 2020 йилдагидек 4,5 трлн АҚШ долларини ташкил этиши тахмин қилинмоқда. Мамлакат миқёсида эса бу бозор ўтган йили 1,9 трлн вонгача ўсди.

Корея озиқ-овқат компаниялари ҳам ҳалол бозорларига эътиборини қаратишмоқда. Масалан, CJ CheilJedang озиқ-овқат компанияси 2011 йилда Малайзиянинг JAKIM компаниясидан ўзининг 30 та озиқ-овқат маҳсулотлари, жумладан, тезкор гуруч, денгиз ўтлари ва кимчи учун ҳалол сертификатини олганидан бери ҳалол озиқ-овқат бизнесини кенгайтиришда давом этди.

Шунингдек, у сўнгги 10 йил ичида Индонезиянинг MUI ва Корея Мусулмонлар Жамғармасидан (KMF) ҳалол сертификатини олди ва 110 та давлат, жумладан, Малайзия, Индонезия, Яқин Шарқ, Таиланд ва Сингапурга ҳалол маҳсулотлар етказиб бермоқда.

Бундан ташқари, Samyang Food, Lotte Food, Shinsegae Food, Jeju Samdasoo ва hy озиқ-овқат компаниялари ҳам ҳалол сертификатини олиш орқали ҳалол бозорга киришга интилмоқда. Саноат манбасининг айтишича, “Ҳалол сертификати бўлган озиқ-овқатларга бўлган талаб мусулмон бўлмаган ҳудудларда ҳам, мусулмон ҳудудларида ҳам ортиб бормоқда. Озиқ-овқат компанияларининг ҳалол бозорига кириши янада фаоллашиши кутилмоқда”.

@globalhalal_uz Ochish/sharhlash

2022-07-08 09:30:47 Малайзия Туризм, санъат ва маданият вазирлиги (Motac) бу йил 900 минг мусулмон сайёҳни қабул қилишни мақсад қилган.

1 апрель куни мамлакат чегаралари қайта очилганидан сўнг, Motac Малайзиянинг саёҳат жойларини, шу жумладан чет элда ислом туризмини тарғиб қилиш учун бир қатор дастурлар ишлаб чиқди.

Ушбу дастур Малайзияни мусулмонлар учун қулай сайёҳлик нуқтаси сифатида намойиш этишдан иборат.
Ҳафта давомида ўтказиладиган тадбирларда санъат ва маданий кўргазмалар, курорт ва соғломлаштириш жойлари, дам олиш масканлари, озиқ-овқат ва ичимликлар ҳақида маълумот бериб бориш кўзда тутилган.

Яқинда Малайзия “Динар Стандард”нинг Глобал ислом иқтисодиёти 2022 ҳисоботида (SGIE Report) саёҳат рўйхатида биринчи ўринни эгаллади.

Ислом Туризм Маркази (ITC) бош директори Датук Моҳмед Розиб Ҳасаннинг айтишича, Ислом туризми ҳафталиги саноат иштирокчиларига мусулмонларга мос маҳсулотлар ва хизматларни тақдим этиш учун платформа яратади.

Апрель ойи ҳолатига кўра, мамлакатга жами 460 минг мусулмон сайёҳ келган. Мамлакат 2028 йилга келиб 230 млн мусулмон сайёҳдан 225 млрд доллар миқдорида даромад келишини кутмоқда.

Эслатиб ўтамиз, Малайзия 1 апрелда туристлар учун очилганидан буён 1 млн сайёҳни жалб қилди. 2022 йилда хорижлик сайёҳлар сонини камида 2 млн нафарга етказиш чораларини кўрмоқда.

@globalhalal_uz Ochish/sharhlash

2022-07-08 08:21:50 АҚШнинг Милуоки шаҳрида (Висконсин штати) ҳалол ресторанлар ҳафталиги ўтказилиши режалаштирилмоқда.

Ушбу тадбир ташкилотчиси Бушра Заибакнинг айтишича, бу ғоя унда икки ой олдин пайдо бўлган. Бир неча муддат тайёргарликдан сўнг, ҳудуддаги 18 та ресторан ҳафталикда қатнашиш истагини билдирган. “Бу нафақат мусулмонлар, балки бутун жамият аъзолари учун ташкилаштирилмоқда”, - дейди Заибак.

Ҳалол ресторанлар ҳафталигида Tosa, Giuesspe's Pizza, Five O'Clock Steakhouse, Guadalajara, Safehouse MKE, Sobelman's -MU, Sobelman's – WKA, Onesto, Iron Grate BBQ, DanDan, Tomkens, Top Corned Beef, Merge, Mr. B's – Mequon, Mr. B's -Brookfield каби ресторанлар иштирок этади.

Ҳафталик 9 июль – Қурбон ҳайити байрами билан бошланиб, 17 июлгача давом этади.

Маълумот ўрнида айтиш жоизки, Милуоки шаҳри аҳолиси 600 мингга яқинроқни ташкил этиб, уларнинг 10-15 минг нафарга яқини мусулмонлардан иборат. Ochish/sharhlash

2022-07-07 14:54:08 DND Finance Буюк Британиянинг биринчи шариат сертификати бўлган Score Mastercard кредит картасидан фойдаланишни бошлади. Ушбу карта исломий эътиқод асосида ўз кредит тарихини тўлдириш имкониятини яратади.

Score Mastercard – ҳалол кредит картаси бўлиб, кўпроқ молиявий таъминлаш ва муносиб бозорга кириш учун улкан ташаббус ҳисобланади. Бундан ташқари, харидлар, тўланмаган қолдиқлар учун фоизлар ёки кечиктирилган тўловларга комиссиясиз хизмат кўрсатади. Қолаверса, Лондонда жойлашган Shariah Experts маслаҳат фирмаси томонидан Шариатга мувофиқлиги сертификатланган.

Маълумот ўрнида шуни айтиш жоизки, DND Finance компанияси руҳоний доктор К.Билл Дост томонидан кичик ва ўрта бизнес секторининг тадбиркорлик сегментига хизмат кўрсатиш ҳамда компанияларнинг қуйи даражадан ривожланишига ёрдам бериш мақсадида асос солинган. Мазкур компания 2000 йилдан Канадада D&D Leasing сифатида, 2009 йилдан Буюк Британияда, 2018 йил декабрь ойидан DND Finance номи остида фаолият кўрсата бошлади.

@globalhalal_uz Ochish/sharhlash

2022-07-07 08:41:24 Охирги вақтларда метаолам деган тушунча тез-тез тилга олина бошлади. Шундай бўлишига қарамасдан, бу тушунча ҳали ҳам кўпчиликда чалкашлик, мавҳумлик ва қўрқув ҳисларини уйғотмоқда.

Март ойида Axios ва Momentive бозор тадқиқот фирмаси томонидан АҚШда 2500 дан ортиқ ўрта ёшлилар ўртасида ўтказилган сўров натижаларига кўра, респондентларнинг 32 фоизи ушбу ғояга қўрқув бўлиб қарагани маълум бўлган.

Фақат 7 фоиз инсонгина метаолам келажаги учун қизиқиш билдирди, аксарият (58 фоиз) қисми эса бетараф муносабатда бўлган. Скептиклар учун метаолам, бу – навбатдаги ўткинчи тенденция; лекин масаланинг моҳиятини тушунганлар учун эса бу – келажак.

Катта ва кичик технологик фирмалар биргаликда виртуал дунёни яратиш учун миллиардлаб доллар сармоя киритиб келмоқда. Баъзилар “қани, нима бўлар экан?” қабилида иш тутаётган бўлса, Meta, Microsoft ва Google каби таваккалчилар биринчи навбатда афзалликларга эга бўлиш учун катта маблағларни аямай олға ҳаракатланишмоқда.

Аввалроқ Ирландиянинг IBF Net блокчейн компанияси ҳалол метаолам яратиш устида иш бошлагани ҳақида ёзган эдик. Дарҳақиқат, IBF Net каби ташкилотлар ҳам бозорлар учун йўл очмоқда.

“Ушбу виртуал молк-мулклар шариатга мос келувчи марказсизлашган молиявий экотизим яралишига хизмат қилиши керак”, – деган эди компания вакиллари.

Маълумот учун, метаолам – бу глобал онлайн 3D виртуал макон. Ўтган йили дунё бўйлаб 3 миллиардга яқин ортиқ киши фойдаланадиган Facebook, Instagram ва WhatsApp каби платформаларга эгалик қилувчи компания ўз номини Meta этиб ўзгартирган эди.

@globalhalal_uz Ochish/sharhlash

2022-07-06 15:26:29 Индонезия ва Озарбайжон келгусида савдо ва ҳалол туризм соҳасида ҳамкорликни кенгайтиришга келишиб олдилар. Бу ҳақда Индонезия вице-президенти Маъруф Амин ва Озарбайжоннинг Индонезиядаги элчиси Жалол Мриязев ўртасидаги учрашувда маълум қилинди.

Вице-президент келажакда Индонезия ва Озарбайжон ўртасида нефть ва газдан холи маҳсулотлар савдосини кўпайтириш ва алоқаларни янада мустаҳкамлашга умид билдирди
“COVID-19 пандемияси сабабли икки йиллик тўхталишдан сўнг одамлар ҳалол туристик жойларни зиёрат қилишни қайта бошлашди”, - деди Маъруф Амин 15 июнь куни Бангка Белитунг шаҳрида бўлиб ўтган Халқаро ҳалол конгресси очилишидаги нутқида.

Эслатиб ўтамиз, Озарбайжон ва Индонезия ўртасидаги савдо асосан энергетика соҳаси билан боғлиқ. Озарбайжон Индонезияга хом нефть етказиб беришда Саудия Арабистонидан кейин иккинчи ўринда туради.

Икки давлат ўртасидаги ўзаро товар айирбошлаш ҳажми 2007 йилда 101 млн АҚШ долларини ташкил этган бўлса, 2011 йилда ушбу кўрсаткич 1,76 млрд долларгача кўтарилган. 2018 йилда эса ўзаро савдо ҳажми 653,3 млн долларни ташкил этди.

@globalhalal_uz Ochish/sharhlash

2022-07-06 15:18:31 Ислом Тараққиёт Банки (ИТБ) халқаро молия ташкилоти бўлиб, бош қароргоҳи Саудия Арабистонининг Жидда шаҳрида жойлашган.

Ушбу банкка 57 мамлакат аъзодир. ИТБнинг асосий вазифаси аъзо мамлакатларда ислом дини талабларига мувофиқ бўлган ижтимоий ва иқтисодий тараққиётни қўллаб-қувватлашдан иборат.

ИТБ аъзо мамлакатларда давлат ва хусусий секторга қарашли йўллар, каналлар, тўғонлар, мактаблар, касалхоналар, уй-жойлар, қишлоқ туманларини ривожлантириш ва бошқа шу каби қишлоқ хўжалиги ва инфратузилма лойиҳаларини молиялаштиради. Банк давлат-хусусий шерикчилик механизмига алоҳида эътибор беради.

Ташкил топган вақтидан бошлаб ИТБ гуруҳининг бутун дунё бўйлаб молиялаштирган лойиҳаларнинг умумий қиймати 2019 йил якуни ҳолатига кўра 145 млрд АҚШ долларини ташкил этган.

ИТБ Ўрта Осиё мамлакатлари билан ҳам фаол ишлаб келмоқда. Жумладан, Ўзбекистон 2003 йилдан бери ИТБ аъзоси саналади. Шу вақт оралиғида 112 та лойиҳа (50 таси тугалланган) молиялаштирилган. Ажратилган умумий маблағ 2,4 млрд долларни ташкил этади.

Қўшни давлатларга эътибор қаратадиган бўлсак, ушбу кўрсатгичлар қуйидагича кўринишда бўлади:
• Қозоғистонда жами 1,6 млрд долларлик 69 та лойиҳа (54 таси тугалланган);
• Туркманистонда 1,2 млрд долларлик 22 та лойиҳа (15 таси тугалланган);
• Қирғизистонда 416 млн долларлик 71 та лойиҳа (47 таси тугалланган).

@globalhalal_uz Ochish/sharhlash

2022-07-06 11:02:04 Малайзияликлар Қурбон ҳайити арафасида янги очилаётган Laz Halal онлайн-дўкони орқали 100 фоиз тасдиқланган ҳалол сертификатли маҳсулотларни харид қилиш имкониятига эга бўлади. Бу ҳақда Malaysiakini нашри ҳақида хабар қилди.

Ушбу янги канал истеъмолчиларга Малайзияда исломни ривожлантириш маркази (ЖАКИМ) ҳалол сертификати билан тасдиқланган, маҳаллий ҳамда халқаро ҳалол маҳсулотларнинг кенгроқ турларидан фойдаланишни осонлаштиради.

Lazada Малайзиянинг мижозлар бўйича бош директори Шариф Лининг таъкидлашича, ушбу ихтисослашган канал катта ва кичик корхоналарни ўзаро савдо қилиш ҳамда мижозлар билан мулоқот қилиш учун қўшимча имконият яратади.

Шу билан бирга, Ҳайит кунларидан кейин ҳам Laz Halal онлайн дўкони маҳаллий истеъмолчиларимиз учун турли хил “Ҳалол” сертификатига эга маҳсулотларни таклиф қилишда давом этади.

Маълумот ўрнида шуни айтиш жоизки, Lazada Group Жануби-Шарқий Осиёдаги етакчи электрон тижорат платформаларидан бири бўлиб, 2012 йилда ташкил этилган.

Мазкур платформа бугунга келиб, Малайзиядан ташқари Индонезия, Филиппин, Сингапур, Таиланд, Вьетнам давлатларида ҳам фаолият юритади.

@globalhalal_uz Ochish/sharhlash

2022-07-05 14:45:02 Ислом ҳамкорлик ташкилоти (ИҲТ) туризм вазирларининг навбатдаги – XII исломий конференцияси 2024 йил Ўзбекистонда бўлиб ўтади. ИҲТ туризм вазирларининг XI исломий конференцияси ҳисоботида бу ҳақда сўз боради.

Ушбу конференциянинг жорий йилдаги йиғилиши 28-29 июнь кунлари Озарбайжон пойтахти Боку шаҳрида “Туризмни ривожлантиришда маҳаллий бирлашмаларнинг ўрни” мавзусида бўлиб ўтди.

Унда ИҲТ бош котибияти, ИҲТ институтлари, минтақалар ва халқаро ташкилотларнинг вакиллари, туризм бўйича масъул вазирлар ҳамда делегациялардан иборат 37 аъзо давлат иштирок этди.

Маълумот учун, туризм вазирларининг исломий конференцияси (ICTM) 2000 йилдан бери ҳар икки йилда бир марта ўтказиб келинмоқда.

Уларда, жумладан, мусулмон жамоаларининг туризм билан боғлиқ масалалари, ИҲТга аъзо мамлакатларда туризм соҳасида кузатилаётган сўнгги ўзгаришлар, хусусан, халқаро туристлар ташрифи, халқаро туризм тушумлари ҳамда ички туризм масалаларини кўриб чиқади.

Аввалроқ, туризм вазирларининг XI исломий конференциясида Хива шаҳри ислом дунёсининг туризм пойтахти деб эълон қилингани ҳақида хабар қилган эдик.

@globalhalal_uz Ochish/sharhlash