Геосиёсат | News

2023-06-10 19:39:33 Марказий Осиёда 2050 йилга бориб 5 млн иқлим мигрантлари пайдо бўлади — Тўқаев

«Марказий Осиёдаги қурғоқчилик ва сув тошқинлари йилига ялпи ички маҳсулотнинг 1,3% га зарар этказади ва экинлар ҳосилдорлигини 30% га камайтиради. Оқибатда 2050 йилга келиб 5 миллионга яқин ички иқлим мигрантлари пайдо бўлади», — деди Қозоғистон президенти.

Унинг айтишича, музликлар аллақачон 30% га қисқарган. Иккита йирик дарё – Сирдарё ва Амударёдаги сув сатҳи 2050 йилга бориб қарийб 15% га камаяди.

@Geosiyosatuz Ochish/sharhlash

2023-06-10 17:46:27 2026-йилга бориб жаҳонда электромобилларга бўлган талаб икки баробар ортади

АҚШнинг ўзида талаб уч баробарга ўсади ва жами сотилган енгил автомобилларнинг 26 фоизини ташкил этади. Европада электромобилларнинг улуши 42 фоизга етса, Хитойда электрокарлар кўчадан жами автомобилларнинг ярмисидан ҳам ошади — 52 фоиз.

@Geosiyosatuz Ochish/sharhlash

2023-06-10 16:46:49 Саудия Арабистони валиаҳд шаҳзодаси агар Байден Саудия Арабистонига санкция қўлласа, АҚШ маъмурияти билан муомала қилмаслиги ҳақида огоҳлантирди. Бу "Вашингтон учун катта иқтисодий оқибатларга олиб келишини" ваъда қилди – The Washington Post.

@Geosiyosatuz Ochish/sharhlash

2023-06-10 16:01:37 Кеча жума куни Ливан армияси Исроил армиясига қарши туриш учун чегара ҳудудига ўз контингентини жойлаштиришни эълон қилди.

Аl-Mayadeen хабарига кўра, Ливан фуқаролари чегара деворини демонтаж қилишга киришган.  Исроил ҳарбийлари оломонни тарқатиш учун воситалардан фойдаланган. Жароҳатланган одамлар бор.

Шундан сўнг ливанликлар “ўтириб намойиш қилишни” уюштиришди. Воқеа жойига БМТнинг Жанубий Ливандаги тинчликпарвар кучлари (UNIFIL) ва Ливан мунтазам армиясининг бўлинмалари етиб борган.

@Geosiyosatuz Ochish/sharhlash

2023-06-10 15:31:28 “Скиф олтини” Қрим музейларига қайтарилмайди. Нидерландия Олий суди шундай қарор чиқарди

Эслатиб ўтамиз, Россия ушбу масала бўйича апелляция берган, бироқ у рад этилган ва тўпламни Украинага топширишга қарор қилинган.

Ҳаммаси 2014 йилда экспонатлар Амстердамдаги кўргазмага жўнатилганидан бошланди. Кейин Қримнинг Россия билан бирлашиши юз берди ва 2016 йилнинг декабрида Амстердам суд қарори чиқмагунча тўпламни қайтаришдан бош тортди. 2021 йилда Апелляция суди "скиф олтини" Украинага ўтказилиши ҳақида қарор чиқарди. Шундан сўнг Қрим музейлари Олий судга мурожаат қилганди.

@Geosiyosatuz Ochish/sharhlash

2023-06-10 14:56:14 Махфий ҳужжатларни ноқонуний сақлаш бўйича Трампга қарши ишни 2020 йилда Трамп томонидан тайинланган Флорида жанубий округи федерал судьяси Эйлин Каннон бошқаради.

Тhe New York Times газетасининг ёзишича, ишнинг унинг юрисдикциясига ўтказилиши прокуратура учун муаммо туғдириши мумкин.

АҚШ прокурорларининг даъво қилишича, Трамп мамлакатнинг ҳарбий салоҳияти, режалари ва заиф томонларига оид маълумотларни "ўн минглаб меҳмонлар" ташриф буюрадиган хавфсизлик чоралари кўрилмаган шахсий қароргоҳида сақлаган ва ҳатто давлат сирларини ўзи ҳам бегоналарга ошкор қилган.

Трампнинг Мар-а-Лагодаги қароргоҳида текширувчилар 2021 йилнинг январьидан 2022 йилнинг августигача турли даражадаги махфийликдаги материаллар бўлган қутиларни топганлар.

Махфий ҳужжатларда АҚШ ва хорижий давлатларнинг мудофаа ва қуролланиш имкониятлари, АҚШ ядровий дастурлари, АҚШ ва унинг иттифоқчиларининг ҳарбий ҳужумга қарши эҳтимолий заифликлари ҳамда хориждан ҳужум содир бўлган тақдирда мумкин бўлган жавоб чоралари режалари ҳақида маълумотлар бор.

Айблов хулосасида айтилишича, “ушбу махфий ҳужжатларнинг рухсатсиз ошкор этилиши АҚШ миллий хавфсизлигига, халқаро муносабатларга, АҚШ армиясининг хавфсизлигига, инсоний манбалар хавфсизлигига ҳамда разведка маълумотларини йиғишнинг нозик усулларининг ҳаётийлигига хавф туғдириши мумкин”.

Прокуратура, шунингдек, Трамп президентлик лавозимини тарк этгандан сўнг, яширин ҳужжатларни бегоналарга кўрсатган иккита ҳолатдан хабардор эканлигини таъкидламоқда. 2021 йил июль ойида у "бир ёзувчи, ношир ва унинг ходимларининг икки аъзоси билан учрашувда "мудофаа вазирлиги томонидан тайёрланган ҳужум режасини" кўрсатган ва тасвирлаган, уларнинг ҳеч бирида хавфсизлик рухсатномалари бўлмаган."

Ўша йилнинг август ёки сентябр ойларида ҳам худди шундай шароитда у "ҳарбий операция билан боғлиқ махфий харитани" кўрсатган.

Айни пайтда, Аризона штати вакиллар палатаси аъзоси Энди Биггс собиқ президентга қўйилган айбловларни РИА Новости'га изоҳлар экан, Республикачилар партияси Доналд Трампни ҳимоя қилиб, президент Жо Байден ва унинг ўғли устидан суд иши олиб борилиши кераклигини айтган.

Биггсга кўра, "Адлия вазирлиги ақлдан озган" ва сиёсий воситага айланган.

@Geosiyosatuz Ochish/sharhlash

2023-06-10 13:38:01 Ochish/sharhlash

2023-06-10 13:06:21 Оқ уй: Россия Эрондан юзлаб дронларни олди ва унинг ёрдами билан уларни ишлаб чиқарувчи завод қурмоқда

“Биз, шунингдек, Россия Эрон билан ҳамкорликда Россия ҳудудида Эрон учувчисиз учоқларини ишлаб чиқараётганидан хавотирдамиз”, — дея Жон Кирби сўзларини келтирган Reuters агентлиги.

@Geosiyosatuz Ochish/sharhlash

2023-06-10 12:42:21 Ochish/sharhlash

2023-06-10 10:51:46 Доналд Трамп – АҚШ тарихида жиноий хатти-ҳаракатларда айбланаётган илк собиқ президент

Унга нисбатан янги айбловлар эълон қилинди: унинг қароргоҳида ўтказилган тинтув давомида топилган махфий ҳужжатларни у тегишли тарзда сақламаган.

Суратда: Трампнинг Мар-а-Лагодаги қароргоҳида махфий ҳужжатлар солинган қутилар.

@Geosiyosatuz Ochish/sharhlash