Тадбиркорга кўмак

2022-03-17 14:52:01 Фарғонадан Россиянинг Свердловск вилоятига мева-сабзавот маҳсулотлари экспорти ҳажми икки баробарга ошади

Кеча Фарғона вилояти ҳокимлиги ва Россиянинг Свердловск вилояти маъмурияти ўртасида икки ҳудуд тадбиркорлари иштирокида видеоконференцалоқа форматида йиғилиш бўлиб ўтди.

Вилоят ҳокимининг ўринбосари Иқболжон Эргашев, Свердловск вилояти губернатори ўринбосари Василий Козлов, Ўзбекистон Республикасининг Екатеринбургдаги бош консули Абдусалом Хатамов, “Россельхознадзор” ҳудудий назорат инспекцияси ҳамда икки вилоят божхона хизматлари вакиллари, Свердловск савдо тармоқлари раҳбарлари, фарғоналик қишлоқ хўжалик маҳсулотлари етказиб берувчи тадбиркорлар иштирокида ўтказилган йиғилишда Фарғона вилоятидан жорий йилда Свердловск вилоятига мева-сабзавот маҳсулотлари экспорти ҳажмини ошириш ҳамда турини кўпайтириш масалалари муҳокама қилинди.

Ўтган 2021 йилда Фарғонадан Свердловск вилоятига 7,1 млн.долларлик маҳсулотлар экспорт қилинган. Ochish/sharhlash

2022-03-17 09:11:41 Фарғона вилоятида хорижий корхоналар сони 552 тага етди

2022 йилнинг 1 март ҳолатига Фарғона вилоятида рўйхатдан ўтган хорижий капитал иштирокидаги корхона ва ташкилотлар сони 552 тани ташкил этиб, улардан 545 таси фаолият юритмоқда. Бундан 289 таси саноат, 32 таси қишлоқ хўжалиги ҳамда 224 таси хизмат кўрсатиш соҳасида иш олиб бормоқда.

Фаолият кўрсатаётган хорижий капитал иштирокидаги корхоналар сони ўтган йилнинг мос даврига нисбатан 90 тага ошган.

Фарғона вилоятида хорижий капитал иштирокида фаолият кўрсатаётган корхоналар сони энг юқори бўлган давлатлар орасида Хитой етакчилик қилмоқда – 128 та корхона.

Кейинги ўринлардан 123 та корхонага эга Россия ва 63 та корхонага эга Туркия жой олди.

Шунингдек, хорижий капитал иштирокида фаолият кўрсатаётган корхоналар сони бўйича Корея Республикаси ва Қирғизистон ҳам етакчи бешталикдан жой олган: мос равишда, 42 та ва 40 та корхона.

Қозоғистон ва Эрон Ислом Республикаси сармояси иштирокида мос равишда 16 та ва 13 та корхона фаолият олиб бормоқда. Ochish/sharhlash

2022-03-14 09:15:26 Фарғона шаҳридаги "Ақлли бекатлар" фаолияти ўрганилмоқда

Жорий йил 1 март куни бўлиб ўтган вилоят ҳокимлиги ижроия аппаратининг йиғилишида Фарғона шаҳридаги бекатлардаги мавжуд ҳолат вилоят ҳокими Хайрулло Бозоров томонидан танқидий таҳлил қилиниб, шаҳардаги ҳар бир бекатни бирма бир ўрганиб, қонун, қарор ва юқоридаги дастур талабларига зид равишда фаолият юритиб келаётган тадбиркорларнинг техник шартда белгилаб қўйилган тартибда автобекатдан фойдаланишларини ҳамда йўловчилар учун қулай шарт-шароитлар яратишларини таъминлаш бўйича қатъий топшириқ берилганди.

Ушбу топшириқ ижросини таъминлаш юзасидан Фарғона шаҳар ҳокими Восилжон Назаров бошчилигида тузилган Ишчи гуруҳи аъзолари томонидан, ОАВ ходимлари, блогерлар ҳамда кенг жамоатчилик вакиллари иштирокида ҳудудлардаги "Ақлли бекат"лар фаолияти ўрганилмоқда. Ochish/sharhlash

2022-02-08 08:16:08 Ҳукумат комиссиясининг Фарғона вилояти тадбиркорлари билан очиқ мулоқоти бўлиб ўтди

Фарғона шаҳридаги “Тадбиркорлар уйи”да Республика Бош прокурорининг биринчи ўринбосари Баҳриддин Валиев ҳамда Инвестициялар ва ташқи савдо вазирининг ўринбосари Бахтиёр Раҳимов иштирокида Ҳукумат комиссиясининг Фарғона вилояти тадбиркорлари билан очиқ мулоқоти бўлиб ўтди. Ochish/sharhlash

2022-02-02 13:20:14 Жаҳон банки Фарғона вилоятида қишлоқ хўжалигини модернизация қилиш ҳамда соҳага билим ва инновациялар тизимини жорий этишда иштирок этади

Вилоят ҳокими Хайрулло Бозоров, Жаҳон банки халқаро эксперти Иван Хорват, Жаҳон банкининг AKIS (Қишлоқ хўжалигида билим ва инновациялар тизими) лойиҳаси координатори Отабек Мансуров, шунингдек Жаҳон банки лойиҳа муҳандиси Ибодулло Дадахановлардан иборат делегацияни қабул қилди. Ochish/sharhlash

2022-02-01 16:56:24 Давлат Активларини бошқариш агентлиги вилоят ҳудудий бошқармаси томонидан Фарғона вилоятидаги давлат мулки объектлари ИНВЕСТИЦИЯ МАЖБУРИЯТЛАРИСИЗ "Э-АУКЦИОН" электрон майдончаси орқали онлайн-аукцион савдоларига чиқарилди:

Фарғона шаҳар бўйича 8 та - (ko'rish)
Қўқон шаҳар бўйича 1 та - (ko'rish)
Қувасой шаҳар бўйича 6 та - (ko'rish)
Ёзёвон тумани бўйича 4 та - (ko'rish)
Данғара тумани бўйича 11 та - (ko'rish)
Фарғона тумани бўйича 1 та - (ko'rish)
Тошлоқ тумани бўйича 7 та - (ko'rish)
Бешариқ тумани бўйича 4 та - (ko'rish)
Бувайда тумани бўйича 4 та - (ko'rish)
Бағдод тумани бўйича 1 та - (ko'rish)
Қўштепа тумани бўйича 2 та - (ko'rish)
Учкўприк тумани бўйича 1 та - (ko'rish)

Боғланиш учун телефон: +998 (73) 244 18 47 Ochish/sharhlash