2023-04-23 18:08:22
Oʻzbekiston futbol assotsiatsiyasi tomonidan terma jamoalar faoliyati bilan bog‘liq yaqin va uzoq muddatli loyiha hamda rejalar amalga oshirib kelinmoqda. Bugungi kunda turli yosh toifasidagi 19 ta terma jamoalarimiz mamlakatimiz va xorijda oʻquv-mashgʻulot yigʻinlarini tashkil etib, oldinda turgan musobaqalarga tizimli tayyorgarlik koʻrmoqda.
Bugun OʻFA rahbariyati Toshkentda yigʻin oʻtkazayotgan Oʻzbekiston oʻsmirlar terma jamoasining mashgʻulotlarida ishtirok etib, murabbiylar shtabi bilan tashkil etilayotgan yigʻinlar tahlili, futbolchilarning holati va imkoniyatlari, shuningdek, yaqinlashib kelayotgan Osiyo kubogi musobaqalariga tayyorgarlik rejalari xususida suhbatlashdi.
Osiyo kubogiga reja asosida tayyorgarlik koʻrish, Jahon chempionati yoʻllanmasini qoʻlga kiritish zarur ekanligi taʼkidlandi. Rahbariyat futbolchilarga oldinda turgan nufuzli musobaqaga bor kuch va gʻayratlari bilan tayyorgarlik koʻrish kerakligini aytib, ularga omad tiladi.
Ma’lumot uchun, Jamoliddin Rahmatullayev shogirdlari 25, 27-aprel kunlari yamanlik tengdoshlariga qarshi oʻrtoqlik uchrashuvlarida ishtirok etadilar.
t.me/FAUzbekistan
8.7K views15:08
U
