Шайх Фаридуддин Аттор (қуддиса сирруҳу🍃

2022-08-31 13:18:56 #соғиниш

Ман сизга арзимайман,
Ман ким бўлибман?!

Бу дунё бозорида адашиб юриб,
Бир нурнинг кўйида
Харидори бўлибман...
Ман девонаи Гулингизни
Қўйинг ҳолига,
Ёнсин, куйсин...
қадди долига
Бу Ишқ саҳросини
кезай Лайлидек.
Ёнай майли қақнус мисоли
Зора тонг-ла маҳшар куни,
Титраб турсам ниҳол мисоли.

Ман сизга арзимайман,
Ман ким бўлибман?!
На Ширину, на Лайли бўлибман...
Жону жаҳонингиз дилда умидвор,
Хазон янглиғ ул фироқнинг қули бўлибман!

bintu Ismoil дан

Ochish/sharhlash

2022-08-31 10:00:33 ​​قال سعيد بن المسيب: فيه يدفن عيسي ابن مريم عليه السلام مع النبي صلي الله عليه وسلم.

Саъид Бин ал-Масайб (розияллоҳу анҳу) айтдилар:
Марям ўғли Исо алайҳис-салом Набийимиз соллаллоҳу алайҳи ва саллам билан биргаликда Мадинада дафн килинадилар.

و عن عبد الله بن سلام عن ابيه عن جده، قال: يدفن عيسي ابن مريم مع النبي صلي الله عليه وسلم و صاحبيه رضي الله عنهما و يكون قبره الرابع فعلي هذا، فطينته من طينتهم.

Абдуллоҳ ибн Саламадан: Отаси ва бобосидан ривоят айтдилар: Марям ўғли Исо Набийимиз соллаллоҳу алайҳи ва саллам билан ва уни саҳоба розияллоҳу анҳулари билан дафн қилинади ва унинг қабри буларнинг ёнида тўртинчиси бўлади. Бас унинг турпоғи уларнинг турпоғидан бўлади.

و عن ابي هريرة رضي الله عنه قال: قال رسول الله صلي الله عليه وسلم: « إذا اهبط الله المسيح ، فيعيش في هذه الامة ما يعيش ، فيموت بمدينتي هذه ، و يدفن الي جانب قبر عمر ، فطوبي لابي بكر و عمر يحشران بين نبيين» ، فانظر الي هذا الفضل العظم.

البحر العميق في مناسكة المعتمر و الحاج الي البيت العتيق

Абу Хурайра розияллоҳу анҳудан, айтдилар: Росулуллоҳ соллаллоҳу алайҳи ва саллам айтдилар:
«вақтийки Аллоҳ таъоло Масиҳни ерга тушурса, бу уммат билан яшайдилар. Ва менинг шаҳримда вафот этадилар ва Умар (розияллоху анхуни) ёнига дафн қилинади. Бас иккита Набийни ўртасида (қиёмат кунида) қойим бўлган Абу Бакр ва Умар розияллоҳу анҳумога Тубо бўлсин. Бу улуғ фазилатга қаранг».

Ал-Бахрул Амик китобидан. Ochish/sharhlash

2022-08-31 07:52:17 Қулоғи кар кишининг йўлда карвон
ўтишини пойлаб, ухлаб қолгани

Бор эрди кар киши, йўл узра бир он,
Деди, мизғиб олай келгунча карвон.

Етишди карвон, бас, ўтди-кетди,
Қулоғи кар киши уйқуда эрди.

Кўз очди уйқудин ул, боқди ҳар ён,
Дедилар: эй дариғо, кечди карвон.

Не эрди сенга уйқу, бўйлаким хоб?
Сенингсиз кетдилар ҳамроҳу асҳоб...

Нечун уйқуда ўтди бўйла айём,
Магар бир ишними этдинг саранжом?

Эшитди, деди ул: осуда эрдим,
Қулоғим кар эди, уйқуда эрдим.

Кўз очдим уйғониб чун, карвон йўқ,
Бирорта ёру йўлдошдан нишон йўқ...

"АСРОРНОМА" дан

@Fariduddin_Attor Ochish/sharhlash

2022-08-31 05:44:42 #туйғу
Инсон жуда ҳам шошқалоқ. Ҳар нега тезгина эришишни истайди. Умрнинг, вақтининг залворини ҳис этмасдан яшаб бораверади. Шунинг учун ҳам сабр олтиндан қиммат, шошқалоқлик эса шайтондандир дея таъриф этилган. Нимагадир эришишни орзиқиб кутамиз, гўё соат миллари имиллаб айланар. Сезмаймизки, умрлар югургилаб ўтаётир шу онда...
Фарзандлар камолини кўриш ҳар бир ота-онанинг орзуси. Болам ўсяпти, улғайяпти дея кўзларимиз қувнар-у, лекин улар учун умримиз фидо бўлаётганини сезмай ҳам қоламиз. Шунақа, биз қариймиз. Имиллаб эмас югургилаб етиб олган бўламиз у эшикдан, бу эшикка...
Бугун тонглар гўзал отди. Сокин ёришди. Не-не хуш онларнинг бўйин келтирди. Фараҳли тонглар кўп-кўп бўлсин...
Ҳар бир ҳолатимга Алҳамдулиллаҳ,
Ҳар бир ҳолатимда Алҳамдулиллаҳ !

bintu Ismoil дан
Ochish/sharhlash

2022-08-31 05:26:06

Nogoh salqin keldi avgust so‘ngida,
Yomg‘ir yog‘ib o‘tdi bugun ertalab.
Ertalab - sabrning ko‘zi o‘ngida –
Men sening ismingni aytdim erkalab.

Nogahon o‘zgarish etdimi ta’sir,
Yo salqin xotirang yetdi – bilmadim:
Ko‘nglimni ertalab etmadim tahrir -
Erkalab ismingni aytdim. Yig‘ladim.

Tushundim - taqdiring ishin yuritgan
Beyurak royishlar haqlidir, haqli.
O‘yladim: - Albatta, meni unutgan! -
Albatta, baxtlidir! Albatta, baxtli!

Asli bu mung nechun? Taqdir hal bo‘lgan.
Umrdan necha kun qoldi? Bilmadim.
Sensiz o‘lmog‘imga qismatim ko‘ngan...
Baribir yig‘ladim.

Usmon Azim she'ri
Zarnigor Ibragimova ijrosi Ochish/sharhlash

2022-08-31 04:35:22 #табрик
Ассалому алайкум вараҳматуллоҳи вабарокатух.
Азиз ватандошлар!
Сизларни ва яқинларингизни энг буюк, энг азиз байрамимиз – Ўзбекистон Республикаси Мустақиллигининг 31 йиллиги айёми билан самимий муборакбод этамиз. Барчангизга сиҳат-саломатлик, хонадонларингизга файзу барака ва фаровонлик тилаймиз. Мустақил Ватанимизнинг тинчлиги, гуллаб-яшнаши ва равнақи йўлида олиб бораётган ишларингизда зафарлар  ёр бўлсин!

Мустақиллик қадри боқий, байрам шукуҳи файзли, истиқлолимиз абадий бўлсин!

@Fariduddin_Attor Кунингиз файзли ўтсин! Ochish/sharhlash

2022-08-30 18:16:19 Ochish/sharhlash

2022-08-30 16:31:48 Mevlan Kurtishi - An-Naba' (سورة النبإ)

Бу сура Маккада нозил қилинган бўлиб, қирқ оятдан иборат. Қуръони карим сўнгги жузининг илк сураси ҳисобланган бу сура «Набаъ» - «Хабар» деб номланган. Унда ўлгандан кейин қайта тирилиш, қиёмат ва у кунда мўминлар етажак мангу бахт-саодат ҳамда кофирлар дучор бўлажак абадий азоб ҳақидаги хабарлар ўз аксини топган.
Уламолар Набаъ сурасини ҳар куни аср намозидан сўнг қироат қилиш фазилатли эканини айтишган. Зеро, суранинг маъноси ҳам бунга далолат қилади.
Набаъ сурасини ўқиган инсонга қиёмат куни Аллоҳ таоло жаннатнинг совуқ шарбатидан ичиради.

@Fariduddin_Attor Ochish/sharhlash

2022-08-30 11:29:21 Йўқотган нарсангга хафа бўлма, эҳтимол, қўлга киритган нарсанг сенга мусибат келтирар…
Аниқ билгинки, яхшилик Аллоҳ сен учун ихтиёр этган нарсададир! Ochish/sharhlash