Шайх Фаридуддин Аттор (қуддиса сирруҳу🍃

2022-09-01 12:20:57 #БИЛАСИЗМИ
Уйқунинг «ҳайлула», «қайлула» ва «айлула» деган
турлари борлигини биласизми?

Ҳайлула – бомдод намозидан кейинги уйқу бўлиб, у
ризқингизни тўсади.

Қайлула – пешин намозидан олдин (баъзан пешин
намозидан кейин) қисқа уйқу бўлиб, фойдали бўлади.

Айлула – аср намозидан кейинги уйқу бўлиб, у турли
касалликларка сабаб бўлади. Ochish/sharhlash

2022-09-01 12:07:30 Нақл қилишларича, Абу Усмон Хайрий мактабга борар чоғда орқасидан тўртта қул ҳам борар, улар румий, туркий, кашмирий ва ҳабаший эди. Бир куни шайх кетаётиб, карвонсаройда яғир, жуда заиф эшакни кўриб қолди.
Абу Усмон Хайрийнинг эшакка раҳми келиб, қулларига:
— Агар мени яхши кўрсангиз, эшакни сув билан ювиб, парвариш қилинглар, — деди.
Қуллар эшакни тоза қилиб ювдилар. Абу Усмон эшакни салласи билан артиб, парвариш қилди.
Эшак Аллоҳ фармони билан тилга кириб:
— Эй, Абу Усмон, сен мени хушнуд қилдинг, Илоҳо авлиёлар сени хушнуд қилсин, — деди.
Абу Усмон эшакдан бу сўзларни эшитиб наъра урди, уч кунгача беҳуш бўлиб ётди. Ўзига келиб, эшакнинг барча аъзоси тузалганини кўриб, йиғлай-йиғлай Яҳё ибн Муъознинг хизматига борди, у ҳазратнинг суҳбатидан кўп фойдалар ҳосил қилди ва риёзатга машғул бўлди.
Ундан кейин шоҳ Шужоъ Кирмоний суҳбатларини орзу қилиб, Яҳё ибн Муъоздан рухсат сўради.
Яҳё Ибн Муъоз унга рухсат бермай: – Сен ҳали сафарга лойиқ эмассан, сабр қилгин, - деди.
Абу Усмон кўп ялингач, ноилож унга жавоб тегди. У Шоҳ Шужоъ Кирмонийнинг хизматига бориб, ундан кўп фойдалар ҳосил қилди.
Тазкират ул авлиё Ochish/sharhlash

2022-09-01 12:01:58 #Авлиё_зотлар

АБУ УСМОН ХАЙРИЙ
У ҳозири асрори тариқат, нозири анвори ҳақиқат, пири қутби вақт, бу тоифа сараларидан ҳамда сўфийларнинг мўътабарларидан, улуғ ҳиммати бор, ҳамма асҳобнинг мақбули, хилма-хил каромат ва ҳар хил риёзатга мансуб эди. Унинг қилган ваъзлари жуда таъсирли ва сўзлари мўътабар, ҳаёти ва яшашида ҳеч ким айб тополмас эди.
Ҳамма улуғлар бир фикрга келиб айтар эдилар, хослардан уч киши бор. Бири Нишопур ичида Абу Усмон Хайрий, иккинчиси Бағдод ичида Жунайд, учинчиси Шом ичида Абу Абдуллоҳ.

* * *
Абдуллоҳ ибн Муҳаммад Раззоқ айтади, Жунайд Бағдодий, Юсуф Ҳусайн, Муҳаммад Фазлий, Абу Али Журжоний ва булардан бошқа кўп шайхларни кўрдим. Аммо, Абу Усмон Хайрийдан бошқа ҳақ йўлини яхшироқ сақлайдиган кишини кўрмадим.
Абу Усмон Хайрий болалик пайтида айтар эди:
— Менинг кўнглим ҳақиқат талаб қилишни истайди ва бир қарорда турмас.
Тазкират ул авлиё

@Fariduddin_Attor Ochish/sharhlash

2022-09-01 05:32:11 Ochish/sharhlash

2022-09-01 04:38:51 * * *
Сарғайиб учган ҳар барг
Сизга ёзган мактубим.
Азизим, боққа чиқинг,
Мени ўқинг, маҳбубим!

Куз яратар дардларни -
Қолмади бағри бутун!
Хазон боғда - баргларни
Босолмай йиғлаш нечун?

Ёзиб бўзлаган билан
Адо бўлмас куз сўзим.
Хазоннинг бир барги - сиз,
Куз эса менинг ўзим...

Усмон Азим

@Fariduddin_Attor Кузлар баҳор бўлолмайдиларми...) Ochish/sharhlash

2022-09-01 04:38:51 ***
Куз - Навоий девони. Бедор
Ўқи. Хўнгра - қийнаса дардлар.
Қатор-қатор кузги дарахтлар
Дахо ёзган фожеа байтлар.

Дил тақдирдан қайтишга мойил -
Хазон бўлдим! - (қўллагин, наби!)
Кезинаман боғда Навоий
Тополмаган ёлғиз сўз каби....

Усмон Азим Ochish/sharhlash

2022-09-01 04:38:01
"...Ишқ қудрати устун келди табиатдан
Юрагимга кириб келди кузги баҳор".


"..Мен сени бунчалар соғиндим, гулим,
Бир япроқ узилиб ерга тушгунча".

Суҳроб Зиё

@Fariduddin_Attor Ochish/sharhlash

2022-09-01 04:35:50 #Ишқ_йўли_ҳақида_муножот
Эй кўнгилни ишқидан равшан қилиб, ҳажр тиканзорини гулшан этган! Ишқинг ўтидан ой
ва қуёшга ёруғлик етишади, шунинг учун ҳам улардан туну кун нур ёғилиб
туради. Ишқинг чақмоғи жонларга ўт солади, шуъласидан ободу вайронларга ўт тушади.
Ишқинг жонни ўртагувчи бир оташин юлдуз бўлса, унинг сири пок бир гавҳардир. Жонимга
ўша юлдуздан нур етказ! Кўнглимни ишқинг бодаси билан маст қил: бундан мен худди
майпараст каби маст бўлай! Бу май билан мени беҳуш айла! Ақлим ўртадан
кўтарилгач, мени васлингга восил эт!
Алишер Навоий раҳимаҳуллоҳ
Лисон ут-тайр

@Fariduddin_Attor Ассалому алайкум вараҳматуллоҳи вабарокатух. Соғинчли Кузнинг биринчи куни, хуш келдинг сафолар келтиргин. Раббим барчаларимизга хайрли, барокатли қилгин ушбу кунларни... Ochish/sharhlash

2022-08-31 18:24:51 Душмани маро саодат ёр бод,
Дар жаҳон аз умр бар хурдор бод.
Ҳар ки хоре мениҳад дар роҳи мо,
Хори мо дар роҳи мо гулзор бод.

(Душманимизга саодат ёр бўлсин, жаҳонда умридан барака топсин. Бизнинг йўлимизга ким тикон қўйса, бизнинг тиканимиз унинг оёғи остига ташланган гул бўлсин !)

Шайх Нажмиддин Розий
_

Қадрликларимизга хуш оқшомлар тилаймиз !
Дили беғамлик, тани сиҳатлик сизни тарк этмасин.
Гул бўйлари кўнгилларни яйратсин..

@Fariduddin_Attor Ochish/sharhlash