SOBIRXON OTA.UZ

2022-10-09 14:28:06 Иᴧʍиᴦᴀ ᴀʍᴀᴧ қиᴧʍᴀᴦᴀн ᴏᴧиʍ,  бᴏɯқᴀᴧᴀᴩни ᴋийинᴛиᴩиб, ўɜи яᴧᴀнғᴏч қᴏᴧᴦᴀн иᴦнᴀ ᴋᴀбидиᴩ.

Иʍᴏʍ Ғᴀɜɜᴏᴧий
•••••┄┄┄┄༻❅༺┄┄┄┄•••••
@faqihlaruz Ochish/sharhlash

2022-10-09 12:29:42 ЖОНЛИ СУҲБАТ

Бугун, 9 октябр куни соат 15:00 да @fitratuz телеграм каналида онлайн савол-жавоб бўлиб ўтади.

Саволларга Тошкент вилояти бош-имом хатиби ўринбосари Абдулҳамид домла Маликов жавоб берадилар.

Ўзингизни қизиқтирган диний саволларга жавоб олишингиз мумкин.

Дўстларингизга ҳам улашинг
https://t.me/joinchat/AAAAAEGj0hkBXGlopIDbXA Ochish/sharhlash

2022-10-09 10:00:26 ​​#ТАФАККУР

ЎЛИК ҚАЛБНИНГ ЎНТА СИФАТИ

Бир куни Иброҳим ибн Адҳам Басранинг бозорларидан ўтиб қолди, бирдан одамлар у кишини кўриб олдига тўпланиб келишди ва сўрашди:
- Эй Абу Исҳоқ! Биз дуо қиламиз-у, ижобат бўлмаяпти, нега?
Айтдики:
- Чунки қалбларингиз ўнта сабаб билан ўлиб бўлган.
Улар:
- Нима улар? - деди.
Айтди:
1. Аллоҳни таниб туриб, ҳаққини адо қилмадингиз.
2. Расулуллоҳ соллаллоҳу алайҳи ва салламнинг севамиз, деб - даъво қиласизлар, бироқ суннатини тарк қиласизлар.
3. Қуръонни роса ўқийсизлар, лекин амал қилмайсизлар.
4. Аллоҳнинг неъматларини еб туриб, шукрини адо қилмайсизлар.
5. Шайтонни душман дейсизлар-у, у билан келишиб кетаверасизлар.
6. Жаннат ҳақ, дейсизлар, аммо унга яраша амал қилмайсизлар.
7. Дўзах ҳақ, дейсизлар, лекин ундан қўрқмайсизлар.
8. Ўлимни ҳақ, дейсизлар, лекин унга ҳам тайёргарлик кўрмайсизлар.
9. Уйқудан турубоқ одамларнинг айби билан машғул бўласизлар-у, ўз айбингизга боқмайсизлар ҳам.
10. Ўлик кўмасизлар, бироқ ибрат олмайсизлар.
•••••┄┄┄┄༻❅༺┄┄┄┄•••••
Обуна бўлинг: https://t.me/+2m22wyC0xgBiMjFi Ochish/sharhlash

2022-10-09 08:00:33 ИБРАТЛИ ҲИКОЯЛАР
Бу яхши!

Қадим замонда Африкада бир подшоҳ бўлиб, унинг дўсти бор экан. Дўстининг бир одати бор эканки, у нима иш содир бўлса, яхши бўлса ҳам, ёмон бўлса ҳам, "Бу яхши!" дер экан.

Подшоҳ овга чиққан пайтида дўстини ўзи билан олиб борар, у шоҳга милтиғини ўқлаб бериб турар экан. Бир куни милтиқни нотўғри ўқлагани сабабли подшоҳ ундан отганида бош бармоғи узилиб кетибди. Буни кўриб подшоҳнинг дўсти ҳар доимгидек "Бу яхши!" дебди. Оғриқдан ғазабланган подшоҳ: "Йўқ, бу яхши эмас", деб дўстини қамаб қўйишни буюрибди.

Орадан бир йил ўтиб, подшоҳ яна ов қилиб юрганида одамхўр қабила аъзолари уни ўғирлаб кетибди. Подшоҳни устунга боғлаб, ўтин ҳозирлай бошлашибди. Одамхўрлардан бири тасодифан подшоҳнинг битта бармоғи йўқлигини кўриб қолибди. Улар ирим қилиб ногиронларни ейишмас экан. Шу сабабли подшоҳни қўйиб юборишибди. Подшоҳ одамхўрлардан қутилишига сабаб бўлган воқеани эслаб, қилган ишидан уялиб, тезда зиндонга бориб, дўстини чиқариб олибди ва унга бўлган воқеани айтиб берибди. Дўсти унинг гапларини тинглаб "Бу яхши!" дебди. Подшоҳ ҳайрон бўлиб сўрабди: "Нега яхши бўлади, ахир мен сени бир йил зиндонда сақладим-ку?!" "Яхшилиги шундаки, агар мен зиндонда бўлмаганимда сиз билан овга борар ва одамхўрларга ем бўлар эдим".

Хулоса. Ҳар бир ишда бир яхшилик бўлади. Баъзида биз яхшилик деб ўйлаган нарсанинг кетидан ёмонлик келиши ва баъзан биз ёмонлик деб ўйлаган нарсанинг кетидан яхшилик келиши мумкин.
•••••┄┄┄┄༻❅༺┄┄┄┄•••••
@faqihlaruz Ochish/sharhlash

2022-10-08 17:39:55 ЖОНЛИ СУҲБАТ

Бугун, 8 октябр куни соат 21:00 да @fitratuz телеграм каналида онлайн савол-жавоб бўлиб ўтади.

Саволларга Тошкент вилояти Бекобод тумани «Чаноқ» жоме масжиди имом-хатиби Ёқубжон домла Бухарбаев жавоб берадилар.

Ўзингизни қизиқтирган диний саволларга жавоб олишингиз мумкин.

Дўстларингизга ҳам улашинг
https://t.me/joinchat/AAAAAEGj0hkBXGlopIDbXA Ochish/sharhlash

2022-10-08 17:30:31 «Намозни тўкис адо этинглар. Албатта, намоз мўминларга вақтида фарз қилингандир» (Нисо: 103)

1444 х./2022 м. йил
9-Октябрь/Рабиъул аввал-13 кун
Якшанба
Намоз вақти (Тошкент шаҳри вақти билан)

Тонг - 05:10
Қуёш - 06:28
Пешин - 12:15
Аср - 16:08
Шом - 17:54
Хуфтон - 19:10

Улашинг
Муслим тақвими

Обуна бўлинг:https://t.me/+2m22wyC0xgBiMjFi Ochish/sharhlash

2022-10-08 15:42:47 #МАСАЛ

ШЕР БИЛАН ЭШАК

Шер билан Эшак биргаликда яшашга қарор қилишди ва овга кетишди. Улар ёввойи тоғ эчкилари яшайдиган ғорга келишди. Шер ғор оғзида туриб ичкаридан қочиб чиқаётган эчкиларни тутиб оладиган бўлди; Эшак эса ғор ичида бор овози билан ҳанграб эчкиларни чўчитиб қува бошлади. Мана, Шер бир талай эчкини тутиб олди, шунда ғордан чиққан Эшак: «Қалай, зўр бўлдими жангим, бопладимми эчкиларни қувишни?» деб мақтанди. Шер унга жавоб қилди: «Вой, бўлмасам-чи! Ўзим ҳам ваҳимага тушиб қочган бўлардим, агар ҳанграётган сен — Эшак эканингни билмаганимда».

ХУЛОСА: Мақтанчоқлик дардига учраган одам ҳам баъзида бу дардидан хабардор бўлган дўстлари олдида мақтана бошлайди ва уларга кулги бўлади, албатта.
•••••┄┄┄┄༻❅༺┄┄┄┄•••••
@faqihlaruz Ochish/sharhlash

2022-10-08 09:54:52 Луқмони Ҳакимнинг ўғлига қилган васиятларидан:

«Эй ўғлим! Мен сенга саккиз ишни васият қиламан. Агар сен уларни қилсанг, дунё ва охиратда бахтли бўлурсан:
- намозда қалбингни сақла (яъни, қалбинг намозда дунёни ўйламасин);
- одамлар уйидан кўзингни сақла (яъни, кўзинг ҳар томонга боқавермасин);
- одамлар ичида тилингни сақла (яъни, жим тургин);
- ҳалқумингни пок сақла.

Икки нарсани доим эсла, икки нарсани эса унут:
- Аллоҳни ва
- ўлимни мудом эсла;
- одамларга қилган яхшилигингни ва
- одамларнинг сенга қилган ёмонликларини унут».
•••••┄┄┄┄༻❅༺┄┄┄┄•••••
@faqihlaruz Ochish/sharhlash

2022-10-08 08:05:10 ИБРАТЛИ ҲИКОЯЛАР
Овчи ва айиқ воқеаси

Қадим замонда бир овчи бўлган экан. У бир куни айиқ боласин топиб олибди ва парваришлай бошлабди. Айиқ кундан-кунга ўсиб, унга ўргана бошлабди. Овчи қаерга борса, уни ўзи билан олиб юрар экан. Одамлар унга эҳтиёт бўлишни тайинлаб, бу қилаётган иши хато эканини айтишибди. Лекин овчи уларга: "Бу айиқ менга одамдан ҳам яхши дўст, у мени ҳар жойда қўриқлайди", деб жавоб берибди. Бир куни улар бирга ов қилиб юришганда овчи чарчабди ва бир дарахт соясида бироз мизғиб дам олмоқчи бўлибди. Айиқ эса ҳар доимгидек уни қўриқлай бошлабди. Шу пайт бир пашша учиб келиб овчига қўнибди. Айиқ уни ҳайдабди. Пашша айланиб яна қўнибди. Айиқ яна ҳайдабди. Бу ҳол бир неча маротаба такрорланиб, айиқнинг жаҳли чиқибди. Катта бир тошни олиб, овчига қўниб турган пашшага отибди. Пашша учиб кетибди, овчи эса тил тортмай ўлибди.
Дўст танлашда ўйлаб иш қилинг. Ота-боболаримиз "Аҳмоқ дўстдан ақлли душман яхши", деб бежиз айтишмаган. 
•••••┄┄┄┄༻❅༺┄┄┄┄•••••
@faqihlaruz Ochish/sharhlash

2022-10-08 06:46:25 НОЛИМАНГ...

Аллоҳ таоло сизга қанча неъмат берганини ҳис қилмоқчимисиз?

Кўзингизни юмиб, ўн қадам юриб кўринг!
Юриб кўрдингизми? Нимани ҳис қилдингиз? Битта неъматининг аҳамияти қанчалик экан? Тушундингиз-а?!

Қўлингизни ишлатмай, дастурхонда турган пиёлада чой ичиб кўринг!
Нақадар қийинлигини ўйлаб кўрдингизми?!

Бир оёғингизни ишлатмай, фақат биттасида юриб шу ҳолда ҳожатхонага кириб кўринг!
Нимани тасаввур этдингиз?! Ўтириб-туриш қийинлигини кўз олдингизга келтирдингиз-а?!

Устингизда турган либосингиз ён қўшниларингиз киядиган либосларга нисбатан эскироқ, модаси ҳам орқадами?
Энди нарироқдаги фалон қўшнингиз киядиган либос ҳақида ўйлаб кўринг! Унинг кийими олдида сизнинг либосингиз қанчалик янги эканини ўйлаб кўрдингизми?

Машинангиз йўқлигидан нолияпсизми?!
Фалон қўшнингизнинг икки оёқлари кесилгани эсингиздадир?!
Ҳалиям машинангиз йўқлигидан афсусдамисиз?!
Аллоҳ таоло дуёда яшаётган миллиардлаб бандалари орасидан сизни танлаб, сизга ИЙМОН неъматини ато этган! Бу сиздаги энг улуғ неъматдир! Бунга шукр қилинг! Ҳаётимизни ИЙМОН тақозо қиладиган ибодатлар, солиҳ амаллар билан ўтказиб, гуноҳ-маъсиятлардан узоқ бўлайлик!
•••••┄┄┄┄༻❅༺┄┄┄┄•••••
Обуна бўлинг: https://t.me/+2m22wyC0xgBiMjFi Ochish/sharhlash