2022-08-30 05:58:41
Яқинлик қайга йўқолди?Йиллар ўтди, энди у сизга
«ўлиб бораётган табиатга» қарагандай қараяптими? Ё аллақачонлар ўзингизни ўйиндан чиққан, деб ҳисоблайсизми? Мавсуми ўтган
«мевадек» яшашга ўрганиб қолдингизми?
Агар мана шу ҳолатингиздан қониқсангиз, сизга бу мақола керак эмас
Яқинликнинг камайишига, балки умуман анқонинг уруғига айланишига бир неча факторлар сабаб бўлади. Аммо бу факторлар, одатда, бизнинг руҳий
«блокланишимиз» натижасидир.
1. Соғлиқ. Агар сиз жисмонан заиф бўлсангиз, на ҳафа бўлишга ва на сабаб излашга ҳожат бор. Жон оғриганда, кўнгилга айшни суриш сиғмайди.
2. Энергия. Эҳтимол сизда сурункали чарчоқ ёки камҳаракатлик кетидан келиб чиққан толиқиш бордир. Тунги
«спорт» учун ярамассиз? Боз устига ёш ўтиб энергия ҳам пасаяди, аммо уни энг пасайтирадиган нарса самомазохизм - ношуд ва нотовонлигингиздан нолийверасиз, ҳаракат қилмайсиз.
3. «Жароҳат» - ўтмишдаги руҳий травма. Қачонлардир туширилган
«қовун» ёки йиллар давомидаги туширилган
«қовунларни» қовунчи партнёрга айтолмагансиз ва яқинликдан безиб қолгансиз. Ҳаётингиз шусиз ҳам
«серқуёш, ҳур ўлкам», деб қабул қилгансиз .
4. Ҳушторликдан - доминантликка. Энди сиз она/ота, боқувчи ва банд кишига айландингиз. Пул топиш, фарзандлар билан машғул бўлиш кабилар билан яқинлик
«идишини» тўлдиришга урунасиз. Балки шу сабабдан сизда тез кайфият ўзгариши, бош оғриши, тажанглик, ижодкорлик ва латофатни йўқотиш ҳолати кузатилётгандир.
5. Жуфтлар орасидаги совуқлик. Жисмоний яқинлик анча жиддий ва чуқур мавзу. Балки сизда на фарзанд, на соғлик ва на осилган қорин билан муаммо йўқдир. Балки шунчаки, жуфтингиз ва сизнинг орангизда савиялар, руҳий табақалар ўзгаргандир?! Сиз бошқа кўзойнак билан ҳаётга боқасиз, у эса бошқа билан. Руҳий қониқмаган кишингиздан жисмоний лаззатланишни ҳам эп кўрмассиз?!
6. Спектакль тугади. Бор шамларингизни ёқиб бўлдингиз, атиргул барглари ҳам сўлиди, турли француз ифорларидан зерикдингиз, ўзингизда борини жуфтингизга бериб бўлдингиз, энди берадиган ҳеч нарса йўқ.
«Оқ - қора» ранглардаги тўшакдан бошқа, қизиқарли ҳеч нарса. Янгиликлар яратиш учун ҳам ҳафсалангизни йўқотгансиз.
7. Эҳтирос сўнган, сиз энди бошқасиз. Бола-чақа, оилавий муаммо ва камига бир неча йиллик сценарий сизга янги либослар, янги имиджлар, янги романтикалар учун имкон бермайди.
«Менга тўғри келмайди», «Мен учун эмас» каби таъқиқлар билан масофаларни узоқлаштираверасиз.
Ечим қандай? Аллоҳдан баракали муҳаббат сўраб дуо қилинг. Жуфтингизга янгиликлар қилишдан қўрқманг, бу ҳақида алоҳида хос суҳбат қилинг.
Ўзаро бир - бирингизни қўллаб-қувватланг. Рағбатлантиринг. Уятни сал четга суринг, интим ҳаёт тартибсиз ёки бузилган муҳитда ҳам руҳий, ҳам жисмоний қийналасиз. Турли тажрибалар учун вақт ажратинг, изланинг. Ўлик балиққа айланманг, илтимос.
Аллоҳ сизга ва аҳлингизга барака берсин.
Эр хотин муносабатлари канали
http://t.me/joinchat/BRgKLCRudVxiZDcy
1.6K views02:58