2022-08-31 16:50:01
Савол: Ислом парафилия ҳақида нима дейди? Масалан, болаликдан (7 ёки 8 ёшдан бўлиши мумкин) қизларнинг тана аъзоларига қизиқиб, унга тегишни исташи мумкин. Ўсмирлик даврида эса қизларнинг турли кўринишдаги видеоларини кўриб, рағбати уйғонади. У 8-9 ёшларида мастурбация (онанинзм) билан шуғулланган, хозир эса оила қурмоқчи. Аммо ишсизлиги ва айни дамда ўқиётгани учун уйлана олмайди. У деярли ҳар ҳафта рўза тутади, лекин ҳаром ишларга қўл уради.
Ислом асосида бу касалликни давоси қандай бўлишини айтиб ўтсангиз, илтимос. Ғарб психологияси бу ҳақида етарлича гапиряпти, мен буни ислом нуқтаи назари асосида ўрганмоқчиман.
Жавоб: Барча ҳамду-санолар оламлар Робби бўлган Аллоҳгадир. Аллоҳдан ўзга ибодат қилишга лойиқ Зот йўқ эканлигига ва Муҳаммад саллоллоҳу алайҳи васаллам унинг қули ва расули эканлигига гувоҳлик бераман.
Биздан олдинги ва замонавий олимларнинг бу борадаги бирон бир баёнига шу вақтгача дуч келмадик.
Шунга қарамай бу жинсий бузуқликнинг энг ғалати бир туридир, чунки у одатда ҳаяжонга сабаб бўла олмайдиган нарсалар томонидан рағбат уйғонишига олиб келади.
Бу ва бошқа бузуқликларни қуйидаги ишлар билан даволаса бўлади:
1. Аллоҳга тақво қилиш, У бизни ёлғизлигимизда ҳам, жамоатни олдида бўлганимизда ҳам кўриб туришига амин бўлиш ва Унинг олдида ҳисоб-китоб учун туришдан қўрқиш.
2. Бу иш бунданда каттароқ нарсаларга, масалан, ахлоқсизликка олиб келишидан қўрқиш.
Бу шайтон одамларга кириб, уларга ёмонликни зийнатлаб, уларни ғафлатда қолдириб, аста-секин ҳалокатга бошлаши учун эшик очиб бериши мумкин. Шунинг учун Аллоҳ таоло бизларни ёмоннинг макридан огоҳлантиради.
Аллоҳ таоло қуръонда:
Эй мўминлар, шайтоннинг изидан эргашманглар! Ким шайтоннинг изидан эргашса бас, албатта (шайтон) бузуқлик ва ёмонликка буюрур. Агар сизларга Аллоҳнинг фазлу марҳамати бўлмаса эди, ҳеч қачон сизлардан бирон киши (бирон гуноҳдан) пок бўлмас эди. Лекин Аллоҳ (фазлу марҳамати билан) Ўзи хоҳлаган кишини поклар. Аллоҳ Эшитгувчи, Билгувчидир.
[Нур сураси, 21-оят].
3. Ўз ҳаётининг ёмон якунланишидан қўрқиш.
4. Аллоҳ билан ҳолис бўлиш ва шифо талабида жидду-жаҳд қилиш. Банда Аллоҳ билан ростгўй бўлса, Аллоҳ унинг хоҳлаган нарсасига эришишига ёрдам беради. Аллоҳ таоло айтади:
...агар улар Аллоҳга (иймон келтириш ва Унинг жанг қилиш ҳақидаги амрига итоат этишда) содиқ-ростгўй бўлганларида, албатта ўзлари учун яхшироқ бўлур эди.
[Муҳаммад сураси, 21-оят].
5. Уйланиш инсоннинг иффат ва покликни сақлайди.. Аллоҳ таоло айтади:
Ўз ораларингиздаги тул-беваларни ҳамда қул ва чўриларингизни яхшиларини уйлаб қўйинглар. Агар улар камбағал бўлсалар, Аллоҳ уларни Ўз фазлу-карами билан бой-беҳожат қилур. Аллоҳ (фазлу-карами) кенг, Билгувчидир.
[Нур сураси, 32-оят].
Бордию никоҳ инсон учун оғирлик қилса, у ўз иффатини сақлашга ёрдам берадиган бошқа сабабларни излаши керак.
Аллоҳ таоло шундай марҳамат қилади:
Никоҳ (учун лозим бўлган мол-давлатни) топа олмаган кишилар то Аллоҳ уларни Ўз фазлу-карами билан бой-бадавлат қилгунича ўзларини (ҳаромдан, зинокорликдан) пок тутсинлар!
[Нур сураси, 33-оят].
Бу сабабларнинг энг асосийларидан бири бу рўза тутишликдир.
Абдуллоҳ ибн Масъуд розияллоҳу анҳудан ривоят қилинади, расулуллоҳ саллоллоҳу алайҳи ва саллам айтдилар: "Эй йигитлар, ким уйланишга қодир бўлса, уйлансин, чунки бу унинг кўзини тийиш ва аврат аъзоларини сақлашга ёрдам беради. Ким уйланишга қодир бўлмаса, рўза тутсин, чунки рўза шаҳвоний нафсни камайтиради.
[Бухорий ва Муслим].
Шунингдек ҳаромга кўп қараш, номаҳрам аёллар билан ёлғиз қолиш, ҳаромга аралашиш ва шунга ўхшаш нафсни қўзғатадиган нарсалардан узоқ туриш керак.
Валлоҳу аълам.
Манба.
Эр хотин муносабатлари канали
http://t.me/joinchat/BRgKLCRudVxiZDcy
725 views13:50
E
