2022-09-24 16:21:41
Муносабатларни тиклаш учун 10 қадам.
Муносабатлар таранглашган, сакийнат ёқолган, бир-бирингизни тушунмай, ҳисларингиз сўнгандек ва шу қадар узоқлашиб кетганингиздан аввалги илиқликни қайтаришнинг иложи йўқдек…аммо яна бир бор оилани сақлаб қолишга ҳаракат қилиб кўришга тайёрсиз. Аллоҳнинг изни ила шу муаммоларни ечишга қаратилган бир неча маслаҳатлар билан бўлишамиз.
Қийин масалаларнинг ечимини бироз ортга суриб туринг. Ўзингизга дам олишга изн беринг, муаммоларни “пауза”га қўйинг, англашилмовчиликлар чиқиши мумкин бўлган вазиятлардан иложи борича узоқроқ туришга ҳаракат қилинг ва зиддиятларни юзага келтирманг. Бу дегани “ сен билан ўралашиб ўтирмайман” деб қўл силташ эмас, балки фокусингизни ўзингизга йўналтиришингиз назарда тутилди.
Энергиянгизни оширинг. Муносабатлардаги муаммолар сизнинг руҳан тушкунлигингизга сабаб бўлади ва оқибатда уй ишлари ёки ўзингизни ривожлантиришингизга ҳам кучингиз етмай қолади.
Муносабатларингиздаги “негатив тугун”ни узиб ташланг.
Бу дегани жуфтингизни ўзгартиришга бўлган ҳаракатингизни, танқидий гапларни, дунёқарашини ўзгартиришини сўрашни бас қилинг. Жуфтингиз дўстингиз, душманингиз эмас!
Ўзингизга эътиборлироқ бўлинг. Ҳис-туйғуларингизга, хоҳишларингизга, истакларингизга ва мақсадларингизга бор эътиборингизни жамланг.
Аммо истакларга эътибор бериш керак экан деб яна жуфтингизга инжиқликлар қилишингиз эмас, аксинча ўзингиз ҳаракат қилиб, ўз устингизда ишлашингиз, билим ва кўникмаларингизни оширишингиз керак.
Шахсий чегараларингизга ахамиятли бўлинг. Сиз билан қандай муносабатда бўлиш мумкин ва қандай муносабатни ҳушламаслигингизни ҳикмат ва оқилалик билан атрофдагиларга билдиринг.
Ўзингизни шахсий чегараларингизни ўрнатар экансиз, ўзгаларникини ҳам бузманг. Атрофдагиларни яхши кўришга мажбур эмассиз аммо ҳурмат билан муомала қилишга мажбурсиз.
Ўзингизни хафагарчиликларингиз билан шуғулланинг. Жуфтингиздан айнан нима учун хафасиз? Нимани “кечирдим” деганингиз билан қўйиб юбора олмаяпсиз?
Аввал ўзингизни фикрларингизни тартиблаб олинг ва ундан сўнг жуфтингиз билан ҳолис гаплашиб олинг.
Агрессиянгизни тўкишни йўлларини қидиринг (ўзингизга ва атрофга зиён бермаган ҳолда). Агрессиянгиз бор, ва жуфтингиз билан контактга киришганингизда у “сачраяпти”.
Агрессияни чиқариб юбориш ортиқча жанжалларни бошламаслигингиз гаровига айланса не ажаб ;)
Ўз ҳис-туйғуларингизни ифодалашни ўрганинг, ҳатто негатив туйғуларни ҳам (экологик йўл билан, ҳеч кимга тил билан ҳам ҳатти-ҳаракат билан ҳам зарар етказмган ҳолда).
Сизга ёқадиган ва аксинча, ёқмайдиган нарсалар ҳақида ҳам гапиришни ўрганинг.
Сўзлашиш усулингизни ўзгартиринг. Сиз билан содир бўлаётган воқеалар ҳақида шикоят-шаклида гапирманг.
Яна таъкидлаб ўтамизки, гапни гапириш санъатини ва фикрларингизни фаросат ила баён қила олишни ўрганинг, сизни эшитаётган аудиторияни тўғри танлай билинг.
Эр хотин муносабатлари канали
http://t.me/joinchat/BRgKLCRudVxiZDcy
598 views13:21