2022-10-07 19:38:22
“Эл-юрт умиди” жамғармаси АҚШнинг нуфузли Миссури университети раҳбарияти билан ZOOM платформаси орқали учрашув ўтказди
Жорий йилнинг 7 сентябрь куни “Эл-юрт умиди” жамғармасида Ижрочи директор ўринбосари в.б. Ж. Ахмедов, Бўлими бошлиқлари А.Хамдамов ҳамда А.Аъзамхоновлар АҚШнинг Колумбия шаҳрида жойлашган нуфузли Миссури университетининг Халқаро дастурлар бўйича проректори Мэри Стэгмаэр, Халқаро талабаларни қабул қилиш бўлими бошлиғи Рян Гриффин, Ҳомийлик асосида таълим олувчи стипендиатлар дастурлари директори Жилиан Коллинс, шунингдек, Хорижий талабаларни инглиз тилига ўқитиш дастурлари директори Лили Соренсонлар ўртасида ZOOM платформаси орқали онлайн учрашув бўлиб ўтди.
Маълумот учун: Миссури университети 1837 йилда ташкил этилган бўлиб, телекоммуникациялар соҳаси йўналишида дунё рейтингида 38 ўринда туради. Мазкур университетда 30 000 мингда ортиқ талабалар таҳсил олади. Университет қишлоқ хўжалиги, давлат бошқаруви, ҳуқуқ, иқтисодиёт ва бизнес бошқаруви, ИТ технологиялари, журналистика каби устувор соҳаларда мутахассислар тайёрлашда этакчи университет ҳисобланади дунёнинг 100 дан ортиқ мамлакатларидан талабалар 270 мутахассислик бўйича таҳсил олади.
Учрашув давомида Ж. Ахмедов томонидан Жамғарма орқали нуфузли университетда таълим олаётган 7 нафар стипендиатларга ўқиш жараёнларида яқиндан ёрдам бериш, уларни ўқиш харажатларидан чегирмалар олиш шунингдек, жорий йил февраль ойида “Эл-юрт умиди” жамғармаси ва Миссури университети ўртасида ҳамкорлик алоқаларини мустаҳкамлаш юзасидан имзоланган меморандумга қўшимча икки томонлама шартнома имзолаш бўйича таклифлар киритди ва томонлар мазкур шартномага қуйидаги қўшимчалар киритишга келишиб олдилар.
Мазкур шартномада томонлар 2023 ўқув йилидан бошлаб нуфузли университетга бакалавриат дастури бўйича таълим олиш учун юбориладиган Жамғарма стипендиатларининг ҳар бири учун ўқув харажатларидан 15 000 АҚШ доллари миқдорида чегирмалар ажратиш ва докторантура дастури учун ўқув харажатларидан маълум чегирмалар ажратиш ҳамда университет халқаро талабалар турар жойларидан стипендиатлар учун турар жой ажратиш масаласи киритилишига келишиб олинди.
Бундан ташқари, давлат хизматчилари учун қисқа муддатли стажировка дастурлари ташкил этишда устувор ҳисобланган давлат бошқаруви, аграр иқтисодиёт, бизнес ва халқаро таълим соҳаси бўйича қисқа муддатли стажировка дастурларини ҳамкорликда ташкил этиш бўйича келишувларга эришилди.
Учрашув якунида томонлар ҳамкорлик алоқаларини истиқболи сифатида ўзаро ташрифлар амалга ошириш ва юқорида кўтарилган масалалар юзасидан икки томонлама қўшимча шартнома имзолашга келишиб олинди.
Eyuf.uz | Telegram | Facebook | Instagram | YouTube
2.5K views16:38