Prokuratura Departamenti

2022-04-25 11:14:01 Нишон туманида тадбиркордан 5 400 АҚШ доллари пора талаб қилган бош мутахассис ушланди

Бош прокуратура ҳузуридаги Департамент, ДХХ ва ИИБнинг Қашқадарё вилояти бошқармалари томонидан тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда, Нишон тумани Халқ таълими бўлими махсус таъмирлаш экспулатация хизмати бош мутахассиси Ж.И. тумандаги 2-сонли мактабнинг эски биносини бузиб олиш ишларини олиб бориш учун бўлим мудири орқали “ҳамкорлик” шартномаси расмийлаштириб бериши эвазига "Қ.Т." МЧЖ раҳбаридан 5 400 АҚШ доллари пора талаб қилиб олган вақтида ашёвий далиллар билан ушланган.

Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-25 09:33:17 Бекобод туманида ғалла ва шоличилик учун ажратилган ер майдонини ўзбошимчалик билан эгаллаб олган МЧЖ раҳбари аниқланди

Бош прокуратура ҳузуридаги Департаментнинг Бекобод туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “А.Г.” МЧЖ раҳбари Л.А. “А.И.” МЧЖга ғалла ва шоличилик учун ажратилган 0,76 гектар суғориладиган ер майдонини ўзбошимчалик билан эгаллаб олиб, ушбу ер майдонида ноқонуний балиқ ҳовузи ташкил қилиб, давлат ва жамият манфаатларига 273,2 млн сўм зарар етказганлиги аниқланган.

Мазкур ҳолат юзасидан Жиноят кодексининг 192-11-моддаси (нодавлат тижорат ташкилотида мансабдор шахслар томонидан ўз ваколатларини суиистеъмол қилиш) ва 229-моддаси (ўзбошимчалик) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-25 08:07:44 Нуробод туманида фуқарони ишга киритиб қўйишни ваъда берган тез ёрдам бўлими мудири ушланди

Бош прокуратура ҳузуридаги Департамент ҳамда ДХХнинг Нуробод тумани бўлимлари томонидан ИИБ ходимлари билан ҳамкорликда ўтказилган тезкор тадбирда, туман тиббиёт бирлашмасининг тез ёрдам бўлими мудири Я.Б. фуқаро Ф.дан уни туман тиббиёт бирлашмасига танишлари ёрдамида патронаж ҳамшираси вазифасига 0,75 штат бирлигида ишга қабул қилиш эвазига 500 АҚШ долларини фирибгарлик йўли билан олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-23 14:31:03 Юнусобод туманида тадбиркордан 1 100 АҚШ доллари талаб қилган муҳандис ушланди

Бош прокуратура ҳузуридаги Департаментнинг Юнусобод туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда, “Худудгаз Пойтахт” газ таъминоти филиали Юнусобод тумангаз бўлимининг улгуржи истеъмолчилар бўлими муҳандиси Х.Б. тадбиркор Ж.га тегишли бўлган савдо шаҳобчасига табиий газ тармоғини ўтказиб бериш ҳамда лойиҳа ҳужжатларини тайёрлаб бериш эвазига 1 100 АҚШ доллари талаб қилиб, дастлаб 100 АҚШ долларини қўлга киритиб, келишилган пулдан яна 900 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-23 10:09:46 Тойлоқ туманида 1,5 млрд сўм кредит маблағини ўзлаштирган МЧЖ раҳбари аниқланди

Бош прокуратура ҳузуридаги Департаментининг Тойлоқ туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда, “Д.и.” МЧЖ раҳбари Ш.П. корхонага қарашли омборхона ва савдо дўконлари бўлмаса-да, сохта ҳужжатларни расмийлаштириш орқали бошқа бир тадбиркорга тегиши экскаваторни гаров сифатида қўйиб, банк филиалидан айланма маблағларни тўлдириш учун 1,5 млрд сўм кредит ажратилишига эришиб, кредит маблағидан мақсадсиз фойдаланиб, талон-торож қилганлиги аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-23 08:29:46 Нукус шаҳрида иссиқхона қуриш учун ажратилган ер майдонининг сотилишининг олди олинди

Бош прокуратура ҳузуридаги Департамент ҳамда ДХХнинг Қорақалпоғистон Республикаси бошқармалари томонидан прокуратура ва ИИВ ходимлари билан ҳамкорликда ўтказилган тезкор тадбирда, фуқаро П.Е. ўзига Нукус шаҳри, “Алланияз Қаҳрамон” МФЙ ҳудудида иссиқхона қуриш учун ажратилган 9 сотих ер майдонини бошқа бир фуқаро Т.га фирибгарлик йўли билан 170 млн сўмга сотишга келишиб, шундан 80 млн сўмни олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-22 14:57:31 Оҳангарон туманида фуқарони 3 000 АҚШ доллари эвазига ишга киритиб қўйишни ваъда қилган фирибгарлар ушланди

Бош прокуратура ҳузуридаги Департаментнинг Оҳангарон туман бўлим томонидан ДХХнинг Оҳангарон шаҳар бўлими билан ўтказилган тезкор тадбирда, фуқаро Ж.К. ва Ф.З.лар фуқаро М.нинг ишончига кириб, уни танишлари орқали 3 000 АҚШ доллари эвазига “Олмалиқ тоғ-кон металлургия комбинати” АЖга ишга киритиб қўйишни ваъда қилиб, шундан 1 500 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-22 13:05:40 Денов туманида ўзбошимчалик билан эгаллаб олинган ер майдони аниқланди

Бош прокуратура ҳузуридаги Департаментнинг Денов туман бўлими томонидан ўтказилган терговга қадар текширувда, фуқаро Р.Ю. жорий йилнинг март ойида “Намуна” маҳалласи ҳудудидаги 49 балл бонитетли суғориладиган экин ер майдонининг 25 сотихини атрофини девор билан ўраб ноқонуний равишда эгаллаб олиб, қурилиш ишларини амалга ошираётганлиги аниқланган.

Мазкур ҳолат юзасидан Жиноят кодексининг 229-1-моддаси (ер участкаларини ўзбошимчалик билан эгаллаб олиш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-22 09:27:51 Олмалиқ шаҳрида 2 000 литр мэтил спиртини сотаётган шахс ушланди

Бош прокуратура ҳузуридаги Департаментнинг Олмалиқ шаҳар бўлими томонидан ИИБ ходимлари билан ҳамкорликда ўтказилган тезкор тадбирда, фуқаро Н.Х. ҳеч қандай ҳужжатлари бўлмаган инсон соғлиғи ва ҳаёти учун хавфли бўлган 2 000 литр мэтил спиртини бошқа бир фуқаро М.га 3 200 АҚШ долларига сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash

2022-04-22 08:28:10 Самарқанд туманида 19 700 АҚШ долларига ер майдони сотган хўжалик раҳбарининг кирдикорлари фош бўлди

Бош прокуратура ҳузуридаги Департаментнинг Самарқанд туман бўлими томонидан ўтказилган терговга қадар текширувда, “Н.Н.” фермер хўжалиги раҳбари Н.Н. ЯТТ Н.М. ва фуқаро М.Ш.нинг ишончига кириб, уларга хўжаликнинг сувли ер майдонидан деҳқон хўжалиги ташкил қилиш учун ер ажратиб беришни ваъда қилиб, тадбиркор Н.нинг 9 500 АҚШ доллари ва фуқаро Ш.нинг 10 200 АҚШ долларини олиб, Самарқанд тумани ҳокимининг 31.12.2020 йилдаги сохта қарорини ариза муаллифларига тақдим қилганлиги аниқланган.

Текширув давомида Н.Н. томонидан ўз айбига иқрор бўлиб 500 АҚШ доллари ва 4,5 млн сўмни ихтиёрий қайтарганлиги процессуал тартибда расмийлаштирилган.

Мазкур ҳолат юзасидан Жиноят кодексининг 229-6-моддаси (суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.

@Department_uz Ochish/sharhlash