Чоршанба

2021-01-11 08:04:19 Ёшликда плейстейшнда ўйинлар ўйнардик. Одатда ўйин қахрамонларини “жони” 3 та бўларди. Яъни уч марта кахрамон ўлгунча ўйин давом этарди. Учинчисидан кейин ўйин тугарди. Кейинчалик замон ривожланиб ўйинларни хак.версиялари чиқди. Кахрамонлар чексиз марта ўлса ҳам ўйин давом этадиган бўлиб кетди. Ўйинни қизиғи ҳам қолмади, умуман адолатсизлик бўлди деса ҳам бўлади.

Янги Ўзбекистонни мана шу взлом қилинган ўйинларга ўхшатаман. Кахрамонлар яъни янги Ўзбекистон амалдорлари неччи марта хато(ўлса) қилса ҳам ўйин давом этаверади. Улар учун ўйин тугамайди. Одолат ҳам кириб кетади ўша жойга.
Зўр нарса ёздимми. Ochish/sharhlash

2020-12-23 08:07:53 Бу орада жонкуярларимиз эски қўшиғини куйлашни бошлади. Ҳой барака топкур, асоссиз гап тарқамаслигини истасанг ёз нима бўлаётганини. Кўчада бир-бирини кўрган одам борки "эшитдингми, нима экан" деб савол бераяпти. Ochish/sharhlash

2020-12-23 08:02:46 Ҳеч кимга сир эмас Ўзбекистонда Сирдарё деган вилоят бор. Бу вилоят 2020 йилда трендга чиқгани ҳам ҳаммага аён. Сув омборларини бузилишию кислород баллонларини портлашлари билан. Агар бу фожаларни оқибатларини одамлар билмай қолишса аниқ айтишим мумкинки бу ҳақида ҳеч қаерда айтиб ҳам ўтишмасди ёзишмасди ҳам. Бундай дейишимга етарлича сабаблар бор. Бир бошдан бошлаймиз, адашмасам якшанба куни эди. Обетдан кейин қандайдир гумбурлаган овоз эшитилди, уйлар зириллади. Кейин билсам уйим шаҳардан ташқарида бўлгани учун биздаги овоз унчалик баланд бўлмаган экан, шаҳарда анча вахимали бўлганмиш. Ҳамма бир-биридан сўраган, ўзига яраша кичкинагина хаосча билан воқеалар ривожини кузатаяпмиз интернет орқали. Бироз ўтиб ФВВ баёнот билан чиқди, уларга кўра ҳеч ким уларга ариза билан чиқмаган, лекин шунда ҳам фавқулотда вазиятдаги тиниб тинчимас вазирлигимиз ўзлари бориб жойларни текшираётгани ва бу борада хали ҳеч қанақа маълумота эга эмаслигини ёзди.
Тасаввур қилинг, кичкинагина шаҳар. Гумбурлаган овоз чиқаяпти, уйлар қимирлаб кетаяпти лекин булар овоз қаердан чиқганини билмас экан. Суриштириб ҳам топа олмабди. Майли.
Кеча, аниқроғи бугунга ўтар кечаси соат иккилар атрофи яна гумбурлаш бўлди. Бу сафар тун бўлгани учунми билмадим, гумбурлаган овоз анча баланд эшитилди.Кечадан аввалги хаосча чинакам хаосга айланди. Онам нариги хонадан чиқди, шаҳарда турадиган акамга телефон қилинди. Кўчада кучуклар акиллаган, ойналар зириллаган. Ҳатто мен уйқудан уйғониб кетдим(!) Маҳаллий телеграм каналларда ҳам, гуруҳларда ҳам шу мавзу. Миш-мишлар болалаган, лекин халигача ФВВ икки қатор нарса ёзмади.

Нима дейишим мумкин, қанақадир бомбачаларни синовдан ўтказаяпсизларми ёки Хитой заводлари ер остидан Хитойга туннел тешаяптими билмадим, нима бўлганда ҳам ҳаммани ер ютиб кетмасидан халққа ростини айтинглар жаноб мутасаддилар! Ochish/sharhlash

2020-12-20 00:07:47 Ўзбекистонда россиядаги машхур кино одамларидан бири Жаник Файзиев билан ҳамкорликда енгилмас боксчиларимиз ҳақида кино ишламоқчи экан. "Мендирман Жалолиддинга" ўхшаган катта кино эмиш. Демак яхшигина пул ишлатилади. Энг қизиқ томони бу Жаник яъни Жахонгир Файзиев ўзимизни қоракўз. У ўзининг сўнгги филмини нахд олти йил суратга олди. Оз эмас кўп эмас 800 миллион рубл пул сарфлади. Ҳар йили белгиланган "пул етмади, озроқ қўшинг" деб пул қўштираверган. Натижада "Вратарь галактики" деб номланган юмшоқ қилиб айтганда бир тийинга қиммат филм ишлади. Уни ҳаттоки бэдкамедиан ҳам охирги "обзорида" танқид қилиб чиқди. Филм ҳақидаги аксарият тақризларда режиссёрни пул ювишда айблашган.
Мухлис сифатида филмниям жудаям савиясизликда айблай оламан. Олти йил ва 800 миллион билан титаникни иккинчисини суратга олса бўларди.
Энди савол, нега айнан Жаник? На ишлаган киноси савияли, на уни репутацияси ижобий бўлиб турган пайтда нега "пул ювган" деб тахмин қилинаётган режиссёр ўзбеккинони катта лойиҳасида пайдо бўлаяпти? Ochish/sharhlash

2020-12-05 10:34:29 Адашмасам бундан роппа роса 4 йил аввал амалдаги президентимизни президент сифатидаги биринчи расмий иш куни эди. Ochish/sharhlash

2020-11-25 19:43:39 Собиқ банкир, собиқ вилоят ҳокими ўринбосари Эшматов қидирувдаги шахслар рўйхатида пайдо бўлибди. Аниқ санани эслолмайману лекин уни қўлга олишгани ва хибсда эканлиги ҳақида маълумот беришганди. Энди эса у қидирувда экан. Зўр-а? Ўзбекистон кенг имкониятлар мамлакати. Қамоқдаги одамни судгача ушлаб тура олмайдиган мамлакатда яшаяпмиз.
Болницани главрачи бўлган аёлни судгача қамоқда ушлаб туришни биласизлар. Миллиардларни ўғирлаган ўғрини эса ушлаб туриш қўлингиздан келмайди, тўғрими? Ochish/sharhlash

2020-11-10 08:36:44 Эрталаб ғира-шира хонада уйғонгач хона нега совуб кетганини тушуниш учун печкага қўлини узатиб кўрди. Кейин бир нарса эсига тушиб кетгандай бошини сарак-сарак қилиб Россиядан рефлексга айлантириб олиб келган бу одатини ташлаши кераклиги ҳақида ўйлаб йўл-йўлакай ваннахонага кирди. Ваннага кирдию ток ўчса иссиқ сув ҳам чиқмаслигини кечадан аввал куни билганлигини ва дарров унута бошлаганини ўйлаб ўзини довдирликда айблади. Ҳовлидаги совуқ сувда ювунгач, уйқуси ҳам очилиб тезда ошхонага кирди. Хотини дастурхонга нон ушатаётган эди. Ҳовлидаги ўчоқда чой қайнагунча қўлидаги телефонини интернетини ёқиб телеграмга кирди. Аввалига “Е” чиқиб озгина асаби бузилди, кейин ўрнидан туриб нариги хонани бурчагига бориб тургач Е секингина Н+ га айланди ва телеграмдан ҳабарлар кела бошлади. Ҳаммаёда табриклар, салютлар... Аввалига нима бўлганини тушунмади бироз ўтиб ўқиб англаб етдики Арманистон Қорабоғни Озаржайбонларга ютқазибди. У бирдан севиниб кетди, кафтларини мушт қилиб “йест!” деб қўйди.
“Туркий халқлар сизлар ўйлаганчалик анойи эмас, биз ўзимизни бир парча еримизни ҳам ўзгаларга топшириб қўймаймиз! Маладес Алиев! Маладес Эрдоған! Бу ҳафта жуда омадли чиқди. Бир томондан Макронни товбасига таянтирган бўлсак бу томондан мухожирларни энг катта душмани Трамп ҳокимиятдан кетди”.
Шу нарсаларни ўйлаб ошхонага чиқди. Нонушта тайёр. Нонуштани еб бўлгач ўрнидан туриб устига курткасини илди ва яна интернетини ёқди. Ҳовлига чиқиб нексиясини ўт олдирди. Шу баҳона ўзи энг кўп мурожаат қиладиган гуруҳига юзланди. Гуруҳни озгина кўздан кечиргач, аудиони ёқиб: “Ассалом алейкум акалар, қаерда қанақа рейд бўлаяпти? Бозор тарафда лицензия йўқми?” деди ва машинасини педалини босди. Ochish/sharhlash

2020-11-09 19:12:44 Давлат харидларини оммага очиб қўйган қайсидир чиновник ишдан олинаётгандир. Сайт ишламай қолишига қанча қолганлиги менга қизиқ. Ochish/sharhlash

2020-11-06 15:13:31 ​Мошинага эгалик қилаётганинг учунам солиқ тўлатишни режалаштиришмоқда экан ҳукуматдагилар Ochish/sharhlash

2020-10-19 17:18:13 Лаҳм гўшт сотаётган қассобларни суратга олиб ташлаб юбориладиган бирорта сайт очилмадими? Ochish/sharhlash