BOLALAR SHIFOKORI 👩‍⚕️

2022-07-25 14:18:11 БОЛАНИНГ ТИЛИ ЧИКИШИ ХАКИДА....

Ikki yoshga to'lgan bolaning tili chiqishi kerak. O'zining uchinchi tug'ilgan kuniga qadar bola o'rtacha 300 ta so'zni bilishi, tushunishi, gapira olishi lozim. Bolaning tili vaqtida va ravon chiqishi uchun ota-ona yordam berishi katta ahamiyatga ega.

Buning uchun:

Bola bilan homiladorligingizdan boshlab suhbatlashishni boshlang.
Homiladorlikning 3-oyligida bola tovushlarga juda ta'sirchan bo'ladi. Aynan bu davrdan boshlab ona yoki ota o'z farzandi bilan muloyim gaplashishni, klassik musiqalarni qo'yib berishni odat qilishi kerak.

Yangi tug'ilgan chaqaloq bilan doimo suhbatlashib yuring.
Chaqaloqligidan ravon nutqni eshitgan bolani tili chiqishi oson bo'ladi.

Bolaning ko'zlariga qarab gapiring.
Ota-ona gapirayotganida bola uning lab qimirlashini kuzatadi, shu yo'l bilan uning tili chiqishi osonlashadi.

Bolaga ko'p savol bering.
Bola javob bera olmagan taqdirda ham, unga savol berishga odatlaning. Savolingizga javob berish niyatida uning aqliy va nutqiy rivojlanishi kuchayadi.
Telefon va kompyuter o'yinlari bolani tili chiqishini keskin sekinlashtiradi.

Bolaga ko'p ertak o'qing.
Kitobdagi yangi so'z va iboralar bolani tili chiqishida muhim ahamiyatni kasb etadi.

Bola bilan birga yoki bola uchun qo'shiq ayting.
Musiqa va qo'shiq nutq apparatini rivojlantriadi.

Bola bilan doimiy ravishda muloqotda bo'ling.
Ovqat qilish davomida ham bolani sabzavotlarni rangini, soni aytishga undasa bo'ladi. Ko'chada atrfodagi buyum va manzaralarni bola bilan birgalikda tahlil qilsa bo'ladi.

Bola tilida suhbatlashmang.
Bola 6 oydan o'tgach u bilan og'izni cho'chchaytirib "shiringina" gapirishning foydasi yo'q. Bolaning tili chiqishida bu qiyinchilik tug'diradi.

Kanalga ulanish

@Bolalarshifokori1 Ochish/sharhlash

2022-07-18 08:45:03 Болаларда нормал гемоглабин даражаси қандай?

Болалардаги меъёрий гемоглобин миқдори катталарникидан фарқ қилади.
Ўртача гемоглобин даражасини эса қуйидаги рақамларда кўришингиз мумкин:

Г/Лдаги нормал гемоглобин даражаси (литр учун грамм) ёшга боғлиқ:

Янги туғилган чақалоқларда – 180 дан 240 гача;
1 ойдан 5 ёшгача – 110 дан 115 гача;
5 ёшдан 12 ёшгача – 110 дан 120 гача;
12 ёшдан 15 ёшгача – 120 дан 140 гача.
Aptekatv

@Bolalarshifokori1 Ochish/sharhlash

2022-07-18 06:55:14 Izohlarda koʻp koʻrayotgan savollar bular yoʻtal va shamollash haqida ekan.
ONAJONLAR:
1. Iltimos bolangizni tomogʻini va burnini umuman yuvdirmang! Shifokorlarni yomonlashdan yiroqman. Ammo, ayrimlari pul ishlash uchun ham shunday muolajalarni buyurishadi. Chunki, oʻzingiz bilasiz har bitta tomoq va burun yuvdirish ham pul. Kattalarni tomoq va burnini yuvish bu umuman boshqa masala. Chunki, yosh bola va kattalarning tana aʼzolari tuzilishi boshqacha boʻladi.
2. Bolada yoʻtal boshlanishi bilan unga har xil antibiotiklar berishni boshlamang! Bola organizmining oʻzi kurashishiga ham qoʻyib bering. Juda koʻnglingiz boʻlmasa mukolitiklar bersangiz boʻladi. Yaʼni balgʻam suyultiruvchilar. Oʻzim eng yaxshi koʻrgan tanlovim bu Linkas shakarsizi.
Ps: bolaligimda yoʻtalsam yoki shamollab qolsam hech narsa qilmaydi deb bogʻchaga, maktabga yuboraveradigan, ha deb dori ichirmaydigan onamdan xafa boʻlardim, menga eʼtibor bermaydilar deb . Ammo, endi onajonimga bir umr cheksiz minnatdorchilik bildiraman, kuchli immunitet uchun.

@BOLALARSHIFOKORI1 Ochish/sharhlash

2022-07-15 15:58:14 Yosh bolalarning onalarini koʻpincha bolani yostiqqa yotqizish kerakmi yoki yostiqsizmi degan savol qiziqtiradi.
Bugungi mavzudan ana shu savollarga javob olasiz degan umiddaman

Umuman olganda yostiqning vazifasi nimadan iborat degan savolga javob topsak.
.
Odamning umurtqa pogʻonasi mukammal darajada toʻgʻri boʻlmaydi. Umurtqaning maʼlum nuqtalari tabiiy egilgan boʻlib, odam yotgan paytda ana shu egilgan nuqtalarni aniqrogʻi umurtqaning boʻyin qismini ushlab turish uchun bizga yostiq kerak boʻladi.
Yosh bolalarda esa umurtqa pogʻonasi yassi shakilda boʻlib, egiluvchan nuqtalar hali rivojlanmagan boʻladi. Bolani yostiqqa yotqizganda egiluvchan umurtaqa oʻz shaklini oʻzgartiradi. Agar bu holat davom etaversa umurtqaning notoʻgʻri shakillanishi yuzaga keladi.
Yumshoq oʻrin ham bola qomatiga shunday salbiy taʼsir koʻrsatadi. Yumshoq oʻrinda yotgan bolaning umurtqa pogʻonasi yoysimon shakl oladi.
Biz onalar koʻpincha bolamning boʻyni ogʻrib qoladi deb boshiga yostiq qoʻyamiz, oʻrni qattiq boʻlsa tanasi botib ketadi deb yumshoq oʻringa yotqizishga harakat qilamiz. Aslida bu "mehribonchiligimiz" bola sogʻligʻiga salbiy taʼsir koʻrsatar ekan.
Bolaga yostiq kerak emasligini yana bir sababi bolaning anatomik tana tuzilishidir. Bolalarning boshi ularning tanadiga nisbatan kattaroq boʻlishini hammaga maʼlum. Shuning uchun ularga yostiqning keragi ham boʻlmaydi aksincha yostiqda yotgan kichkintoy oʻzini yostiqsiz yotgan katta odamdek noqulay his qiladi. Demak bolaning oʻrni qattiq va yostiqsiz boʻlishi kerak ekan.

Agar yostiqsiz noqulayku desangiz yostiq oʻrniga bolaning plyonkasini 4-5taga tahlab kichkintoyingiz boshiga qoʻyishingiz mumkin
.
Pediatrlar bolaga 2 yoshdan yostiq qoʻyishni tavsiya etishadi. 2 yoshda bolaning umurtqa pogʻonasi yetarlicha shakllanib ulgurgan, tana tuzilishi ham kattalarnikidek holatga kelgan boʻladi. 2 yoshli bolaning yostigʻi qattiq, yassi boʻlishi balandligi 5-7sm tashkil qilishi va oʻrinning butun kengligini egallagan boʻlishi maqsadga muvofiq boʻladi. Bola ulgʻaygani sari yostiq balandligi ham qoʻshilib boraveradi.
Umuman olganda yostiqning balandligi bolaning yelka kengligiga teng boʻlishi kerak. Bu yostiq tanlashning oltin qoidasi desak ham boʻladi
Babymassage

Doʻstlaringizga ham ulashing
@BOLALARSHIFOKORI1 Ochish/sharhlash

2022-07-12 13:36:15 “Ижтимоий тармоқларда тарқалган “уқалаш муолажаси” билан боғлиқ видеолавҳа барчамизда эътироз ва нафрат уйғотди. Чунки ушбу хатти-ҳаракатлар нафақат тиббиёт, балки инсонийлик туйғуларига ҳам ётдир.

Вазирликнинг бу каби ҳолатларга нисбатан позицияси аниқ ва қатъий: биз инсон ҳаёти ва саломатлигига хавф соладиган, қадр-қиммати ва шаънини топтовчи ҳар қандай хатти-ҳаракатга муросасиз муносабатдамиз.

Шунинг учун ҳам мазкур масала юзасидан ўрганиш натижалари ва хулосаларимизни, хусусан, уқалаш муолажасини бажарган шахснинг тегишли рухсатнома, сертификат, ижара шартномаси, физиотерапия йўналишида диплом ва малака тоифасига эга бўлмай фаолият юритганига доир фактларни ҳуқуқ-тартибот идораларига тақдим этамиз. Ишонамизки, тез орада ушбу ҳолат ўз ҳуқуқий баҳосини олади.

Шу ўринда, ота-оналардан тегишли лицензия, рухсатнома ва малакага эга бўлмаган кимсаларга фарзандларининг тақдири ва саломатлигини ишониб топширмасликларини, агар бундай ноқонуний хатти-ҳаракатларга дуч келса, дарҳол вазирликнинг 71-241-10-67 ёки 71-241-82-40 телефон рақамларига мурожаат қилишларини сўраймиз”.

ssvuz
Б.Мусаев,
Соғлиқни сақлаш вазири.

Bolalarshifokori1 Ochish/sharhlash

2022-07-10 17:43:54 Танадаги йод миқдорининг камайиши бола мияси ривожланишининг бузилиши, ҳатто эндемик буқоқ, ақлий заифлик, перинатал ва чақалоқлар ўлимининг кўпайишига сабаб бўлади.

Бундан ташқари, йод танқислиги туғма касалликлар даражасини оширади, ҳомила ва янги туғилган чақалоқларда миянинг қайтарилмас шикастланиши, интеллектуал салоҳиятнинг пасайишига ҳам олиб келади.

Вазирлик ва Санэпид хизмат мутахассисларининг текширувларида юқоридаги суратларда келтирилган ош тузларида инсон саломатлиги учун муҳим бўлган йод миқдорининг етишмаслиги аниқланди.

Ҳурматли фуқаролар!
Соғлиқни сақлаш вазирлиги ош тузини истеъмол қилаётганингизда, албатта, унинг йодлангани ва сифатига эътиборли бўлишингизни сўраб қолади.
ssvuz

@Bolalarshifokori1 Ochish/sharhlash

2022-07-07 04:09:10 БОЛАЛАРДА ИССИКЛИК ТОШМАЛАРИ....

Issiqlik toshishi kuchli terlash va terning sekin bug‘lanishi natijasida paydo bo‘ladi. Issiq kunlarda go‘daklar va yosh bolalarda ko‘proq kuzatiladi. Bola badaniga issiqlik toshishining birinchi sababi uning haddan ortiq isib ketishidir. Ularda tana haroratini muvozanatlashtirib turuvchi markaz yaxshi rivojlanmagani bois, ter teri hujayralarida uzoq vaqt ushlanib qoladi. Oqibatda teri hujayralari ta’sirlanib, toshmalar toshadi.

Kattalarda esa o‘tkir yuqumli kasalliklarda isitmalash va qattiq terlash natijasida, semiz kishilarga isituvchi kom­press qo‘yilganda ham issiqlik toshishi mumkin.

Issiqlik badanning yopiq joylariga — bolalarda ko‘pincha orqa, bo‘yin terisiga, qo‘ltiq ostidagi teri burmalariga, bosh, yelka, qo‘l-oyoqlarning ichki sohasiga, kattalarda ko‘pincha ko‘krak bezlari tagidagi teri burmalari, chov-yorg‘oq burmalari va qo‘ltiq ostiga yoyilib yoki to‘p-to‘p bo‘lib toshadi. Toshmalar ichida tiniq suyuqligi bo‘lgan pufakchalardan iborat bo‘lib, kattaligi to‘g‘nag‘ich boshchasidek keladi. Ba’zida bir-biriga qo‘shilib ketadi. Davolamay o‘tkazib yuborilganda esa yiringlab turuvchi joylar hosil bo‘ladi.

Badanga issiqlik toshishi kasallik emas. Shu bois bolaning umumiy ahvoli o‘zgarmaydi, isitma, bezovtalik kuzatilmaydi. Toshmalar kun davomida tashqi muhit haroratiga bog‘liq holda ko‘payishi yoki kamayishi mumkin.

Davolash

Issiqlik toshishiga shifokor tavsiyasiga ko‘ra davo qilinadi. Qizib ketishga olib keladigan omillarni bartaraf etish muhim ahamiyatga ega. Ko‘proq ochiq havoda bo‘lish, xonani tez-tez shamollatib turish foydalidir. Bunday vaziyatda sintetik matodan tikilgan kiyim kiyish tavsiya etilmaydi.

Oldini olish:

Issiqlik toshishi oldini olish uchun terlashga qarshi kurashish maqsadida bemor terisini toza saqlab, ichki kiyimlarini tez-tez almashtirib turishi, issiq kunda tabiiy matolardan tikilgan kiyimlar kiyishi maqsadga muvofiq. Bolalarni haddan tashqari issiq kiyintirish, ortiqcha o‘rab-chirmash yaramaydi. Ularga muntazam ravishda havo va suv vannalari qabul qildirib turish foydali.

Foydali tavsiyalar:

Bolaga paxta matodan kiyim kiydiring

Yoz oylarida bolalar tagliklaridan kamroq foydalaning

Toshma toshgan sohalarni nam latta bilan artib oling

Yozda iloji boricha farzandingizni har kuni cho‘miltiring

Bolani imkon qadar ertalab va kechqurun tashqarida ko‘proq sayr qildiring

Toshma toshgan sohalarga malhamlar va losonlar surmang

Bolaning shaxsiy gigiyenasiga e’tibor qiling

Bola yotadigan xonani har kuni shamollatib turing, xona harorati +25 darajadan oshmasligi kerak

Bolaning teri burmalariga tez-tez e’tibor bering.

Kanalga ulanish

@Bolalarshifokori1 Ochish/sharhlash

2022-07-07 04:08:31 ​​Иммунитетни оширувчи сабзи шарбати хакида....

Сабзи шарбати ўзининг ширин таъми билан бошқа сабзавотли шарбатлардан ажралиб туради. У витаминларга бой бўлиб, инсон организмини А дармондориси билан етарли миқдорда таъминлайди.

Сабзи шарбатининг ноёб хусусиятларидан бири шундаки, у бир қанча касалликларни даволашда ёрдам беради. Булардан бири, атеросклероз, бўқоқ, миокард инфаркти, буйракда туз йиғилиши ва дерматит, экзема ва бошқа касалликларни даволашда кони фойда.

Шунингдек, иштаҳани очиб, иммунитетни мустаҳкамлайди, кўриш қобилиятини оширади, жигар, буйрак, бўқоқ ва тери касалликларида сабзи шарбати фойдалидир. Сабзи шарбати ёшлик эликсири деб ҳам номланади. Ҳафтада икки маротаба сабзи шарбати истеъмол қилиш, организмни инфекцияларга қарши ҳимоя кучини оширади, иштаҳани яхшилаб, кўриш қобилиятини маромига келтиради. Терини таранглаштириб, рангни тиниқлаштиради.

Таркибида бир қанча микроэлементлар, бета-каротин, В гуруҳга мансуб витаминлар, флавоноид, ферментлар, минерал туз, калий, магний, цинка, йод, барий мавжуд. Шу билан бирга, сабзи таркибидаги А дармондориси организмни касалликларга қарши ҳимоя кучини оширади.

Сабзи шарбатини ёш болаларга бериш мумкинми? Шу каби саволлар ёш оналарни қизиқтириши табиий. Шифокорларнинг таъкидлашича, гўдак учун сабзи шарбати ниҳоятда фойдали бўлиб, боланинг суяк тизими ривожланишига ижобий таъсир қилар экан.

Сабзи таркибидаги Д витамини бола суякларини ривожланишида муҳим ўрин эгаллайди.

Агар фарзандингизга сабзи шарбатининг таъми ёқмаса, ундай ҳолда сабзи билан олма шарбатини аралаштириб беринг.

Kanalga ulanish

@Bolalarshifokori1 Ochish/sharhlash

2022-07-01 11:58:42 Bir xil qon guruhiga mansub juftliklar oila qurishi mumkinmi...

Ota-onaning qaysi rezus omilga ega ekanligi bo‘lajak bola uchun ham juda muhim.

Ota ham, ona ham musbat rezus omilga ega bo‘lsa, bu bola ham musbat rezus omil bilan tug‘iladi.

Agar bo‘lajak ota-ona rezus manfiy omil sohibi bo‘lsa, bolaning rezus omili ham manfiy bo‘ladi.

Onada rezus omili musbat, otada esa manfiy bo‘lganda ham homiladorlik davri qiyinchiliksiz kechadi.

Biroq, ona rezus manfiy, ota rezus musbat omilga ega bo‘lganda esa rezus ziddiyat yuzaga kelib, homiladorlikka xavf tug‘diradi.

Kanalga ulanish

@Bolalarshifokori1 Ochish/sharhlash

2022-07-01 11:58:20 ГРИПП ВИРУСИ ХАКИДА...

Биз грипп ва унга қарши кураш усуллари ҳақидаги кўпгина маълумотларни тез-тез эшитамиз. Аммо келинг, тарқалган фикрлардан қайси бири факт, қайсиниси афсона эканлигини аниқлайлик.

ГРИПП ЮҚОРИ ҲАРОРАТСИЗ БЎЛМАЙДИ...

Гриппнинг ўзига хос хусусияти 38,5 – 39,0°С ҳароратдир.

ГРИПП ВИУРУСИ ҚАНАҚА ҲАРОРАТДА НОБУД БЎЛАДИ...

Ноль градус атрофидаги ҳароратда вирус бир ойгача сақланади. Айнан мана шунинг учун касалликнинг кучайган даври кунлар исий бошлашига тўғри келади.

ГРИПП ХАВФЛИ ЭМАС ВА ЎЗИДАН-ЎЗИ ТУЗАЛИБ КЕТАДИ. БУ ФИКР КАНЧАЛАР ТЎҒРИ...

Грипп жудаям хавфли. Грипп билан касалланиш ўлим билан якун топиши мумкин, айниқса ёш болаларда ва кексаларда. Бундан ташқари, касаллик турли хил асоратлар қолдириши мумкин.

ГРИППНИ АНТИБИОТИКЛАР БИЛАН ДАВОЛАШ МУМКИН.....

Антибиотиклар фақат бактерияларга таъсир қилади. Вирусларнинг бактериялар билан ҳеч қандай алоқаси йўқ, шунинг учун вирусли касалликларни, жумладан гриппни антибиотиклар билан даволаш бефойда...

Kanalga ulanish

@Bolalarshifokori1 Ochish/sharhlash