Батош Жоме Масжиди

2023-04-10 10:20:16 #Рамазон_Тақвим_2023
#Намоз_вақтлари
#Қашқадарё

Мелодий:
2023 - йил Апрел ойининг 10 -куни

Ҳижрий:
1444 - йил Рамазон ойининг 19 - куни ҳолатида

Бомдод 05:25;
Пешин 13:00;
Аср 17:20;
Шом 19:11;
Хуфтон 21:00:

«Албатта, намоз мўминларга вақтида фарз қилингандир». (Нисо сураси, 103-оят).

"Жаннатнинг калити намоз, намознинг калити таҳоратдир." (Ҳадис).

Савол ва таклифларингизни
@Batoshjomemasjidibot
манзилига юборишингиз мумкин!

@Batoshjomemasjidii Ochish/sharhlash

2023-04-10 07:44:52 @Batoshjomemasjidii Ochish/sharhlash

2023-04-09 14:23:29 #Ибрат

БУНДАН ҲАМ ГЎЗАЛ ХУШХАБАР БОРМИ?!

Машҳур аллома шаҳид Муҳаммад Саъид Рамазон Бутий раҳматуллоҳи алайҳ уйланганларидан таҳминан бир ҳафта кейин ўзлари билан боғлиқ бўлган бир қиссани айтиб берадилар:

"Бир куни эрталаб ҳужрам эшиги тақиллаб қолди. Мен масжидда намоз ўқиб бўлгандан кейин келиб ухлаётган эдим. Бу уйланганимдан таҳминан бир ҳафта ўтиб бўлган эди. Отам баланд овоз билан мени чақириб:" Сен ҳали ҳам уйқудамисан, сенга келган хушхабарлар сени кечаси билан шукр саждасини қилиб ўтказишингни талаб қилади-ку!" - дедилар.

У кишининг қичқириқларидан уйғониб кетдим ва чиқиб у киши далолат қилаётган хушхабар ҳақида сўрадим.

Отам айтди: "Бу кеча тушумда Расулуллоҳ саллаллоҳу алайҳи ва салламнинг келганларини кўрдим. У зот билан бирга бир неча кишилар ҳам бор эди. Билдимки, улар у зотнинг саҳобалари экан..
У зот менга: "Саъидни уйланганлиги билан муборакбод этгани келдик", дедилар".
Бу хабар менга ушбу уйланиш саодатини ҳис қилдирган нарсаларнинг биринчиси эди. Кейин Аллоҳ ҳадя қилган ушбу улуғ яхшилик ва мўл-кўл саодат бугунгача давом этди."

”Бу менинг отам” номли китобидан Абдуллоҳ Ғуломов таржимаси.                                                                                   

@Batoshjomemasjidii Ochish/sharhlash

2023-04-09 14:20:17 @Batoshjomemasjidii Ochish/sharhlash

2023-04-09 01:27:56 #Мулоҳаза

Аллома Рамазон Бутий раҳимаҳуллоҳ айтадилар: Менинг гуноҳ ва маъсият ишларга муккасидан кетган бир қўшним бўлар эди. Айниқса, ароққа жуда ҳам ошиқ эдики, ҳар куни ичмаса туролмас эди. Унинг ҳидоят топишидан ҳечам умид йўқ эди. Чунки, унинг атрофидаги одамлар ҳам ўзидан баттар, Аллоҳдан узоқлаштирса узоқлаштирадики, бошқача бўлиши мумкин эмасди.

Кунларнинг бирида одатга биноан бомдод намозини ўқигани масжидга кирдим. Не кўз билан кўрайки, ароқхўр қўшним биринчи сафда, намозга қомат айтилишини кутиб ўтирибди. Гарчи бу ҳолатни кўзим билан кўриб турган бўлсамда, ақлим тан олмасди. Наҳотки, бир бетавфиқ кимсага инсоф бергани рост бўлса?

Ҳа. Бир кечанинг ўзида мен таниган Аллоҳни севадиган, унинг амрига итоат этадиган, қайтарганларидан қайтадиган ЭНГ афзал кишилардан бирига айланибди, қолибди.

Уни бу йўлга тортган, адашувдан тўғри йўлга солган қўл Аллоҳ Таолонинг қўли эди.

Рамазон Бутий раҳимаҳуллоҳ яна сўзларида давом этадилар: Ароқхўр қўшнимнинг тавба йўлига ўтганлигидан хурсанд бўлиб, Аллоҳ унга ато этган ЯНГИ ҳаёт билан муборакбод этиш учун унинг уйига бордим.

У менга: Мен ҳар тунда хонамда ёлғиз қолиб, олдимда мана шу ароқ турган ҳолда Аллоҳ таолога шундай деб муножот қилар эдим: Эй, роббим! Мана шу девор Сен билан мени ўртамизни тўсиб турганидан жуда изтиробдаман. Мен ҳар қанча уринсам ҳам бу тўсиқни ўртамиздан олиб ташлашга кучим етмаяпти, чунки мен ожизман. Сенчи, Сен нега менга ёрдам бермаяпсан, нега Сен олиб ташламаяпсан. Эй, Парвардигор ахир сен ҳар нарсага қодирсанку...

Бир ожиз банданинг зорланишини кўринг, Аллоҳ Таолони ҳақ Парвардигор эканлигини Ўзининг таъбири билан аниқ ифодалашини кўринг. Дарҳақиқат, айнан мана шундай ишонч ва имон ила ёлвориш Аллоҳ Таолонинг унга раҳмат назари билан боқишига, дуосини Ижобат бўлишига, охир оқибат адашиб юрган сўқмоқларидан ҳидоят йўлига чиқишига сабаб бўлди.

Дарҳақиқат: Аллоҳ билан сулҳлашишга бир лаҳза кифоя.

"Ҳикаму атоийя"нинг саккизинчи ҳикмати шарҳидан.

@Batoshjomemasjid Ochish/sharhlash

2023-04-09 01:27:15 @Batoshjomemasjidii Ochish/sharhlash

2023-04-08 14:13:19 #Ибрат

Африкадаги кишлоқлардан бирига янги имом тайинланади.Ақидавий ва фиқхий масалаларда билими етарли бўлган бу имомни ўзига тўқ оилалардан бири ифторликка таклиф қилади.Имом кетгач уй бекаси хонада турган пулни йўқолганини сезади. Ҳеч қаерда пул йўқ. Хонада эр, хотин ва имомдан бошқа одам бўлмаган.Эр ҳам имомдан бориб пул ҳақида сўрашга истиҳола қилади.
Орадан бир йил ўтиб Рамазон ойи уни яна ифторликка чақирадилар.
Шунда эр имомдан сўрайди:
- Тақсир сўнгги пайтларда сизга бўлган муносабатим ўзгарганини сезмаяпсизми?
- Нега ундай деяпсиз?
- Ўтган йили кетганингиздан кейин хонадан пул йўқолган?!
Буни эшитган имом йиғлаб юборади.
- Нега йиғлайсиз, сиздан шубҳаланганимгами?
Имом кўзида ёш билан туриб жавонда турган Қуръон тагидаги пулни олиб кўрсатади:
-Ўшанда шамол туриб пулларни учириб юборди.Уларни йиғиб Қуръон тагига бостириб қўйдим.Мен сизнинг шубҳаланганингиз учун эмас, бир йил давомида қўлингизга Қуръон олмаганингиздан йиғлаяпман, биродар...

@Batoshjomemasjidii Ochish/sharhlash

2023-04-08 14:12:33 @Batoshjomemasjidii Ochish/sharhlash

2023-04-07 21:50:46 #Ҳадис

Абу Ҳурайра розияллоҳу анҳудан ривоят қилинади:
«Бир аъробий Набий соллаллоҳу алайҳи васалламнинг ҳузурларига келиб: «Эй Аллоҳнинг расули! Мени бир амалга йўллаб қўйингки, уни қилсам, жаннатга кирай», деди. У зот: «Аллоҳга ибодат қиласан, Унга ҳеч нарсани шерик қилмайсан, намозни тўкис адо этасан, фарз қилинган закотни адо этасан ва Рамазон(рўзаси)ни тутасан», дедилар. У: «Жоним қўлида бўлган Зотга қасамки, бундан зиёда қилмайман», деди. У қайтар экан, Набий соллаллоҳу алайҳи васаллам: «Кимни жаннат аҳлидан бўлган одамга қараш хурсанд қилса, мана шунга қарасин», дедилар».
Муттафақун алайҳ.

@Batoshjomemasjidii Ochish/sharhlash

2023-04-07 21:45:45 @Batoshjomemasjidii Ochish/sharhlash