Батош Жоме Масжиди

2023-04-12 22:25:04 Батош Жоме Масжиди pinned a photo Ochish/sharhlash

2023-04-12 22:25:00 #Рамазон_Тақвим_2023
#Намоз_вақтлари
#Қашқадарё

Мелодий:
2023 - йил Апрел ойининг 13 -куни

Ҳижрий:
1444 - йил Рамазон ойининг 22 - куни ҳолатида

Бомдод 05:25;
Пешин 13:00;
Аср 17:20;
Шом 19:14;
Хуфтон 21:00:

«Албатта, намоз мўминларга вақтида фарз қилингандир». (Нисо сураси, 103-оят).

"Жаннатнинг калити намоз, намознинг калити таҳоратдир." (Ҳадис).

Савол ва таклифларингизни
@Batoshjomemasjidibot
манзилига юборишингиз мумкин!

@Batoshjomemasjidii Ochish/sharhlash

2023-04-12 13:58:34 #Ибрат

РАМАЗОННИ ТОПДИ

   Ямандан икки киши келиб Расулуллоҳ саллоллоҳу алайҳи ва салламнинг ҳузурларида иймон келтирди. Уларнинг бири бошқасига қараганда кўпроқ ибодат қилар эди. У Расулуллоҳ саллоллоҳу алайҳи ва саллам билан бирга жиҳод қилиб шаҳид бўлди.
  Нариги шериги эса ундан кейин бир йил яшаб вафот қилди.
  Талҳа ибн Убайдуллоҳ розиёллоҳу анҳу туш кўрди. Тушида жаннат эшиги олдида турган эмиш. Ҳалиги икки Яманлик киши ҳам ўша ерда турган эмиш. Бир фаришта келиб бир йил кейин вафот этган Яманлик кишини жаннатга киришини айтди. Сўнгра фаришта яна қайтиб чиқиб шаҳид бўлган Яманликни ҳам жаннатга киришини айтди. Сўнгра яна қайтиб чиқиб Талҳа розиёллоҳу анҳуга деди:
- Сен қайт! Ҳали сенинг умринг бор!
Талҳа розиёллоҳу анҳу кўрган тушини одамларга айтиб юрди. Одамлар унинг тушидан, ҳалиги Яманликларнинг ҳолидан таажжубланиб юришди. Бу гап Расулуллоҳ саллоллоҳу алайҳи ва салламга етиб боргач кишиларга дедилар:
- Нимадан таажжубланаяпсизлар?
- Эй Аллоҳнинг Расули! Анави Яманлик ибодатли киши эди, шаҳид бўлди. Аммо шериги жаннатга ундан аввал кирди?!
  Набий саллоллоҳу алайҳи ва саллам уларга шундай дедилар:
- Жаннатга аввал кирган киши ундан кейин бир йил яшамаганмиди?
-Яшаган эди!
- Рамазонни топиб, рўза тутиб, намоз ўқиганмиди?!
- Ҳа!
- Унда иккаласининг ўртасидаги фарқ осмон билан ер қадардир!

   Рамазонни топган, ҳамда рўзаси ва намози билан шаҳид биродаридан ўзиб кетган юқоридаги Яманликнинг топган ажрига яқин турибмиз иншааллоҳ!  Мусобақа қилайлик. Мўъминнинг умри фақатгина яхшиликни зиёда қилиши керак.
   Аллоҳ йўлидаги очликка, чанқоқликка марҳабо биродарлар! Бу соатлар ўтиб кетади. Бундан сўнг ичакларимиз яна тўлади. Томоқларимиз яна ҳўл бўлади, аммо ажр қолади иншааллоҳ!
   Мажруҳ қалбларга даво бўладиган, маҳзун қалбларга тасалли бўладиган, тоғлар қадар ажр бўладиган қуръон қироатига марҳабо! "Алиф лам мим" ни ҳарф демайман. Алиф бир ҳарф, лам бир ҳарф, мим бир ҳарфдир!
   Қиём ва тароввиҳга марҳабо! Бунда оёқлар Аллоҳ учун тик туради. Қалблар ўз уловини Унинг эшигида тиз чўктиради. Ширин машаққатлар лаҳзаси ўтиб кетади. Аммо буюк ажр қолади!
  Садақага марҳабо! Фақир-мискинларни таомлантиришга марҳабо! Булар қолади. Кафаннинг чўнтаги йўқ. Садақа молимизни охиратга юборадиган ягона йўлдир! 

Abdulqodir Polvonov

@Batoshjomemasjidii Ochish/sharhlash

2023-04-12 10:42:53 @Batoshjomemasjidii Ochish/sharhlash

2023-04-11 21:44:37 #закот

Фитр садақаси қандай адо қилинади?

ЖАВОБ: Бисмиллаҳир Роҳманир Роҳим.
Фитр садақаси – фақирларга ғамхўрлик, уларга ҳайит кунини хурсандчилик билан ўтказишлари учун кўмакдир. Уни берганлар учун эса – Рамазонда йўл қўйилган баъзи камчиликларга каффоратдир. Ибн Аббос разияллоҳу анҳу айтадилар: “Расулуллоҳ саллаллоҳу алайҳи васаллам фитр садақасини рўзадорга беҳуда ишлар ва ёмон сўзлардан покланиш бўлиши  ҳамда мискинлар учун егулик бўлиши учун буюрдилар” (Абу Довуд ривоятлари).

Фитр садақаси нисоб миқдоридаги мол-мулкка эга ҳур ва мусулмон бўлган кишилар ҳайит тонгида адо этишлари вожибдир. Ана шу миқдордаги мулкка эга киши фитр садақасини ўзи ва ёш болаларидан бериши вожиб. Балоғатга етган фарзандлари ва хотини учун фитр садақа бериши вожиб эмас. Агар балоғатга етган фарзандлари ва аёли учун, улар айтишмаса ҳам, фитр садақасини берса, улар зиммасидан фитр садақаси соқит бўлади.

Фитр садақасининг вожиб бўлиш вақти ҳайит куни тонг отиш пайтидир. Шунинг учун, ҳайит кечаси туғилган чақалоқдан ҳам фитр садақа бериш вожиб бўлади. Ҳомила ва ҳайит кунидан олдин вафот этганлар учун фитр садақаси вожиб бўлмайди.

Ибн Умар разияллоҳу анҳу айтадилар: “Расулуллоҳ саллаллоҳу алайҳи васаллам фитр садақасини одамлар намозга чиқмасдан олдин беришни буюрдилар”.

Аммо бу вақтдан олдин, масалан, Рамазон кириши билан берса ҳам бўлади. Лекин намозга чиқишдан олдин бериш мустаҳабдир. Фитр садақаси вожиб бўлиб, уни беролмай қолган киши зиммасидан соқит бўлмайди.

Фитр садақаси буғдой, буғдой уни ёки ёрмасидан ё майиздан ёки хурмо ё арпадан берилади. Буғдой ё унинг уни ёки ёрмасидан ва майиздан ярим соъ (тахминан 2 кг.), арпа ва хурмодан бир соъ (4кг)дир. Мазкур нарсаларнинг бирортасининг қийматини ҳам берса бўлади.

Фитр садақаси закотга ҳақдор бўлган кишиларга берилади.

(“Ҳидоя”, “Ал-Мухтор”, “Мухтасарул виқоя”, “Фатҳу бобил иноя”, “Ал-мухтасар фил фиқҳил ҳанафий”).
Валлоҳу аълам.

Ўзбекистон мусулмонлари идораси
Фатво ҳайъати.

@Batoshjomemasjidii Ochish/sharhlash

2023-04-11 16:19:32 @Batoshjomemasjidii Ochish/sharhlash

2023-04-11 14:16:40 #Рамазон_1444_2023

Ҳадиси шарифлардан бирида Набий алайҳиссалом:
"مَنْ قَامَ لَيْلَةَ الْقَدْرِ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ" (رَوَاهُ الامَامُ البُخَارِيُّ وَالامَامُ مُسْلِمٌ)
яъни: “Ким Лайлатул Қадр кечасини имон ва ихлос билан бедор ўтказса, унинг шу кечагача қилган гуноҳлари мағфират қилинур” – деганлар (Имом Бухорий ва Имом Муслим ривоят қилган).
    Демак, Рамазон ойининг ушбу фазилатли кечаларини ғанимат билиш, уни тоат-ибодат ва солиҳ амаллар билан ўтказишга ҳиммат қилишимиз, кўпроқ ибодат, намоз, зикр, Қуръон тиловати ҳамда илтижо, тазарруъ дуолар билан ўтказишимиз керак. Айниқса, ушбу кечада Пайғамбар саллаллоҳу алайҳи васаллам таълим берганларидек:

"اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنَّا"

яъни: “Эй Аллоҳ, албатта Сен гуноҳларни афв қилувчи Зотсан, афв қилишни яхши кўрасан, бизларни афв эт” дуосини кўп айтиш мақсадга мувофиқ. Валлоҳу аълам.

Ўзбекистон мусулмонлари идораси
фатво ҳайъати.

@Batoshjomemasjidii Ochish/sharhlash

2023-04-11 02:06:07 Батош Жоме Масжиди pinned a photo Ochish/sharhlash

2023-04-10 17:49:49 @Batoshjomemasjidii Ochish/sharhlash

2023-04-10 12:31:52 #Тафаккур

Абдурраҳмон ибн Самурадан ривоят қилинади, у киши дедилар:   Бир куни Расулуллоҳ саллаллоҳу алайҳи васаллам ҳузуримизга чиқдилар. Биз Мадина масжидидаги суфада ўтирган эдик. Олдимизга келиб шундай дедилар:

Мен тунда ажойиб туш кўрдим. Мен умматимдан бир кишини кўрдим. Унинг олдига ўлим фариштаси келиб жонини олмоқчи эди, ота-онасига қилган яхшилиги келиб, ўлим фариштасини ҳайдади.

Яна бир кишини кўрдим, уни шайтонлар қўрқитишаётган эди.
Шу вақт Аллоҳнинг зикри келиб, шайтонларни қувиб юборди.

Умматимдан бир кишини кўрдим. У азоб фаришталаридан қўрқаётган эди, намоз келиб уни уларнинг қўлидан қутқариб олди.

Умматимдан бир кишини кўрдим, у жуда ҳам чанқаган эди. Ҳавзга яқинлашган сари, ман этилар ва қувиб юборилар эди. Рамазон ойидаги тутган рўзаси келиб, унга сув берди ва чанқоғини қондирди.

Умматимдан бир кишини кўрдим. Пайғамбарлар ҳалқа-ҳалқа қуриб ўтирган эканлар. Ҳар гал бирорта ҳалқага яқинлашса, ман қилиниб, қувиб юбориларди. Шунда, жанубликдан қилган ғусли келиб, унинг қўлидан тутиб, Менинг ёнимга ўтказиб қўйди.

Умматимдан бир кишини кўрдим, унинг чор атрофини зулмат қоплаб олган эди. У шу зулмат ичида ҳайрон ўтирарди. Шунда, адо этган Ҳаж ва умра амаллари келиб, уни зулмат ичидан нурга олиб чиқди.

Умматимдан бир кишини кўрдим, у дўзах оташининг иссиғидан ўзини тўсишга уринар эди. Шунда, қилган садақаси келиб, у билан оташи дўзах ўртасига парда ва бошига соябон бўлди.

Умматимдан бир кишини кўрдим, у мўминларга гапирар, лекин улар унга гапирмас эдилар. Шунда, силаи раҳими келиб: Эй мўминлар! У силаи раҳим қиларди, унга гапиринглар-деди. Шундан кейин, мўминлар унга гапирдилар ва у билан қўл олиб кўришдилар.

Умматимдан бир кишини кўрдим, у забонийя фаришталаридан қўрқиб турар эди. Шунда, амри маъруф ва наҳий мункар қилгани келиб, уни забонийяларнинг қўлидан қутқариб, раҳмат фаришталари олдига олиб борди.

Умматимдан бир кишини кўрдим, у тиз чўкиб ўтирар, у билан Аллоҳнинг ўртасида парда тўсилган эди. Шунда, ҳусни хулқи келиб, уни Аллоҳнинг ҳузурига эриштирди.

Умматимдан бир кишини кўрдим, унинг номаи амали чап томонидан келаётган эди. Шунда, Аллоҳдан бўлган қўрқинчи келиб, номаи амалини ўнг томонига ўтказиб қўйди.

Умматимдан бир кишини кўрдим, унинг тарозуси жуда ҳам енгил эди. Норасида вақтида вафот этиб кетган болалари келиб, тарозусини босдилар.

Умматимдан бир кишини кўрдим, у жаҳаннам ёқасида турган эди. Аллоҳдан бўлган умиди келиб, уни қутқариб қолди.

Умматимдан бир кишини кўрдим, дўзахга қулаётган эди. Аллоҳдан қўрқиб тўккан кўз ёшлари келиб, уни дўзахдан қутқариб қолди.

Умматимдан бир кишини кўрдим, сирот кўприги устида қулаб кетай деб титраб турар эди. Аллоҳ ҳақидаги яхши гумони келиб, титроғи тўхтади ва кўприкдан ўтиб кетди.

Умматимдан бир кишини кўрдим, жаннатнинг эшиги олдида турарди, лекин жаннатнинг эшиги унга очилмаётган эди. Шунда, ла илаҳа Иллаллоҳ шаҳодат калимаси келиб, эшикни очди ва уни жаннатга киритди.

(Имом Табароний ривояти).

@Batoshjomemasjidii Ochish/sharhlash