2021-11-18 10:58:28
Қобилятсиз болалар бўлмайди
Хар бир ота-она ўз фарзанди ўзидан баландроқ чўққини эгаллашини орзу қилади. Бунга харакат қилмаслиги мумкин аммо орзу қилаверади.
Баъзилар ўзи ёшлигида орзу қилган, аммо хозир армонга айланган хаёлларини боласи орқали амалга оширмоқчи бўлади. Бир сўз билан айтганда боласига ўз армон тўнини кийдиради.
Бу тўғрими?
Тўғрими деган саволнинг ўзи нотўғри.
Боланингизни қизиқишига қараб йўналтиринг. Келажакда ўз ишидан бахтли бўлади. Нафақат бахтли инсон бўлади, балки миллатга ва умматга хизмат қиладиган мохир касб эгаси бўлиши мумкин.
Сиздан нима талаб қилинади? Боланингизни эшитинг, қалби қайси сохага талпиняпти? Сиз хам шу сохага қизиқинг, бирга бошланг.. ўзи давом эттириб кетади.
Мен бу сўзларни ёзишимга сабаб бир воқеага гувох бўлганим.
Ўзига тўқ, бой оиланинг ягона фарзанди архитектор бўлишни, бинолар қуришни орзу қиларди. Аммо ота-она уни юрист қилиш орзусида барча имкониятларни ишга солиб хуқуқшунослик йўналишида ўқитди. Сабаби ота ёшлигида юрист бўлишни орзу қилган. Катта маблағ эвазига чет элда малака оширди. Ўз сохасида 2 йил ишлаган бола тез-тез бемор бўлишни бошлади. Германияда, Туркияда ва Израилда даволанди аммо тузалмади.
Касалликларнинг сабаби ички кураш, норозилик ва касбдан қониқмаслик бўлиб чиқди.
Узоқ маслахатлардан сўнг болани архитектура бўйича чет элга ўқиша юборишди. Бола 30 ёш эди. Бола касбига шу қадар мехр қўйдики орадан 2 йил ўтар ўтмас ўз сохасида кўзга кўринган инсонларнинг назарига тушди...
Хозирда ўша йигит архитектура сохасида энг кучли 10 та мутахассисдан бири ва даромади энг яхши юристлардан бир неча баробар кўп. Энг мухими бахтли ва кўзлари ёниб турибди.
Хулоса ўзингиздан
Мехр ила Сизнинг психологингиз Азизахон Ташходжаева
Расмий канал: @azizaxontashxodjaeva
22.7K views07:58