Azamat Yuldashev || shaxsiy blog

2022-11-09 16:29:43 Bilmadim, dunyoda shuncha yo'l yurib,
Qanday zavq beroldim qadamlarga men.
Rosti tushunmadim ko'kragin kerib,
-Yashash oson - degan odamlarga men.

Osonmi kimnidir sevib jon qadar,
Keyin yor-yor aytib, kulib kuzatmoq
Va yo mehridaryo, g'amxo'r otaga,
Ko'zyoshla gul kabi qizin uzatmoq.

Doktorga osonmi operatsiyadan
Boshi xam, yuragi dog' bo'lib qaytish.
"Bardam bo'ling" deyish keyin kimgadir,
"Qo'ldan kelganini qildik"- deb aytish.

Qora xat keltirib yorug' xonaga,
Berolmay ich-eting yeyish osonmi.
Ko'zlari jovdirab turgan onaga
"Farzanding qaxramon" - deyish osonmi.

Osonmi bolalar uyi oldidan
Jajji farzandingni erkalab o'tish.
Yoki seni tashlab ketgan onangni
Endi kelmasligin bilib ham kutish.

Jangohda qonli jang borar mahali
Panada berkinib yotish osonmi.
Yo hali yoshgina, g'o'r dushmaningni
Ko'zlariga boqib otish osonmi.

Osonmi vujuding kamon bo'lgan dam
Ming minnatin tinglash ichgan choyingni.
Va so'ngi nafasing olish oldidan
Taqdirin o'ylamoq kenjatoyingni.

Dunyoning holiga bo'lmaydi yig'lab,
Qolimdan kelmaydi undan kulish ham.
Yashash-ku osonmas ko'ksingni tig'lab,
Osonmas dunyoda hatto o'lish ham.

Mayli o'qimasin she'rimni hech kim,
Mayli gazetlarda shart emas bosish.
Menga ham osonmas shularni o'ylab,
Yashash oson deya kulib she'r yozish. Ochish/sharhlash

2022-11-03 14:56:10 Ухлаб қолсам, уйғотманг она,
Чарчаб кетдим, қаттиқ толиқдим.
Юрак - каптар қамалган хона.
Ҳаёлимнинг ҳаволари дим.
Тиззангизга бошим ботмасин.
Фақат қўйманг қучоғингиздан.
Айтинг, тонгга, бугун отмасин.
Она, айтинг, илтимос сиздан!
Эртак айтинг, аллалар айтинг,
Бола бўлай яна бир кунга.
Ҳей, боламни уйғотмагин денг,
Шамчироқдан чиққан тутунга!
Толдим она!
Онажон толдим,
Тирикликдан шунча озорми?
Дунё бузуқ тарозуми, ё,
Тарозуси бузуқ бозорми?
Ухлай она,
бошимни силанг,
Қўлингизда сутнинг иси бор.
Юзингизда энг чиройли ранг,
Ва мен учун энг ҳушбўй ифор!
Бунча иссиқ меҳрнинг бағри,
Эрияпди томирларда қон.
Турмуш деган тақдирнинг қаҳри,
Уйғотмасин мени, онажон!

Малика Салимова Ochish/sharhlash

2022-10-30 22:40:01 Ochish/sharhlash

2022-10-27 21:54:58 #davomi

Yo‘q, biz sevishmadik,
Dardlashdik, xolos…
Dardlashish – sevishish degani emas.
Axir o‘ylab ko‘rgin, azim Toshkanga
O‘qigani keldik, sevgani emas.

Men senga “sevaman” desam, bu – yolg‘on,
Sening ishonganing – eng og‘ir xato.
Chunki sof sevgiga bog‘langan inson,
Sevaman deyolmas yoriga aslo.

Sen menga ishonma,
Ko‘nglim – xiyobon…
Har kun yurib o‘tar undan qanchasi.
Har kecha tinmagan daydi shamolday
Kezar unda ishqning singan parchasi.

Ha, biz sevishmadik,
Ishq ko‘chasidan
Dardkash telbalardek yurib o‘tdik jim.
Taqdirimiz qanday xotima topar?
Aytib berolmaydi hech bir munajjim.

Dardimni yukladim dardingga qo‘shib,
Qalbingdan bosh olib, darbadar ketdim.
Yozgan xatlarimni burdalab tashla!
Senga arzimayman – tushunib yetdim…

biz sevishmadik,
Dardlashdik, xolos…
Dardlashish – sevishish degani emas.
Axir o‘ylab ko‘rgin, azim Toshkanga
O‘qigani keldik, sevgani emas. Ochish/sharhlash

2022-10-25 21:21:26 Eng qiyin ish

Oldinlari ko’p narsalarni - eng qiyin ish shu bo’lsa kerak deb o’ylardim

Dars berish, biznes qilish, farzand katta qilish, mashhur bo’lish, odamlarni rozi qilish

Unday emas ekan

Eng qiyin ishni endi topdim

Bu

Niyatni to’g’rilab olish

Odam o’zi qilayotgan ishlarini nima uchun qilayotganini bilish

Niyatni to’g’rilash shu qadar qiyinki — niyatim shu deb odam nafaqat boshqalarni, bemalol o’zini ham aldab qo’ya oladi

Miya sekundiga 68 ta so’z tezligida o’ylay oladi

Demak niyat millisekundlarda o’tadi

Buni odamning o’zidan boshqa hech kim sezmaydi.

Shu sababli har qanday ishning eng muhim joyi - niyat

Bu maqolani nega yozdim?

1.Anchadan beri yozmay qo’yganim uchunmi?

2.O’qiganlar tarqatishi uchunmi?

3.O’zimdagi kamchilikni ko’rganim uchunmi?

3-punktni nega qo’shdim? Asl niyatim shu deb o’ylashlari uchunmi?

Niyatni topish shunday savollardan boshlanadi

@azizrakhmov_blog Ochish/sharhlash

2022-10-25 17:44:46 #lirik_chekinish

Yo‘q, biz sevishmadik,
Dardlashdik, xolos…
Dardlashish – sevishish degani emas.
Axir o‘ylab ko‘rgin, azim Toshkanga
O‘qigani keldik, sevgani emas.

Xurshid Abdurashid, "Faqat u qoldi" she'riy to‘plamidan. Ochish/sharhlash

2022-10-24 15:14:30 Ochish/sharhlash